Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 23. september 2018
SA  6 m/s
C
Olís
huni.is - RSS-efnisveita
 
Á döfinni
September 2018
SMŢMFFL
2627282930311
2345678
9101112131415
16171819202122
23242526272829
30123456
FyrriNúnaNćsti
Veðurstofa Íslands
Blönduós 10:00 SA 6  2°C
Reykir í Hr 10:00 SA 2  1°C
Reykjavík 10:00 ANA 2  3°C
Akureyri - 10:00 SSA 3  2°C
Egilsstaðaf 10:00 S 4  2°C
Haugur 10:00 SSA 5  2°C
Holtavörðuh 10:00 S 6  0°C
Þverárfjall 10:00 SSV 1  0°C
Laxárdalshe 10:00 V 2  1°C
Brúsastaðir 10:00 SA 5  3°C
Vegagerðin
Holtavörđuh. 10:40 S 7 -0°C
Laxárdalsh. 10:40 VSV 2 1°C
Vatnsskarđ 10:40 SA 4 1°C
Ţverárfjall 10:40 SSV 1 0°C
Kjalarnes 10:40 98.07 3°C
Hafnarfjall 10:40 SSA 4 5°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
17. september 2018
Njótum hausthúmsins
Þrátt fyrir leiðinda tíðarfar þetta sumarið, hefur það liðið ótrúlega fljótt og ég hef tilfinningu fyrir því að þeir sem starfa hér við að þjónusta ferðamenn séu nokkuð ánægðir með útkomu sumarsins. Við Blönduósingar héldum okkar hefðbundnu sumarhátíðir sem vera ber og nú síðast gladdist hestafólk yfir veðurblíðu í hrossarekstri af Laxárdal.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Eftir Sigurbjörn Þorkelsson
20. ágúst 2018
Frá Júdófélaginu Pardusi
13. ágúst 2018
Eftir Inga Heiðmar Jónsson
13. ágúst 2018
Eftir Sigurbjörn Þorkelsson
02. ágúst 2018
Íslenskar þjóðsögur/Heimur. Teikningar: Freydís Kristjánsdóttir. F.v.: Guðmundur góði. Skugginn. Sæmundur á selnum.
Íslenskar þjóðsögur/Heimur. Teikningar: Freydís Kristjánsdóttir. F.v.: Guðmundur góði. Skugginn. Sæmundur á selnum.
Pistlar | 29. ágúst 2018 - kl. 09:05
Stökuspjall: Eg var oftast að lesa
Eftir Inga Heiðmar Jónsson
Úti í Hofssókn standa bæirnir þétt suður af Króksbjarginu, en sunnan og ofan bæjahverfisins eru jarðirnar Skeggjastaðir, kirkjustaðurinn Hof og Skagabúð, félagsheimili Skagamanna sem byggt var undir aldamótin suður frá Hofi í landi Skeggjastaða. 
 
Þar í Skagabúð var nýlega minnt á þjóðsögur og safnarann Jón Árnason sem fæddist á Hofi 1819. Haldinn var bókamarkaður með gömlum bókum en þó var þar á söluborðum ný þjóðsagnabók skreytt teikningum Freydísar Kristjánsdóttur. Þar gleymdust ekki Bakkabræðrasögur, Búkolla eða sögur af Sæmundi fróða og mögnuð er myndin af honum þar sem hann sleppur úr klóm Kölska í Svartaskóla. 
 
Ný bók frá hendi Lárusar Ægis um kvenfélagið Heklu var þar líka til sölu og fleiri bækur nýjar en flestar voru þó allfornar. Bókamarkaðurinn, sem var kynntur með heitinu Jónsdagar á Skaga og stóð í fjóra daga, varð ekki síður tilefni mannfunda, sérstaklega síðasta daginn, þá var afmælisdagur Jóns Árnasonar, föstudaginn 17. ágúst. Komu þá til liðs nafnar hans tveir, Jón Björnsson reifaði kenningu sína um það hvernig Vatnsdalshólar urðu til en Jón Torfason sagði frá Hofskirkju og gripum hennar, setrinu þar sem Árni Illugason lauk prestskap sínum er hann lést 1825 frá ungum syni og þriðju konu sinni, Steinunni ljósmóður frá Harastöðum. Prestur var þá sjötugur, sem var hár aldur fyrir tveimur öldum. Sigríður Sigvaldadóttir, prestfrú í Grímstungu og ættmóðir Snæbirninga og sr. Árni voru bræðrabörn, sonabörn Halldórs prests á Húsafelli, en sr. Illugi tengdafaðir Halldórs var prestur í Grímsey í 36 ár rétt eins og Árni prestur síðar, þó ekki yrðu nema 9 ár. 
 
