|
10:18 |
06. feb. 2020 |
Sameiningaviðræður að fara af stað aftur
Jón Gíslason, formaður sameiningarnefndar sveitarfélaga í Austur-Húnavatnssýslu, sagði í samtali við Ríkisútvarpið í gær að sameiningaviðræður væru að fara af stað aftur núna. Hlé hafi verið gert á þeim síðastliðið vor og ákveðið að bíða og sjá hvað yrði úr væntanlegri lagasetningu. Sagði hann að alltaf hafi verið horft til þess að viðræðum lyki með kosningum og sameining tæki gildi við næstu sveitarstjórnarkosningar árið 2022. |
|
20:51 |
05. feb. 2020 |
Samningur um fýsileikakönnun á auknu samstarfi safna og setra á Norðurlandi vestra
Samtök sveitarfélaga á Norðurlandi vestra hafa gert samning við Rannsóknasetur Háskóla Íslands á Ströndum um gerð fýsileikakönnunar um aukið samstarf og mögulegar sameiningar safna á Norðurlandi vestra. Um er að ræða verkefni sem hefur vísun í byggðaáætlun 2018-2024 og er fjármagnað af mennta- og menningarmálaráðuneytinu. Markmið verkefnisins er að efla safnastarf í landshlutum. |
|
17:00 |
05. feb. 2020 |
Feðgar spiluðu saman í sigri Kormáks/Hvatar
Á vef Feykis er sagt frá húnvetnskum feðgum sem spiluðu saman í 30 mínútur í leik á Kjarnafæðismótinu í knappspyrnu á dögunum. Þetta eru þeir Bjarki Már Árnason og Björn Jökull Bjarkason sem spila fyrir sameiginlegt lið Kormáks og Hvatar. Bjarki Már er fæddur árið 1978 og Björn Jökull árið 2006. Leikurinn fór fram á snjóugum gervigrasvelli KA-manna, gegn Samherja og hafðist sigur 4-2. |
|
16:44 |
05. feb. 2020 |
Samkomulag um vettvangslið á Skagaströnd
Heilbrigðisstofnun Norðurlands og Björgunarsveitin Strönd hafa gengið frá samkomulagi um uppsetningu vettvangsliðs á Skagaströnd. Samkomulagið gengur út á samstarf um þjálfun og tækjabúnað vettvangsliðs á vegum björgunarsveitarinnar. Sagt er frá þessu á vef Heilbrigðisstofnunar Norðurlands.
Heilbrigðisstofnunin mun kosta menntun og þjálfun vettvangsliða og á næstu vikum fer tíu manna hópur frá Skagaströnd í vettvangsliðanám á vegum Sjúkraflutningaskólans. |
|
09:29 |
05. feb. 2020 |
Gul viðvörun vegna veðurs
Veðurstofa Íslands hefur gefið út gula viðvörun fyrir allt landið vegna veðurs. Spáð er hlýjum sunnanáttum með rigningu og leysingum um allt land. Reikna má með vatnavöxtum og auknum líkum á krapaflóðum. Íbúar eru hvattir til að hreinsa frá niðurföllum og fráveituskurðum. Á Norðurlandi vestra er spáð sunnan 15-23 metrum á sekúndu með staðbundum vindstrengjum að 40 metrum á sekúndu sem getur verið varasamt ökutækjum sem taka á sig mikinn vind. Gul viðvörun gildir til klukkan 15 á morgun. |
|
09:20 |
05. feb. 2020 |
Lífshlaupið ræst í 13. sinn
Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til að gera hreyfingu að föstum lið í lífi sínu, hvort sem er í frítímanum, í vinnunni, í skólanum eða við val á ferðamáta. Lífshlaupið er góður vettvangur fyrir þá sem vilja byrja að hreyfa sig og skrá hreyfinguna markvisst, hafa yfirlit og setja sér markmið. |
|
10:45 |
04. feb. 2020 |
Húnavatnshreppur samþykkir kaup BAH á fasteigna að Efstubraut 2
Sveitarstjórn Húnavatnshrepps hefur samþykkt fyrir sitt leyti kaup Brunavarna Austur-Húnvetninga (BAH) á fasteign undir starfsemina að Efstubraut 2 á Blönduósi. Jafnframt hefur sveitarstjórnin samþykkt að veita einfalda ábyrgð á lántöku BAH hjá Lánasjóði sveitarfélaga vegna kaupanna. Áður hafði sveitarstjórn frestað afgreiðslu þessara mála þar sem hún taldi að stjórn BAH væri ekki rétt kjörin samkvæmt samþykktum Byggðasamlags um brunavarnir í Austur-Húnavatnssýslu. |
|
13:38 |
03. feb. 2020 |
Brúsastaðir í 5. sæti yfir afurðahæstu kúabúin
Kúabúið á Brúsastöðum í Vatnsdal, sem margoft hefur verið meðal afurðahæstu kúabúa landsins, varð í fimmta sæti yfir afurðahæstu kúabúin 2019. Samkvæmt Rannsóknarmiðstöð landbúnaðarins reiknast meðalbústærð 47,6 árskýr í fyrra en sambærileg tala var 47,1 árið á undan. Á Brúsastöðum eru 47 árskýr og varð kúabúið í öðru sæti 2018 og í fyrsta sæti 2013, 2014, 2016 og 2017. Auk þess er búið handhafi Íslandsmets í meðalafurðum, 8.990 kg/árskú. |
|
23:28 |
01. feb. 2020 |
Björgunarsveitarfólk eru menn ársins 2019 í Austur-Húnavatnssýslu
Lesendur Húnahornsins hafa valið björgunarsveitarfólk í Björgunarfélaginu Blöndu sem menn ársins í Austur-Húnavatnssýslu árið 2019. Björgunarfélagið stóð í ströngu í síðasta mánuði þegar mikið óveður gekk yfir landið. Félagsmenn lögðu mikið á sig við erfiðar aðstæður við að aðstoða og tryggja öryggi íbúa í óveðrinu og að aðstoða fyrirtæki og stofnanir í héraðinu. Eins og venja er var tilkynnt um niðurstöðuna í valinu á Blöndublóti, þorrablóti Blönduósinga, í kvöld og þar tók Hjálmar Björn Guðmundsson, formaður björgunarfélagsins, við viðurkenningarskildi og gjöf frá Húnahorninu. Gjöfin er 100.000 króna styrkur til félagsins. |
|
10:23 |
31. jan. 2020 |
Til félagsmanna í Félagi eldri borgara í Húnaþingi
Auglýst er eftir þátttöku í ferð suður í Borgarfjörð og um Snæfellsnes dagana 28.-30. ágúst 2020. Gist verður í tvær nætur á Langaholti á Snæfellsnesi.
