Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 21. júlí 2019
NV  2 m/s
10°C
Olís
huni.is - RSS-efnisveita
 
Á döfinni
Júlí 2019
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 12:00 NV 2  10°C
Reykir í Hr 12:00 NNV 8  9°C
Reykjavík 12:00 NV 3  15°C
Akureyri - 12:00 N 2  12°C
Egilsstaðaf 12:00 N 7  9°C
Haugur 12:00 N 3  11°C
Holtavörðuh 12:00 NNV 7  7°C
Þverárfjall 12:00 NNA 6  13°C
Laxárdalshe 12:00 N 8  8°C
Brúsastaðir 12:00 NNV 4  11°C
Vegagerðin
Holtavörđuh. 12:40 NNV 7 8°C
Laxárdalsh. 12:40 N 6 9°C
Vatnsskarđ 12:40 NA 2 15°C
Ţverárfjall 12:40 NNA 6 15°C
Kjalarnes 12:40 V 4 14°C
Hafnarfjall 12:40 NNA 6 17°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Valdimar O. Hermannsson
18. júlí 2019
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Eftir Inga Heiðmar Jónsson
01. júlí 2019
Eftir Sigurbjörn Þorkelsson
01. júlí 2019
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Pistlar | 06. desember 2018 - kl. 09:31
Jólin eru tímalína
Eftir Sigurbjörn Þorkelsson

Hún mamma var alltaf allt í öllu ekki síst á aðventunni og um jólin. Hún skreytti, bakaði og eldaði, saumaði og heklaði. Kom fyrir dúkum og kertum. Sparistellið var að sjálfsögðu dregið fram og silfrið fægt. Við mamma bökuðum saman smákökur og piparkökur sem hún leyfði mér að mála og skreyta. Svo leyfði hún mér að föndra mitt eigið jólaskraut sem átti það náttúrulega til að fara allavega. Hún saumaði á mig jólasveinabúninga sem ég fór varla úr. Alltaf svo natin og þolinmóð við mig, þessi elska. Blessuð sé minning hennar.

Fyrir mér var hún mamma eiginlega jólin. - Ásamt pabba að sjálfsögðu sem ég var alla tíð mjög tengdur og naut þess að fara með í útréttingar, sýsla og stússast. 

Þegar sest var til borðs var jólaguðspjallið ævinlega lesið, áður en pabbi bað borðbæn og þakkaði Guði fyrir að senda okkur son sinn og bað þess að í hjarta okkar hann mætti koma inn. Man ég að mér fannst bænirnar framan af ævinni svona helst til langar því spenningurinn fyrir kvöldinu fór vaxandi og því óþreyjan orðin mikil.

Önnur ofurkona 
Tvítugur kvæntist ég síðan sólinni minni sem aldrei dregur fyrir. Komum því ung með blandaðar jólahefðir til að leggja í púkkið sem voru þó alls ekki svo ólíkar. Í áratugi söng hún við aftansöng á aðfangadagskvöld, oftar en ekki jafnvel einsöng. Það truflaði þó ekki að hún væri klár með stórfenglegt hátíðarborð á tilsettum tíma. Með þrjá unga drengi, foreldra mína, móðursystur og jafnvel fleiri frænkur í mat svo allir gátu notið kvöldsins hamingjusamlega afslappaðir og ríkulega mettir. 

Við eigum þrjá syni sem nú eru uppkomnir en komu jólunum okkar í algjörlega nýjan og dásamlegan búning og farveg, fljótlega vatnsgreiddir í svörtum lakkskóm og jafnvel með skyrtuna upp úr áður en kvöldverði lauk. 

Eftirvæntingin í þá daga var gjarnan mikil eins og jafnan. Og gleðin, þótt vissulega hafi verið álag á heimilinu.

Alzheimer
Að því kom að við fluttum í sama hús og foreldrar mínir sem kom sér vel sérstaklega hin síðari ár eftir að mamma fékk heilablóðfall ofan í hinn illskeytta sjúkdóm, Alzheimer.

Það var mikið áfall fyrir okkur þegar hún tók upp á því að kveikja á öllum aðventukertunum fyrsta sunnudag í aðventu. Pabbi var alveg eyðilagður. Snemma aðfangadags hringdi hann svo niður til okkar alveg miður sín og sagði að hún væri búin að slíta allt skrautið af ný skreyttu jólatrénu. Um kvöldið hafði hún slysast til að taka inn svefntöflu áður en hún kom til okkar og sofnaði svo bara ofan í forréttinn, þennan forláta jólagraut. Var gjörsamlega skræld allri virðingu og reisn. Það var svo óendanlega sárt og það á sjálfum jólunum.

