|
22:28 |
25. jan. 2022 |
60 í einangrun á Norðurlandi vestra
Aðgerðastjórn Norðurlands vestra birti í dag nýja töflu eftir póstnúmerum yfir stöðuna á kórónuveirufaraldurinn í landshlutanum. Samkvæmt henni eru 60 í einangrun og 102 í sóttkví. Á miðnætti taka í gildi nýjar reglur um sóttkví. Þá þurfa eingöngu þeir sem eru útsettir á heimili sínu að fara í sóttkví. Sem fyrr varir sóttkví í fimm daga og PCR-próf þarf til að losna. |
|
12:54 |
25. jan. 2022 |
Slakað á reglum um sóttkví
Einstaklingum sem eru útsettir fyrir COVID-19 smiti utan heimilis eða dvalarstaðar síns verður ekki lengur skylt að fara í sóttkví en þurfa þess í stað að viðhafa smitgát. Sóttkví verður áfram beitt gagnvart þeim sem hafa verið útsettir fyrir smiti innan heimilis eða dvalarstaðar en þríbólusettir sem útsettir eru á heimili geta verið í smitgát sem lýkur með sýnatöku. Börn á leik- og grunnskólaaldri verða enn fremur undanþegin smitgát. Breytingarnar taka gildi á miðnætti. |
|
09:21 |
25. jan. 2022 |
Riða greindist í skimunarsýni frá bænum Sporði á Vatnsnesi
Fyrir skömmu barst Matvælastofnun tilkynning frá Tilraunastöð HÍ að Keldum um að sýni frá bænum Sporði á Vatnsnesi hafi reynst jákvætt m.t.t. riðu. Sauðfjárbúskapur var aflagður á bænum í haust og þarf því ekki að fara í niðurskurð á fé, heldur aðeins að þrífa og sótthreinsa útihús og umhverfi þeirra. |
|
08:52 |
25. jan. 2022 |
Enn ein lægðin á leiðinni
Veðurstofan hefur gefið út gula veðurviðvörun fyrir Norðurland vestra sem tekur gildi klukkan 15 í dag og varir til miðnættis. Spáð er vestan 15-23 m/s og snjókomu eða skafrenning með lélegu skyggni og versnandi akstursskilyrðum. Gert er ráð fyrir rigningu við ströndina í fyrstu. Afmarkaðar samgöngutruflanir eru líklegar og varasamt ferðaveður. |
|
16:10 |
24. jan. 2022 |
Framkvæmdum að ljúka við nýja list- og verkgreinaálmu Blönduskóla
Nýja list- og verkgreinaálman í Blönduskóla er að verða tilbúin og var byrjað að kenna í henni síðastliðinn mánudag. Á facebooksíðu Blönduskóla kemur fram að byrjað var að kenna myndmennt og heimilisfræði í nýju álmunni en að líklega taki það alveg fram á vor að koma henni almennilega í gagnið. Starfsfólk skólans er að springa úr spenningi yfir því að framkvæmdum sé að ljúka. |
|
14:27 |
24. jan. 2022 |
Skagaströnd lýst upp
Á Skagaströnd má nú sjá alls konar listaverk sem gerð eru með lýsingu. Þau eru hluti af viðburði sem nefnist Light Up Skagaströnd og er hann í umsjón Nes listamiðstöðvar. Led lýsing er notuð til að varpa birtu, búa til skugga, endurskin og fleira víða um bæinn. |
|
11:45 |
24. jan. 2022 |
Íþróttamiðstöðin á Blönduósi auglýsir eftir starfsmanni
Íþróttamiðstöðin á Blönduósi óskar eftir að ráða konu í 20% starfshlutfall um er að ræða kvöldvaktir á mánudögum og afleysingar ef áhugi er á. Viðkomandi þarf að geta hafið störf sem fyrst. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Umsóknarfrestur er til 10. febrúar nk. |
|
10:45 |
24. jan. 2022 |
Skýrslu starfshóps um stofnun umhverfisakademíu að Húnavöllum
Á fundi samstarfsnefndar um sameiningu sveitarfélaganna Blönduósbæjar og Húnavatnshrepps í síðustu viku var lagt fram skilabréf og skýrsla starfshóps um stofnun umhverfisakademíu á Húnavöllum, sem er þróunarverkefni sem unnið hefur verið að samhliða viðræðum um sameiningu sveitarfélaganna. Starfshópurinn telur hugmynd um umhverfisakademíu fýsilegan kost fyrir sameinað sveitarfélag til að ráðast í og leggur til að stefnt verði að upphafi skólastarfs haustið 2023. |