Ýmsar sögur geymast af mannsköðum í Grímseyjarferðum, s. s. af Árna Eyjafjarðarskáldi sem fór til Grímseyjar eftir matföngum, mátti kasta öllu fyrir borð þegar þeir hrepptu óveður á heimleiðinni, en orti þó um:
Lifi eg enn með láni stóru
liggur það í ættinni
ýsurnar hans Árna fóru
eftir fiskavættinni.
 
Hverfum aftur til nútímans og Bjarna Pálssonar póstafgreiðslumanns á Blönduósi, sem hlustaði á klið jökulelfunnar marga daga ævi sinnar og gerði rammar vísur eins og fleiri ættmenn hans:
Árið gamla er ég kveð
efst er það í sinni.
Gaman væri að geta séð
grein af framtíðinni.
 
Sigvaldi Hjálmarsson frá Skeggstöðum orti:
Bak við aftaneldsins firrð
eitthvað sálin nemur
öræfanna angurkyrrð
yfir hugann kemur.
 
Ingibjörg á Refsteinsstöðum kvað:
Draumaland þó sökkvi í sjá
sjálf í vanda standi
ekkert grandar ylnum frá 
einu handabandi.
 
Guðmundur Þ. Sigurgeirsson Drangsnesi gleymdi ekki innríminu:
Eg hef hnotið oft um stein
af því hlotið trega.
En staka hrotið ein og ein
og yljað notalega.
 
Ofangreindar vísur eru flokkaðar á Húnaflóa - vísnavef sem skáldaþankar utan Grímseyjarsundsvísa Árna Eyjafjarðarskálds. Sú vísa má minna okkur á hlutskipti þeirra er þreyðu öldina nítjándu og aðrar aldir en þurftu öllu að fórna til að verja líf sitt. 
 
Jón  Árnason bókavörður var einn þeirra sem þurfti að vaka lengur en aðrir, í fyrstu til að ná félögum sínum í Bessastaðaskóla en síðar til að hreinskrifa sögur til útgáfu í sjálfri Leipzig. Jón segir í ævisögubroti sínu:„Meðan eg var hjá Egilsen, var ég oftast heima, kynntist mjög fáum og tók ekkert þátt í bæjarlífinu, enda var ei mikið um að vera. Eg var oftast að lesa, enda hefi eg komist það sem eg hefi komist meira af iðni en gáfum." 
 
Tilvísanir:
Gamalt stökuspjall kringum Jón Árnason: https://www.huni.is/index.php?pid=58&cid=13068 
Wikipedia JÁ: https://is.wikipedia.org/wiki/J%C3%B3n_%C3%81rnason_(1819)  
Æviágrip JÁ: http://stikill.123.is/blog/2016/06/21/750654/  
Nokkrar stuttar þjóðsögur: http://stikill.123.is/blog/2016/08/16/753120/   
Efnisyfirlit Húnavöku: http://timarit.is/view_page_init.jsp?issId=384258&pageId=6458112&lang=is&q=H%FAnavaka
 
