|
13:46 |
23. feb. 2021 |
Fjöldatakmörk verða 50 manns frá 24. febrúar
Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi á morgun, 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Sama máli gegnir um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými. |
|
10:32 |
23. feb. 2021 |
Starfsmaður óskast á Heimilið við Skúlabraut
Heimilið við Skúlabraut á Blönduósi óskar eftir starfsmanni til starfa í mars-maí 2021 með möguleika á framhaldandi ráðningu. Óskað er eftir að viðkomandi geti hafið störf sem fyrst. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu. |
|
20:45 |
22. feb. 2021 |
Áframhaldandi samstarf um stuðning við smáframleiðendur
Samtök sveitarfélaga á Norðurlandi vestra og Vörusmiðja BioPol á Skagaströnd hafa gengið frá samstarfssamningi um áhersluverkefnið Matvælasvæðið Norðurland vestra. Verkefnið lýtur að áframhaldandi stuðningi við smáframleiðendur á starfssvæði samtakanna og er unnið í nánu samstarfi við Farskóla Norðurlands vestra, að því er segir á vef SSNV. |
|
21:42 |
21. feb. 2021 |
Aðalfundur Ungmennafélagsins Hvatar á Blönduósi 2. mars nk.
Aðalfundur Umf. Hvatar á Blönduósi verður haldinn 2. mars 2021 á skrifstofu Hvatar að Húnabraut 4, gengið inn að norðanverðu. Fundurinn hefst kl. 18:00. Venjuleg aðalfundarstörf. |
|
08:05 |
21. feb. 2021 |
Mælaborð Byggðastofnunar
Opnað hefur verið vefsvæði á heimasíðu Byggðastofnunar sem er mælaborð með ýmsum byggðatengdum upplýsingum. Í lok sumars kom út gagnatorg um íbúa sveitarfélaga og landshluta og fyrir jól bættist við kortamælaborð um húsnæði fyrir störf án staðsetningar. Nú hafa þrjú gagnvirk mælaborð til viðbótar verið birt, sem eru: sveitarfélagaskipan aftur til ársins 1875, íbúafjölda sveitarfélaga og byggðakjarna og breytingar á íbúafjölda sveitarfélaga og landshluta. |
|
14:38 |
20. feb. 2021 |
Sunnudagaskóli og guðsþjónusta í Blönduóskirkju sunnudaginn 21. febrúar kl. 11.
Loksins getum við hist í kirkjunni okkar. Syngjum saman, þökkum og biðjum. Eyþór og kirkjukórinn leiða sönginn. Allir hjartanlega velkomnir, ungir og aldnir. |
|
09:20 |
20. feb. 2021 |
Bólusetningardagatal vegna COVID-19
Heilbrigðisráðuneytið í samvinnu við sóttvarnalækni hefur útbúið bólusetningardagatal vegna COVID-19, miðað við fyrirliggjandi upplýsingar um afhendingu bóluefna og áætlanir þar að lútandi. Dagatalinu er ætlað að gefa fólki vísbendingu um hvenær líklegt er að bólusetning hefjist í einstökum forgangshópum. |
|
09:13 |
20. feb. 2021 |
Björgunarsveitir fá nýjar færanlegar rafstöðvar til að efla fjarskiptaöryggi
Sigurður Ingi Jóhannsson, samgöngu- og sveitarstjórnarráðherra, færði í gær fulltrúum þrettán björgunarsveita Slysavarnafélagsins Landsbjargar nýjar færanlegar rafstöðvar við athöfn í húsakynnum Neyðarlínunnar á Hólmsheiði. Björgunarsveitir Landsbjargar fá allt í allt rúmlega 30 nýjar færanlegar rafstöðvar á þessu ári. Björgunarfélagið Blanda var á meðal þeirra björgunarsveita sem fékk neyðarrafstöð í gær. |
|
15:41 |
19. feb. 2021 |
Aðalfundur Húnavatnssýsludeildar Rauða krossins
Frá stjórn
Aðalfundur Húnavatnssýsludeildar Rauða krossins verður haldinn þriðjudaginn 23. febrúar kl. 17.00 í Félagsheimilinu á Hvammstanga ef reglur um sóttvarnir leyfa.
