|
16:45 |
09. júl. 2020 |
Skemmtilegt Meistaramót á Sauðárkróki
Um síðustu helgi fór Meistaramót Íslands 11-14 ára fram á Sauðárkróksvelli en þangað mættu um 230 ungmenni frá 17 félögum víðsvegar um landið. Fimm krakkar tóku þátt frá Kormáki í Húnaþingi vestra og níu krakkar, fjórir frá Hvöt á Blönduósi og fimm frá Fram á Skagaströnd, kepptu undir merkjum Ungmennasambands Austur-Húnvetninga. |
|
16:16 |
09. júl. 2020 |
Unglingalandsmóti UMFÍ frestað um ár
Framkvæmdanefnd Unglingalandsmóts UMFÍ hefur ákveðið í samræmi við sóttvarnarlækni og Almannavarnir að fresta mótinu um ár. Unglingalandsmót UMFÍ er vímulaus íþrótta- og fjölskylduhátíð og hefur hún verið ein af stærstu og fjölmennustu hátíðunum um verslunarmannahelgina. Mótið er aldrei haldið á sama stað tvö ár í röð og átti það að fara fram á Selfossi um verslunarmannahelgina í samstarfi við Héraðssambandið Skarphéðin og Sveitarfélagið Árborg. |
|
14:52 |
09. júl. 2020 |
Seinni dagur Héraðsmóts USAH er 14. júlí
Fyrri dagur Héraðsmóts Ungmennasambands Austur-Húnvetninga fór fram þann 7. júlí en þar kepptu aðilar frá fjórum aðildarfélögum USAH. Keppt var m.a. í 60m hlaupi, 100m hlaupi, langstökki, hástökki og spjótkasti. Seinni dagurinn verður þriðjudaginn 14. júlí. Þá verður m.a. keppt í 200m hlaupi, 4x100m boðhlaupi, langstökki, hástökki og kringlukasti. |
|
08:47 |
09. júl. 2020 |
Aðalfundur Styrktarsjóðs Austur Húnvetninga
Aðalfundur Styrktarsjóðs Austur Húnvetninga verður þann 16. júlí kl. 18:00 í Samstöðusalnum að Þverbraut 1. Venjuleg aðalfundarstörf. |
|
07:58 |
09. júl. 2020 |
Risa hængur veiddist í Blöndu
Laxveiði í Miðfjarðará er komin í 177 laxa samkvæmt nýjum tölum Landssambands veiðifélaga og er það svipaður fjöldi og á sama tíma í fyrra. Áin er í sjöunda sæti yfir aflahæstu ár landsins. Nýjar tölur hafa ekki borist um laxveiði í Blöndu en í gær veiddist stærsti fiskur sumarsins í ánni. Það gerðist á Breiðunni að norðanverðu er breski veiðimaðurinn Nigel Hawkins setti í 105 sentímetra langan hæng. Áður hafði veiðst 101 sentímetra hrygna í Blöndu. |
|
15:33 |
08. júl. 2020 |
Yfir 100 gönguleiðir komnar á blað
Hnitsetning og merking gönguleiða á Norðurlandi vestra er eitt af sérstökum átaksverkefnum vegna áhrifa Covid 19. Tveir starfsnemar voru ráðnir til verksins með stuðningi Vinnumálastofnunar. Annar er með ráðningarsamband við Akrahrepp og hinn við Samtök sveitarfélaga á Norðurlandi vestra. Nemarnir hafa verið að undirbúa verkefnið og skilgreina þær gönguleiðir sem ganga á. |
|
17:47 |
07. júl. 2020 |
Friðrik Ómar og Jógvan skemmta á Blönduósi
Friðrik Ómar og Jógvan hafa slegið í gegn víðsvegar um landið í sumar með frábærri skemmtun sem ber heitið Sveitalíf. Þeir koma frá Dalvík og Klakksvík, sannkallaðar dreifbýlistúttur, sem kalla ekki allt ömmu sína. Félagarnir verða í Félagsheimilinu á Blönduósi á morgun, miðvikudaginn 8. júlí klukkan 20. |
|
13:33 |
07. júl. 2020 |
Stórsigur í Stykkishólmi
Sameiginlegt lið Kormáks og Hvatar landaði sínum fyrsta sigri í sumar á Íslandsmótinu í knattspyrnu karla 4. deild B riðli. Liðið mætti í Stykkishólminn og spilaði gegn Snæfelli og endaði leikurinn með stórsigri Kormáks/Hvatar 7-0. Strax á fjórðu mínútu missti Snæfell mann út af með rautt spjald og áður en hálfleikur kom var lið Kormáks/Hvatar búið að sett þrjú mörk. |
|
21:53 |
