|
10:13 |
18. maí 2023 |
Áform um risa gróðrarstöð í Húnaþingi vestra
Gæti framleitt allt að 15 milljón plöntur árlega
Kaupfélag Vestur-Húnvetninga hefur síðastliðið ár verið þátttakandi í verkefni sem nefnist Skógarplöntur en það snýst um að koma á fót gróðrarstöð sem framleiðir trjáplöntur til gróðursetningar. Fjölmargir aðilar komið að verkefninu en þeir sem hafa drifið það áfram eru, Magnús Barðdal frá SSNV, Björn Líndal Traustason frá KVH, Hafberg Þórisson garðyrkjumaður og eigandi Lambhaga og Skúli Húnn Hilmarsson eigandi Káraborgar ehf. |
|
22:36 |
17. maí 2023 |
Selvíkurkartöflugarður verður unninn um helgina
Þeir sem hafa hugsað sér að að vera með garð í ár verða að hafa samband sem fyrst og panta pláss. Líkt og áður munum við eingöngu vinna syðra stykkið og er nóg pláss þar fyrir alla sem vilja vera með garð. |
|
22:32 |
17. maí 2023 |
Kökubasar 10. bekkjar Húnaskóla
10. bekkur verður með kökubasar í anddyri Kjörbúðarinnar frá kl. 13:00 á morgun, uppstigninardag. Í boði verða nýsteiktar kleinur og kökur. Ágóði rennur í ferðasjóð bekkjarins. |
|
16:37 |
16. maí 2023 |
Gróðursetja á rúmlega 100 þúsund plöntur í hlíðum Spákonufells í sumar
Áætlað er að gróðursetja um það bil 109 þúsund plöntur af fimm mismunandi trjátegundum í hlíðum Spákonufells í ár. Mest verður gróðursett af birki eða tæplega 39 þúsund plöntur. Sitkagreni er um og yfir 31 þúsund plöntur, stafafura rúmlega 24 þúsund, rússalerki tæplega ellefu þúsund og alaskaösp um fjögur þúsund plöntur. Gróðursetningin er í samræmi við samning sem Skógræktin og One Tree Planted undirrituðu 2021 um gróðursetningu 180 þúsund trjáplantna í hlíðum Spákonufells og á verkefninu að ljúka haustið 2024. |
|
15:11 |
16. maí 2023 |
Guðsþjónusta í Blönduóskirkju á uppstigningardag
Guðsþjónusta verður í Blönduóskirkju fimmtudaginn 18. maí klukkan 11. Uppstigningardagur er sérstaklega tileinkaður eldir borgurum í þjóðkirkjunni og eru þeir því boðnir sérstaklega velkomnir til guðsþjónustunnar. Kirkjukór Blönduóskirkju leiðir safnaðarsöng við undirleik Eyþórs Franzsonar Wechner. Sr. Edda Hlíf þjónar fyrir altari og meðhjálpari er Jón Aðalsteinn. Allir eru velkomnir. |
|
10:43 |
16. maí 2023 |
Frá Félagi eldri borgara í Húnaþingi
Opið hús verður á Húnabraut 6 miðvikudaginn 17. maí frá klukkan 14.00 til 16.00. Kaffi á könnunni, félagsmenn geta sótt LEB blaðið og Afsláttarbók 2023. |
|
13:33 |
15. maí 2023 |
Taprekstur hjá Húnaþingi vestra í fyrra
Húnaþing vestra var rekið með 86 milljón króna halla á síðasta ári. Í fjárhagsáætlun ársins með viðaukum var gert ráð fyrir 127 milljón króna neikvæðri rekstrarniðurstöðu og er afkoman því nokkuð betri en gert var ráð fyrir. Rekstrartekjur sveitarfélagsins námu 1.859 milljónum og hækka um 2,5% milli ára og rekstrargjöld námu 1.776 milljónum og hækka um 6,4% milli ára. Afskriftir námu tæpum 74 milljónum og fjármagnsgjöld voru um 103 milljónir. Eigið fé sveitarfélagsins í árslok 2022 nam 1.651 milljón króna. |
|
13:00 |
15. maí 2023 |
Heimasíða Húnaþings vestra aðgengileg á fjölda tungumála
Heimasíða Húnaþings vestra er nú aðgengileg á 20 tungumálum. Síðan hefur tengingu við þýðingarforrit Google (Google Translate) sem leyfir notendum á einfaldan hátt að skipta á milli tungumála. Þýðingin nær til texta á heimasíðunni sjálfri, ekki til PDF skjala sem þar eru vistuð. „Við vonum að þessi viðbót bæti þjónustu sveitarfélagsins til íbúa sem hafa annað móðurmál en íslensku,“ segir á vef Húnaþings vestra þar sem sagt er frá þessu. |
