|
09:27 |
08. ág. 2020 |
Miðfjarðará nálgast þúsund laxa
Góð laxveiði hefur verið í Miðfjarðará undanfarnar vikur og síðusta vika gaf 191 lax. Áin er komin í þriðja sætið yfir aflahæstu ár landsins samkvæmt vef Landsambands veiðifélaga. Þann 5. ágúst síðastliðinn höfðu veiðst 920 laxar í ánnir á tíu stangir en 7. ágúst í fyrra höfðu veiðst 767 laxar. Veiðin er þó talsvert minni en hún var árið 2018 en þá höfðu veiðst 1.682 laxar um svipað leyti. |
|
12:06 |
07. ág. 2020 |
Matarhátíðin Réttir Food Festival
Matarhátíðin Réttir Food Festival verður haldin á Norðurlandi vestra dagana 14.-23. ágúst næstkomandi. Þessa tíu daga verður mikið um dýrðir með fjölbreyttum og skemmtilegum uppákomum og veitingastaðir og framleiðendur á öllu svæðinu bjóða gestum sínum upp á ógleymanlega upplifun í mat og drykk, eins og segir á vef hátíðarinnar. |
|
10:09 |
07. ág. 2020 |
Útsvarstekjur hækka mest á Norðurlandi vestra
Útsvarstekjur sveitarfélaga hækkuðu hlutfallslega mest á Norðurlandi vestra síðustu sex mánuði frá sama tímabili í fyrra í samanburði við aðra landshluta. Tekjur einstakra sveitarfélaga sveifluðust mismikið til hækkunar og lækkunar. Þannig lækkuðu útvarstekjur Skagabyggðar um 15,5% sem er mesta lækkun á landinu öllu. Samanlagðar útsvarstekjur hjá sveitarfélögunum í Húnavatnssýslum hækkuðu um 9,5% en um 2,3% ef tekur allra sveitarfélaga í landshlutanum er skoðaðar. |
|
10:36 |
06. ág. 2020 |
Íbúafjöldi stendur í stað milli mánaða
Engin breyting hefur orðið á fjölda íbúa á Norðurlandi vestra í júlí en talsverðar breytingar eru innan einstakra sveitarfélaga. Þannig fjölgaði íbúum Skagastrandar um 12 en fækkaði um 10 á Blönduósi. Fjöldi íbúa í landshlutanum var 7.425 1. ágúst síðastliðinn sem er sami fjöldi og 1. júlí. Flestir búa í Sveitarfélaginu Skagafirði eða 4.100 og en þar fækkaði um þrjá milli mánaða. |
|
11:59 |
05. ág. 2020 |
Eitt kórónuveirusmit á Norðurlandi vestra
Einn er í einangrun á Norðurlandi vestra vegna kórónuveirusmits og tíu eru í sóttkví í landshlutanum. Þetta kemur fram á covid.is. Níu kórónuveirusmit greindust innanlands síðasta sólarhring, öll á sýkla- og veirufræðideild Landspítalans. Á landinu öllu eru 91 í einangrun með virk smit og 746 í sóttkví. Enginn er á sjúkrahúsi vegna kórónuveirusmits. Smit eru í öllum landshlutum. |
|
13:34 |
04. ág. 2020 |
Starfsfólk vantar í sláturtíð
SAH Afurðir ehf. óskar eftir starfsmönnum fyrir komandi sláturtíð. Ýmis störf eru í boði, vinna á sláturlínu, pokun, pökkun og fleira. Umsóknarfrestur er til og með 15. ágúst næstkomandi. Nánari upplýsingar veitir Gunnhildur Þórmundsdóttir í síma 455 2200 eða á netfanginu gunnhildur@sahun.is - móttaka umsókna er á sama netfang. |
|
10:07 |
04. ág. 2020 |
Takmarkanir á aðgengi Félags- og skólaþjónustu A-Hún. vegna COVID-19
Tilkynning
Samkvæmt aðgerðaáætlun Félags- og skólaþjónustunnar A-Hún. vegna COVID-19 hafa verið settar takmarkanir á aðgengi að Félags- og skólaþjónustunni. Allir þjónustuþættir eru virkir, þ.e. félags- og skólaþjónusta, barnavernd, þjónusta við aldraða sem og grunnþjónusta sveitarfélaganna sem er undir verkstjórn og ábyrgð Félags- og skólaþjónustunnar, þ.e. skipulag félagslegrar heimaþjónustu og liðveisla. |
|
10:08 |
02. ág. 2020 |
Sannfærandi sigur heimamanna
