|
16:39 |
01. jún. 2021 |
Sósíalistar með fund á Skagaströnd
Sósíalistar boða fólk á Skagaströnd og nágrenni til umræðu fimmtudagskvöldið 3. júní klukkan 20 um hvað kosningarnar í haust muni snúast. Hvað brennur á fólki? Og hvaða tilboð til kjósenda munu sósíalistar leggja fram? Fundurinn er á Kaffi Bjarmanesi á Skagaströnd. Húsið opnar klukkan 19:30 og samræðurnar hefjast klukkan 20:00. |
|
14:44 |
01. jún. 2021 |
Fasteignamat hækkar um 7,4%
Heildarmat fasteigna á Íslandi hækkar um 7,4% frá yfirstandandi ári og verður 10.340 milljarðar króna, samkvæmt fasteignamati Þjóðskrár fyrir árið 2022. Þetta er umtalsvert meiri hækkun en tilkynnt var um fyrir ári síðan þegar fasteignamat hækkaði um 2,1% á landinu öllu. Fasteignamat íbúða hækkar um 8,9% á höfuðborgarsvæðinu á meðan hækkunin er 5,2% á landsbyggðinni. |
|
13:08 |
01. jún. 2021 |
Áin Blanda innblástur nýrrar plötu Kviku
Hljómsveitin Kvika gefur út sína þriðju breiðskífu 10. júní næstkomandi. Hún ber nafnið The River og í tilkynningu kemur fram að uppspretta nafnsins kemur úr þremur ólíkum áttum m.a. frá lokaupptökum sem áttu sér stað í sumarbústað við ána Blöndu. Auk þess vísar nafnið til tveggja laga á plötunni og til aðstæðna Kvikumanna í Krakow, þar sem unnið var við lagasmíðar. |
|
09:46 |
01. jún. 2021 |
Sjóarastemming heima í stofu
Á sjómannadaginn, sunnudaginn 6. júní, verður hægt að lifa sig inn í heim síldaráranna í gegnum leikritið Á frívaktinni í uppfærslu Leikfélags Sauðárkróks. Leikritið verður sýnt á sjónvarpsstöðinni N4 en í því er að finna fjölda fallegra og fjörugra sjómannalaga.
Leikfélag Sauðárkróks fagnar á þessu ári 80 ára afmæli. Af því tilefni heimsfrumsýndi leikfélagið nýtt verk í maí sem heitir Á frívaktinni. |
|
09:41 |
01. jún. 2021 |
Laxveiðitímabilið hefst í vikunni
Laxveiðitímabilið er að hefjast hér á landi og opna laxveiðiárnar hver af annarri næstu vikurnar. Af helstu laxveiðiám í Húnavatnssýslum opnar Blanda fyrst eða á laugardaginn, 5. júní. Laxveiðitímabilið í fyrra þótt lélegt og urðu margir fyrir vonbrigðum með dræma veiði, þó svo að fleiri laxar hafi veiðst í stöku ám en árið áður. Blanda og Laxá á Ásum voru fjarri sínu besta og oft hafa Vatnsdalsá og Víðidalsá skilað meiri afla en þær gerðu í fyrra. |
|
17:05 |
31. maí 2021 |
Níu milljón króna Lóu styrkur
Textílmiðstöð Íslands og Þekkingarsetur á Blönduósi fengu í dag úthlutað níu milljónir króna úr Lóu - nýsköpunarstyrkjum fyrir landsbyggðina. Styrkurinn er fyrir uppbyggingu TextílLabs- og Klasa. Alls fengu 29 verkefni í öllum landshlutum og af margvíslegum toga úthlutað rúmum 147 milljónum. Fjöldi umsókna um styrk var 236 og fór matshópur yfir þær allar og gerði í kjölfarið tillögur til atvinnuvega- og nýsköpunarráðherra um veitingu styrkjanna. |
|
09:14 |
31. maí 2021 |
Sumaropnun sundlaugarinnar á Blönduósi
Sumaropnun sundlaugarinnar á Blönduósi tekur gildi á morgun. Frá og með 1. júní til og með 20. ágúst verður opið alla virka daga frá klukkan 8 til 21. Um helgar verður opið frá klukkan 10 til 20. Hætt er að hleypa gestum ofan í sundlaugina 30 mínútum fyrir lokum. Sundlaugin á Blönduósi er frábær fyrir alla og draumur barnafólks. Hún er 25x8,5 metrar að stærð, tveir heitir pottar, gufa, vaðlaug, ísbað og tvær stórar rennibrautir og mikið af skemmtilegum leiktækjum og leikföngum. |
|
07:29 |
31. maí 2021 |
Einkakennsla fyrir fullorðna
Frá Golfklúbbnum ÓS
