|
07:01 |
08. apr. 2021 |
Vilja endurnýja veginn yfir Kjöl með einkaframkvæmd
Fimm þingmenn Sjálfstæðisflokks hafa lagt fram á Alþingi tillögu til þingsályktunar um endurnýjun vegarins yfir Kjöl með einkaframkvæmd. Sambærilegt mál hefur í þrígang verið flutt á Alþingi en ekki náð fram að ganga. Flutningsmenn tillögunnar vilja að Alþingi álykti að fela samgöngu- og sveitarstjórnarráðherra að hefja undirbúning að endurnýjun vegarins og geri hann að vegi sem hægt sé að halda opnum stóran hluta ársins. |
|
15:37 |
07. apr. 2021 |
Samningur um áfangastaðastofu Norðurlands
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, hefur undirritað samning við Samtök sveitarfélaga á Norðurlandi vestra og Samtök sveitarfélaga og atvinnuþróunar á Norðurlandi eystra um stofnun áfangastaðastofu á Norðurlandi. Sagt er frá þessu á vef SSNV. |
|
15:31 |
07. apr. 2021 |
Frá Félags- og tómstundastarfinu á Blönduósi
Félags- og tómstundarstarfið okkar á Þverbraut 1 á Blönduósi verður opið frá klukkan 14-17 á mánudögum og fimmtudögum fyrir handavinnu og á þriðjudögum fyrir spilamennsku. Heilbrigðisráðaneytið hefur veitt okkur undanþágu til að taka á mót 18 manns hverju sinni. Von okkar er að sem flestir geti nýtt sér þessa þjónustu. |
|
11:08 |
07. apr. 2021 |
Undrun og vonbrigði yfir lágu framlagi til uppbyggingu innviða á Norðurlandi vestra
Stjórn Samtaka sveitarfélaga á Norðurlandi vestra lýsir yfir undrun og vonbrigðum yfir lágu framlagi úr Landsáætlun um uppbyggingu innviða á Norðurlandi vestra. Af 86 verkefnum sem skilgreind eru í áætluninni eru aðeins þrjú á Norðurlandi vestra sem fá samtals 1% af þeirri heildarfjárhæð sem úthlutað er árin 2021-2023. |
|
10:47 |
07. apr. 2021 |
Skorað á RARIK að endurskoða fasta staðsetningu starfa í Reykjavík
Stjórn Samtaka sveitarfélaga á Norðurlandi vestra skorar á RARIK að endurskoða fasta staðsetningu starfa í Reykjavík og auglýsa þess í stað störf án staðsetningar. Þannig stuðli fyrirtækið að áframhaldandi uppbyggingu starfsstöðva sinna á landsbyggðinni, þar sem viðskiptavinir þess eru staðsettir. Þetta kemur fram í bókun stjórnar SSNV frá fundi sínum í gær. |
|
09:34 |
07. apr. 2021 |
Yfir tvö þúsund skammtar af bóluefni til HSN
Í dag fær Heilbrigðisstofnun Norðurlands 1.100 skammta af AstraZeneca bóluefninu og 1.200 skammta af Pfizer bóluefninu. AstraZeneca bóluefnið verður nýtt til að klára bólusetja íbúa fædda 1951 og eldri. Pfizer bóluefnið verður nýtt í seinni bólusetningu þeirra sem fengu bóluefni 16.-19. mars og fyrri bólusetningu hjá heilbrigðisstarfsmönnum sem vinna utan stofnana við heilbrigðisstörf og hefja bólusetningu hjá íbúum sem með undirliggjandi sjúkdóma og fæddir 1952-56. |
|
09:23 |
07. apr. 2021 |
Tæpar tvær milljónir úr Sprotasjóði
Félags- og skólaþjónusta A-Hún. hefur fengið úthlutað 1,9 milljón krónur úr Sprotasjóði mennta- og menningarmálaráðuneytisins fyrir skólaárið 2021-2022. Styrkurinn er fyrir verkefnið Lærdómssamfélagið í skólum í Austur-Húnavatnssýslu og eru samstarfsstofnanir: Höfðaskóli, Barnaból, Blönduskóli, Barnabær, Húnavallaskóli og Vallaból. |
|
09:08 |
07. apr. 2021 |
Kallað eftir ábendingum við tillögur starfshóps
