|
11:39 |
22. jún. 2021 |
Rólegt yfir opnun laxveiðiáa
Laxveiðiárnar opna nú hver af annarri og þar á meðal eru Laxá á Ásum sem opnaði 17. júní og Víðidalsá og Vatndalsá sem opnuðu 20. júní. Opnun Laxár á Ásum var róleg en tveimur löxum var landað. Á opnunardeginum í Víðidalsá veiddust fimm laxar en veiðimenn urðu varir við lax á öllum svæðum. Enginn lax veiddist í opnun Vatnsdalsár en fyrsti laxinn þar í sumar veiddist í gær. |
|
11:26 |
21. jún. 2021 |
Sigríður Helga ráðin leikskólastjóri
Sigríður Helga Sigurðardóttir hefur verið ráðin leikskólastjóri Barnabæjar á Blönduósi og hóf hún störf 1. júní síðastliðin. Sigríður Helga hefur starfað við leikskólann í rúm 20 ár sem deildarstjóri, aðstoðarleikskólastjóri og við sérkennslu. Hún hefur verið starfandi leikskólastjóri frá því síðastliðið haust. Barnabær er fimm deilda skóli með um 70 leikskólabörn frá 8 mánaða aldri. Einkunnarorð leikskólans er leikur-gleði-virðing. |
|
11:18 |
21. jún. 2021 |
Guðmundur Haukur nýr forseti sveitarstjórnar
Á fundi sveitarstjórnar Blönduósbæjar í síðustu viku fóru fram kosningar samkvæmt samþykktum. Guðmundur Haukur Jakobsson hættir sem formaður byggðaráðs og verður forseti sveitarstjórnar. Sigurgeir Þór Jónasson verður formaður byggðaráðs og Hjálmar Björn Guðmundsson kemur nýr inn í ráðið af L-lista. |
|
09:34 |
20. jún. 2021 |
Þórdís Kolbrún efst hjá Sjálfstæðismönnum
Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra sigraði í prófkjöri Sjálfstæðisflokksins í Norðvesturkjördæmi sem lauk í gær með 1.347 atkvæði þegar öll atkvæði höfðu verið talin á öðrum tímanum í nótt. Alls greiddu 2.289 atkvæði. Haraldur Benediktsson, sem var oddviti flokksins í kosningunum 2017 lenti í öðru sæti með 1.061 atkvæði. Bæði sóttust þau eftir að leiða lista sjálfstæðismanna í kjördæminu. |
|
09:23 |
20. jún. 2021 |
Öruggur sigur í Mosfellsbæ
Kormákur/Hvöt mætti Hvíta riddaranum á Fagverksvellinum í Mosfellsbæ í gær þegar leikið var í sjöttu umferð Íslandsmótsins í knattspyrnu karla, 4. deild D-riðli. Fyrri hálfleikur var tíðindalítill og markalaus, en gestirnir heldur sterkari. Seinni hálfleikur byrjaði fjörlega þegar víti var dæmt á Hvíta riddarann. George Razvan Chariton steig á vítapunktinn og skoraði örugglega fyrir Kormák/Hvöt. |
|
18:26 |
18. jún. 2021 |
Viðmið um lágmarksíbúafjölda sveitarfélaga lögfest með breytingu á sveitarstjórnarlögum
Alþingi samþykkti um síðustu helgi stjórnarfrumvarp Sigurðar Inga Jóhannssonar, samgöngu- og sveitarstjórnarráðherra, um breytingu á sveitarstjórnarlögum og lögum um tekjustofna sveitarfélaga. Ein meginbreytingin felur í sér að stefnt skuli að því að lágmarksíbúafjöldi sveitarfélaga verði ekki undir 1.000 manns. |
|
15:13 |
18. jún. 2021 |
Bólusetning vegna Covid-19 í Austur-Húnavatnssýslu
Nú ættu allir íbúar Austur-Húnavatnssýslu 16 ára og eldri að vera búnir að fá boð í fyrri bólusetningu gegn Covid-19. Ef einhverjir hafa ekki fengið boð eða af einhverjum öðrum ástæðum ekki fengið bólusetningu, hafið samband við heilsugæsluna í síma 4324100 virka daga milli kl. 08:00 og 16:00. |
|
11:04 |
18. jún. 2021 |
Þjóðhátíðardeginum fagnað
Hátíðarhöld í tilefni af 17. júní fór fram um land allt í gær og þar var Blönduós engin undantekning. Hefðbundin skrúðganga var farin frá leikskólanum Barnabæ og var gengið að Blönduskóla. Til stóð að hátíðar- og skemmtidagskrá yrði á skólalóðinni en hún var færð inn í Íþróttamiðstöðina. Þar flutti sveitarstjóri Blönduósbæjar hátíðarávarp og fjallkonan ljóð og svo sá Villi vandræðaskáld um glens og gaman. |