06. júl. 2020 |
Héraðsmót USAH á Blönduósvelli
Héraðsmót Ungmennasambands Austur-Húnvetninga verður haldið á Blönduósvelli þriðjudaginn 7. júlí og þriðjudaginn 14. júlí og hefst klukkan 18 báða dagana. Mótið er jafnframt minningarmót um Þorleif Arason sem lést 11. nóvember 1991. Mótið er fyrir 10 ára og eldri sem skráð eru í aðildarfélög USAH. Flokkaskipting er eftirfarandi: 10-11 ára, 12-13 ára, 14-15 ára 16-19 ára og 20 ára og eldri. |
|
20:47 |
06. júl. 2020 |
Brýnt að fjölga opinberum störfum á Norðurlandi vestra
Byggðarráð Húnaþings vestra telur afar brýnt að fjölga enn frekar opinberum störfum á Norðurlandi vestra og hvetur ríkisstjórn Katrínar Jakobsdóttur til að fylgja áfram eftir í verki eigin samþykkt þar um. Á fundi ráðsins í dag var rætt um opinber störf á landsbyggðinni og vísað sérstaklega til nýlegrar ákvörðunar félags- og barnamálaráðherra um fjölgun starfa hjá brunamálasviði Húsnæðis- og mannvirkjastofnunar á Sauðárkróki. |
|
14:30 |
06. júl. 2020 |
Kjarnafæði og Norðlenska að sameinast
Eigendur Kjarnafæðis og Norðlenska hafa komist að samkomulagi um helstu skilmála samruna félaganna. Kjarnafæði er í eigu bræðranna Eiðs og Hreins Gunnlaugssona, en Norðlenska er í eigu Búsældar, sem er í eigu um 500 bænda á Íslandi. Í tilkynningu segir að með samruna félaganna séu eigendur að bregðast við breytingum í rekstrarumhverfi matvælaiðnaðar undanfarin misseri. |
|
14:07 |
06. júl. 2020 |
Laxveiði í Blöndu í hættu
Vatnssöfnun í Blöndulón hefur gengið sérlega vel á þessu ári og er nú svo komið að lónið er að fyllast. Það eru slæm tíðindi fyrir laxveiðina í Blöndu því þegar áin er komin á yfirfall verður hún óveiðanleg fyrir fluguveiði. Fjallað er um þetta í Sporðaköstum, veiðivef mbl.is. Þar er rætt við Sigurð Inga Guðmundsson, formann veiðifélagsins, sem segir þetta var kjaftshögg fyrir svæðið. Fram kemur að Landsvirkjun hafi verið í samskiptum við Veiðifélag Blöndu og Svartár vegna málsins og meti stöðuna. |
|
09:28 |
06. júl. 2020 |
Unnið að úrbótum á 64 fjarskiptastöðvum með auknu varaafli eftir óveður í vetur
Neyðarlínan vinnur nú að því að gera úrbætur á 64 fjarskiptastöðvum víða um land með auknu varaafli og að fjölga færanlegum vararafstöðvum. Þar af eru 36 fastar vararafstöðvar og verða fimm þeirra í Húnavatnssýslum en annars staðar eru rafgeymar eða tenglar fyrir færanlegar rafstöðvar. Tilgangurinn er að tryggja rekstraröryggi í fjarskiptum eftir mikil óveður sem gengu yfir landið í vetur. |
|
17:57 |
05. júl. 2020 |
Meistaramóti Golfklúbbsins Óss lokið
Meistaramót Golfklúbbsins Óss var haldið dagana 3. og 4. júlí á Vatnahverfisvelli í ágætis veðri. Eyþór Franzon Wechner sigraði í meistaraflokki karla á 170 höggum, Jón Jóhannsson varð í öðru sæti á 175 höggum og Valgeir M. Valgeirsson í þriðja sæti með 186 högg. Í meistaraflokki kvenna sigraði Birna Sigfúsdóttir á 205 höggum og Jóhanna G. Jónasdóttir lenti í öðru sæti á 230 höggum. |
|
11:05 |
05. júl. 2020 |
Mest hlutfallsleg fjölgun á Norðurlandi vestra
Íbúafjölgun er hlutfallslega mest á Norðurlandi vestra eða 1,3% frá 1. desember 2019 til 1. júlí síðastliðinn samkvæmt tölum frá Þjóðskrá Íslands. Íbúum á höfuðborgarsvæðinu fjölgaði um 0,8% á sama tímabili. Lítilsháttar fækkun varð í tveimur landshlutum, á Vestfjörðum um 0,5% og á Norðurlandi eystra um 0,1%. |
Til baka
Loka
Prenta
