|
11:00 |
24. nóv. 2021 |
Eldvarnafræðsla mikilvæg
Landssamband slökkviliðs- og sjúkraflutningamanna kynnir eldvarnir heimilisins fyrir grunnskólabörnum og fjölskyldum þeirra fyrir hver jól. Í síðust viku hófst þetta árlega eldvarnarátak í Grunnskólanum í Borgarnesi. Landssambandið beinir sjónum sínum til grunnskólabarna í 3. bekk og kynnir fyrir þeim grundvallaratriðin varðandi eldvarnir heimilisins. Jóhannes Kári Bragason, slökkviliðsstjóri í Húnaþingi vestra, ritar pistil á vef sveitarfélagsins um eldvarnarátakið. |
|
10:40 |
24. nóv. 2021 |
Fjallað um uppbyggingu á Blönduósi
Í þættinum Að norðan sem sýndur var á sjónvarpsstöðinni N4 í gærkvöldi var m.a. fjallað um mikla uppbyggingu sem á sér stað á Blönduósi um þessar mundir. Rætt er við Valdimar O. Hermannsson, sveitarstjóra á Blönduósi, og segir hann að frá árinu 2018 hafi mikil uppbygging átt sér stað. Nefnir hann að núna sé í gangi þrjú stór verkefni í iðnaðarhúsnæði; stækkun gagnaversins, bygging á Miðholtinu og nýtt húsnæði Prótis. |
|
16:23 |
23. nóv. 2021 |
Heimsókn í Húnaþing á N4
Sjónvarpsstöðin N4 var í heimsókn í Húnavatnssýslum á dögunum og afraksturinn má sjá í kvöld í þættinum Að norðan. Þáttargerðarfólk heimsótti m.a. hjónin Elínu og Ara á Bergsstöðum í Miðfirði, fóru á spilakvöld hjá Lomberklúbbnum á Hvammstanga og ræddu við Valdimar O. Hermannsson, sveitarstjóra á Blönduósi, um þá miklu uppbyggingu sem þar á sér stað. |
|
13:45 |
23. nóv. 2021 |
Norðanhríð í kortunum
Veðurstofa Íslands hefur gefið út gula veðurviðvörun fyrir Strandir og Norðurland vestra. Hún gildir frá klukkan ellefu í kvöld og til morguns. Spáð er 15-23 m/s og snjókomu og skafrenningi með lélegu skyggni og versnandi akstursskilyrðum. Varasamt ferðaveður. Gul veðurviðvörun tekur einnig gildi í öðrum landshlutum í kvöld, s.s. á Vestfjörðum, Miðhálendinu, Norðurlandi eystra, Austfjörðum og Suðausturlandi. |
|
12:20 |
22. nóv. 2021 |
Vetrarþjónustu mjög ábótavant við ferðamannastaði
Stjórn Markaðsstofu Norðurlands telur það óásættanlegt að vetrarþjónustu að vegum á ferðamannastöðum á Norðurlandi sé jafn ábótavant og raun ber vitni. Þetta kemur fram í ályktun sem var samþykkt á síðasta stjórnarfundi MN. Sérstaklega er bent á vetrarþjónustu á Vatnsnesvegi að Hvítserk og á Demantshringnum sem var formlega opnaður á síðasta ári. |
|
10:13 |
22. nóv. 2021 |
Þungar áhyggjur af þróun kostnaðar
Byggðaráð Blönduósbæjar tekur undir bókun Húnaþings vestra er varðar málefni fatlaðs fólks á Norðurlandi vestra og lýsir yfir þungum áhyggjum af því hvernig kostnaður í málaflokknum hefur þróast. Húnavatnshreppur hefur gert það sama og að óbreyttu geta sveitarfélögin ekki haldið áfram í samstarfsverkefninu, sem Sveitarfélagið Skagafjörður leiðir. Benda sveitarfélögin jafnframt á að málaflokkurinn er á ábyrgð ríkisins. |
|
07:23 |
21. nóv. 2021 |
Minningardagur um fórnarlömb umferðarslysa
Árlegur alþjóðlegur minningardagur um fórnarlömb umferðarslysa er haldinn sunnudaginn 21. nóvember. Í ár er kastljósinu meðal annars beint að afleiðingum þess ef öryggisbelti eru ekki notuð. Táknrænar minningarstundir eru haldnar hringinn í kringum landið af þessu tilefni. Dagskrá viðburða er á vefnum minningardagur.is. Minningarathöfn verður haldin við Björgunarmiðstöðina í Skógarhlíð klukkan 14 í dag. Forseti Íslands og samgöngu- og sveitarstjórnarráðherra verða viðstaddir og flytja ávörp. |
|
08:44 |
20. nóv. 2021 |
Hrútaskrá 2021-2022 komin út