|
10:16 |
18. jún. 2021 |
Viðtöl um deiliskipulag í gamla bænum
Skipulagsfulltrúi Blönduósbæjar og skipulagsráðgjafi frá Landmótun bjóða upp á viðtöl um deiliskipulags í gamla bænum á Blönduósi þriðjudaginn 29. júní. Einstaklingar eða hópar geta pantað sér tíma á netfangið magnus@blonduos.is með ósk um tímasetningu fyrir viðtal. Fyrsti viðtalsfundurinn verður klukkan 10 og svo á hálftíma fresti eftir það fram eftir degi. |
|
08:30 |
17. jún. 2021 |
Gleðilega þjóðhátíð
Þjóðhátíðardagur Íslendinga er í dag. Hátíðardagskrá verður á Blönduósi og Hvammstanga og Þjóðhátíðarmessa á Skagaströnd. Hátíðardagskráin á Blönduósi er með hefðbundnu sniði og er ýmislegt í boði s.s. skrúðganga frá Barnabæ og að Blönduskóla þar sem hátíðar- og skemmtidagskrá fer fram. Á Hvammstanga byrjar hátíðardagskráin á Þjóðhátíðarmessu í Hvammstangakirkju klukkan 13. Svo leggur skrúðganga af stað frá kirkjunni og að félagsheimilinu en þar fer fram hátíðar- og skemmtidagskrá. |
|
08:13 |
17. jún. 2021 |
Allt uppbókað á opnunardegi Harbour
Allt er uppbókað í dag á Harbour restaurant & bar sem opnar í fyrsta sinn á Skagaströnd í dag. Tvenn hjón standa að veitingastaðnum, þau Stefán Sveinsson og Hafdís Ásgeirsdóttir, og Slavko Velemir og Birna Sveinsdóttir. Undanfarin misseri hefur verið unnið að opnun staðarins sem staðsettur er við höfnina. |
|
10:27 |
16. jún. 2021 |
Ljósmyndir Björns Bergmanns afhentar og myndasafn opnað
Frá Héraðsskjalasafni Austur Húnavatnssýslu
24. maí 2021 hefði Björn Bergmann átt 111 ára afmæli og af því tilefni þá kom Eðvarð Hallgrímsson, systursonur hans, þann 25. maí og afhenti ljósmyndir Björns ásamt púlti og kompás þeim er Björn var ætíð með um hálsinn og notaði þegar hann tók myndir uppá heiðum.
Einnig af þessu sama tilefni var opnaður aðgangur að myndasafni Björns sem afhent hefur verið hingað á safnið í gegnum árin. |
|
10:21 |
16. jún. 2021 |
Miðfjarðará gaf átta í opnun
Miðfjarðará opnaði í gær og veiddust átta stórlaxar þennan fyrsta veiðidag. Stærsti laxinn var 85 sentímetrar en flestir voru þeir í kringum 80 sentímetra, allt tveggja ára fiskar. Fjórir laxar veiddust í Austurárgljúfrum, tveir í Miðfjarðará og tveir í Vesturá. Þó veiðin hafi kætt veiðimenn hefur veðrið ekki gert það. Skítakuldi var í Miðfirðinum í gær, sól og hífandi rok. |
|
15:05 |
15. jún. 2021 |
Óskað eftir framkvæmdaleyfi fyrir nýjan Þverárfjallsveg
Vegagerðin hefur óskað eftir framkvæmdaleyfi til Blönduósbæjar til að byggja nýjan Þverárfjallsveg frá Hringveginum austan Blönduóss og að núverandi Þverárfjallsvegi skammt sunnan við núverandi brú á Laxá í Refasveit. Nýi vegurinn er um 8,5 kílómetra langur en einnig verður byggður 3,3 kílómetra langur vegur til norðurs frá nýjum Þverárfjallsvegi, yfir nýja brú á Laxá og inn á núverandi Skagastrandarveg norðan Höskuldsstaða. |
|
14:51 |
15. jún. 2021 |
Beinin ekki mannabein
Fréttin hefur verið uppfærð
Ábúandi á Skaga í Austur-Húnavatnssýslu fann í gærkvöldi eitthvað sem talið er vera mannabein. Björgunarsveitarmenn voru kallaðir út til að leita umhverfis staðinn þar sem beinin fundust í fjörunni. Ýmislegt fleira fannst við þá leit, annað en mannabein og var það sent til Reykjavíkur til frekari rannsókna, að því er fram kemur á vef Ríkisútvarpsins. |
Til baka
Loka
Prenta