Heiðar Davíð Bragason, PGA golfkennari, mun bjóða upp á einkakennslu, bæði fyrir byrjendur og lengra komna, laugardaginn 5. júní næstkomandi. Skráning á netfangið jgjon@mi.is fyrir 1. júní. |
|
09:27 |
30. maí 2021 |
Skrifstofusetrið á Hvammstanga fær nafn
Útibúið er nýtt nafn á skrifstofusetur sem sett hefur verið upp í húsnæði Landsbankans á Höfðabraut 6 á Hvammstanga. Samtök sveitarfélaga á Norðurlandi vestra auglýstu eftir tillögum að nafni á skrifstofusetrið og bárust fjölmargar. Nafnið Útibúið varð ofan á en það vísar annars vegar í starfsemina sem verið hefur í húsnæðinu um árabil og verður áfram, og hins vegar í að fyrirtæki og stofnanir geta sett upp útibú í aðstöðunni. |
|
19:20 |
29. maí 2021 |
Vinnusigur á Úlfunum
Kormákur/Hvöt mætti Úlfunum í Safamýrinni í Reykjavík í dag þegar leikið var í þriðju umferð Íslandsmótsins í knattspyrnu karla, 4. deild D-riðli. Kormákur/Hvöt hóf leik með vindinn í bakið og strax á 10. mínútu náði Akil Rondel Dexter De Freitas að skora glæsilegt mark, 1-0 fyrir Kormák/Hvöt. Eftir það var jafnræði með liðunum og fátt um fína drætti. |
|
09:22 |
29. maí 2021 |
Sameiningarkosningar: 1.365 á kjörskrá
Alls eru 1.365 á kjörskrá, 708 karlar og 657 konur, er kosið verður um sameiningu Blönduósbæjar, Sveitarfélagsins Skagastrandar, Húnavatnshrepps og Skagabyggðar eftir viku, eða laugardaginn 5. júní. Á Blönduósi eru 650 á kjörskrá, í Sveitarfélaginu Skagaströnd eru 345, í Húnavatnshreppi 300 og í Skagabyggð 70. |
|
08:57 |
29. maí 2021 |
Tjón í Vatnsdal vegna hvassviðris
Talsvert tjón varð í Vatnsdal þegar korn og fræ sem sáð hafði verið fauk upp í sunnanáttinni sem ríkt hefur síðustu daga. Búið var að sá í sameiginlegan túnskika nokkurra bæja í Vatnsdalnum þegar fór að hvessa og segjast Sigurður Ólafsson og Gróa Lárusdóttir á Brúsastöðum, í samtali við Morgunblaðið í dag, ekki hafa séð annað eins í sinni tíð. |
|
20:52 |
28. maí 2021 |
Hallarekstur á Blönduósbæ í fyrra
Blönduósbær var rekinn með 120 milljón króna halla á síðasta ári. Ástæða fyrir þungum rekstri er utanaðkomandi aðstæður, minni tekjur og hærri kostnaður vegna kjarasamninga auk þess sem fjárfest hefur verið í innviðum á undanförnum árum. Stærsta einstaka fjárfestingin er list- og verknámsbygging við Blönduskóla sem mun klárast á þessu ári. Heildarkostnaður er um 350 milljónir króna. |
|
20:26 |
28. maí 2021 |
Blönduósbær færi viðskipti sín til Landsbanka
Á fundi byggðaráðs Blönduósbæjar á miðvikudaginn greindi sveitarstjóri frá viðræðum sínum við Landsbanka Íslands um bankaviðskipti sveitarfélagsins. Leggur hann til að Blönduósbær færi viðskipt sín til Landsbankans sem er með útibú á Skagaströnd og Hvammstanga. Fram kemur í fundargerð byggðaráðs að til skoðunar sé að Landsbankinn opni afgreiðslu á Blönduósi. |
|
19:44 |
28. maí 2021 |
Skúnaskrall og Handbendi fá styrk úr Barnamenningarsjóði Íslands
Skúnaskrall, barnamenningarhátíð Norðurlands vestra og Handbendi brúðuleikhús eru á meðal þeirra sem fengu úthlutað styrk úr Barnamenningarsjóði. Í dag var tilkynnt um úthlutun úr sjóðnum sem veitir styrki til barnamenningar í þriðja sinn frá stofnun sjóðsins. Sjóðurinn styrkir 37 metnaðarfull verkefni og er heildarupphæð úthlutunarinnar 90 milljónir króna. Alls bárust 113 umsóknir og var sótt um rúmlega fjórfalda þá upphæð sem sjóðurinn hafði til úthlutunar eða rúmar 373 milljónir króna. |
Til baka
Loka
Prenta