Hrútaskrá sauðfjársæðingastöðvanna er líklega eitt mest lesna rit ársins víða um land. Skráin er nú komin út á rafrænu formi en prentaða útgáfan er væntanleg í næstu viku. Að þessu sinni standa 48 úrvalshrútar til boða í komandi sæðingavertíð en útsending sæðis mun hefjast þann 1. desember nk. og standa til 21. desember nk. |
|
08:38 |
20. nóv. 2021 |
Óskað eftir 198 milljónum úr Uppbyggingarsjóði
Alls bárust 115 umsóknir um styrkir í Uppbyggingarsjóð Norðurlands vestra en umsóknarfrestur rann út 12. nóvember síðastliðinn. Óskað var eftir samtals 198 milljónum króna í styrki úr sjóðnum en til úthlutunar eru rúmar 70 milljónir. Flestir umsóknir eða 57 voru um verkefnastyrki á sviði menningar. Stefnt er að því að svör berist umsækjendum fyrir jól. |
|
17:00 |
18. nóv. 2021 |
Kjósa á um nafn á nýja gangnamannaskálann
Sveitarstjórn Húnavatnshrepps vill að stjórn fjallskiladeildar Grímstungu- og Haukagilsheiða láti kjósa um nafn á nýja gangnamannaskálann á Grímstunguheiði á næsta almenna fundi deildarinnar. Kjósa á um nöfnin Brík, Gedduskáli, Heiðahöllin, Skjól og Vegamót. Stjórn fjallskiladeildarinnar efndi til nafnasamkeppni fyrr á þessu ári og þurfti að skila inn tillögu að nafni fyrir 16. ágúst. Alls bárust 26 tillögur að nafni. |
|
16:32 |
18. nóv. 2021 |
Nýtt Hvammshlíðardagatal komið út
Karólína Elísabetardóttir í Hvammshlíð í Skagabyggð hefur gefið út dagatal fyrir 2022. Þetta er fjórða dagatalaútgáfa Karólínu og að þessu sinni leggur hún áherslu á gamlar myndir, sauðfjárliti og ull. Hún vakti athygli árið 2018 þegar hún hóf sölu á dagatölum til að fjármagna kaup á dráttarvél fyrir búskapinn. Dagatalið fæst m.a. í Líflandi á Blönduósi og í Skagfirðingabúð á Sauðárkróki og kostar 3.900 krónur. |
|
14:38 |
18. nóv. 2021 |
Geta ekki tekið þátt í verkefni um málefni fatlaðra að óbreyttu
Húnavatnshreppur er í sömu stöðu og Húnaþing vestra þegar kemur að áframhaldandi þátttöku í samstarfsverkefni um málefni fatlaðs fólks á Norðurlandi vestra, þar sem Sveitarfélagið Skagafjörður er svokallað leiðandi sveitarfélag í verkefninu. Að óbreyttu geta sveitarfélögin tvö ekki haldið áfram í samstarfsverkefninu og benda bæði á að málaflokkurinn er á ábyrgð ríkisins. |
|
10:38 |
18. nóv. 2021 |
Gæfa að eiga góðan tónlistarskóla
Á þriðjudaginn og miðvikudaginn var blásið til veislu á starfsstöðvum Tónlistarskóla Austur-Húnvetninga, á Blönduósi og Skagaströnd, í tilefni af 50 ára afmæli skólans. Gestir gæddu sér á afmæliskökum og hlýddu á flutning nemenda skólans á hinum ýmsu tónverkum. Sveitarfélagið Skagaströnd færði skólanum blómvönd í tilefni dagsins og 100 þúsund króna gjöf til búnaðarkaupa. |
|
16:37 |
17. nóv. 2021 |
Minnisblað um breytingar á lögum um póstþjónustu
Samtök sveitarfélaga á Norðurlandi vestra hefur tekið saman minnisblað um aðdraganda, áhrif og vinnulag við breytingu á lögum um póstþjónustu sem leiddi til breytinga á gjaldskrá Íslandspósta. Meðal breytinga er mismunandi gjald milli fjögurra svæða í stað eins gjalds um land allt og varð það til þess að pakkasendingar eru nú umtalsvert dýrari á landsbyggðinni. Hækkunin kemur mjög illa við íbúa og fyrirtæki í hinum dreifðari byggðum. |
|
11:48 |
16. nóv. 2021 |
Hallarekstur á verkefni um málefni fatlaðs fólks verulegt áhyggjuefni
Fréttin hefur verið uppfærð
Húnaþing vestra ræður ekki við þáttöku í verkefni um málefni fatlaðs fólks á Norðurlandi vestra undir óbreyttum formerkjum. Kostnaður sveitarfélagsins vegna málaflokksins hefur hækkað um 509% frá árinu 2016. Hækkun milli áranna 2021 og 2021 nemur 181%. Þetta kemur fram í bókun sveitarstjórnarfundar Húnaþings vestra í síðustu viku. Þar segir að hinn gríðarlegi hallarekstur vegna málaflokksins sé verulegt áhyggjuefni. |
Til baka
Loka
Prenta
