|
08:52 |
07. maí 2023 |
Sigur í fyrsta leik
Kormákur Hvöt gerði góða ferð í Hafnarfjörðinn í gær þegar liðið heimsótti Íþróttafélag Hafnarfjarðar. Um var að ræða fyrsta leik liðanna á Íslandsmótinu í knattspyrnu karla 3. deild. Kormákur Hvöt byrjaði leikinn með krafti og skoraði strax á sjöundu mínútu en þar var að verki Ismael Moussa Yann Trevor. ÍH jafnaði leikinn fljótlega er og var jafnræði með liðunum eftir það. Staðan í hálfleik 1-1. |
|
08:32 |
07. maí 2023 |
Götur sópaðar á Skagaströnd
Vorboðinn ljúfi, götusópurinn, verður á Skagaströnd mánudaginn 8. maí og er stefnt að því að búið verði að sópa allar götur í lok dags þriðjudaginn 9. maí. Til að verkið gangi vel fyrir sig þarf gott samstarf við íbúa. Gott er að leggja bílum sínum ekki á götum og gangstéttum meðan á sópun stendur. |
|
14:45 |
05. maí 2023 |
Hagnaður af rekstri Skagastrandar
Sveitarfélagið Skagaströnd var rekið með 629 þúsund króna hagnaði í fyrra. Afkoman er mun betri en áætlun gerði ráð fyrir með viðaukum en hún hljóðaði upp á 73 milljón króna tap. Síðari umræða um ársreikning sveitarfélagsins 2022 fór fram á sveitarstjórnarfundi í gær og var hann samþykktur samhljóða. Samkvæmt honum voru rekstrartekjur í fyrra 792,1 milljón króna og rekstrargjöld ásamt afskriftum og fjármagnsgjöldum voru 791,5 milljónir króna. |
|
13:42 |
05. maí 2023 |
Skýrsla um Vatnsnesveg afhent innviðaráðherra
Í síðasta mánuði kom út skýrsla um mat á áhrifum og þörf á endurbyggingu Vatnsnesvegar með tilliti til samfélagsáhrifa. Skýrslan er unnin af Rannsóknarmiðstöð Háskólans á Akureyri fyrir Húnaþing vestra og var lögð fram á fundi byggðarráðs sveitarfélagsins 17. apríl síðastliðinn. Nýverið var skýrslan afhent Sigurði Inga Jóhannssyni innviðaráðherra með áskorun um að framkvæmdum við veginn verði þokað framar á samgönguáætlun. |
|
13:27 |
05. maí 2023 |
Afhending Eyrarrósarinnar á Hvammstanga
Nýverið fór fram afhending Eyrarrósarinnar 2023 í Studio Handbendi á Hvammstanga. Í tengslum við afhendinguna sótti Eliza Jean Reid forsetafrú Húnaþing vestra heim en hún er verndari Eyrarrósarinnar og afhenti viðurkenningarnar. Með Elizu í för voru fulltrúar Listahátíðar og bakhjarla hátíðarinnar. Menningarstarf í Alþýðuhúsinu á Siglufirði hlaut Eyrarrósina að þessu sinni og hvatningarverðlaun hlutu alþjóðleg píanóhátíð á Vestfjörðum, Vesturbyggð, Hnoðri í norðri, Akureyri og Raddir úr Rangárþingi, Hellu. |
|
13:11 |
05. maí 2023 |
Vinnuskóli Skagastrandar opnar fyrir umsóknir
Vinnuskóli Skagastrandar hefst miðvikudaginn 7. júní næstkomandi og er skráning í skólann hafin. Vinnuskólinn er fyrir nemendur sem hafa nýlokið 8.-10. bekk Höfðaskóla og búsettir eru á Skagaströnd. Markmið skólans er að gefa unglingum kost á samspili vinnu, þjálfunar og fræðslu í sumarleyfi sínu. Skráning er á skrifstofu sveitarfélagsins eða í gegnum rafræna umsókn. |
|
21:28 |
04. maí 2023 |
Hreinsun á götum á Blönduósi
Frá áhaldahúsi Húnabyggðar
Götur og gangstéttar verða sópaðar í þéttbýlinu á Blönduósi nú um helgina. Það verður byrjað seinnipart föstudagsins 5. maí. Afar mikilvægt er að ökutækjum sé ekki lagt á götur á meðan, þannig að hægt sé að sópa meðfram öllum kantsteinum. Margir íbúar hafa tekið sig til og sópað lausu efni af innkeyrslum og gangstéttum við húsin sín og hjálpa þannig til við hreinsum bæjarins. |
|
16:02 |
04. maí 2023 |
Um sjö milljón króna halli á rekstri Skagabyggðar