Af hverju að rifja þetta upp?
Og af hverju að vera svo að rifja þetta upp? Af því að svona eru einfaldlega jólin og svona hafa þau alltaf verið. Kynslóðir koma og kynslóðir fara og þau tengja okkur í gleði og sorg.

Og nú eru það barnabörnin sem allt snýst um. Þau veita okkur ómælda gleði og hamingju. Við gætum ekki hugsað okkur lífið án þeirra. Þeirra sem vita bara ekkert um foreldra okkar hjóna. En allt snýst í dag um að og gera jólin að tilhlökkunarefni fyrir, eftirsókanarverð, spennandi og heilög.

Minningarnar lifa
En minningarnar lifa, tengja fortíð við nútíð og framtíð á svo undraverðan og undursamlegan hátt, sem þú sást aldrei fyrir en mátt upplifa, njóta og takast á við hverju sinni, ár eftir ár. Jólin taka nefnilega af okkur síbreytilegar myndir. Þau geyma minningar og myndir sem gera okkur að manneskjum. Þau fá okkur til að finna til og elska út af lífinu. Lífinu sem er frelsari allra kynslóða, Jesús Kristur, Guðs sonur, en einnig bróðir okkar allra, samherji og vinur sem fann til og þjáðist en var eftir allt saman lífið sjálft. Lífið sjálft sem sameinar okkur í tímans rás og um eilífð.

Þannig er nefnilega jólasagan. Hún spannar allt litróf mannlegs lífs. Gleði og hamingju, von og vonbrigði, raunir og ótta. Ótta við dauðann. Já og svo líka bara við lífið. Lífið sjálft sem við munum aldrei ná að höndla í eigin mætti.     

Við kunnum að sjá auða stóla sem áður voru setnir. Við fyllumst söknuði á heilagri jólanótt sem færir okkur samt ólýsanlega kyrrð og frið, þakklæti og nýtt upphaf. Vegna fæðingar barnsins þar sem reynsla aldanna kemur saman, tilfinningar og tár, upplifanir, nýir tímar og þakklæti.

Æfing í samskiptum
Ævigangan er  ekkert annað en æfing í mannlegum samskiptum. Þá ekki síst aðventan og jólin. Því þá speglum við okkur svo skýrt og skilmerkilega í sjálfum okkur og náunganum. Aðventan og jólin taka nefnilega af okkur myndir sem varðveitast í albúmi hugans og mást ekki svo auðveldlega í tímans ranni. Myndum sem  verða að minningum sem fylgja okkur ævilangt.

Góður Guð varðveiti okkur minningarnar, í Jesú nafni. Í nafni jólabarnsins sem við fáum að gjöf, ár eftir ár og daglega, og fær okkur til þess að komast af. Jólabarnsins sem fylgir okkur ekki aðeins ævina á enda heldur um alla eilífð.

Gleðilega, innihalds- og hamingjuríka aðventu, kæru vinir og jól sem aldrei munu enda.

