|
10:22 |
24. jún. 2020 |
Skrifstofusetur á Hvammstanga
Skrifstofusetur opnar á næstu mánuðum á Hvammstanga gangi áætlanir eftir. Þar verður gert ráð fyrir aðstöðu fyrir frumkvöðla og einstaklinga sem þurfa vinnuaðstöðu til lengri eða skemmri tíma. Með setrinu er verið að undirbúa jarðveginn og leggja drög að fjölgun starfa í Húnaþingi vestra. Í þættinum Landsbyggðir sem sýndur er á N4 næstkomandi fimmtudagskvöld klukkan 20:30 verður rætt við Ragnheiði Jónu Ingimarsdóttur, sveitarstjóra Húnaþings vestra um skrifstofusetrið. |
|
12:54 |
23. jún. 2020 |
Félagsmiðstöð í sumar fyrir íbúa 60 ára og eldri
Húnaþing vestra ætlar í sumar að bjóða upp á félagsmiðstöð fyrir íbúa 60 ára og eldri sem staðsett verður í Félagsheimilinu á Hvammstanga, neðri hæð, þar sem dreifnámið er. Fyrirhugað er að hafa opið einu sinni til tvisvar í viku og bjóða upp á kaffi, spjall, ráðgjöf, örnámskeið eða gönguhóp. |
|
09:24 |
23. jún. 2020 |
Stutt myndbönd af perlum Norðurlands vestra
Norðvestur eða Nordvestur eru Youtube, Facebook og Instagram síður með myndböndum af perlum Norðurlands vestra. Þau eru framleidd af Helga Sæmundi Guðmundssyni í samstarfi við Samtök sveitarfélaga á Norðurlandi vestra. Helgi festir á filmu nokkra af hápunktum landshlutans og pakkar þeim snyrtilega inn með frumsaminni tónlist í stutt myndbönd. |
|
15:21 |
22. jún. 2020 |
Blönduskóli auglýsir eftir starfsfólki fyrir næsta skólaár
Blönduskóli auglýsir eftir starfsfólki fyrir skólaárið 2020 - 2021. Blönduskóli er framsækinn skóli í mikilli þróun með tæplega 150 nemendur í 1.-10. bekk. Skólinn leitast við að koma til móts við þarfir nemenda sinna á persónulegan og einstaklingsmiðaðan hátt. Lögð er áhersla á teymiskennslu. Gott samstarf er við nærsamfélagið svo sem íþróttafélögin og tónlistarskólann. |
|
21:21 |
21. jún. 2020 |
Stórlaxar veiðast í Húnavatnssýslum
Tveir laxar sem mældust 101 sentímetrar veiddust í Húnavatnasýslum um helgina, einn í Víðidalsá í gær og hinn í Blöndu í morgun. Laxinn í Víðidalsá var hængur en um hrygnu var að ræða í Blöndu. Í báðum þessum ám hafa ekki veiðst stærri laxar sem af er sumri. Pétur Hafsteinn Pálsson veiddi laxinn í Blöndu á Frances með kón sem tók fluguna neðst í gilinu rétt við aðal tökustað Breiðunnar. |
|
21:11 |
21. jún. 2020 |
Enn skelfur jörð
Skjálfti af stærð 5,7 varð rúma 30 kílómetra norðaustur af Siglufirði klukkan 19:07 í kvöld. Hann er sá stærsti sem orðið hefur í skjálftahrinu sem hófst um hádegi á föstudaginn. Skjálftinn fannst víða á Norðurlandi en upptök hans eru talsvert fjær landi en fyrri skjálftar og því voru áhrifin ekki eins mikil inn til landsins að því er segir á vef Veðurstofu Íslands. |
|
19:01 |
21. jún. 2020 |
Jafntefli í fyrsta leik
Sameiginlegt lið Kormáks og Hvatar spilaði sinn fyrsta leik í B riðli á Íslandsmótinu í knattspyrnu karla 4. deild í dag þegar það heimsótti Knattspyrnufélag Rangæinga en spilað var á SS-vellinum á Hvolsvelli. Leikurinn var tíðindalítill framan af og staðan í hálfleik jöfn 0-0. Heldur lifnaði yfir leiknum í seinni hálfleik og komst KFR yfir með marki á 68. mínútu.
