Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Fimmtudagur, 26. apríl 2018
n/a  n/a m/s
C
Landbankinn
huni.is - RSS-efnisveita
 
Á döfinni
Apríl 2018
SMŢMFFL
1234567
891011121314
15161718192021
22232425262728
293012345
FyrriNúnaNćsti
Veðurstofa Íslands
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
03:06 n/a n/a  0°C
Vegagerðin
Holtavörđuh. 02:00 NNV 6 -2°C
Laxárdalsh. 01:50 NNA 8 -1°C
Vatnsskarđ 01:50 ANA 3 -1°C
Ţverárfjall 02:00 NA 2 -2°C
Kjalarnes 02:00 A 6 3°C
Hafnarfjall 02:00 NNA 2 3°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
13. apríl 2018
Aprílnöldur
Í byrjun þessa mánaðar voru haldnir sex opnir fundir til kynningar á sameiningu sveitarfélaganna í sýslunni. Það var ráðgjafafyrirtækið Ráðrík sem boðaði til fundanna og fór fundarsókn fram úr björtustu vonum. Ráðrík er í eigu þriggja kvenna og með lögheimili á Dalvík.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
21. apríl 2018
Eftir Inga Heiðmar Jónsson
18. apríl 2018
Eftir Guðjón S. Brjánsson
12. apríl 2018
Frá Húnakórnum
12. apríl 2018
Eftir Sigurbjörn Þorkelsson
30. mars 2018
Eftir Magnús Ólafsson
28. mars 2018
Eftir Sigurbjörn Þorkelsson
25. mars 2018
Eftir Inga Heiðmar Jónsson
25. mars 2018
Nöldriđ | 13. apríl 2018 - kl. 22:24
Aprílnöldur

Í byrjun þessa mánaðar voru haldnir sex opnir fundir til kynningar á sameiningu sveitarfélaganna í sýslunni. Það var ráðgjafafyrirtækið Ráðrík sem boðaði til fundanna og fór fundarsókn fram úr björtustu vonum. Ráðrík er í eigu þriggja kvenna og með lögheimili á Dalvík. Það var ráðið til að veita sveitastjórnum sýslunnar aðstoð og ráðgjöf vegna fyrirhugaðrar sameiningu sýslunnar. Ekki er annað hægt að segja en konurnar sem stjórnuðu fundinum hér á Blönduósi hafi gert það af röggsemi og mætt vel undirbúnar og þetta var hinn besti fundur sem rúlmlega 60 manns sóttu. Engin andmæli við sameiningu heyrði ég á þessum fundi. Kunningi minn búsettur í Húnavatnshreppi sagði þar hafa orðið hugarfarsbreytingu og taldi fleiri en áður hlynnta sameiningu og aldrei að vita hvernig kosning um hana færi þar. Hver hugur Skagstrendinga er til sameiningar, þori ég ekki að spá um. En undur og stórmerki væru það ef þeir væru orðnir jákvæðir að sameinast Blönduósingum.

Á  Blönduósfundinum var rætt um þennan viðvarandi ótta sýslunga okkar þegar ræða á um sameiningu, að Blönduós muni draga allt til sín og umræður spunnust um hvað það gæti verið sem Blönduósingar gæti dregið til sín frá samsýslungum sínum og var fátt um svör. Íbúar sem áður tilheyrði Engihlíðarhreppi og voru á fundinum létu vel af sameiningunni við Blönduós sem varð fyrir ekki svo löngu síðan og vildu ekki meina að líf þeirra hefði snúist á verri veg þrátt fyrir að tilheyra stærri einingu og létu þeir vel af sér.

Margir voru á faraldsfæti um páskana, enda veður tiltölulega rólegt og ekkert varð úr páskahretinu.  Það var gríðarleg umferð hér í gegn um bæinn þessa helgi og margir sem stoppuðu í N1. Þar með byrjaði bílastæðavandamálið sem var viðvarandi þar s.l. sumar. Margir lögðu leið sína í Tindastól á skíði og er stórkostlegt að hafa þetta fína skíðasvæði Skagfirðinga hér rétt hjá okkur og geta notið þess. En útvarpsmálin á Þverárfjalli lagast lítið. Á stórum svæðum heyrist ekkert í RÚV, útvarpi allra landsmanna, sem á að vera þetta mikla öryggistæki. Bylgjan heyrist nánast alla leiðina yfir Þverárfjall til Sauðárkróks, en RÚV er alltaf að detta út. Fyrst hélt ég að útvarpstækið í bílnum mínum væri svona lélegt, en ég hef heyrt þetta frá fleirum. Mér er sagt að sitt hvort fjarskiftafyrirtækið þjónusti þessi tvö útvarpsfélög og er annað þeirra greinilega svona mikið betra en hitt.

