|
10:04 |
31. jan. 2020 |
Flensur og aðrar pestir
Samkvæmt vef Embætti landlæknis er inflúensan að ná sér á strik. Á síðustu tveimur vikum var hún staðfest hjá 44 einstaklingum, sem er aukning borið saman við vikurnar á undan. Frá því um mánaðarmótin september/október hafa 141 einstaklingur verið með staðfesta inflúensu. Flestir hafa greinst á höfuðborgarsvæðinu en inflúensan hefur líka verið staðfest víða annars staðar. Sóttvarnarlæknir gerir ráð fyrir að kórónaveiran berist til Íslands og hefur gripið til ráðstafana til að hefta útbreiðslu hennar hér á landi. Engar aðgerðir munu hins vegar tryggja að veiran berist ekki hingað til lands. |
|
09:09 |
31. jan. 2020 |
Auglýsing um kynningarfund á arabísku um heimilisofbeldi
Frá Félags- og skólaþjónustu A-Hún.
ضد العنف.
مقدمة عن مشروع متعدد التخصصات لمكافحة العنف المنزلي.
سوف يقام هذا المشروع
يوم الثلاثاء الموافق 04:02:2020 في تمام الساعة السادسة و عشرين دقيقة.
في الطابق الثاني ( في صف اللغة الايسلندية) Hunabraut 13 العنوان
المشروع سوف يكون باللغة الأيسلندية و مترجم للغة العربية. |
|
13:48 |
30. jan. 2020 |
Razem przeciw przemocy: Prezentacja projektu dotyczącego przemocy w rodzinie.
Frá Félags- og skólaþjónustu A-Hún. Kynningarfundur á pólsku um heimilisofbeldi
We wtorek, 4 lutego w godzinach 16-18 odbędzie się prezentacja projektu współpracy opieki społecznej, policji i służby zdrowia przeciwko przemocy w rodzinie. Prezentacja odbędzie się sali Búnađarsambandsins przy ulicy Húnabraut 13, 2 piętro.
Spotkanie odbędzie się w języku islandzkim i będzie tłumaczone na język polski. |
|
11:42 |
30. jan. 2020 |
Afmæliskaffi á Hvammstanga í dag
Í tilefni af 100 ára afmæli sjúkrahúss Hvammstanga býður Heilbrigðisstofnun Vesturlands á Hvammstanga í afmæliskaffi í dag milli klukkan 14 og 17 í húsnæði sjúkrahússins að Spítalastíg 1. Halda átti viðburðinn 12. desember síðastliðin en frestaðist vegna óveðurs. Árið 1919 var tekin í notkun fyrsta byggingin sem var sérstaklega reist fyrir heilbrigðisþjónustu á svæðinu, læknisbústaður sem stendur við Spítalastíg 1. Áður hafði héraðslæknir sinnt sjúklingum á heimili sínu. |
|
11:18 |
30. jan. 2020 |
Uppselt á Blöndublótið á laugardaginn
Undirbúningur fyrir Blöndublótið stendur nú sem hæst og gekk miðasala frábærlega en um 250-260 miðar seldust og er uppselt. Afhending miða fer fram í dag milli klukkan 16:30-18:00 í Félagsheimilinu á Blönduósi. Skemmtilega nefndin, sem sér um skemmtiatriðin á þorrablótinu, hefur farið hamförum á æfingum í vikunni. Myndir þaðan hafa lekið á netið og samkvæmt heimildum Húnahornsins verður víða komið við í annáli ársins 2019. Fær sameiningarnefndin hugsanlega aðstoð að handan? Borðar lögreglan seli? Býður Valli upp á kótelettur í kúlunni? Er hlerunarbúnaður við hringborðið á N1? Svör við þessum spurningum gætu fengist á Blöndublótinu á laugardaginn. Þá verður jólahlaðborðið, sem haldið var í Félagsheimilinu, gert upp. |
|
07:45 |
30. jan. 2020 |
Færanleg rafstöð sett við HVE á Hvammstanga
Rafmagnslaust var í 40 klukkustundir hjá Heilbrigðisstofnun Vesturlands á Hvammstanga í óveðrinu sem gekk yfir landið 10. og 11. desember síðastliðinn, að því er fram kemur í svari Svandísar Svavarsdóttur, heilbrigðisráðherra, við fyrirspurn Andrésar Inga Jónssonar, þingmanns Reykjavíkurkjördæmis norður, um varaafl heilbrigðisstofnana. Segir í svarinu að áhrif óveðursins hjá stofnuninni hafi verið mest á Hvammstanga. Fjarskipta- og símasamband hafi gengið erfiðlega og mikil ófærð var á svæðinu. |
|
16:49 |
29. jan. 2020 |
Ỏveðrið undirstrikaði mikilvægi flugvalla á Norðurlandi vestra
Bjarni Jónsson og Stefán Vagn Stefánsson, varaþingmenn Norðvesturkjördæmis, gerðu mikilvægi sjúkraflugs í landshlutanum að umtalsvefni undir fundarliðnum störf þingsins á Alþingi síðdegis. Bjarni, sem er varaþingmaður Vinstri grænna, gagnrýndi að ekki væri skýrt hvernig umsjón með viðhaldi Blönduósflugvallar sé háttað. Stefán Vagn, sem er varaþingmaður Framsóknarflokksins, tók undir það og sagði Alexanderflugvöll á Sauðárkróki mikilvægan. |
|
16:34 |
29. jan. 2020 |
Auglýst eftir markaðs- og viðburðarstjórnanda Prjónagleðinnar 2020
Textílmiðstöð Íslands auglýsir eftir markaðs- og viðburðarstjórnanda Prjónagleðinnar 2020.