|
11:47 |
15. maí 2023 |
Umhverfis- og tiltektardagur í Húnabyggð
Húnabyggð efnir til umhverfis- og tiltektardags á fimmtudaginn. Íbúar og forsvarsmenn fyrirtækja eru hvattir til að fara yfir sitt nánasta umhverfi og hreinsa til fyrir sumarið. Þá eru íbúar hvattir til að taka þátt í plokki og er mæting við Félagsheimilið á Blönduósi klukkan 13. Starfsfólk þjónustumiðstöðvar Húnabyggðar skipuleggur svæðin sem plokka á og verða tínur og pokar á staðnum. Sveitarstjórn býður svo til grillveislu við félagsheimilið að plokki loknu. |
|
13:20 |
14. maí 2023 |
Hótel Blönduós opnaði að nýju í gær eftir miklar endurbætur
Hótel Blönduós sem hóf starfsemi sína upphaflega árið 1943 var enduropnað í gær eftir gagngerar breytingar en það var í fyrra sem félagarnir, þeir Reynir Grétarsson og Bjarni Gaukur Sigurðsson, keyptu húsið af Byggðastofnun. |
|
20:53 |
13. maí 2023 |
Tap í Garði
Kormákur Hvöt heimsótti Víði í Garði í dag þegar leikið var í 2. umferð Íslandsmótsins í knattspyrnu karla 3. deild. Heimamenn komust yfir í leiknum með marki á 40. mínútu og þannig stóðu leikar í hálfleik 1-0. Í seinni hálfleik bættu heimamenn við tveimur mörkum, það fyrra kom úr víti á 63. mínútu og seinna markið kom á 70. mínútu. Leikurinn var ekki mikið fyrir augað enda veðrið ekki upp á sitt besta. |
|
16:19 |
13. maí 2023 |
Vetrarveður næstu daga - Gul veðurviðvörun
Veðurstofan hefur gefið út gula veðurviðvörun fyrir Breiðafjörð, Norðurland vestra og eystra, Austurland að Glettingi og Miðhálendið. Á Norðurlandi vestra er hún í gildi frá miðnætti og fram á annað kvöld. Gul veðurviðvörun er einnig í gildi fyrir landshlutann mánudaginn 15. maí frá snemma að morgni og fram á miðjan dag. Á morgun er spáð norðan og norðvestan 8-15 m/s með slyddu eða snjókomu á fjallvegum. Skyggni getur orðið mjög takmarkað og hálka líkleg. Búast má við vetrarfærð og ætti fólk á vanbúnum bílum því ekki að leggja í langferð. |
|
22:08 |
12. maí 2023 |
Fréttir af Vilko ehf.
Frá Gunnari Tr. Halldórssyni
Aðalfundur Vilko ehf. var haldinn á Blönduósi þann 9. maí sl. Velta fyrirtækisins jókst um 57 m.kr. frá fyrra ári og var rúmar 388 m.kr. á árinu 2022. Verulegur viðsnúningur varð í rekstri á liðnu ári, rekstarniðurstaða fyrir fjármagnsliði var jákvæð um 7,5 m.kr. og rekstrarniðurstaða batnaði um u.þ.b. 4 m.kr. milli ára. Fjöldi starfmanna/stöðugilda var 15 árið 2022 á móti 12,7 árið 2021. |
|
14:54 |
12. maí 2023 |
Hótel Blönduós opnar á ný
Þá er komið að því, endurbætt Hótel Blönduós opnar dyr sínar á ný fyrir gestum og gangandi mánudaginn 15. maí næstkomandi. Af því tilefni er boðið til opnunarteitis á morgun, laugardaginn 13. maí klukkan 14-17. Boðið verður upp á léttar veitingar og lifandi tónlist en fram koma Karlakór Bólstaðarhlíðarhrepps, Hugrún Sif og Tríó Halla Guðmunds. Þá verður sýning í gamla bakaríinu Krútt á gömlum myndum frá Blönduósi, í samstarfi við Héraðsskjalasafnið. |
|
11:21 |
12. maí 2023 |
Landsfundur eldri borgara LEB
Frá Félagi eldri borgara í Húnaþingi
Á landsfundi LEB sem haldinn var í Borgarnesi 9. maí sl. var kosið um formann og tvo í stjórn LEB til tveggja ára; þrjá í varastjórn til eins árs, skoðunarmenn og vara skoðunarmenn reikninga til eins árs. Hefð er fyrir því að varastjórn sitji alla stjórnarfundi með málfrelsi og tillögurétt. Tillaga uppstillingarnefndar vegna þessara kosninga, var samþykkt einróma: |
Til baka
Loka
Prenta
