|
10:43 |
07. júl. 2021 |
Bátur strandaði við Finnstaðanes
Björgunarsveitin Strönd var kölluð út í gær vegna strandveiðibáts sem strandaði við Finnstaðanes norðan við Skagaströnd síðdegis í gær. Báturinn var á landleið úr róðri en endaði í grýttri fjöru og sat fastur. Húnabjörgin dró bátinn til Skagastrandar og var hann töluvert siginn að framan þegar þangað var komið. Einn maður var um borð og slasaðist hann ekki. |
|
09:42 |
07. júl. 2021 |
Aukið afhendingaröryggi raforku í Skagafirði
Ný og stærri aðveitustöð RARIK á Sauðárkróki var tekin í notkun nýverið og er hún jafnframt öflugasta aðveitustöðin í dreifikerfi RARIK. Um leið eykst til muna afhendingaröryggi raforku á svæðinu. Dreifikerfi RARIK í Skagafirði tengist flutningskerfi Landsnets bæði í Varmahlíð og á Sauðárkróki. Fram til þessa hefur afhendingin á Sauðárkróki verið um einfalda línu Landsnets, en fer nú um tvær tengingar frá tengivirkinu í Varmahlíð. |
|
18:21 |
06. júl. 2021 |
Skoðanakönnun í Húnavatnshreppi um sameiningu við Blönduósbæ
Sveitarstjórn Húnavatnshrepps tekur jákvætt í ósk Blönduósbæjar um formlegar sameiningarviðræður. Hún telur þó rétt að gera fyrst skoðanakönnun meðal íbúa um slíka sameiningu, sem færi fram samhliða alþingiskosningum 25. september. Þannig vill sveitarstjórnin tryggja sér umboð frá íbúum sveitarfélagsins til að fara í sameiningarviðræður við Blönduósbæ. |
|
09:24 |
06. júl. 2021 |
Náttúrubarnahátíð á Ströndum
Náttúrubarnahátíðin á Ströndum verður haldin á Sauðfjársetrinu í Sævangi, þar sem Náttúrubarnaskólinn er til húsa, helgina 9.-11. júlí. Náttúrubarnahátíðin er fjölskylduhátíð og verður aðgangur ókeypis. Einnig er frítt fyrir hátíðargesti að gista í tjaldi á Kirkjubóli sem er rétt hjá Sævangi en það er ekki eiginlegt tjaldstæði og ekki aðgangur að rafmagni. Svo er frábært tjaldsvæði á Hólmavík þar sem er rafmagn og ýmsir gististaðir í nágrenninu. |
|
11:53 |
05. júl. 2021 |
Meistaramót Golfklúbbsins Óss
Meistaramót Golfklúbbsins Óss á Blönduósi var haldið dagana 2. og 3. júlí. Keppt var í þremur flokkum, meistaraflokki karla og kvenna og í fyrsta flokki karla. Birna Sigfúsdóttir sigraði í meistaraflokki kvenna og Jón Jóhannsson í meistaraflokki karla. Grímur Rúnar Lárusson sigraði í 1. flokki karla. |
|
11:42 |
05. júl. 2021 |
Dagskrá Húnavöku 2021
Dagskrá Húnavöku er klár en hátíðin verður haldin á Blönduósi í 18. sinn dagana 15.-18. júlí. Á fyrsta degi hátíðarinnar ætla Blönduósingar í þéttbýli og dreifbýli að skreyta hús sín hátt og lágt fyrir hátíðina. Lagt er til að bærinn verði fylltur af skemmtilegum og frumlegum fígúrum. Verðlaun verða veitt fyrir best skreytta húsið, frumlegustu og flottustu fígúruna og fyrir götuna með flestar fígúrur. Að kvöldi fimmtudagsins verður svo Bjórbingó í Félagsheimilinu. |
|
16:04 |
04. júl. 2021 |
Blönduósbær á afmæli í dag
Fékk kaupstaðarréttindi fyrir 33 árum
Í dag eru 33 ár síðan Blönduós hlaut bæjarréttindi og kallaðist upp frá því Blönduósbær. Blönduós var upphaflega í Torfalækjarhreppi en varð að sérstökum hreppi, Blönduóshreppi, árið 1914 eða fyrir 105 árum síðan. Blönduóshreppur stækkaði 1. febrúar 1936 þegar hann fékk skika úr landi Engihlíðarhrepps. Bæjarréttindi fékk hann 4. júlí 1988 og gat þá kallað sig Blönduósbæ og hélst það nafn áfram við sameiningu við Engihlíðarhrepp 9. júní 2002. |
|
07:22 |
04. júl. 2021 |
Boðflennur í Hrútey
