19:40 |
25. feb. 2020 |
Aðalfundur frjálsíþróttadeildar Hvatar
Tilkynning frá stjórn
Aðalfundur frjálsíþróttadeildar Hvatar verður haldinn mánudaginn 9. mars næstkomandi klukkan 20:00 í norðursal Íþróttamiðstöðvarinnar á Blönduósi. Á dagskrá eru venjuleg aðalfundarstörf. |
14:48 |
25. feb. 2020 |
Laus íbúð á Hnitbjörgum
Frá Félags- og skólaþjónustu A-Hún.
Laus er til umsóknar íbúð á Hnitbjörgum á Blönduósi. Hnitbjörg er kjarni tíu íbúða fyrir aldraða í sjálfstæðri búsetu. Um er að ræða tveggja herbergja íbúð á 1. hæð, útgengt er í sólskála og út á verönd. Félagsstarf aldraðra er í húsinu yfir vetrarmánuðina.
Íbúðin verður laus til afhendingar 1. apríl 2020 en umsóknarfrestur rennur út 4. mars 2020. Sótt er um á sérstökum eyðublöðum sem aðgengileg eru á vefnum eða á skrifstofu Félags- og skólaþjónustu A-Hún, Flúðabakka 2, Blönduósi. |
12:07 |
25. feb. 2020 |
Dósasöfnun Umf. Hvatar fimmtudaginn 27. febrúar
Tilkynning frá stjórn knattspyrnudeildar
Hvatarkrakkar ganga í hús og safna dósum og flöskum næstkomandi fimmtudag, 27. febrúar, söfnunin hefst kl. 18:00. Það má endilega skilja poka eftir út við götu ef þið verðið ekki heima. |
10:50 |
25. feb. 2020 |
Hátíðardagskrá í tilefni 50 ára afmælis Húnavallaskóla
Á þessu ári eru 50 ár liðin frá formlegri vígslu Húnavallaskóla. Af því tilefni verður efnt til hátíðardagskrár laugardaginn 6. júní í sumar. Fyrrum nemendum, starfsfólki og velunnurum skólans er boðið. Dagskráin hefst klukkan 14 og endar á hátíðarkvöldverði og skemmtidagskrá um kvöldið. Í auglýsingu frá afmælisnefndinni eru áhugasamir vinsamlegast beðnir um að skrá þátttöku í kvöldverðinn fyrir 25. maí og þá er fyrrum nemendur og starfsfólk beðið um að senda myndir frá tíma þeirra í skólanum. |
09:08 |
25. feb. 2020 |
Norðaustan hríð – gul viðvörun
Gul veðurviðvörun er nú í gildi á Norðurlandi vestra og nær hún til klukkan 20 í kvöld. Veðurstofan spáir norðaustan 13-18 metrum á sekúndu og snjókomu á Tröllaskaga og á Ströndum, en úrkomuminni annars staðar. Búast má við skafrenningi og lélegu skyggni og versnandi akstursskilyrðum. Samgöngutruflanir eru líklegar. Vetrarfærð er í öllum landshlutum. |
14:38 |
24. feb. 2020 |
SSNV heldur vefráðstefnu á fimmtudaginn
Samtök sveitarfélaga á Norðurlandi vestra standa fyrir vefráðstefnu næstkomandi fimmtudag, 27. febrúar klukkan 10, um tækifæri dreifðra byggða þegar kemur að svokölluðum skrifstofusetrum (e.coworking space). Ráðstefnan, sem nefnist Er vinnustaður bara hugarástand? er hluti af verkefninu Digi2Market sem styrkt er af Norðurslóðaáætlun. Í auglýsingu frá SSNV segir að meðal aðgerða í gildandi byggðaáætlun sé gert ráð fyrir að 10% allra auglýstra starfa í ráðuneytum og stofnunum þeirra verði án staðsetningar árið 2024, þannig að búseta hafi ekki áhrif við val á starfsfólki. |
11:01 |
24. feb. 2020 |
Kjör í stjórnir og nefndir Samstöðu
Frá Stéttarfélaginu Samstöðu
Stjórn og trúnaðarráð Stéttarfélagsins Samstöðu samþykkti á fundi sínum þann 20. febrúar síðastliðinn, tillögu uppstillingarnefndar, að framboði til stjórnarkjörs í félaginu í þau embætti sem kjósa á um í ár, samkvæmt lögum félagsins.
