|
08:19 |
17. júl. 2020 |
Breyting á staðsetningu dagskrárliða Húnavöku
Tilkynning frá framkvæmdastjóra Húnavöku
Kæru Blönduósingar, nærsveitamenn og aðrir gestir Húnavöku. Vegna slæmrar veðurspár um helgina þá munu viðburðir vera færðir inn í íþróttahús. |
|
22:16 |
16. júl. 2020 |
Húnavökugolfmóti Terra frestað
Húnavökumótinu í golfi sem fara átti fram á Vatnahverfisvelli við Blönduós laugardaginn 18. júlí næstkomandi hefur verið frestað um óákveðinn tíma vegna veðurútlits og dræmrar þátttöku. |
|
15:57 |
16. júl. 2020 |
Miðfjarðará aflahæst í Húnaþingi
Miðfjarðará er aflahæst laxveiðiáa í Húnavatnssýslum með 337 laxa samkvæmt nýjum tölum frá Landssambandi veiðifélaga sem birtar eru á vefnum angling.is. Laxá á Ásum og Blanda koma þar á eftir með 188 og 187 laxa. Veiðst hafa 112 laxar í Víðidalsá og 91 lax í Vatnsdalsá. Hrútafjarðará er með 46 laxa og Svartá 10 laxa. Laxveiðin er frekar dræm en þó heldur skárri en í fyrra. |
|
14:25 |
16. júl. 2020 |
Blönduhlaupinu aflýst á Húnavöku
Tilkynning frá stjórn USAH
Ákveðið hefur verið að aflýsa Blönduhlaupi á Húnavöku laugardaginn 18. júlí vegna slæmrar veðurspár. Samkvæmt Veðurstofu Íslands er spá á laugardag norðan 10-18 með kalsarigningu á Norðanverðu landinu og slyddu eða snjókomu til fjalla. |
|
09:31 |
16. júl. 2020 |
3000 pokar á þremur árum
Á þremur árum hafa þrjú þúsund taupokar verið saumaðir í verkefninu: Blönduós, plastpokalaust samfélag. Verkefnið fór af stað í lok ágúst 2017 og var þá lagt á ráðin og ákveðið að sauma poka þá um haustið. Fyrstu pokarnir voru tilbúnir í september og í lok nóvember voru fyrstu 400 pokarnir afhentir í Kjörbúðina á Blönduósi. Hugmyndi var sú að viðskiptavinir verslunarinnar gætu gengið fjölnota poka lánaða og skilað þeim svo aftur í næstu búðarferð. |
|
09:01 |
16. júl. 2020 |
Fyrsti í Húnavöku
Húnavökuhátíðin á Blönduósi hefst í dag. Sundlaugin margrómaða á Blönduósi opnaði fyrir gesti klukkan átta í morgun og verður opin til klukkan níu í kvöld. Þar má einnig sjá náttúruljósmyndasýningu Róberts Daníels Jónssonar og kynna sér sögu sundlaugarinnar í máli og myndum í tilefni af 10 ára afmæli hennar í ár. Annars ætla íbúar sveitarfélagsins að skella sér í regngallann í dag og drífa sig út að skreyta hús sín hátt og lágt. |
|
08:30 |
16. júl. 2020 |
Gul veðurviðvörun síðdegis
Veðurstofa Íslands hefur gefið út gula veðurviðvörun fyrir Strandir og Norðurland vestra sem gildir frá klukkan 16 og til miðnættis. Lægð fer yfir landið í dag og henni fylgir talsverð úrkoma og vindur. Spáð er allhvassri eða hvassri norðaustanátt og talsverðri eða mikilli rigningu á Ströndum. Búast má við auknu afrennsi og vatnavöxtum í ám og lækjum sem eykur hættu á flóðum og skriðuföllum. Veðrið verður slæmt til útivistar. |
|
16:30 |
15. júl. 2020 |
Eldurinn tendraður í 18. sinn
Eldur í Húnaþingi er árleg hátíð á Hvammstanga sem hóf göngu sína árið 2003. Dagana 22.-26. júlí næstkomandi verður eldurinn tendraður í 18. sinn. Hátíðin hefur tekið mörgum breytingum frá því hún var fyrst haldin fyrst sem unglistahátíð. Þá var hún bæði skipulögð og framkvæmd af ungi fólki í Húnaþingi vestra. Með tímanum fékk hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en hún ræðst oftar en ekki af áhugasviði stjórnenda. |
