|
17:13 |
09. jan. 2019 |
Nýir Íslendingar, flóttamenn og farendur
Eftir Guðjón S. Brjánsson
Framkvæmdaáætlun um málefni innflytjenda 2016-2019 var samþykkt á Alþingi í maí 2016. Áætlunin byggir á fimm skilgreindum þáttum eða stoðum. Félags- og jafnréttismálaráðherra, sem hann þá hét, svaraði skriflegri fyrirspurn undirritaðs fyrir nær ellefu mánuðum og kvað tveimur þáttum áætlunarinnar lokið, þeim sem lúta að rannsókn á stöðu og líðan flóttafólks og öðrum sem snýr að bættu eftirliti með vinnustöðum. Óljóst er hins vegar með vinnu við þá þrjá mikilvægu þætti sem eftir standa. |
|
07:11 |
05. jan. 2019 |
Bæn við upphaf nýs árs
Eftir Sigurbjörn Þorkelsson
Ekki er ég nú vanur að setja mér einhver ákveðin markmið við áramót eða að strengja formleg áramótaheit önnur en þau að reyna jafnvel að verða ögn skárri maður en í fyrra. Ég bið þess gjarnan einnig við áramót líkt og daglega að mér auðnist að fá að vera farvegur kærleika Guðs, náðar hans og miskunnar, fyrirgefningar, friðar, fagnaðarerindis og vonar. |
|
09:31 |
06. des. 2018 |
Jólin eru tímalína
Eftir Sigurbjörn Þorkelsson
Hún mamma var alltaf allt í öllu ekki síst á aðventunni og um jólin. Hún skreytti, bakaði og eldaði, saumaði og heklaði. Kom fyrir dúkum og kertum. Sparistellið var að sjálfsögðu dregið fram og silfrið fægt. Við mamma bökuðum saman smákökur og piparkökur sem hún leyfði mér að mála og skreyta. Svo leyfði hún mér að föndra mitt eigið jólaskraut sem átti það náttúrulega til að fara allavega. |
|
12:07 |
30. nóv. 2018 |
Ef ég væri Nöldri...............
Eftir Gunnar Rúnar Kristjánsson
Um aldamótin 1900 var tekin sú ákvörðun að Húnavatnssýsla skyldi klofin í tvennt í vestur og austur Húnavatnssýslur. Ástæðan fyrir því að þessi ákvörðun var tekin var fyrst og fremst af samgöngulegum rökum og að íbúarnir voru um fjögur þúsund. Það þótti ekki gerlegt að sinna þeim störfum, sem lagt var á embætti sýslumanna, í svona víðáttumiklu og torfæru svæði sem Húnavatnssýslur voru. Auk þess var yfirgangur Austur-Húnvetninga með slíkum hætti að Vestur-Húnvetningar fengu ekki notið sín. |
|
07:16 |
29. nóv. 2018 |
Eilíf ást
Eftir Sigurbjörn Þorkelsson
Ást Guðs er kærleikur frá innstu hjarta rótum. Kærleikur sem fylgir fyrirgefning, náð og miskunn. Kærleikur sem spyr ekki endurgjald og yfirgefur ekki. Kærleikur sem fyllir okkur von, auðmýkt og þakklæti fyrir að fá að vera með. Kærleikur Guðs er hin fullkomna ást sem hefur heitið því að sleppa ekki af okkur hendinni heldur vaka yfir okkur, vernda og varðveita frá kyni til kyns. Kærleikur sem vill taka utan um þá særðu, þá sem hafa verið órétti beittir og kærleikur sem vill reisa upp, fyrirgefa og gefa annað tækifæri. |
|
11:34 |
22. nóv. 2018 |
Verum snjöll - verslum heima
Eftir Unni Valborgu Hilmarsdóttur
Það styttist til jóla. Áður en við vitum af verðum við farin að skrifa jólakortin og pakka inn jólagjöfum. Það er afar misjafnt hvenær fólk hefst handa við jólagjafainnkaupin. Einhverjir byrja snemma árs en svo eru aðrir sem bíða þar til á Þorláksmessu með að kaupa gjafirnar og allt þar á milli. Það er líka afar misjafnt hversu miklu við eyðum í jólagjafir. |
|
14:03 |
16. nóv. 2018 |
Stökuspjall: Römm er sú taug er rekka dregur...
Eftir Inga Heiðmar Jónsson
Rúm 40 ár stóð Bessastaðaskóli, árin 1805-1846. Skólanum tengjast nöfn ýmis nöfn skálda og rithöfunda sem eru okkur enn ofarlega í huga eftir 200 ár. Jónas skal fyrstan nefna, dreng dala, kom norðan úr Öxnadal, var farinn að setja saman stökur þegar hann kom til skólans 1823. Um systur sína orti JH: |
|
10:12 |
13. nóv. 2018 |
Umhverfisvæn orka eða hvað?