Skila skal framboðum til stjórnarkjörs í Stéttarfélaginu Samstöðu árið 2020, ásamt meðmælum að minnsta kosti 30 fullgildra félagsmanna, á skrifstofu Stéttafélagsins Samstöðu, Þverbraut 1, 540 Blönduósi, merkt Kjörstjórn, fyrir kl. 16.00 þann 10.mars 2020. |
09:22 |
24. feb. 2020 |
Endurnýja farsælt samstarf til næstu fimm ára
Adolf Berndsen, stjórnarformaður BioPol á Skagaströnd, og Eyjólfur Guðmundsson, rektor Háskólans á Akureyri, endurnýjuðu í síðasta mánuði samstarfssamning milli stofnananna til næstu fimm ára en þær hafa átt í farsælu samstarfi frá árinu 2007.
Sjávarlíftæknisetrið BioPol sem stofnað var á Skagaströnd í september 2007 hefur unnið að fjölbreyttum verkefnum sem meðal annars hafa miðað að því að kortleggja vannýtt tækifæri, til verðmætasköpunar, innan íslensks sjávarútvegs. |
22:31 |
21. feb. 2020 |
Áframhaldandi uppbygging gagnavera á Blönduósi
Eins og flestir lesendur Húnahornsins vita hefur gagnaversfyrirtækið Etix Everywhere Borealis staðið í umfangsmikilli uppbyggingu á síðustu misserum og lauk félagið framkvæmdum á síðasta ári við nýtt gagnaver á Blönduósi. |
22:12 |
21. feb. 2020 |
Grímudansleikur Blönduskóla á öskudaginn
Árlegt grímuball Blönduskóla verður á sínum stað í Félagsheimilinu á Blönduósi á öskudaginn, miðvikudaginn 26. febrúar. Húsið opnar kl. 16:15 og hálftíma síðar verður marserað, dansað, kötturinn sleginn úr tunnunni og dansað meira. Ballinu lýkur kl. 18:00. |
16:46 |
21. feb. 2020 |
Gul veðurviðvörun í gildi
Enn og aftur er gul veðurviðvörun í gildi á Norðurlandi vestra. Veðrið hefur versnað þegar liðið hefur á daginn og tók viðvörunin gildi klukkan 16:10 og gildir til klukkan 06:00 í fyrramálið. Spáð er Norðaustan strekkingi eða allhvössum vindi og snjókomu eða éljum og skafrenningi, einkum á utanverðum Tröllaskaga. Búast má við lélegum akstursskilyrðum og afmörkuðum samgöngutruflunum. Búið er að loka veginum yfir Þverárfjall. |
16:27 |
21. feb. 2020 |
Aðalfundur FSAH
Frá stjórn FSAH
Aðalfundur Félags sauðfjárbænda í Austur-Húnavatnssýslu verður haldinn 4. mars næstkomandi í sal BHS á Blönduósi. Fundurinn hefst klukkan 20:00 og á dagskrá eru venjulega aðalfundarstörf.
Gestir fundarins verða Guðfinna Harpa Árnadóttir formaður LS og Unnsteinn Snorri Snorrason framkvæmdastjóri LS. |
15:25 |
21. feb. 2020 |
Tilkynning frá Íþróttamiðstöðinni á Blönduósi
RARIK hefur beðið okkur um að draga úr heitavatnsnotkun vegna bilana hjá þeim. Við höfum brugðist við því með því að lækka hitastig í sundlaug og heitu pottum.
Við erum með opið til klukkan 17:00 í dag en á morgun, laugardaginn 22. febrúar verður sundlaugarsvæðið lokað vegna þessa. Opið verður í íþróttasal, þreksal, gufu, kalt bað og sturtur.
Við látum svo vita á sunnudaginn hvort við getum opnað aftur á mánudaginn. |
15:21 |
21. feb. 2020 |
Vetrarstarf Neista fer vel af stað
Á vef Hestamannafélagsins Neista kemur fram að vetrarstarf félagsins hafi farið vel af stað. Fjölmörg börn eru á námskeiðum á vegum þess en bæði eru kennd knapamerki 1 og 2, almenn reiðnámskeið og keppnisnámskeið. Þá hafa yngstu börnin fjölmennt í reiðhöllina í Arnargerði enda þrjú pollanámskeið í gangi. Reiðkennari Neista í vetur er Jónína Lilja Pálmadóttir en keppnisnámskeiðið er í höndum Bergrúnar Ingólfsdóttur. |
14:21 |
21. feb. 2020 |
Háls og herðar - hóptímar
Sjúkraþjálfarar á Blönduósi ætla að bjóða upp á hóptíma fyrir einstaklinga með vandamál tengd háls- og herðasvæði. Áhersla verður á liðkandi æfingar, teygjur og styrktaræfingar. Tímarnir verða á mánudögum og fimmtudögum klukkan 12 í 5 vikur, alls 10 skipti. Athugið að hámarksfjöldi er aðeins 5 einstaklingar.
Aðgangur með beiðni um sjúkraþjálfun frá lækni. Verð fer eftir stöðu einstaklings í greiðsluþáttökukerfi Sjúkratrygginga Íslands. |