|
13:52 |
21. apr. 2021 |
Velheppnað lausnamót
Lausnamótið Hacking Norðurland fór fram dagana 15.-18. apríl þar sem unnið var með sjálfbæra nýtingu auðlinda Norðurlands út frá orku, vatni og mat. Yfir 70 þátttakendur skráðu sig til leika og þar af átta sem búsettir eru á Norðurlandi vestra. Lausnamótið var samstarfsverkefni Hacking Hekla, Eims, Nordic Food in Tourism, Samtaka sveitarfélaganna á Norðurlandi eystra og vestra og Nýsköpunar í norðri. |
|
12:17 |
21. apr. 2021 |
Framboðslisti Framsóknar í Norðvesturkjördæmi kynntur
Framsóknarmenn í Norðvesturkjördæmi hafa ákveðið framboðslista flokksins fyrir alþingiskosningarnar 25. september næstkomandi. Framboðslistinn var samþykktur með öllum greiddum atkvæðum á fjölmennu aukakjördæmisþingi Kjördæmissambands Framsóknarmanna í Norðvesturkjördæmi sem haldið var í fjarfundi í gær. |
|
21:14 |
20. apr. 2021 |
Fermingarmessur 2021
Frá Skagastrandarprestakalli
Fermingarmessur verða haldnar í Hólaneskirkju sumardaginn fyrsta, 22. apríl klukkan 13 og í Höskuldsstaðakirkju laugardaginn 24. apríl klukkan 13. Prestur er Bryndís Valbjarnardóttir, organisti Hugrún Sif Hallgrímsdóttir, söngur Sigríður Stefánsdóttir og Halldór Ólafsdóttir og þverflauta Vanessa Watling. |
|
14:56 |
20. apr. 2021 |
Íbúafundir fara fram í maí og júní
Í tengslum við sameiningu sveitarfélaga í Austur-Húnavatnssýslu var áætlað að halda íbúafundi í Húnavatnshreppi og Skagabyggð í lok apríl. Þeim áformum hefur nú verið frestað til loka maí og byrjun júní vegna aðstæðna og þróunar heimsfaraldursins, eins og segir á vef Húnvetnings og munu fundirnir fara fram að sauðburði loknum. Kynningarbæklingi verður dreift í öll hús um miðjan maí. |
|
18:47 |
19. apr. 2021 |
Þriðjungur nemanda Húnavallaskóla á körfuboltanámskeiði um helgina
Körfuboltaskóli Norðurlands hélt tvö körfuboltanámskeið í Húnavallaskóla á laugardaginn og gengu þau glimrandi vel. „Þar er mjög góð aðstaða til körfuboltaiðkunar, líkt og víða er á Norðurlandi,“ segir Helgi Freyr Margeirsson þjálfari. Hann segir að markmið körfuboltaskólans sé að koma körfubolta framar í huga krakkanna þegar þau eru að horfa til íþróttaiðkunar og þar sem fámennið er henti körfuboltinn mjög vel. |
|
14:57 |
19. apr. 2021 |
Akil DeFreitas til liðs við Kormák Hvöt
Frá Kormáki Hvöt
Knattspyrnulið Kormáks Hvatar hefur fengið til liðs við sig Akil Rondel Dexter DeFreitas, sem mun auk þess að skelfa varnarmenn andstæðinganna vera Ingva Rafni Ingvarssyni þjálfara til aðstoðar.
Hér er á ferðinni leikmaður með mikla alþjóðlega reynslu sem mun nýtast liðinu vel innan vallar sem utan.