Með kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Veðrið lék við Húnavökugesti í garðinum. Ljósm: Róbert Daníel Jónsson.
Veðrið lék við Húnavökugesti í garðinum. Ljósm: Róbert Daníel Jónsson.
Fréttir | 21. júlí 2019 - kl. 09:29
Hápunktur Húnavökuhátíðarinnar í gær var kvöldskemmtunin í Fagrahvammi. Fjölmargir Blönduósingar og aðrir gestir Húnavöku mætti í blíðskaparveðri í garðinn og nutu skemmtidagskrárinnar. Hún hófst á veitingu umhverfisverðlauna Blönduósbæjar og síðan tók við tónlistarveisla sem Gunni Helga stýrði af sinni alkunni snilld. Fyrstir á svið voru Gunni Óla og Einar Ágúst úr hljómsveitinni Skítamóral og á eftir þeim kom tónlistarmaðurinn Daði Freyr með sína taktföstu raftónlist. Stórsöngvarinn Helgi Björns mætti svo í fyrsta sinn á Húnavöku og tók sína bestu slagara við frábærar viðtökur Húnavökugesta.
Við riffilbrautina á skotsvæði Markviss. Ljósm: FB/Skotf. Markviss
Við riffilbrautina á skotsvæði Markviss. Ljósm: FB/Skotf. Markviss
Fréttir | 21. júlí 2019 - kl. 08:51
Fjölmargir gestir Húnavöku gerðu sér ferð á skotsvæði Skotfélagsins Markviss í gær á opnum degi sem félagið stóð fyrir. Gestir gátu kynnt sér uppbygginguna á svæðinu og reynt sig við leirdúfur og skotmörk, undir öruggri handleiðslu félagsmanna. Síðdegis fór hið árlega Höskuldsmót fram og voru keppendur átta talsins. Mótið var æsispennandi á köflum þar sem bæði áttust við hjón og feðgar.
Glaðheimar
Frá Blönduósvelli í dag.
Frá Blönduósvelli í dag.
Fréttir | 20. júlí 2019 - kl. 19:21
Afríka var tekin í bakaríið á Blönduósvelli í dag þegar leikin var 10. umferðin á Íslandsmótinu í knattspyrnu karla 4. deild, B-riðli. Sameiginlegt lið Kormáks og Hvatar átti ekki í vandræðum með lið Afríku sem situr á botni riðilsins með ekkert stig. Leikurinn endaði 8-1. Leikurinn fór rólega af stað en í seinni hálfleik brustu allar flóðgáttir og mörkunum rigndi inn. Markamaskínan Diego Moreno Minguez skoraði fjögur mörk í leiknum, Hilmar Þór Kárason tvö og þeir Hlynur Rafn Rafnsson og Sveinbjörn Guðlaugsson sitt hvort markið.
Sameining A-Hún
Framundan er kvöldvaka á Húnavöku.
Framundan er kvöldvaka á Húnavöku.
Fréttir | 20. júlí 2019 - kl. 19:06
Húnavökuhátíðin á Blönduósi stendur nú sem hæst. Veðrið hefur leikið við Blönduósinga og gesti þeirra í allan dag hafa viðburði á hátíðinni verið vel sóttir. Fullt var út úr dyrum á kótelettukvöldi í Eyvindarstofu í gærkvöldi og mikil stemning. Sögugangan í gamla bænum var mjög vel sótt sem og stórdansleikur með Á móti sól í Félagsheimilinu. Fjöldi hlaupara tóku þátt í Blönduhlaupi og Höskuldsmótið í skotfimi gekk vel. Framundan er kvöldvaka í Fagrahvammi þar sem umhverfisverðlaun Blönduósbæjar verða veitt og landskunnir tónlistarmenn troða upp.
Met þátttaka var á golfmótinu
Met þátttaka var á golfmótinu
Fréttir | 20. júlí 2019 - kl. 17:57
Metþátttaka var á Opna Gámaþjónustumótinu í golfi sem haldið var í dag í Vatnahverfisvelli. Allar aðstæður voru eins og best verður á kostið, veðrið gott og völlurinn frábær. Spilaðar voru 18 holur í einum flokki og var fyrirkomulagið punktakeppni með forgjöf. Sigurvegari varð Jóhannes Kári Bragason úr Golfklúbbnum Ós. Greta Björg Lárusdóttir úr Golfklúbbnum Ós varð í öðru sæti og Valgeir M Valgeirsson úr Golfklúbbnum Ós í því þriðja.
Fréttir | 19. júlí 2019 - kl. 20:13
Blönduósbær auglýsir á vef sínum eftir tilboðum í skólamáltíðir Blönduskóla og leikskólans Barnabæjar skólaárið 2019-2020. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag. Útboðsgögn fást afhent í tölvupósti og skal senda beiðni þar um á blonduos@blonduos.is. Tilboð verða opnuð á skrifstofu Blönduósbæjar klukkan 11:00 þann 30. júlí næstkomandi.
Frá Vatnahverfisvelli. Ljósm: FB/Golfkl. Ós
Frá Vatnahverfisvelli. Ljósm: FB/Golfkl. Ós
Fréttir | 19. júlí 2019 - kl. 20:05