Í gær var opnuð listarsýningin Boðflenna í Hrútey og verður hún opin almenningi til 28. ágúst. Um er að ræða risastórt útilistaverk eftir listakonuna Hrafnhildi Arnardóttir eða Shoplifter eins og Hrafnhildur kallar sig. Í verkinu stillir Shoplifter náttúruperlunni Hrútey og gervináttúruverkum sínum upp sem hliðstæðum sem einnig má skoða sem andstæður, samstæður eða gagnstæðar spegilmyndir. |
|
07:12 |
04. júl. 2021 |
Öruggur sigur á Létti
Kormákur/Hvöt tók á móti Létti á Blönduósvelli í gær þegar leikið var í áttundu umferð Íslandsmótsins í knattspyrnu karla, 4. deild D-riðli. Heimamenn byrjuðu af krafti í leiknum og skoruðu fyrsta mark leiksins strax á 8. mínútu en það gerði Akil Rondel Dexter De Freitas. Rétt fyrir leikhlé bætti svo Sigurður Bjarni Aadnegard við öðru marki og staðan 2-0 í hálfleik. |
|
12:56 |
02. júl. 2021 |
Prjónatónar í Heimilisiðnaðarsafninu
Hafdís Bjarnadóttir og Passepartout Duo munu halda prjónatónleika í Heimilisiðnaðarsafninu sunnudaginn 4. júlí klukkan 15:00. Þau bjóða gestum að hafa með sér prjónana eða aðra handavinnu til að dunda við á meðan tónleikunum stendur. Tónlistarfólkið mun ferðast innanlands í júlí mánuði og bjóða upp á sérstaka tónlist, sauða- og prjónatóna, sem nokkurs konar nútímaóð til kvöldvöku gamla tímans. |
|
08:54 |
02. júl. 2021 |
Nafnasamkeppni á nýjan gangnamannaskála við Gedduhöfða á Grímstunguheiði
Á fundi fjallskilastjórnar Grímstungu- og Haukagilsheiða á dögunum var ákveðið að efna til samkeppni um nafn á nýjan gangnamannaskála á Grímstunguheiði. Nafnasamkeppnin er öllum opin og íbúar í Húnavatnshreppi sérstaklega hvattir til að taka þátt. Frestur til að skila inn tillögum er föstudagurinn 16. ágúst næstkomandi. Verðlaun verða veitt fyrir þá tillögu sem verður fyrir valinu. |
|
08:43 |
02. júl. 2021 |
Tiltekt í Þórdísarlundi
Árleg ferð Húnvetningafélagsins í Reykjavík norður í Þórdísarlund í Vatnsdal var farin 19. júní síðastliðinn. Tilgangur ferðarinnar var að hreinsa til, slá gras, setja kurl á stíga, bera á timburverk, tengja klósett og vaska, saga dauðar greinar og lagfæra ýmislegt. Svo var auðvitað kveikt upp í grillinu, kvöldverður snæddur, sungið og haft gaman. |
|
10:44 |
01. júl. 2021 |
Heyskapur seinna á ferðinni
Heyskapur er seinna á ferðinni í Austur-Húnavatnssýslu en í meðalári og sláttur varla byrjaður. Þetta kom fram í máli Önnur Margrétar Jónsdóttur, bónda á Sölvabakka, en hún var í viðtali hjá morgunútvarpi Rásar 2 í morgun. Hún sagðist ekki muna eftir jafn hvössu veðri og verið hafi undanfarið á þessum árstíma og að maí hafi verið ískaldur. En vorið hafi svo komið í öllu sínu veldi annan dag Hvítasunnur og varað í nokkra daga. |
|
10:25 |
01. júl. 2021 |
Samtal um sameiningu Skagastrandar og Skagabyggðar
Sveitarstjórnir Sveitarfélagsins Skagastrandar og Skagabyggðar funduðu í vikunni til þess að kanna forsendur fyrir sameiningu sveitarfélaganna og áttu góðan fund, að því er fram kemur á vef Skagastrandar. Niðurstaða fundarins var að leggja óformlega könnun fyrir íbúa seinni part sumars, til þess að kanna hug þeirra til hugsanlegrar sameiningar, áður en ákvörðun verður tekin um hvort fara eigi í formlegar viðræður milli sveitarfélaganna. |
|
16:07 |
30. jún. 2021 |
Myndlistarsýning í Hrútey
Á laugardaginn klukkan 14 verður opnuð myndlistarsýning í Hrútey og verður hún opin almenningi til 28. ágúst. Um er að ræða risastórt útilistaverk eftir listakonuna Hrafnhildi Arnardóttur eða Shoplifter eins og Hrafnhildur kallar sig. Í verkinu hyggst Shoplifter stilla náttúruperlunni Hrútey og gervináttúruverkum sínum upp sem hliðstæðum sem einnig má skoða sem andstæður, samstæður eða gagnstæðar spegilmyndir. |
Til baka
Loka
Prenta