Skagabyggð var rekin með 6,8 milljón króna halla árið 2022 og er afkoman nokkuð betri en áætlun gerðir ráð fyrir, sem var halli upp á 9,7 milljónir. Skatttekjur voru 9 milljónum hærri en áætlun en stærstu útgjaldaliðir sveitarfélagsins, sem eru félagsþjónusta og fræðslu- og uppeldismál, voru á pari við áætlun. Stærsta neikvæða frávikið frá áætlun var á sameiginlegum kostnaði. |
|
15:16 |
04. maí 2023 |
Góð veiði á silungasvæði Vatnsdalsár
Veiði hófst á silungasvæðinu í Vatnsdalsá í byrjun vikunnar. Þrátt fyrir kalt veður landaði fyrsta hollið hátt í 80 fiskum á sex stangir á tveimur dögum. Á facebooksíðu Vatnsdalsár kemur fram að hefðbundnar straumflugur hafi verið að gefa vel en að Rektor frá Reiðu öndinni hafi verið að gefa best, samkvæmt þeim sem voru við veiðar. Meðfylgjandi mynd er af facebooksíðunni. |
|
15:02 |
04. maí 2023 |
Hefja vinnu við stefnumótun Húnabyggðar
Húnabyggð er að fara af stað með stefnumótunarvinnu fyrir sveitarfélagið og ætlar að gefa öllum íbúum þess tækifæri til að taka þátt og setja mark sitt á stefnumótunina og nýja framtíðarsýn fyrir nýtt sveitarfélag. Haldinn verður opinn íbúafundur um stefnumótunina í Félagsheimilinu á Blönduósi fimmtudaginn 11. maí klukkan 17-19. Allir sem áhuga hafa eru hvatir til þátttöku og er öllum hugmyndum fagnað sem fram koma, að því er segir á vef Húnabyggðar. |
|
14:07 |
04. maí 2023 |
Vortónleikaröð Tónlistarskóla A-Hún.
Vortónleikar Tónlistarskóla Austur-Húnvetninga hefjast í Blönduóskirkju klukkan 17 í dag og koma þá fram söngnemendur í Húnabyggð. Mánudaginn 15. maí koma fram á sama stað og sama tíma hljóðfæranemendur í Húnabyggð. Þriðjudaginn 16. maí er komið að tónleikum nemenda á Skagaströnd og fara þeir fram í Hólaneskirkju klukkan 17. Skólaslit tónlistarskólans fara svo fram sunnudaginn 21. maí klukkan 17 í Hólaneskirkju. Allir er hjartanlega velkomnir á tónleikana. |
|
13:56 |
04. maí 2023 |
Kormáki Hvöt spáð 9. sæti í 3. deild í sumar
Íslandsmót KSÍ í 3. deild karla hefst í kvöld með leik Víðis og Hvíta riddarans á Nesfiskvellinum í Garði. Kormákur Hvöt leikur sinn fyrsta leik á mótinu á laugardaginn gegn Íþróttafélagi Hafnarfjarðar og fer leikurinn fram í Skessunni í Hafnarfirði klukkan 14. Þjálfarar í deildinni hafa spáð í spilin fyrir sumarið og samkvæmt niðurstöðu þeirra mun Kormákur Hvöt enda í 9. sæti með 44 stig. Það er sama sæti og liðið endaði í á mótinu í fyrra. |
|
13:29 |
04. maí 2023 |
Aðalfundur Styrktarsjóðs Húnvetninga
Tilkynning frá stjórn sjóðsins
Aðalfundur Styrktarsjóðs Húnvetninga verður haldinn í Samstöðusalnum Þverbraut 1
þriðjudaginn 16. maí næstkomandi klukkan 17:00. |
|
11:49 |
04. maí 2023 |
Aflið hefur starfsemi á Blönduósi
Mánudaginn 24. apríl skrifaði Aflið undir samning við Félags- og skólaþjónustu A-Hún. sem miðar að því að bæta þjónustu við íbúa svæðisins. Aflið eru samtök gegn kynferðisofbeldi, sem bjóða upp á fría ráðgjöf fyrir þolendur ofbeldis og aðstandendur þeirra. Aflið starfar á sjálfstæðum grunni og án beinna tengsla við félagsþjónustu, einstaklingar bóka því sjálfir viðtöl hjá Aflinu og öll mál hjá Aflinu eru trúnaðarmál. |
|
15:23 |
03. maí 2023 |
Hvatningarátakið Hjólað í vinnuna hófst í dag
Hvatningarátakið Hjólað í vinnuna var sett í morgun í 21. sinn. Átakið miðar að því að hvetja sem flesta til að nýta sér þennan umhverfisvæna, hagkvæma og heilsusamlega ferðamáta. Fyrirtækjum gefst kostur á að heita á starfsfólk sitt og fara þeir fjármunir sem safnast inn í loftslagssjóð UNICEF. |
Til baka
Loka
Prenta
