10:03 |
27. apr. 2020 |
Aðalfundur Rauða krossins í Húnavatnssýslu
Frá stjórn Rauða krossins í Húnavatnssýslu
Aðalfundur Rauða krossins í Húnavatnssýslu verður haldinn þriðjudaginn 5. maí kl. 17.00 í Harmonikkusalnum Þverbraut 1 Blönduósi.
Dagskrá fundarins er hefðbundin samkvæmt 20. gr. laga Rauða krossins á Íslandi. Kjörgengir í stjórn eru allir félagar, 18 ára og eldri sem greiddu félagsgjöld fyrir 1. janúar 2020. Fundurinn er opin öllum félagsmönnum og sjálfboðaliðum með sjálfboðaliðasamning. Kosningarétt hafa þeir sem greiddu árgjaldið fyrir 1. janúar 2020. |
18:56 |
26. apr. 2020 |
Minningarkortin
Frá Hollvinasamtökum HSB
Minningarkort Hollvinasamtaka Heilbrigðisstofnunarinnar á Blönduósi fást í afgreiðslu heilbrigðisstofnunarinnar. Sendandi ákveður sjálfur framlag sitt.
Reikningur samtakanna er 0307-26-270 og kennitalan er 690505-0400. |
16:17 |
24. apr. 2020 |
Ákvörðun um formlegar sameiningarviðræður tekin í september
Ákvörðun um formlegar sameiningarviðræður sveitarfélaganna í Austur-Húnavatnssýslu verður tekin í september. Upphafleg var gert ráð fyrir að sveitarstjórnirnar tækju ákvörðun um slíkt í lok þessa mánaðar eða í byrjun maí en vegna heimsfaraldurs COVID-19 hefur verið ákveðið að gera breytingar á tímalínu verkefnisins. |
15:45 |
24. apr. 2020 |
Samstaða um helstu hagsmunamál Húnvetninga
Húnvetningur er nýtt verkefnaheiti á vinnu sameiningarnefndar sveitarfélaganna í Austur-Húnavatnssýslu. Í tilkynningu frá nefndinni segir að eitt meginmarkmið verkefnisins Húnvetnings sé að koma helstu hagsmunamálum Austur-Húnvetninga á framfæri við stjórnvöld. Sameiningarnefndin hafi á fundum sínum fjallað um helstu styrkleika, veikleika, áskoranir og tækifæri svæðisins og íbúa og að samstaða sé um það meðal sveitarfélaganna að brýnustu verkefni næstu missera séu á sviði atvinnu- og samgöngumála. |
14:52 |
24. apr. 2020 |
Byggðastofnun greini vanda sveitarfélaga
Samgöngu- og sveitarstjórnarráðherra hefur falið Byggðastofnun að greina vanda sem blasir við einstökum sveitarfélögum og svæðum sem tengist Covid-19 faraldrinum, m.a. vegna hruns ferðaþjónustunnar. Á vef Stjórnarráðsins segir að átaksverkefni atvinnuleysistryggingasjóðs og aðrar aðgerðir ríkisstjórnarinnar muni að einhverju leyti mæta þeim erfiðleikum, en greina þurfi frekar sértækar aðgerðir og áskoranir einstakra svæða. |
14:09 |
24. apr. 2020 |
Götur sópaðar á Blönduósi í næstu viku
Vorboðinn ljúfi, götusópurinn, verður á Blönduósi dagana 29.-30. apríl. Sópaðar verða götur í þéttbýlinu og er mikilvægt að ökutækjum sé ekki lagt á götur þannig að hægt sé að sópa meðfram öllum kantsteinum. Á vef Blönduósbæjar kemur fram að víða hafi íbúar tekið sig til og sópað af innkeyrslum og gangstéttum við húsin sín og hjálpað til við hreinsun bæjarins. Það sé til mikillar fyrirmyndar og hvatning til annarra að gera slíkt hið sama. |
10:03 |
24. apr. 2020 |
Fegrum umhverfið og tínum rusl
Blönduósbær, Húnaþing vestra og Skagaströnd taka þátt í Stóra plokkdeginum sem fram fer á morgun, laugardaginn 25. apríl. Á gámaplaninu á Blönduósi verða ruslapokar í boði fyrir íbúa sem fara út að plokka og tína rusl. Opið verður milli klukkan 13 og 17 og þangað verður hægt að koma með poka fulla af rusli. Í Hirðu á Hvammstanga verða ruslapokar í boði fyrir íbúa sveitarfélagsins. Opið verður til klukkan 18 og þangað verður hægt að koma með fulla poka af rusli. Eftir lokun er hægt að setja pokana fyrir utan girðingu. |
09:53 |
24. apr. 2020 |
Sumarið sungið inn á Hvammstanga
Í blíðviðrinu í gær, á sumardeginum fyrsta, mætti kirkjukór Melstaðaprestakalls, ásamt sóknarpresti, til Hvammstanga og sungu fyrir utan sjúkrahúsið og fyrir íbúa Nestúns nokkur sumar- og vorlög til að gagna hlýju og hækkandi sól. Hátíðarhöld í tilefni sumardagsins fyrsta féllu niður á Hvammstanga í gær en allt frá árinu 1957 hefur Vetur konungur afhent Sumardísinni veldissprota sinn með táknrænum hætti, að því er segir á vef Húnaþings vestra, þaðan meðfylgjandi myndir eru fengnar. |
09:35 |
24. apr. 2020 |
Útlitið dökkt í ferðaþjónustunni
Rekstrargrundvöllur margra fyrirtækja á Norðurlandi vestra er horfinn vegna kórónuveirufaraldursins þar sem ferðaþjónustan skipar stóran sess í rekstrinum. Þetta sagði Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, í viðtali í Ríkisútvarpinu í morgun. Hún sagði annan aðgerðapakka ríkisstjórnarinnar nokkur vonbrigði fyrir fyrirtæki á svæðinu. Samtökin hafa sjálf reynt að bregðast við með fjárframlagi. |