Sameiginlegt lið Kormáks og Hvatar vann sannfærandi sigur á lið SR á miðvikudaginn þegar leikið var í 8. umferð Íslandsmótsins í knattspyrnu karla 4. deild B riðli. Leikurinn fór fram á Blönduósvelli og endaði 4-2 fyrir heimamenn. Hilmar Þór Kárason skoraði tvívegis í leiknum og Ingvi Rafn Ingvarsson og Oliver James Kelaart Torres skoruðu sitt markið hvor. Hilmar Þór og Oliver James er á meðal markahæstu manna í B riðli. |
|
13:19 |
31. júl. 2020 |
Breytingar í Íþróttamiðstöðinni á Blönduósi
Íþróttamiðstöðin á Blönduósi hefur gripið til aðgerða vegna hertra sóttvarnarreglna. Gestafjöldi er nú takmarkaður við 100 manns en börn fædd 2005 og síðar eru undanskilin. Þó að fjöldi sé takmarkaður við 100 þá getur sá fjöldi aldrei verið á sundlaugarsvæðinu vegna tveggja metra reglunnar, segir í tilkynningu. |
|
12:58 |
31. júl. 2020 |
Hertar aðgerðir taka gildi
Aðgerðastjórn almannavarna á Norðurlandi vestra hefur rætt við umsjónarmenn tjaldsvæða í umdæminu vegna hertra sóttvarnarreglna sem tóku gildi á hádegi og segir í tilkynningu að allir séu þeir jákvæðir og tilbúnir til að takast á við verkefnið. Vegfarendur um umdæmið eru hvattir til að kynna sér hvort laust pláss sé til staðar á tjaldsvæðum áður en lagt er af stað í ferðalag um helgina. |
|
12:38 |
31. júl. 2020 |
Sumarleikhús æskunnar setur upp leiksýningu
Verkefni Sumarleikhúss æskunnar í ár er uppsetning, í styttri leikgerð, á verki William Shakespeare, Jónsmessunæturdraumur. Sumarleikhúsið er verkefni á vegum Handbendi brúðuleikhúss á Hvammstanga og stjórnandi þess, Greta Clough, sér um leikstjórn og Arnar Hrólfsson er aðstoðarleikstjóri. Sýningin verður í Félagsheimili Hvammstanga 15. ágúst klukkan 19. |
|
12:13 |
31. júl. 2020 |
Laxveiðin heldur skárri en í fyrra
Laxveiði í húnvetnskum laxveiðiám er dræm eins og víðast hvar á landinu. Hún er þó í flestum tilfellum skárri en í fyrra. Mest af laxi hefur veiðst í Miðfjarðará eða 729 laxar og skilaði vikuveiðin 189 löxum. Um svipað leyti í fyrra höfðust veiðst 647 laxar í ánni en árið 2018 voru þeir orðnir 1.422 talsins. Miðfjarðará er nú í fjórða sæti lista Landssambands veiðifélaga yfir 75 aflahæstu ár landsins. Engin önnur húnvetnsk á kemst í tíu efstu sætin og er af sem áður var. |
|
11:44 |
31. júl. 2020 |
Ekkert kaffiblaðborð í Hamarsbúð um helgina
Árlegu kaffihlaðborði Húsfreyjanna í Hamarsbúð um verslunarmannahelgina hefur verið aflýst vegna hertra sóttvarnarreglna. Húsfreyjunum þykir miður að þurfa að fresta kaffinu en þær vilja virða sóttvarnarreglur í hvívetna og hvetja aðra til þess að gera slíkt hið sama, enda sé það öllum fyrir bestu. |
|
13:52 |
30. júl. 2020 |
Tilkynning frá Vatnsdælu á refli og Minjastofu Kvennaskólans á Blönduósi
Ákveðið hefur verið að loka fyrir aðgengi að hvoru tveggja á meðan hertar reglur um sóttvarnir eru í gildi. Ómögulegt er að komast hjá að brjóta 2m regluna í Kvennaskólanum og því er álitið að ekki sé forsvaranlegt að hafa opið.
Þegar 2m reglan verður felld úr gildi, er hægt að hafa samband við undirritaða til að skoða og fræðast um Minjastofuna, refilinn og jafnvel sauma til að þoka honum áfram. |
|
12:24 |
30. júl. 2020 |
Hertar aðgerðir vegna COVID-19
Á hádegi á morgun, 31. júlí, taka gildi hertar aðgerðir innanlands og á landamærum vegna COVID-19 sem standa í tvær vikur, út 13. ágúst. Ákvörðunin er í samræmi við tillögur sóttvarnalæknis sem heilbrigðisráðherra hefur samþykkt. Fjöldatakamörkun miðast nú við 100 einstaklinga, auk þess sem tveggja metra reglan verður viðhöfð þar sem fólk kemur saman og í allri starfsemi. |
Til baka
Loka
Prenta