Á Íslandi hefur hann leikið með Sindra, Vestra og nú síðast Völsungi, svo hann þekkir land og þjóð vel. |
|
13:39 |
18. apr. 2021 |
Nýr veitingastaður opnar á Skagaströnd í sumar
Á Skagaströnd er unnið að endurbótum á húsnæði undir nýjan veitingastað sem staðsettur verður við höfnina og á að heita Harbor, upp á ensku. Tvenn hjón standa að veitingastaðnum, þau Stefán Sveinsson og Hafdís Ásgeirsdóttir, og Slavko Velemir og Birna Sveinsdóttir. Stefna þau ótrauð að því að opna hann á sjómannadaginn. Norðlenska sjónvarpsstöðin N4 var á Skagaströnd nýverið forvitnaðist um áformin. |
|
13:06 |
18. apr. 2021 |
Aðalfundur Félags eldri borgara í Húnaþingi
Frá stjórn
Aðalfundur Félags eldri borgara í Húnaþingi verður haldinn 21. apríl 2021 klukkan 14:00 í Félagsheimilinu á Blönduósi. Á dagskrá er skýrsla stjórnar, reikningarfélagsins, kosningar og fleira. Fundarmenn eru beðnir að gæta að persónulegum sóttvörnum og bera andlitsgrímur þar til þeir eru sestir við borð, þótt flestir félagsmanna séu nú búnir að fá a.m.k. eina covid sprautu. |
|
11:12 |
17. apr. 2021 |
Tengivagn á hliðina á Holtavörðuheiði
Björgunarsveitin Húnar var kölluð út síðdegis í gær vegna óhapps á Holtavörðuheiði. Tengivagn flutningabíls Vörumiðlunar fór á hliðina. Enginn slasaðist en eignatjón varð töluvert. Lögreglan og björgunarsveitarmenn hreinsuðu vettvang eins og hægt var og ekki þurfti að grípa til lokana á veginum. Ekki hafa komið fram upplýsingar hvað olli óhappinu. |
|
19:42 |
16. apr. 2021 |
Ingvi Rafn tekur við Kormáki Hvöt
Frá Kormáki Hvöt
Meistaraflokksráð Kormáks Hvatar hefur ráðið Ingva Rafn Ingvarsson sem spilandi þjálfara liðsins leiktímabilið 2021. Ingva þarf ekki að kynna í löngu máli fyrir íþróttaaðdáendum á Norðurlandi vestra, enda er hann meðal leikja- og markahæstu leikmönnum í sögu Kormáks Hvatar. Ingvi mun leika með liðinu í sumar, enda hefur kappinn farið hvínandi af stað í vorleikjunum og leitt línuna í Lengjubikarnum af miklum krafti. |
|
14:20 |
16. apr. 2021 |
Atkvæðagreiðsla utan kjörfundar vegna kosninga um sameiningu sveitarfélaganna Blönduósbæjar, Skagabyggðar, Sveitarfélagsins Skagastrandar og Húnavatnshrepps laugardaginn 5. júní 2021
Tilkynning frá Sýslumanninum á Norðurlandi vestra
Þann 12. apríl sl. hófst utankjörfundaratkvæðagreiðsla vegna kosninga um sameiningu sveitarfélaganna Blönduósbæjar, Skagabyggðar, Sveitarfélagsins Skagastrandar og Húnavatnshrepps. |
|
10:33 |
16. apr. 2021 |
Samkeppniseftirlitið heimilar samruna kjötfyrirtækja með skilyrðum
Samkeppniseftirlitið hefur heimilað samruna Norðlenska, Kjarnafæðis og SAH Afurða með skilyrðum. Á vef eftirlitsins segir að samrunaaðilar hafi brugðist við mati Samkeppniseftirlitsins á skaðlegum áhrifum samrunans á samkeppni með því að setja fram tillögur að skilyrðum sem væri til þess fallnar að mæta áhyggjum eftirlitsins af skaðlegum áhrifum samrunans á samkeppni, en gerðu um leið samrunaaðilum kleift að framkvæma samrunann og ná markmiðum hans. |
|
10:14 |
16. apr. 2021 |
Mæla rennsli átta vatnsfalla
Á vef Samtaka sveitarfélaga á Norðurlandi vestra er sagt frá því að starfsmenn verkfræðistofunnar Mannvits hafi nýlega verið á svæðinu í þeim tilgangi að mæla rennsli átta vatnsfalla. Mælingarnar eru kostaðar að miklu leyti af Smávirkjanasjóði samtakanna en tilgangur hans er að styrkja fyrstu skrefin í rannsóknum á mögulegum rennslisvirkjunum undir 10 megavöttum að stærð á Norðurlandi vestra. |
|
09:14 |
16. apr. 2021 |
Frá ferðanefnd Félags eldri borgara í Húnaþingi
Minnum þáttakendur í ferðinni okkar um Borgarfjörð og Snæfellsnes á, að greiða staðfestingargjaldið fyrir 25. apríl næstkomandi. Staðfestingargjaldið kr. 9.000 á mann greiðist inn á reikning félagsins. |
|
18:21 |
15. apr. 2021 |
Rúnar kveður Kjörbúðina eftir 32 ára í starfi
Það var með söknuði sem Rúnar Agnarsson kvaddi vinnustað sinn í dag en hann hefur staðið vaktina á Húnabraut 4 síðastliðin 32 ár eða svo. Rúnar þekkja allir sem verslað hafa í Kaupfélagi Húnvetninga, Húnakaupi, Samkaupum, Samkaupum Úrvali og nú síðast Kjörbúðinni.
Núverandi samstarfsfélagar Rúnars kvöddu hann með kveðjugjöf, blómum og vöfflukaffi og var létt yfir Rúnari þegar fréttaritari hitti á hann í dag. |
Til baka
Loka
Prenta