Verkefni markaðs- og viðburðarstjóra: markaðsetur Prjónagleðina hérlendis sem erlendis,
skipuleggur viðburði í tenglsum við hátíðina í samstarfi við stofnanir og fyrirtæki á Norðurlandi vestra, vinnur að Prjónagleðinni sem haldin er árlega á Blönduósi, að þessu sinni 12.-14. júní 2020, tekur þátt í helginni og undirbýr næstu hátíð að ári og tekur þátt í markaðsetningu á textílverkefnum Textílmiðstöðvarinnar. |
|
15:14 |
29. jan. 2020 |
Handbendi frumsýnir nýtt brúðuverk
Brúðuleikhúsið Handbendi frumsýnir brúðuverkið Sæhjarta í Félagsheimilinu á Hvammstanga 11. febrúar næstkomandi klukkan 20. Þetta nýja verk er einleikur fyrir fullorðna og er aldurstakmark 16 ára og eldri þar sem það inniheldur atriði og lýsingar á kynlífi, ofbeldi og nekt. Verkið verður einnig sýnt í Tjarnarbíói í Reykjavík dagana 14. 19. og 27. febrúar. Í verkinu er „furðusaga sögð með heillandi blöndu brúðuleiks og hefðbundins leikhúss. Sæhjarta endurskapar og endurvekur gömlu sagnirnar um urturnar sem komu á land og fóru úr selshamnum til að búa og elska meðal manna,“ eins og segir í auglýsingu frá Handbendi. |
|
14:02 |
29. jan. 2020 |
Blönduósbær vill verða Heilsueflandi samfélag
Blönduósbær ætlar að verða Heilsueflandi samfélag og hefur hafið ferlið að því. Heilsueflandi samfélag er heildræn nálgun sem Embætti landlæknis vinnur að í samstarfi og samráði við sveitarfélög, opinberar stofnanir, frjáls félagasamtök og fleiri aðila. Meginmarkmiðið er að styðja samfélög í að skapa umhverfi og aðstæður sem stuðla að heilbrigðum lifnaðarháttum, heilsu og vellíðan allra íbúa. |
|
16:26 |
28. jan. 2020 |
Háls-, nef- og eyrnalæknir á HSN þann 11. febrúar
Tilkynning frá HSN
Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi þriðjudaginn 11. febrúar 2020. Tímapantanir í síma 455-4100 milli kl. 08:00 og 16:00. |
|
15:31 |
28. jan. 2020 |
NFVH harmar tjón bænda vegna óveðursins
Stjórn Nautgriparæktarfélags Vestur-Húnavatnssýslu harmar það tjón sem bændur urðu fyrir í rafmagnsleysinu sem varð vegna óveðursins í desember. Telur stjórnin nauðsynlegt að taka saman kostnaðinn sem af því hlaust og hlúa að bændum. Þetta kemur fram í bókun stjórnar sem kynnt var á fundi byggðarráðs Húnaþings vestra í gær. Þar segir að mikilvægt sé að Bændasamtök Íslands og sveitarfélögin þrýsti á stjórnvöld um að finna fjármagn til að koma til móts við þann fjárhagslega skaða sem bændur urðu fyrir. |
|
14:55 |
28. jan. 2020 |
Húnahornið styrkir Risamálheildina
Húnahornið hefur gefið Stofnun Árna Magnússonar í íslenskum fræðum leyfi til að nýta texta af vefsetrinu huni.is fyrir rannsóknir, orðabókagerð og máltækniverkefni. Samkomulag þess efnis var undirritað í gær. Búin verður til málheild úr textunum sem verða greindir málfræðilega. Hverri orðmynd verður látinn fylgja greiningarstrengur, mark (e. tag), sem sýnir orðflokk og önnur málfræðileg atriði, t.d. kyn, tölu og fall fallorða, og persónu, tölu og tíð sagna. Einnig mun fylgja hverri orðmynd nefnimynd (e. lemma) sem er t.d. nefnifall í eintölu fyrir fallorð og nafnháttur sagna. |
|
10:59 |
28. jan. 2020 |
Hálendisþjóðgarður - opinn kynningarfundur í Húnavatnshreppi
Umhverfis- og auðlindaráðherra, Guðmundur Ingi Guðbrandsson, kynnir áform um stofnun Hálendisþjóðgarðs á Húnavöllum í kvöld klukkan 20. Á fundinum mun ráðherra m.a. fara yfir forsendur og markmið með stofnun Hálendisþjóðgarðs og kynna helstu atriði frumvarps þar að lútandi. Fundurinn er öllum opinn. |
|
10:16 |
28. jan. 2020 |
Söngvarakeppni 2020 í Húnaþingi vestra
Árleg Söngvarakeppni Grunnskóla Húnaþings vestra fór fram um miðjan mánuðinn og var umsjónarmaður hennar Valdimar Gunnlaugsson. Fimmtán hæfileikaríkir nemendur í 16 atriðum tóku þátt og mætti Landinn á RÚV á svæðið, tók upp keppnina og viðtöl við nemendur. „Metnaðarfull og skemmtileg kvöldstund sem skipuleggjandi, nemendur og hljómsveit eiga mikið hrós skilið fyrir,“ segir á vef Grunnskóla Húnaþings vestra. |
Til baka
Loka
Prenta