Þá hefur einn framboðslisti fyrir sveitastjórnarkosningarnar í vor litið dagsins ljós og hljóta að birtast fleiri innan skamms. Við skulum þó vona að fjöldi þeirra verði innan hóflegra marka, svo við lendum ekki í framboðsrugli eins og er orðið viðvarandi í  Reykjavík. Það sem mestu máli skiftir í svona litlu samfélagi eins og við búum í, er að heiðarlegt fólk sem vill leggja það á sig að vinna fyrir bæinn sinn bjóði sig fram og þá finnst mér ekki skipta nokkru máli hvaða flokk það kýs í alþingiskosningum, heldur að það sé tilbúið að starfa af heilindum fyrir okkur öll.

Þessi vetur hefur í mínum huga verið ótrúlega fljótur að líða og nú kemur sumarið eftir nokkra daga. Ég óska Húnvetningum öllum gleðilegs sumars og vona að það verði okkur gott og gjöfult með sæta langa sumardaga.

Með sumarkveðju, Nöldri.

Höf. Nöldri
Duglegir krakkar í Blönduskóla
Duglegir krakkar í Blönduskóla
Fréttir | 25. apríl 2018 - kl. 16:48
Dagur jarðar var víða haldinn hátíðlegur á sunnudaginn. Þar sem börn í Blönduskóla eru ekki í skólanum á sunnudögum drifu nemendur nokkurra bekkja sig út á mánudaginn til að taka þátt og leggja sitt af mörkum fyrir náttúruna og bæinn okkar.
Sameining A-Hún
Fréttir | 25. apríl 2018 - kl. 16:40
Prjónagraffarar ætla að hittast í Kvennaskólanum hjá henni Jóhönnu Erlu kl. 17-19 á fimmtudaginn. Á síðasta fundi töldu viðstaddir 69 stauraskraut. Nauðsynlegt er að endurnýja það sem var á brúnni, en það skraut “lifir” aldrei nema eitt sumar.
Glaðheimar
Fréttir | 25. apríl 2018 - kl. 09:58
Vortónleikar Karlakórsins Lóuþræla verða í félagsheimilinu á Hvammstanga, laugardaginn 28. apríl og hefjast klukkan 21:00. Söngstjóri er Ólafur Rúnarsson, Elinborg Sigurgeirsdóttir sér um undirleik og einsöngvarar eru Friðrik M. Sigurðsson, Guðmundur Þorbergsson og Skúli Einarsson. Dagskráin er fjölbreytt að vanda.
Fréttir | 25. apríl 2018 - kl. 09:35
Framboðslisti Skagastrandarlistans (H-listi) fyrir komandi sveitarstjórnarkosningar var samþykktur á fjölmennum fundi stuðningsmanna sem haldinn var í Bjarmanesi í gær. Halldór G. Ólafsson leiðir listann, Péturína Laufey Jakobsdóttir er í öðru sæti og Róbert Kristjánsson í því þriðja. Adolf H. Berndsen skipar 10. sæti listans. Val á listann fór þannig fram að boðað var til opins fundar viku fyrr þar sem tekin var ákvörðun um að standa að framboði.
Fréttir | 25. apríl 2018 - kl. 09:18
Framboðsfrestur til að skila inn framboðslistum vegna komandi sveitarstjórnarkosninga rennur út klukkan 12 á hádegi laugardaginn 5. maí næstkomandi. Kjörstjórn Blönduósbæjar tekur á móti framboðslistum þann dag frá klukkan 10 til 12 á hádegi. Sveitarstjórnarkosningarnar fara fram laugardaginn 26. maí.
Tilkynningar | 25. apríl 2018 - kl. 09:07
Heimilið Skúlabraut, Blönduósi óskar eftir sumarafleysingu. Um er að ræða 100% samþætt starf matráðar og á hæfingarstöð. Annars vegar sér starfsmaður um matseld og framreiðslu á mat, frágang og þrif. Hins vegar felst í starfinu að aðstoða fatlað fólk við athafnir daglegs lífs.  Umsækjendur skulu hafa náð 18 ára aldri.