Ingi Heiðmar Jónsson
Höf. rzg
Fréttir | 22. september 2018 - kl. 09:15
Á vef Blönduósbæjar er menningar-, æskulýðs- og íþróttasamtökum, sem hyggjast sækja um styrki til sveitarfélagsins vegna starfsemi sinnar fyrir árið 2019, bent á að senda þarf umsóknir um slíkt og er umsóknarfrestur til 5. október næstkomandi. Lögð er áhersla á að við móttöku styrkja sé gerður samningur við sveitarfélagið þar sem samstarf er nánar skilgreint. Styrkþegum sem þegið hafa styrki á þessu ári er bent á að skila þarf inn stuttri greinargerð um ráðstöfun styrkja.
Glaðheimar
Frá Hvammstanga
Frá Hvammstanga
Fréttir | 21. september 2018 - kl. 14:35
Sveitarstjórn Húnaþings vestra ætlar að skipa starfshóp um samgöngumál sem verður sveitarstjórn innan handar varðandi tillögugerð og forgangsröðun í vegamálum. Hópurinn á m.a. að kortleggja nauðsynlegar samgöngubætur í héraðinu og leita mögulegra leiða, í samráði við Vegagerðina og stjórnvöld, til þess að hraða framkvæmdum sem kostur er.
Tilkynningar | 20. september 2018 - kl. 22:16
Tilkynning frá HSN
Árleg inflúensubólusetning haustið 2018. Bólusett verður á Heilsugæslustöðinni á Blönduósi og á Heilsugæslustöðinni á Skagaströnd.
Sameining A-Hún
Gagnaver í uppbyggingu á Blönduósi
Gagnaver í uppbyggingu á Blönduósi
Fréttir | 20. september 2018 - kl. 15:47
Lúxemborgska hýsingar- og gagnavinnsluþjónustan Etix Group hefur fjárfest í Borealis Data Centers sem rekur tvö gagnaver á Íslandi; á Blönduósi og á Fitjum í Njarðvík. Með fjárfestingunni er Etix komið með ráðandi hlut eða um 55% í BDC sem hefur formlega skipt um nafn og mun framvegis heita Etix Everywhere Borealis.
Áð í skjóli utan í Spönskudys við Fagradal á Höfðanum
Áð í skjóli utan í Spönskudys við Fagradal á Höfðanum
Fréttir | 20. september 2018 - kl. 10:23
Frá Ólafi Bernódussyni göngustjóra
Í þriðju lýðheilsugöngunni í Austur-Húnavatnssýslu gengu tíu manns saman um Spákonufellshöfða í hvössum norðan vindi og rigningarskúrum. Fólkið henti bara gaman af veðrinu enda allir vel klæddir og tilbúnir að takast á við svolítinn hraglanda. Í gönguferðinni voru ýmsir staðir á Höfðanum skoðaðir og sagðar sögur um atburði sem tengjast þeim og nágrenni Höfðans.
Húnabraut 4
Húnabraut 4
Fréttir | 20. september 2018 - kl. 09:01
Síðastliðinn sunnudag var undirritaður samningur um kaup Ámundakinnar ehf. á eignum Búrfjalla ehf. á Húnabraut 4 á Blönduósi. Um er að ræða rúmlega 500 fermetra verslunar- og iðnaðarhús, auk tæplega 300 fermetra skemmu. Þá fylgir allstórt afgirt geymslusvæði og lóð. Jóhannes Torfason, framkvæmdastjóri Ámundakinnar, segir að markmiðið með kaupunum sé að greiða fyrir og vinna að því að myndast geti heilstætt verslunar- og þjónustusvæði á lóðinni, jafnvel einskonar “mini-moll“ áður en langt um líður.
Fréttir | 20. september 2018 - kl. 08:22
Lögreglan á Norðurlandi vestra hefur lagt aukna áherslu á fíkniefnamál að undanförnu og hafa átta slík mál komið til kasta hennar sem af er september. Hefur lögreglan meðal annars nýtt sér aðstoð fíkniefnaleitarhunda. Sum málanna tengjast akstri undir áhrifum fíkniefna og þakkar lögreglan það auknu umferðareftirliti í umdæminu.
Höskuldsstaðakirkja. Mynd: Kirkjukort.net
Höskuldsstaðakirkja. Mynd: Kirkjukort.net
Fréttir | 19. september 2018 - kl. 21:09
Frá sóknarnefnd