|
16:10 |
15. júl. 2020 |
Viðhaldsfé veitt til styrkvega í Húnaþingi vestra
Vegagerðin hefur ákveðið að úthluta 3,5 milljón króna til styrkvega í Húnaþingi vestra á þessu ári. Í fjárhagsáætlun sveitarfélagsins árið 2020 er samþykkt að veita 2,8 milljónum til styrkvega og er því heildarfjárhæðin til viðhalds 6,3 milljónir króna. Mest fer í viðhald afréttarvegar á Víðidalstunguheiði eða 2,8 milljónir og næst mest til afréttavega í Miðfirði eða rúmlega 1,5 milljón. |
|
13:25 |
15. júl. 2020 |
Húnavakan að bresta á
Haldin dagana 17.-19. júlí á Blönduósi
Húnavaka, bæjarhátíð Blönduósinga, verður haldin í 17. sinn um helgina. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafninu og endurvekja hið góða og gilda nafn Húnavaka sem áratugum saman var fastur liður í menningarlíf Húnvetninga. Dagskrá Húnavöku er fjölbreytt að vanda og ættu allir að geta fundið eitthvað við sitt hæfi. |
|
10:28 |
15. júl. 2020 |
Óvenju mikið af hval inn af Húnaflóa
Óvenju mikið er af hval í Húnaflóa og Skagafirði þetta sumarið en hann sækir í æti sem gæti verið smásíld. Hnúfubakar hafa sést alveg upp í landi við Blönduós, Hvammstanga og Sauðárkrók. Morgunblaðið fjallar um þetta í dag og rætt er við Sverri Daníel Halldórsson, líffræðing hjá Hafrannsóknarstofnun. Hann segir að mest hafi verið um hnúfubak en einnig hafi sést til hrefnu, höfrunga og hnísu. |
|
10:09 |
15. júl. 2020 |
Umf. Hvöt sigraði Héraðsmót USAH í frjálsum íþróttum
Hið árlega Héraðsmót Ungmennasambands Austur-Húnvatnssýslu, USAH fór fram þriðjudagana 7. júlí og 14. júlí. Sigurvegari í mótinu var lið Umf. Hvatar á Blönduósi með 601,5 stig. |
|
17:00 |
14. júl. 2020 |
Smáframleiðendur á ferðinni
Smáframleiðendur á Norðurlandi vestra og Vörusmiðja BioPol verða á ferðinni í sumar. Sölubíll smáframleiðenda keyrir um svæðið með gæðavörur frá framleiðendum af Norðurlandi vestra og má sjá dagskrána hér. Bíllinn verður t.d. á Laugarbakka og Hvammstanga á morgun, í Víðigerði og á Blönduósi á fimmtudaginn og á Skagaströnd á föstudaginn. Bíllinn verður svo aftur á ferðinni á þessum stöðum síðar í júlí og í ágúst einnig. |
|
15:49 |
14. júl. 2020 |
Blönduhlaup á Húnavöku
Hið árlega Blönduhlaup verður haldið á Húnavöku um helgina. Hlaupið fer fram laugardaginn 18. júlí og verður ræst klukkan 10:30 við útibú Arion banka að Húnabraut 5 á Blönduósi. Skráning fer fram í Félagsheimilinu á Blönduósi klukkan 9:45 á hlaupadag en einnig er hægt að forskrá sig í hlaupið með því að senda tölvupóst á netfangið usah540@simnet.is. |
|
13:43 |
14. júl. 2020 |
Púttvöllurinn við Flúðabakka 3
Frá Félagi eldriborgara í Húnaþingi
Félag eldri borgara í Húnaþingi vill minna á púttvöllinn við Flúðabakka 3 á Blönduósi. Nokkur hópur félagsmanna kemur þar saman klukkan 16 á miðvikudögum og allir eru velkomnir þá, en félagsmenn geta nýtt völlinn þegar þeim hentar best. Hreyfingin lengir lífið. |
Til baka
Loka
Prenta
