|
11:26 |
09. jún. 2021 |
Tónlistarskólar landsins láta ljós sitt skína
Á Íslandi eru tæplega 90 tónlistarskólar starfandi með 15 þúsund nemendur. Flest allir þessir skólar taka þátt í Netnótunni, nýjum tónlistarþáttum, sem unnir eru í samstarfi við Félag kennara og stjórnenda í tónlistarskólum og Samtaka tónlistarskólastjóra. Þættirnir verða sýndir á N4 en þar gefst kostur á að skyggnast inn í starfsemi tónlistarskólanna, grasrót tónlistarsköpunar í landinu. |
|
14:54 |
08. jún. 2021 |
Þjóðhátíðardeginum fagnað á Hvammstanga
Hátíðarhöld fara fram á Hvammstanga í tilefni af þjóðhátíðardeginum 17. júní. Dagskráin hefst klukkan 13 með Þjóðhátíðarmessu í Hvammstangakirkju. Klukkan 14 leggur skrúðganga af stað frá Hvammstangakirkju og hálftíma síðar verður ávarp fjallkonu og hátíðarræða flutt af svölum félagsheimilisins. Skemmtidagskrá hefst svo sunnan við félagsheimilið klukkan 15. |
|
13:15 |
07. jún. 2021 |
Prjónagleðin haldin í fimmta sinn á Blönduósi
Prjónagleðin verður haldin á Blönduósi í fimmta sinn um næstu helgi. Markmið hennar er að sameina prjónafólk og skapa því vettvang til þess að hittast og miðla prjónasögum, nýjum hugmyndum og aðferðum, gömlum hefðum og síðast en ekki síst prjónagleðinni í öllum sínum fjölbreytileika. Á Prjónagleðinni er boðið upp á fjölbreytt úrval námskeiða og fyrirlestra auk ýmissa viðburða sem allir tengjast prjónaskap og garni á einhvern hátt. Á hátíðinni er markaðstorg þar sem m.a. handlitarar, garnframleiðendur, prjónaverslanir, handverksfólk og hönnuðir sýna og selja spennandi vörur fyrir prjónalífið. |
|
09:01 |
07. jún. 2021 |
Framboðslisti Viðreisnar í NV-kjördæmi kynntur
Viðreisn hefur kynnt framboðslista sinn í Norðvesturkjördæmi fyrir komandi alþingiskosningarnar í haust. Guðmundur Gunnarsson, fyrrverandi bæjarstjóri Ísafjarðarbæjar, leiðir listann. Í 2. sæti er Bjarney Bjarnadóttir, kennari. Starri Reynisson, forseti Uppreisnar, ungliðahreyfingar Viðreisnar, situr í 3. sæti listans og Ingunn Rós Kristjánsdóttir, sálfræðinemi, er í 4. sæti. |
|
17:09 |
06. jún. 2021 |
Prófkjör Sjálfstæðisflokksins í Norðvesturkjördæmi
Prófkjör Sjálfstæðisflokksins í Norðvesturkjördæmi fer fram dagana 16. og 19. júní n.k. Utankjörfundaratkvæðagreiðsla fer fram 8. júní í anddyri Félagsheimilisins á Blönduósi frá kl. 17:00 til 19:00. Opið verður svo þann 16. júní frá kl. 16:00 til 18:00 og 19. júní frá kl. 14:00 til 18:00. |
|
15:20 |
06. jún. 2021 |
Niðurstaðan vonbrigði
Dagný Rósa Úlfarsdóttir, oddviti hreppsnefndar Skagabyggðar, segir úrslitin í kosningum um sameiningu sveitarfélaga í Austur-Húnavatnssýslu vera vonbrigði enda hafi sveitarfélögin lagt mikla vinnu í undirbúning undanfarna mánuði. Hún segir niðurstöðurnar hafi komið sér og fleirum í samstarfsnefnd um sameiningu á óvart og íbúum í Skagabyggð reyndar líka. |
|
23:32 |
05. jún. 2021 |
Sveitarfélögin fjögur sameinast ekki
Kjörstjórnir hafa lokið talningu atkvæða í Blönduósbæ, Húnavatnshreppi, Skagabyggð og Sveitarfélaginu Skagaströnd. Tillaga um sameiningu sveitarfélaganna fjögurra var felld. Íbúar í Blönduósbæ samþykktu sameiningu þar sem 89,4% sögðu já og 9,5% nei. Íbúar í Húnavatnshreppi samþykktu einnig sameiningu þar sem 56,6% sögðu já og 41,8% nei. Íbúar í Skagabyggð og á Skagaströnd felldu sameiningartillöguna. |
|
22:53 |
05. jún. 2021 |
Enginn lax veiddist á opnunardegi Blöndu