Stóri fyrirtækjadagurinn á Húnavöku 2016
Stóri fyrirtækjadagurinn á Húnavöku 2016
Fréttir | 24. apríl 2018 - kl. 18:39
Fundur með umsjónaraðila Húnavöku 2018
Fundur verður haldinn fimmtudagskvöldið 26. apríl n.k. kl. 19:30 í norðursal íþróttahússins á Blönduósi. Umræðuefni fundarins er: Stóri fyrirtækjadagurinn sem haldinn hefur verið á Húnavöku síðustu ár. Ákveða á hvort halda eigi þessum degi áfram eða ekki.
Elín Sigurðardóttir, forstöðumaður safnsins. Ljósm: Anna Margret Sigurðardóttir.
Elín Sigurðardóttir, forstöðumaður safnsins. Ljósm: Anna Margret Sigurðardóttir.
Fréttir | 24. apríl 2018 - kl. 09:35
Ársfundur Heimilisiðnaðarsafnsins var haldinn í gær, 23. apríl í safninu. Fundarstjóri var Ásgerður Pálsdóttir. Á fundinum las Elín Sigurðardóttir, forstöðumaður safnsins, upp ársskýrslu og ársreikninga safnsins fyrir árið 2017. Einnig gerði hún fundinum grein fyrir rekstraráætlun og starfsemi safnsins fyrir árið 2018.
Tilkynningar | 24. apríl 2018 - kl. 08:55
Sóknarnefnd Þingeyraklausturskirkju óskar eftir að ráða staðarvörð til að sjá um leiðsögn í kirkjunni,  innheimtu þjónustugjalds og önnur tilfallandi verkefni. Viðkomandi þarf að hafa ríka þjónustulund og hafa gott vald á að minnsta kosti einu erlendu tungumáli. Umsóknarfrestur er til 15. maí næstkomandi.
Frá æfingabúðunum á Blönduósi. Ljósm: Tindastóll/Þeyr Guðmundsson.
Frá æfingabúðunum á Blönduósi. Ljósm: Tindastóll/Þeyr Guðmundsson.
Fréttir | 24. apríl 2018 - kl. 08:53
Júdófélagið Pardus á Blönduósi stóð fyrir æfingabúðum í júdó um síðustu helgi þar sem iðkendur frá júdódeildum Tindastóls og UMF Selfoss komu í heimsókn. Um fimmtíu júdóiðkendur og þjálfarar tóku þátt í æfingabúðunum, sem voru sambland af júdóæfingum og afþreyingu utan æfingatíma. Sagt er frá þessu á vef Tindastóls og er Pardusi hrósað fyrir gestrisni og vel lukkaðar æfingabúðir.
Tilkynningar | 23. apríl 2018 - kl. 16:18
SAH-Afurðir ehf. á Blönduósi óska eftir að ráða starfsmann í kjötvinnslu sem fyrst til starfa í 100% starf. Umsóknarfrestur er til og með 10. maí næstkomandi. Nánari upplýsingar veitir í síma 455 2200 eða á netfanginu vala@sahun.is – móttaka umsókna er á sama netfang.
Tilkynningar | 23. apríl 2018 - kl. 15:55
Frá sóknarnefnd
Aðalsafnaðarfundur Þingeyrasóknar verður haldinn í Klausturstofu mánudaginn 30. apríl næstkomandi klukkan 20:00. Á dagskrá fundarin eru venjuleg aðalfundarstörf, deiliskipulag við Þingeyraklausturskirkju, sumaropnun kirkjunnar og önnur mál.
Tilkynningar | 23. apríl 2018 - kl. 11:13
Tilkynning frá sóknarpresti
Fermingarmessa verður í Blönduósskirkju laugardaginn 28. apríl og hefst kl. 11:00.
Frá Húnavöku
Frá Húnavöku
Tilkynningar | 23. apríl 2018 - kl. 11:08
Tilkynning frá umsjónaraðila Húnavöku 2018
Bæjarhátíðin Húnavaka verður haldin dagana 20. - 22. júlí n.k. Hátíðin verður með hefðbundnu sniði líkt og undanfarin ár, þó eru alltaf einhverjar breytingar.
 
Prenta Prenta  
 
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