Eftir Guðjón S. Brjánsson
Umhverfismál og orkunýting er mikið til umfjöllunar þessi dægrin enda er um stórfellt hagsmunamál að ræða fyrir þjóðina í aðsteðjandi orkuskiptum. Ein er sú tegund orku sem við gefum hins vegar of lítinn gaum og það er starfsorkan, ekki síst sú nýting sem snýr að öryrkjum og eldri kynslóðinni. Hér getum við virkjað betur, virkjunarkostirnir eru margir og góðir hringinn í kringum landið og allir eru þeir umhverfisvænir. |
|
09:08 |
09. nóv. 2018 |
Draumur sem rættist
Eftir Sigurbjörn Þorkelsson
Veistu að eitt sinn varst þú aðeins draumur. Fallegur draumur í huga Guðs. Draumur sem rættist. Í mínum huga er ekkert fallegra en þegar nýtt líf kviknar. Þegar barn verður til í móðurkviði og foreldrar, afar og ömmur, systkini og ættingjar bíða svo barnslega spennt eftir að nýja lífið líti loks ljós þessa heims. Fátt ef nokkuð hrærir hjarta okkur og gleður jafn innilega. Og við biðjum Guð að blessa litla lífið sem við sannarlega bindum vonir við án þess að krefja það að sjálfsögðu um eitt eða neitt. |
|
11:57 |
02. nóv. 2018 |
Hvers vegna?
Eftir Sigurbjörn Þorkelsson
Hefurðu spáð í það að Jesús Kristur afmáði dauðann og innleiddi óslökkvandi ljós og eilíft líf með upprisu sinni frá dauðum? Ég er einmitt alltaf að reyna að ná þessu og tileinka mér þetta því að mér finnst þetta virkilega athyglisvert og spennandi og hreinlega verulega mikið til koma. Hvers vegna haldið þið annars að fólk sé enn að tala um þennan Jesú Krist 2000 árum eftir að hann var uppi? Og hvers vegna ætli það sé að kirkjan heldur velli eftir allan þennan tíma? |
|
21:05 |
30. okt. 2018 |
Stökuspjall: Um bláa dalinn heima
Eftir Inga Heiðmar Jónsson
Er þráir mín sál að syngja, og svífa frá villtum glaum, þá ljóðhörpu læt ég klingja og leiðist í sæludraum. En ljóðstafi lítt ég þekki - með listhreim kveð ég ekki - svo öll virðast efnin naum. Björn organisti á Hvammstanga var gott skáld og átti til skálda að telja því Ólöf frá Hlöðum var móðursystir hans. Ragnar organisti og söngstjóri í Reykjavík var sonur Björns. Skáldið hafði næmt auga fyrir frelsi. |
|
16:22 |
19. okt. 2018 |
Frá Kvenfélaginu Vöku
Kvenfélagið Vaka er 90 ára gamalt félag, sem við viljum blása nýju lífi í.
Kvenfélagið fundar fyrsta mánudag í hverjum mánuði. Áhugasamar konur endilega hafið samband við Sigríði Eddý Jóhannsdóttur formann.
Spotkania Związku Kobiet Vaka odbywają się zawsze w pierwsze poniedziałki każdego miesiąca. Zaintersowane kobiety proszone są o kontakt z prezesem Sigríđur Eddý Jóhannsdóttir.
Meetings are held the first Monday of every month. Women intesested in joining the club please contact the clubs president Sigríður Eddý Jóhannesdóttir. |
|
13:47 |
19. okt. 2018 |
Að vera sjálfselskur
Eftir Sigurbjörn Þorkelsson
Í gamalli en góðri bók sem er reyndar margar bækur saman komnar í einni, stundum kölluð bók bókanna, er að finna óendanlega uppsprettu góðra gilda og hugmynda, vonar og kærleika, lífs, ljóss og friðar.
Þar hvetur höfundur og fullkomnari lífsins okkur meðal annars til að elska náungann eins og okkur sjálf. Elska án skilyrða eða fordóma og koma náunganum til hjálpar eftir fremsta megni. Vera brennandi af fórnandi kærleika sem hlúir að, umvefur og hjúkrar, skiptir sköpum og bjargar. |
|
09:19 |
09. okt. 2018 |
Bjarnastaðaskriða
Eftir Magnús Ólafsson
Síðustu nótt, aðfaranótt 8. október, voru 298 ár frá því Bjarnastaðaskriða féll úr Vatnsdalsfjalli og tók af bæinn Bjarnastaði. Þar fórust 7 manns. Þetta var mikil skriða sem stíflaði Vatnsdalsá og myndaði Flóðið. Vatnið náði allt fram hjá Hvammi í Vatnsdal fyrstu dagana eftir að skriðan féll og spillti engjum á mörgum bæjum og skerti búsetumöguleika hjá þeim sem þá bæi byggðu. Síðan braut vatnið sér leið yfir skriðuna. |
|
09:33 |
08. okt. 2018 |
Hvernig urðu Vatnsdalshólar til
Eftir Magnús Ólafsson
Nýlega gekk ég í lýðheilsugöngu með hópi fólks um Vatnsdalshóla og sagði frá náttúruhamförum á þessu svæði. Vona að allir hafi haft nokkuð gaman af og muni síðar leggja leið sína á þessar merku slóðir í betra veðri. Það er vel þess virði að ganga frá Þrístöpum, suðuraustur um hólana allt þar til sýn opnast yfir Flóðið. Virða fyrir sér margbreytilega myndun hólanna og misjöfn berglög. |
Til baka
Loka
Prenta
