|
09:46 |
02. feb. 2021 |
Lausnamót til að efla frumkvöðlastarf og sköpunarkraft á Norðurlandi
Samtök sveitarfélaga á Norðurlandi vestra er þátttakandi í samstarfsverkefninu Hacking Norðurland, sem er lausnamót og fer fram dagana 15.-18. apríl næstkomandi á Norðurlandi. Unnið verður með sjálfbæra nýtingu auðlinda svæðisins með tilliti til matar, vatns og orku. Markmið lausnamótsins er að efla frumkvöðlastarf og sköpunarkraft á svæðinu og þannig stuðla að nýjum verkefnum og viðskiptatækifærum. Lausnamótinu er ekki síður ætlað að vekja athygli á því öfluga frumkvöðlasamfélagi sem er á Norðurlandi. |
|
10:37 |
01. feb. 2021 |
Starf skipulags- og byggingarfulltrúa í Húnaþingi vestra laust til umsóknar
Húnaþing vestra auglýsir á vef sínum starf skipulags- og byggingarfulltrúa laust til umsóknar. Um er að ræða 100% starf með starfsstöð á Hvammstanga. Hlutverk byggingarfulltrúa er að veita embættinu faglega forystu og móta framtíðarstefnu innan ramma laga og reglugerða. Jafnframt að hafa eftirlit og eftirfylgni með að lögum um mannvirki, reglugerðum og öðrum lögum byggingarmála sé framfylgt. |
|
10:31 |
01. feb. 2021 |
Fyrirhugaðri úthlutun byggðakvóta til Blönduósbæjar harðlega mótmælt
Byggðarráð Blönduósbæjar mótmælir harðlega fyrirhugaðri úthlutun byggðakvóta fyrir fiskveiðiárið 2020-2021. Atvinnuvega- og nýsköpunarráðuneytið ætlar sveitarfélaginu 15 þorskígildistonnum. Til samanburðar var sveitarfélaginu úthlutað 33 tonnum 2019-2020 sem þá hafði verið skorið verulega niður frá upphafi úthlutunar. Byggðarráð telur þessa úthlutun algjörlega óásættanlega og finnst hún allverulega úr takti við þá stefnu stjórnvalda að standa vörð um atvinnustig á Norðurlandi vestra. |
|
10:29 |
01. feb. 2021 |
NTÍ valdi Fjölnet
Náttúruhamfaratrygging Íslands hefur valið Fjölnet á Sauðárkróki til að annast rekstur tölvukerfa stofnunarinnar. Um er að ræða alrekstur tölvukerfa, úttektir og öryggismál ásamt þjónustu við starfsmenn. Samningurinn kemur í kjölfar útboðs NTÍ í gegnum Ríkiskaup þar sem Fjölnet var valið, að því er segir í tilkynningu frá Fjölneti. |
|
15:14 |
30. jan. 2021 |
Grein um sveitakennara í Strandasýslu og Húnavatnssýslu 1887-1905
Á vefnum Netla.is, sem er veftímarit um uppeldi og menntun, er nýkomin ritrýnd grein um sveitakennara í Strandasýslu og Húnavatnssýslu árin 1887-1905 eða áður en formlegri skólaskyldu var komið á. Greinin er eftir Húnvetninginn Braga Guðmundsson, prófessor í sagnfræði við Hug- og félagsvísindasvið Háskólans á Akureyri. Í inngangi segir að á Þjóðskjalasafni séu varðveittar fræðsluskýrslur frá 1887 vegna styrkumsókna sveitakennara og veiti þær dýrmætar upplýsingar sem hægt sé að nýta til margvíslegra athugana. |
|
09:50 |
30. jan. 2021 |
Eydís Evensen einstaklega efnilegur listamaður
Tónskáldið og Blönduósingurinn Eydís Helena Evensen gaf í gær út lagið Brotin og samhliða því sendi hún frá sér sitt fyrsta tónlistarmyndband. Lagið er fyrsta smáskífan af væntanlegri plötu Eydísar sem nefnist Bylur. Platan var tekin upp með öðrum Blönduósingi, Valgeiri Sigurðssyni í Greenhouse Studios í Reykjavík. Smáskífan Brotin er fyrsta útgefna efnið frá nýstofnuðu útgáfufyrirtæki undir tónlistarrisanum Sony, sem kallast XXIM Records. |
|
13:41 |
29. jan. 2021 |
Húnaþing vestra valkostur fyrir Dalabyggð
Einn af valkostum Dalabyggðar til sameiningar við önnur sveitarfélög er Húnaþing vestra. Verkefnishópur um könnun á valkostum Dalabyggðar til sameiningar við önnur sveitarfélög og ráðgjafar hans hafa valið sex kosti sem taldir eru líklegastir ef til sameiningar kemur. Í þeim er Dalabyggð mátuð við sveitarfélögin allt um kring og þar á meðal er Húnaþing vestra.