Íbúum í Húnaþingi vestra gefst nú kostur á að koma með ábendingar við tillögur starfshóps sem skipaður var til að rýna teikningar fyrir fjölnota rými í austurenda Íþróttamiðstöðvar Húnaþings vestra, sem m.a. er ætlað fyrir fólk með sértækar þarfir og aðstöðu fyrir keppnislið. Starfshópurinn átti einnig að koma með hugmyndir að framtíðarskipulagi útisvæðis við sundlaugina. Hægt er að senda inn ábendingar til og með 8. apríl næstkomandi. |
|
14:20 |
06. apr. 2021 |
Viðburðadagatal á vef Blönduósbæjar
Blönduósbær hefur opnað viðburðadagatal á vef sveitarfélagsins. Dagatalið er hugsað til þess að halda saman öllum viðburðum í sveitarfélaginu á einum stað og til að auðvelda bæjarbúum og gestum bæjarins að sjá hvað um sé að vera á svæðinu, að því er segir í tilkynningu á vef Blönduósbæjar. |
|
15:13 |
05. apr. 2021 |
Spánskir fyrir sjónir Kormáks Hvatar
Frá Kormáki Hvöt
Knattspyrnulið Kormáks Hvatar hefur undanfarin ár leitað sér liðsstyrks á Spáni með mjög góðum árangri. Skemmst er að minnast landnema á borð við markmanninn Miguel Martinez Martinez, sem enn veldur framherjum fjórðu deildar enn martröðum; varnarvitans Domi sem kom gríðarlega sterkur inn fyrir nokkrum árum og hefur nú ljáð Tindastóli krafta sína og svo sjálfs Marka-Minguez sem sló öll skorunarmet og þandi netmöskvana á þriðja tug sinna sumarið sem hann dvaldi nyrðra. |
|
10:28 |
05. apr. 2021 |
Eitt sameinað sveitarfélag sterkara
Í fréttum Ríkisútvarpsins um helgina var fjallað um sameiningar sveitarfélaga og sagt frá því að í sumar og haust verði kosið um sameiningar í 11 sveitarfélögum, fjórum á Norðvesturlandi, tveimur á Norðausturlandi og fimm á Suðurlandi. Rætt er m.a. við Jón Gíslason, oddvita sveitarstjórnar Húnavatnshrepps en hann er jafnframt formaður samstarfsnefndar um sameiningu í Austur-Húnavatnssýslu. |
|
21:32 |
03. apr. 2021 |
Bílar sátu fastir í ís á Kjalvegi
Björgunarfélaginu Blöndu barst útkall gærkvöldi vegna tveggja bíla sem sátu fastir í ís og klaka á Kjalvegi. Flugbjörgunarsveitin frá Varmahlíð var einnig fengin til aðstoðar og var viðbúnaður því nokkur. Saga þurfti ísinn í kringum annan bílinn til þess að hægt væri að draga hann upp úr ísvatninu. Ekki urðu slys á fólki og var aðgerðum lokið skömmu eftir miðnætti. |
|
15:27 |
03. apr. 2021 |
Húnar endurnýja Húna 3
Björgunarsveitin Húnar í Húnaþingi vestra keypti nýverið Toyota Hiace bifreið af Hjálparsveit Skáta í Kópavogi. Leysir hún af hólmi eldri bifreið, Húna 3. Bifreiðin er búin fjarskiptatækjum, ljósum og öðrum búnaði sem til þarf og er hún merkt samkvæmt nýjum staðli Slysavarnarfélagsins Landsbjargar. |
|
11:42 |
03. apr. 2021 |
Skógræktarátak í hlíðum Spákonufells
Í sumar verður stórhuga skógræktaráætlun hleypt af stokkunum á skógræktarsvæði Skógræktarfélags Skagastrandar í hlíðum Spákonufells. Skógrækt ríkisins og Sveitarfélagið Skagaströnd hafa gert með sér samning um átakið með aðkomu skógræktarfélagsins. Áætlað er að gróðursetja 176 þúsund plöntur af ýmsum tegundum á um 80 hektara svæði í Spákonufellinu. |
|
11:26 |
03. apr. 2021 |
Norðanhríð í kvöld
Gul veðurviðvörun er í gildi á Norðurlandi vestra í dag en spáð er suðvestan stormi fram eftir degi og norðan hríð í kvöld. Hvassviðrið byrjaði í gærkvöldi og nú er suðvestan 5-25 m/s og snarpar vindhviður við fjöll. Í kvöld snýst vindur og er spáð norðan 10-15 m/s með talsverðri snjókommu eða skafrenningi. Búast má við lélegu skyggni og versnandi færð. Veður fer ört kólnandi og líkur eru á mikilli hálku. |
Til baka
Loka
Prenta