Leiðsögumaður um Snæfellsnes verður Dagbjört Dúna Rúnarsdóttir, en hún er formaður "Sagnaseiðs" á Snæfellsnesi.
Tveggja manna herbergi í tvær nætur (morgun- og kvöldverðir innifalldir) kr.30.423 á mann.
Eins manns herbergi kr. 39.846.
Félagið tekur þátt í ferðakostnaði að hluta. |
|
10:04 |
31. jan. 2020 |
Flensur og aðrar pestir
Samkvæmt vef Embætti landlæknis er inflúensan að ná sér á strik. Á síðustu tveimur vikum var hún staðfest hjá 44 einstaklingum, sem er aukning borið saman við vikurnar á undan. Frá því um mánaðarmótin september/október hafa 141 einstaklingur verið með staðfesta inflúensu. Flestir hafa greinst á höfuðborgarsvæðinu en inflúensan hefur líka verið staðfest víða annars staðar. Sóttvarnarlæknir gerir ráð fyrir að kórónaveiran berist til Íslands og hefur gripið til ráðstafana til að hefta útbreiðslu hennar hér á landi. Engar aðgerðir munu hins vegar tryggja að veiran berist ekki hingað til lands. |
|
09:09 |
31. jan. 2020 |
Auglýsing um kynningarfund á arabísku um heimilisofbeldi
Frá Félags- og skólaþjónustu A-Hún.
ضد العنف.
مقدمة عن مشروع متعدد التخصصات لمكافحة العنف المنزلي.
سوف يقام هذا المشروع
يوم الثلاثاء الموافق 04:02:2020 في تمام الساعة السادسة و عشرين دقيقة.
في الطابق الثاني ( في صف اللغة الايسلندية) Hunabraut 13 العنوان
المشروع سوف يكون باللغة الأيسلندية و مترجم للغة العربية. |
|
13:48 |
30. jan. 2020 |
Razem przeciw przemocy: Prezentacja projektu dotyczącego przemocy w rodzinie.
Frá Félags- og skólaþjónustu A-Hún. Kynningarfundur á pólsku um heimilisofbeldi
We wtorek, 4 lutego w godzinach 16-18 odbędzie się prezentacja projektu współpracy opieki społecznej, policji i służby zdrowia przeciwko przemocy w rodzinie. Prezentacja odbędzie się sali Búnađarsambandsins przy ulicy Húnabraut 13, 2 piętro.
Spotkanie odbędzie się w języku islandzkim i będzie tłumaczone na język polski. |
|
11:42 |
30. jan. 2020 |
Afmæliskaffi á Hvammstanga í dag
Í tilefni af 100 ára afmæli sjúkrahúss Hvammstanga býður Heilbrigðisstofnun Vesturlands á Hvammstanga í afmæliskaffi í dag milli klukkan 14 og 17 í húsnæði sjúkrahússins að Spítalastíg 1. Halda átti viðburðinn 12. desember síðastliðin en frestaðist vegna óveðurs. Árið 1919 var tekin í notkun fyrsta byggingin sem var sérstaklega reist fyrir heilbrigðisþjónustu á svæðinu, læknisbústaður sem stendur við Spítalastíg 1. Áður hafði héraðslæknir sinnt sjúklingum á heimili sínu. |
|
11:18 |
30. jan. 2020 |
Uppselt á Blöndublótið á laugardaginn
Undirbúningur fyrir Blöndublótið stendur nú sem hæst og gekk miðasala frábærlega en um 250-260 miðar seldust og er uppselt. Afhending miða fer fram í dag milli klukkan 16:30-18:00 í Félagsheimilinu á Blönduósi. Skemmtilega nefndin, sem sér um skemmtiatriðin á þorrablótinu, hefur farið hamförum á æfingum í vikunni. Myndir þaðan hafa lekið á netið og samkvæmt heimildum Húnahornsins verður víða komið við í annáli ársins 2019. Fær sameiningarnefndin hugsanlega aðstoð að handan? Borðar lögreglan seli? Býður Valli upp á kótelettur í kúlunni? Er hlerunarbúnaður við hringborðið á N1? Svör við þessum spurningum gætu fengist á Blöndublótinu á laugardaginn. Þá verður jólahlaðborðið, sem haldið var í Félagsheimilinu, gert upp. |
Til baka
Loka
Prenta