Í íbúakynningu um valkostina í gær kom fram að lítið hefð sé fyrir samstarfi milli sveitarfélaganna en að þau eigi sameiginlega hagsmuni í umhverfis- og skipulagsmálum. |
|
09:18 |
29. jan. 2021 |
Kormákur/Hvöt leitar þjálfara
Frá meistaraflokksráði Kormáks/Hvatar
Knattspyrnusumarið 2021 er handan við hornið og nú býðst metnaðarfullum þjálfara tækifæri til að setja mark sitt á það. Meistaraflokkur Kormáks/Hvatar horfir spenntur til sumarsins, þar sem stefnt er að því að gera enn betur en síðustu leiktíðir. Síðustu tvö ár hefur Kormákur/Hvöt verið við þröskuld þess að komast upp úr 4. deildinni og nú er lag að klára málið! |
|
17:30 |
28. jan. 2021 |
Óvenjumikil kaldavatnsnotkun á Hvammstanga
Vatnshæð í kaldavatnstanki fyrir Hvammstanga hefur farið lækkandi undanfarna daga. Ástæðan er óvenjumikil kaldavatnsnotkun og að minna af vatni kemur frá Grákollulind, að því er segir í tilkynningu frá veitustjóra á vef Húnaþings vestra. Til að sporna við frekari lækkun vatnshæðar hefur verið brugðið á það ráð að minna rennsli frá tanknum og hefur það skilað sér í hækkandi vatnshæð. Aðgerðin gæti haft þau áhrif að inntaksþrýstingur inn í hús á Hvammstanga minnkar. |
|
17:18 |
28. jan. 2021 |
Álagningu fasteignagjalda 2021 lokið hjá Blönduósbæ
Blönduósbær tilkynnir á heimasíðu sinni að álagningu fasteignagjalda árið 2021 sé lokið og hafi greiðslur verið birtar í heimabönkum viðkomandi gjaldenda. Álagningaseðlarnir eru rafrænir og birtast inn á www.island.is á „mínum síðum“. Seðlarnir eru svo aðgengilegir í pósthólfi viðkomandi aðila. Einnig eru seðlarnir og aðrir reikningar frá Blönduósbæ aðgengilegir Íbúagátt á heimasíðu Blönduósbæjar. |
|
16:52 |
28. jan. 2021 |
Þorra-Kahoot hjá Gleðibankanum
Gleðibankinn á Skagaströnd stendur fyrir spurningakeppni á netinu á sunnudaginn og verður notast við Kahoot forritið sem margir þekkja. Allir Skagstrendingar og nágrannar þeirra geta tekið þátt í keppninni. Opnað verður fyrir slóðina inn á forritið klukkan 16:45. Að þessu sinni verða 30 spurningar og þrír stigahæstu fá verðlaun. Keppendur þurfa að hafa bæði tölvu/spjaldtölvu og snjallsíma til að geta tekið þátt. |
|
20:01 |
27. jan. 2021 |
Höfðaskóli með framúrskarandi árangur í lestrarkeppni grunnskóla
Höfðaskóli á Skagaströnd fékk viðurkenningu fyrir framúrskarandi árangur í Samrómi - lestrarkeppni grunnskóla, sem stóð yfir 18.-25. janúar síðastliðinn. Skólinn lenti í öðru sæti í sínum flokki og í þriðja sæti á landsvísu. Í heild voru lesnar 790 þúsund setningar í keppninni frá 6.172 manna fyrir 136 skóla. Veitt voru verðlaun til skólanna sem voru í fyrsta sæti í sínum flokki, auk þess að þeir skólar sem lásu mest þvert á flokka þar á eftir fengu viðkenningu fyrir frábæran árangur. |
|
18:18 |
27. jan. 2021 |
Skólapeysur og -bolir
Hægt að panta fram til sunnudags
Nemendur í 9. og 10. bekk í Blönduskóla bjóða til sölu merktar Blönduskóla skólapeysur og -boli, flíkurnar eru svartar með hvítu skólamerki.
Frekari upplýsingar og pantanir hjá Þórdísi Erlu Björnsdóttur, s. 897-9078, og Elfu Björk Sturludóttur, s. 820-8266, fram til sunnudags.
|
|
10:51 |
27. jan. 2021 |
Gaukar þú mat að garðfuglum?
Hin árvissa Garðfuglahelgi Fuglaverndar verður haldin um næstu helgi, 29. janúar - 1. febrúar. Þá eru fuglavinir hvattir til að skrá fugla sem líta við í garðinn í eina klukkustund og senda Fuglavernd talningartölurnar. Viðburðurinn stendur yfir frá og með föstudegi til mánudags og má velja þann dag sem best hentar á því tímabili. |
|
10:03 |
27. jan. 2021 |
Bjargráðasjóður úthlutar 442 m.kr. til bænda
Greiddar hafa verið 442 milljónir króna í styrki úr Bjargráðasjóði vegna mikils kal- og girðingatjóns veturinn 2019-2020. Mikið tjón varð á ræktarlandi og girðingum á tímabilinu og því hafði Kristján Þór Júlíusson, sjávarútvegs- og landbúnaðarráðherra, frumkvæði að því að sjóðnum yrðu tryggðar 500 milljónir til að koma til móts við bændur og það tjón sem þeir urðu fyrir. |
Til baka
Loka
Prenta