Biskup Íslands frú Agnes Sigurðardóttir heimsækir Höskuldsstaðakirkju miðvikudaginn 26. september næstkomandi klukkan 10:30. Þar verður stutt helgistund og að henni lokinni mun biskup vígja sögutorg sem hlaðið var í sumar í elsta hluta kirkjugarðsins á Höskuldsstöðum. Tilgangur þess er að gera gamla rúnalegsteininn sem hefur verið í kirkjugarðinum frá því fyrir 1400 sýnilegri og aðgengilegri ásamt því að stuðla að varðveislu hans til framtíðar.
Frá Blönduósi.
Frá Blönduósi.
Fréttir | 19. september 2018 - kl. 16:17
Blönduósbær ætlar að sækja um þátttöku í tilraunaverkefni Íbúðarlánasjóðs um uppbyggingu í húsnæðismálum á landsbyggðinni. Tilraunaverkefnið var auglýst nýverið og snýr að því að leita leiða til þess að bregðast við þeim mikla húsnæðisvanda sem ríkir víðsvegar á landsbyggðinni. Verkefnið tekur mið af stjórnarsáttmála ríkisstjórnarinnar þar sem fram kemur að stuðla skuli að eflingu og auknu jafnvægi á húsnæðismarkaði.
Húnvetnskar kótelettur á N4.
Húnvetnskar kótelettur á N4.
Fréttir | 19. september 2018 - kl. 14:27
Fjallað var um Frjálsa kótelettufélagið og húnvetnskar kótelettur í þættinum Að norðan á Norðlensku sjónvarpsstöðinni N4 í gærkvöldi. Rætt var við Valdimar Guðmannsson aðalforsprakka félagsins og Björn Þór Kristjánsson eiganda veitingastaðarins B&S þar sem kótelettukvöldin frægu fara fram. Fylgst er með hvernig Björn Þór hanteraði kóteletturnar, elda þær og bar fram. Sjón er sögu ríkari.
Horft til Spákonufells af Spákonufellshöfða.
Horft til Spákonufells af Spákonufellshöfða.
Fréttir | 19. september 2018 - kl. 11:16
Lýðheilsugöngur Ferðafélag Íslands í september halda áfram í dag klukkan 18 og verður nú gengið um Spákonufellshöfðann á Skagaströnd. Göngustjóri er Ólafur Bernódusson en hann þekkir svæðið betur en flestir aðrir og ætlar hann að segja frá því sem ber fyrir augu. Ólafur segir að gangan muni líklega taka um klukkutíma en það fari vissulega eftir veðri. Spáin gæti verið betri en þá klæði menn sig bara betur. Vonast hann til að sjá sem flesta í göngunni í dag.
Fréttir | 18. september 2018 - kl. 09:09
Á morgun, miðvikudaginn 19. september, hefjast leikfismistímar í styrktar- og teygjuæfingum (engin hopp) í Íþróttamiðstöðinni á Blönduósi. Tímarnir verða einu sinni í viku, á miðvikudögum frá klukkan 18-19. Angela Berthold sjúkraþjálfari hefur umsjón með tímunum og segir hún að ekki þurfi að skrá sig, bara að mæta.
Ljósm: Höskuldur B. Erlingsson
Ljósm: Höskuldur B. Erlingsson
Fréttir | 17. september 2018 - kl. 21:55
Sveitarfélögin fjögur í Austur-Húnavatnssýslu hafa skipað nýja fulltrúa í nefnd um sameiningu sveitarfélaga í Austur-Húnavatnssýslu. Þorleifur Ingvarsson, sem var formaður nefndarinnar fyrir kosningar, sagði í fréttum Ríkisútvarpsins í dag að næsta mál sé að boða fyrsta fund nýrrar sameiningarnefndar. Þar verði kosinn formaður og næstu skref ákveðin. „Nefndin kemur þó varla saman fyrr en eftir landsþing sveitarfélaga sem verður í næstu viku,“ sagði Þorleifur og bætti við að sameining yrði líklega tekin fyrir þar og verði hugsanlega stóra málið.
Fréttir | 17. september 2018 - kl. 21:37
Íþróttaskóli Hvatar hófst í dag en hann er fyrir krakka í 1.-4. bekk og verður fjórum sinnum í viku frá klukkan 14-15, mánudaga til fimmtudaga. Í íþróttaskólanum verður boðið upp á fótboltaæfingar þrisvar í viku fyrir 6. og 7. flokk í hálfum íþróttasalnum og í hinum helmingnum verða ýmsar aðrar íþróttagreinar, leikir og fleira. Á miðvikudögum verður Steinunn Hulda Magnúsdóttir með frjálsíþróttaæfingar og leiki í hálfum salnum.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spurning vikunnar
Hvort er það?
Kótiletta
Kóteletta
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