|
|
12:58 |
21. jún. 2020 |
Unnu Huginsbikarinn í Eyjum
Ellefu fótboltastelpur frá Kormáki á Hvammstanga, Hvöt á Blönduósi og Fram á Skagaströnd héldu til Vestmannaeyja til að taka þátt á TM mótinu sem fram fór dagana 11.-13. júní en mótið er fyrir stelpur í 5. flokki. Þær æfa fótbolta á sínu heimasvæði en hittast svo af og til og taka æfingu saman. Mótið er stærsta mót sumarsins fyrir stelpur í 5. flokki og var þetta fjölmennasta mót frá upphafi, um 100 lið tóku þátt. |
|
10:10 |
21. jún. 2020 |
Jarðskjálftahrina á Norðurlandi
Áframhaldandi skjálftavirkni er á svæðinu norðaustur af Siglufirði. Tveir stærstu skjálftarnir í gær mældust 5,4 og 5,6 að stærð. Þeir fundust um allt Norðurland og alla leið suður í Borgarfjörð. Um klukkan þrjú í nótt mældist skjálfti yfir fjórum að stærð og í kjölfarið komu tveir eftirskjálftar yfir þremur að stærð. Engir stórir skjálftar hafa mælst síðan þá en Veðurstofan hvetur fólk á svæðinu til að hafa varann á. |
|
17:17 |
20. jún. 2020 |
Jarðskjálftinn fannst vel í Húnavatnssýslu
Almannavarnir hafa lýst yfir óvissustigi
Jarðskjálfti, 5,3 að stærð, sem varð klukkan 15:05 í dag um 20 kílómetra norðaustur af Siglufirði fannst vel í Húnavatnssýslu. Fjöldi eftirskjálfta hefur komið í kjölfarið, sex þeirra stærri en 3 og sá stærsti 3,9. Veðurstofunni hafa borist tilkynningar um að skjálftinn hafi fundist víða á Norðurlandi. Jaðrskjálftahrina hófst í gær um 20 kílómetra norðaustur af Siglufirði og stendur enn. |
|
10:06 |
20. jún. 2020 |
Hljóðver á Hótel Laugarbakka
Á Hótel Laugarbakka má finna glæsilega aðstöðu til þess að taka upp tónlist, allt frá stórum kórum niður í einstök hljóðfæri eða raddir. Í þættinum Að Norðan á sjónvarpsstöðin N4 er rætt við Örn Arnarsson, framkvæmdastjóra hótelsins og segir hann frá tilurð hljóðversins en hugmyndin kom úr óvæntri átt, mögulega norðvestanátt, því sagan hófst nefnilega í óveðrinu í vetur. |
|
11:37 |
19. jún. 2020 |
Guðrún Helga er nýr formaður USVH
Guðrún Helga Magnúsdóttir tók við sem formaður Ungmennasambands Vestur-Húnvetninga á ársþingi sambandsins sem fram fór 15. júní síðastliðinn. Hún tók við af Reimari Marteinssyni, sem setið hefur í formannsstólnum síðastliðin sex ár. Guðrún Helga er meðal yngstu formanna sambandsaðila og aðildarfélaga Ungmennafélags Íslands en hún er 23 ára og búsett á Hvammstanga. |
|
10:27 |
19. jún. 2020 |
Stórlax veiddist í Austurá í Miðfirði
Laxveiði er hafin í Miðfjarðará og Laxá á Ásum og hefst í Vatnsdalsá og Víðidalsá um helgina. Tveir laxar komu á land á fyrstu vaktinni í Ásunum en mikið líf var í ánni sem lofar góðu. Stórlax veiddist í Laxapolli í Austurá í Miðfirði á miðvikudaginn og mældist hann 98 sentímetrar. Samkvæmt veiðitölum frá Landssambandi veiðifélaga höfðu veiðst 20 laxar í Miðfjarðará í lok dags 17. júní. Blanda hafið á sama tíma skilað 20 löxum en hún opnaði 5. júní síðastliðinn. |
|
10:18 |
19. jún. 2020 |
4. deildin í knattspyrnu karla farin af stað
Íslandsmótið í knattspyrnu karla 4. deild er farið af stað. Sameiginlegt lið Kormáks og Hvatar leikur í B riðli mótsins ásamt sex öðrum liðum. Fyrstu leikir A, C og D riðla fór fram í vikunni en B riðillinn fer af stað í dag. Fyrsti leikur Kormáks/Hvatar verður á SS-velli Knattspyrnufélags Rangæinga á sunnudaginn, 21. júní klukkan 16. Kormákur/Hvöt leikur fyrstu þrjá leikina á útivelli en næstu þrír þar á eftir verða heimaleikir. Fyrsti heimaleikurinn fer fram á Blönduósvelli 12. júlí. |
|
11:38 |
18. jún. 2020 |
Sumarleikhús æskunnar í Húnaþingi vestra
Í sumar stendur Handbendi Brúðuleikhús fyrir Sumarleikhúsi æskunnar í Húnaþingi vestra en þetta þriggja vikna verkefni er opið öllum börnum og ungmennum á aldrinum 7-18 ára. Sumarleikhúsið stendur yfir frá 27. júlí - 14. ágúst, er leikhús- og leiklistarsmiðja, og fer fram fjórum sinnum í viku. |
Til baka
Loka
Prenta
