Skuld Blönduóskirkju vegna orgelsins í kirkjunni er að fullu greidd. Með samstillti átaki síðustu fjögur ár hefur tekist að gera upp skuldina með fjárframlögum frá einstaklingum og fyrirtækjum, að því er segir á facebooksíðu hennar. Lokahnykkurinn á söfnun fyrir orgelinu voru vortónleikar í kirkjunni 28. apríl síðastliðinn. Fram komu kór kirkjunnar ásamt Eyþóri organista. Tekið var á móti frjálsum framlögum sem runnu til orgelsjóðs kirkjunnar, en fyrir tónleikana var skuldin 400 þúsund krónur.

Á facebooksíðu kirkjunnar þakkar sóknarnefnd þann hlýhug sem fólk ber til kirkjunnar.