Frábær þátttaka verður á Opna Gámaþjónustumótinu í golfi sem haldið verður á Vatnahverfisvelli við Blönduós á morgun. Ræst verður út á öllum teigum á slaginu klukkan níu og eru öll holl gott sem full en þau rúma 36 manns samtals. Skráningu á mótið lauk í kvöld klukkan 19. Keppt verður í punktakeppni með forgjöf í einum flokki. Hámarksleikforgjöf kerla og kvenna er 36. Það stefnir í spennandi keppni í Vatnahverfi á morgun.
Fréttir | 19. júlí 2019 - kl. 11:27
Hafrannsóknarstofnun hvetur veiðifélög og stangveiðimenn til að gæta hófsemi í veiði og að sleppa sem flestum löxum aftur eftir veiði. Það sé mikilvægt til að hrygningarstofninn í haust verði eins sterkur og unnt er. Laxveiði í ám landsins hefur verið með minnsta móti í sumar og eru nokkrar ástæður fyrir því að sögn Hafrannsóknarstofnunar.
Blönduós. Ljósm: Róbert Daníel Jónsson
Blönduós. Ljósm: Róbert Daníel Jónsson
Fréttir | 19. júlí 2019 - kl. 10:42
Það er spennandi dagur framundan á Húnavöku í dag. Sundlaugin opnaði klukkan átta í morgun og þar er hægt að fá ilmandi kaffibolla í heita pottinn á meðan börnin leika sér í rennibrautinni. Risapúsl er komið á planið við skólann og er mikil áskorun að reyna sig við stærsta púsl landsins. Í hádeginu ætlar Ístex að opna hús sitt fyrir gestum og gangandi sem geta kynnt sér nýjustu tækni í vinnslu ullar. Eftir hádegi er hægt að kíkja í grill hjá SAH-Afurðum og á opið hús hjá Vilko/Prima. Húnavökutilboð verður í boði á völdum vörum. Þá er hægt að skella sér niður á höfn og dorga.
Fréttir | 19. júlí 2019 - kl. 10:22
Ár og dagar eru síðan tónlistarmaðurinn Helgi Björnsson hefur spilað, skemmt og komið fram í Austur-Húnavatnssýslu en eins og allir vita er hann ókrýndur sveitaballakóngur Íslands með hljómsveitinni SSSól á sínum tíma. Nú verður loks breyting á því Helgi ætlar að troða upp á kvöldvökunni í Fagrahvammi á laugardagskvöldi Húnavöku sem nú er haldin á Blönduósi.
Arkarinn Eva
Arkarinn Eva
Fréttir | 19. júlí 2019 - kl. 09:36
Hún kallar sig Arkarinn Eva og er 16 ára stúlka sem er að ganga hringinn í kringum Ísland til styrktar Barnaspítalanum. Eva Bryndís Ágústsdóttir er Hafnfirðingur og hóf hún göngu sína úr Hafnarfirði 16. júní síðastliðinn og hefur gengið allt Suðurlandið og Austurlandið og er núna komin að Varmahlíð. Hún gengur yfirleitt um 35 kílómetra á dag og mun því ganga í gegnum Blönduós um Húnavökuhelgina.
Veitt í Svartá. Ljósm: AÞ
Veitt í Svartá. Ljósm: AÞ
Fréttir | 18. júlí 2019 - kl. 16:25
Enn er laxveiðin dræm í húnvetnsku laxveiðiánum sem skráðar eru á lista Landssambands veiðifélaga yfir 75 aflahæstu árnar. Mest hefur veiðst í Miðfjarðará eða 307 laxar og situr hún í þriðja sæti listans á eftir Eystri-Rangá og Urriðafossi í Þjórsá. Á sama tíma í fyrra hafði áin skilað 759 löxum. Vikuveiðin nú nam þó 105 löxum sem lofar góðu. Blanda hefur skilað 265 löxum sem af er en vikuveiðin var 90 laxar. Á sama tíma í fyrra höfðu veiðst 515 laxar í ánni.
Unglingaflokkur
Unglingaflokkur
Fréttir | 18. júlí 2019 - kl. 16:04
Gæðingamót Þyts 2019 var haldið um síðustu helgi og var um opið mót að ræða. Veðrið var eins og best verður á kosið. Knapi mótsins var valinn af dómurum, Jóhann B. Magnússon en hann sigraði í 100 metra skeiði og í A flokki, ásamt því að ná öðru hrossi inn í úrslit og var með hross í úrslitum í B flokki. Glæsilegasti hestur mótsins var valinn Eldur frá Bjarghúsum sem sigraði í B flokki með einkunnina 8,84.
Fréttir | 18. júlí 2019 - kl. 12:17
Myndlistasýning verður á Húnavöku en Jóhann Sigurðsson, borinn og barnfæddur Blönduósingur, sýnir þar um 20 myndir sem hann hefur málað á síðastliðnum tveimur árum. Þetta er önnur sýning hans en hún opnar formlega í Íþróttamiðstöðinni á Blönduósi á Húnavöku helgina 19. – 21. júlí.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