|
12:06 |
21. jan. 2022 |
Sérfræðingar í stafrænum lausnum með erindi á lokaráðstefnu Digi2market
Fréttatilkynning
Evrópskir sérfræðingar í stafrænum lausnum eins og sýndarveruleika, viðbættum veruleika og 360 gráðu myndböndum verða með erindi á rafrænni lokaráðstefnu Digi2market þann 26. og 27. janúar næstkomandi. Verkefnið stuðlar að notkun á stafrænum lausnum til að aðstoða lítil og meðalstór fyrirtæki að ná til stærri markhópa. Ráðstefnan býður upp á innsýn í hvernig hægt er að nýta þessa tækni. |
|
10:22 |
21. jan. 2022 |
Minnt á umsóknarfrest frístundakorta á Skagaströnd
Á vef Skagastrandar er minnt á að umsóknarfrestur um frístundakort fyrir 2021 rennur út 31. janúar næstkomandi. Foreldrar barna með lögheimili á Skagaströnd eiga rétt á 25 þúsund króna styrk, fyrir hvert barn á grunnskólaaldri, sem þátt tekur í íþrótta- og æskulýðsstarfi. Frístundakortin taka gildi 1. janúar ár hvert og gilda í eitt ár. |
|
17:16 |
20. jan. 2022 |
Vonskuveður framundan
Spáð er vonskuveðri á vestan- og norðanverðu landinu seint í kvöld og hefur Veðurstofan gefið út gular- og appelsínugular viðvaranir um landið á morgun og á laugardaginn. Spáð er sunnan stormi á Norður og Norðvesturlandi í nótt, en suðvestan stormi eða roki á landinu sunnan og vestanverðu annað kvöld, með rigningu eða snjókomu. Staðbundnar vindhviður geta farið yfir 40 metra á sekúndu. |
|
17:01 |
20. jan. 2022 |
Styrkhafar Uppbyggingarsjóðs 2022
Uppbyggingarsjóður Norðurlands vestra auglýsti í október eftir umsóknum á sviði menningar, atvinnuþróunar og nýsköpunar fyrir árið 2021, með umsóknarfresti til 12. nóvember. Alls bárust 115 umsóknir þar sem óskað var eftir tæpum 200 milljónum króna. Alls fengu 78 umsóknir brautargengi, samtals að upphæð rúmar 77 milljónir. Á sviði atvinnuþróunar og nýsköpunar fengu 24 umsóknir styrk samtals að fjárhæð rúmar 40 milljónir og á sviði menningar var samþykkt að styrkja 54 umsóknir með tæpum 37 milljónum. |
|
11:13 |
20. jan. 2022 |
Hvetur ráðherra að hverfa frá niðurskurði aflaheimilda til strandveiða
Sveitarstjórn Skagastrandar hvetur sjávarútvegs- og landbúnaðarráðherra til að hverfa frá 1.500 tonna niðurskurði aflaheimilda til strandveiða á árinu. Sveitarstjórn telur að embættisverk ráðherra ættu að miða að því að tryggja strandveiðiflotanum nægar heimildir til þess að stunda veiðar 48 daga á ári enda myndi slíkt styrkja sjávarbyggðir um land allt. |
|
10:38 |
20. jan. 2022 |
Húsnæðisstuðningur fyrir námsmenn 15-17 ára
Umsóknarfrestur framlengdur
Á vef Blönduósbæjar er athygli vakin á því að námsmenn, 15-17 ára, þurfa að sækja um húsnæðisstuðning fyrir hverja skólaönn. Umsóknir vegna húsnæðisstuðnings skulu hafa borist eigi síðar en 25. janúar á netfangið: blonduos@blonduos.is eða á skrifstofu Blönduósbæjar.
|
|
15:53 |
19. jan. 2022 |
Krafa um sýnatöku í tengslum við smitgát afnumin og útivera í einangrun heimiluð
Einstaklingum sem sæta smitgát í kjölfar smitrakningar verður ekki lengur skylt að fara í hraðpróf við upphaf og lok smitgátar frá og með morgundeginum en þurfa að fara gætilega í 7 daga og í PCR próf ef einkenni koma fram. Heilbrigðisráðherra hefur staðfest reglugerð þessa efnis. Með reglugerðinni er einstaklingum í einangrun jafnframt veitt takmörkuð heimild til útiveru. |
Til baka
Loka
Prenta