Laxveiði hófst í Blöndu í dag en þau undur og stórmerki gerðust að enginn fiskur kom á land. Fara þarf mörg ár aftur í tímann til að finna jafn lélega opnun. Sporðaköst, veiðivefur mbl.is segir frá því að tveir reyndir veiðimenn, sem opnað hafa ána síðustu tólf árin, hefðu farið á alla veiðistaði og ekki náð að landa fiski. |
|
22:41 |
05. jún. 2021 |
Sameiningartillagan felld í Skagabyggð
Meirihluti íbúa í Skagabyggð sögðu nei við sameiningartillögu samstarfsnefndar um sameiningu sveitarfélaga í Austur-Húnavatnssýslu. Á kjörskrá voru 70 og greiddu 53 atkvæði eða 76%. Tuttugu og níu sögðu nei við tillögunni og tuttugu og fjórir sögðu já. |
|
19:38 |
05. jún. 2021 |
Sætur sigur í Fagralundi
Kormákur/Hvöt mætti Vatnaliljunum í Fagralundi í Kópavogi nú síðdegis þegar leikið var í fjórðu umferð Íslandsmótsins í knattspyrnu karla, 4. deild D-riðli. Kormákur/Hvöt hóf leik á móti vindi og sat frekar aftarlega á vellinum og beitti skyndisóknum. Úr einni slíkri kom fyrsta mark leiksins þegar George Razvan Chariton vann boltann af harðfylgi og skoraði laglegt mark. Vatnaliljurnar náðu að jafna leikinn áður en flautað var til hálfleiks. |
|
06:16 |
05. jún. 2021 |
Kosið um sameiningu í dag
Í dag fara fram kosningar um sameiningu Blönduósbæjar, Húnavatnshrepps, Skagabyggðar og Sveitarfélagsins Skagastrandar. Rétt til að kjósa hafa allir 18 ára og eldri sem eru á kjörskrá í viðkomandi sveitarfélagi. Kjósendur skulu hafa meðferðis persónuskilríki. Kjörfundir fara fram í hverju sveitarfélagi og verða þeir opnir sem hér segir: |
|
15:05 |
04. jún. 2021 |
Sýrlensk hátíð á Hvammstanga í gær
Í gær var því fagnað að tvö ár eru liðin síðan að 23 Sýrlendingar settust þar að á Hvammstanga. Formlegri aðstoð við hópinn er nú lokið og nú teljast þessir nýbúar fullgildir íbúar á Hvammstanga. Þrettán börn eru í þessum fjölskyldum og það var gaman hjá þeim á Hvammstanga í gær. Sagt var frá þessu í kvöldfréttum Ríkissjónvarpsins í gær og rætt var við nýbúana og Ragnheiði Jónu Ingimarsdóttur, sveitarstjóra Húnaþings vestra. |
|
08:15 |
04. jún. 2021 |
Jákvæður rekstur á Húnavatnshreppi
Húnavatnshreppur var rekinn með rúmlega 14 milljón króna jákvæðri afkomu í fyrra, samanborið við tæplega 18 milljón króna tap árið 2019. Rekstrartekjur námu 523 milljónum og jukust um 53 milljónir milli ára eða um 11%. Rekstrargjöld námu 464 milljónum og jukust um 14 milljónir eða um 3%. Rekstrarniðurstaða fyrir afskriftir og fjármagnsliði var því jákvæð um tæplega 59 milljónir, samanborið við rúmlega 19 milljón króna jákvæða afkomu 2019. |
|
18:42 |
03. jún. 2021 |
Frá Skagastrandarprestakalli
Guðsþjónusta í Hólaneskirkju Sjómannadaginn 6. júní 2021 kl. 11.00. Skrúðganga leggur af stað frá hafnarsvæðinu til Hólaneskirkju kl. 10.30.
Í guðsþjónustunni syngjum við saman sjómannalög og sálma undir stjórn Hugrúnar Sifjar Hallgrímsdóttur organista. Séra Bryndís Valbjarnardóttir þjónar fyrir altari.
Ræðumaður dagsins er Guðmundur Finnbogason. |
|
09:36 |
03. jún. 2021 |
Jöfnunarsjóður tilbúinn að styrkja umhverfisakademíu á Húnavöllum
Sveitarfélögin í Austur-Húnavatnssýslu fá 20 milljóna króna styrk úr Jöfnunarsjóði sveitarfélaga til að undirbúa og stofna umhverfisakademíu á Húnavöllum. Sameiningarnefnd sveitarfélaganna sótti um styrkinn til að geta hafist handa við undirbúning. Styrkur Jöfnunarsjóðsins er með fyrirvara um að af sameiningu sveitarfélaganna verði og að mennta- og menningarmálaráðuneytið veiti jákvæða umsögn um starfsemi skólans |
Til baka
Loka
Prenta