Að öðrum kosti verður fundurinn haldinn í fjarfundi sama dag og á sama tíma, vinsamlega fylgist með á heimasíðu Rauða krossins undir viðburðir. |
|
10:17 |
19. feb. 2021 |
Leikhúsgagnrýnandi Observer valdi leikverk Handbendi eitt besta menningarefnið fyrir börn
Breska stórblaðið Observer fékk helstu menningarvita sína til að velja besta menningarefnið fyrir börn til að njóta á tímum útgöngubanns og samkomutakmarkana. Leikhúsgagnrýnandi blaðsins, Susannah Clapp, valdi meðal annars Stúlkuna og hrafninn eftir Handbendi brúðuleikhús á Hvammstanga. Sýningarétturinn á verkinu var í síðasta mánuði seldur til eins virtasta brúðuleikhúss Lundúna sem heitir Little Angel Theatre og er hægt að horfa á verkið á YouTube. |
|
10:16 |
19. feb. 2021 |
Kormákur Hvöt ætlar sér upp um deild
Frá Kormáki/Hvöt
Undanfarin 10 ár hafa Kormákur frá Hvammstanga og Hvöt frá Blönduósi sent sameiginleg lið til leiks í mótum KSÍ í meistaraflokki karla. Í tilefni af þessum áfanga blés nýtt meistaraflokksráð í herlúðra og horft er til sumarsins mjög björtum og metnaðarfullum augum.
Undanfarin tvö ár hefur liðið verið hársbreidd frá því að komast upp í 3. deild, en í bæði þessi skipti hefur Kormákur Hvöt unnið sinn riðil og farið í fjögurra liða úrslit 4. deildarinnar. |
|
09:24 |
19. feb. 2021 |
Vilja breyta ákvæði um lágmarksíbúafjölda
Starfshópur smærri sveitarfélaga á Íslandi hefur sent umhverfis- og samgöngunefnd umsögn vegna frumvarps samgöngu- og sveitarstjórnarráðherra um breytingu á sveitarstjórnarlögum sem m.a. kveður á um að lágmarksíbúafjöldi sveitarfélags verði 1.000 íbúar. Í henni er lögð fram tillaga um að frekar verði horft til styrkleika sveitarfélaga fremur en lágmarksfjölda íbúa þegar kemur að umræðu um hugsanlega sameiningu. Sveitarfélagið Skagaströnd tekur heilshugar undir tillögu starfshópsins. |
|
16:28 |
18. feb. 2021 |
Samkeppni um nafn á ferðamannaveginn um Vatnsnes og yfir í Kolugljúfur
Selasetrið á Hvammstanga hefur sett af stað hugmyndasamkeppni um nýtt nafn á ferðamannahringinn um Vatnsnes og yfir í Kolugljúfur. Leitað er að nafni sem er lýsandi fyrir sex áfangastaði, sem eru Hamarsrétt, Illugastaðir, Hvítserkur, Kolugljúfur, Borgarvirki og Hvammstangi. |
|
09:26 |
18. feb. 2021 |
Hólabaksbúið sér um Gljúfurá næstu fimm árin
Veiðifélag Gljúfurár hefur samið við Hólabaksbúið ehf. um nýtingu veiðiréttar og aðstöðu við ána til næstu fimm ára. Að Hólabaksbúinu standa hjónin Ingvar Björnsson og Elín Aradóttir, en þau eru búsett á jörðinni Hólabaki sem liggur að Gljúfurá og stendur veiðihúsið Gljúfurholt í Hólabakslandi. Hólabaksbúið er jafnframt, sem landeigandi, aðili að Veiðifélagi Gljúfurá. |
|
09:02 |
18. feb. 2021 |
Tilkynning um forval VG í Norðvesturkjördæmi
Frá stjórn kjördæmisráðs
Vinstrihreyfingin grænt framboð í Norðvesturkjördæmi auglýsir eftir frambjóðendum á lista hreyfingarinnar í kjördæminu fyrir komandi alþingiskosningar. Forvalið fer fram með rafrænum hætti dagana 23., 24. og 25. apríl. Kosning hefst á miðnætti 23. apríl og stendur til klukkan 17 þann 25. apríl. Kosið verður um fimm efstu sæti á listanum, þar af bindandi í efstu þrjú en í samræmi við forvalsreglur VG. |
Til baka
Loka
Prenta
