|
13:23 |
27. apr. 2021 |
Aðalfundur Styrktarsjóðs Austur-Húnvetninga
Aðalfundur Styrktarsjóðs Austur-Húnvetninga verður haldinn miðvikudaginn 5. maí og hefst klukkan 20:00. Fundurinn verður haldinn að Þverbraut 1 á Blönduósi, í Samstöðusalnum á annarri hæð. |
|
11:46 |
27. apr. 2021 |
Tillaga stjórnvalda um afléttingu innanlandstakmarkana í áföngum
Heilbrigðisráðuneytið kynnti í morgun áætlun um afléttingu innanlandstakmarkana vegna COVID-19 í áföngum með hliðsjón af framgangi bólusetningar. Áætlað er að aflétta megi öllum innanlandstakmörkunum síðari hlutann í júní þegar um 75% þjóðarinnar hafi fengið a.m.k. einn bóluefnaskammt. Áætlunin verður birt til umsagnar í samráðsgátt stjórnvalda og lýkur umsagnarfresti 4. maí næstkomandi. |
|
10:19 |
26. apr. 2021 |
Aðalfundur Stéttarfélagsins Samstöðu 2021
Aðalfundur Stéttarfélagsins Samstöðu 2021 verður haldin miðvikudaginn 28.apríl, klukkan 18:00 í sal Samstöðu, Þverbraut 1 á Blönduósi. Á dagskrá er m.a. skýrsla stjórnar, ársreikningar og kosningar. |
|
10:17 |
26. apr. 2021 |
Bjarni sigraði í forvali VG í NV-kjördæmi
Bjarni Jónsson sigraði í rafrænu forvali hjá Vinstri hreyfingunni grænu framboði í Norðvesturkjördæmi sem fram fór um helgina. Valið var í fimm efstu sæti á framboðslista hreyfingarinnar fyrir alþingiskosningunum sem fram fara í haust. Lilja Rafney Magnúsdóttir alþingismaður varð í öðru sæti og Sigríður Gísladóttir í því þriðja. Húnvetningurinn Þóra Margrét Lúthersdóttir varð í fjórða sæti. |
|
17:32 |
24. apr. 2021 |
Kormákur/Hvöt úr leik í Mjólkurbikarnum
Kormákur/Hvöt fór illa að ráði sínu í fyrstu umferð Mjólkurbikarsins í dag. Liðið mætti Hömrunum frá Akureyri og var leikið á Sauðárkróki. Leikurinn byrjaði vel fyrir Kormák/Hvöt og eftir aðeins átta mínútur var Ingvi Rafn Ingvarsson búinn að skora. Hann var svo aftur á ferðinni á 22. mínútu leiksins og staðan orðin 2-0 fyrir Kormáki/Hvöt. Rétt áður en flautað var til hálfleiks nældi Sigurður Bjarni Aadnegard sér í rautt spjald. |
|
21:18 |
23. apr. 2021 |
Skagstrendingur annar þáttarstjórnanda Krakkarúv
Það vita það kannski ekki allir en annar þáttastjórnandi Krakkarúv í sjónvarpi allra landsmanna býr á Skagaströnd og heitir Steinunn Kristín Valtýsdóttir. Steinunn sem er á þrettánda ári fór til Reykjavíkur í eina viku í janúar sl. í tökur á þáttunum eftir af hafa lært sautján handrit af þáttunum. |
|
15:34 |
23. apr. 2021 |
Allir út að plokka um helgina
Sveitarfélög í Húnavatnssýslum hvetja til þátttöku
Stóri plokkdaginn verður haldinn hátíðlegur fjórða árið í röð á morgun, laugardaginn 24. apríl. Framundan er mikið verkefni við að losa umhverfið við einnota grímur og hanska sem fylgt hafa kórónuveirufaraldrinum. Allstaðar um landið eru öflugir plokkarar farnir að undirbúa daginn. Plokk á Íslandi heldur út virkum hópi á samfélagsmiðlinum Facebook þar sem um sjö þúsund meðlimir deila myndum af sínu plokki og sinni útivist. |
|
15:10 |
23. apr. 2021 |
HSN fær 4.000 skammta af bóluefni í næstu viku
Heilbrigðisstofnun Norðurlands fær 4.000 skammta af bóluefni gegn COVID-19 í næstu viku. Bóluefnið frá Astra Zeneca verður nýtt til að hefja bólusetningu hjá íbúum sem fæddir eru árið 1961 og fyrr og gerir heilbrigðisstofnunin ráð fyrir að fara langt með þann hóp. Pfizer bóluefnið verður nýtt í seinni bólusetningu þeirra sem fengu bóluefni 6. - 9. apríl síðastliðinn og fyrri bólusetningu hjá þeim sem eru yngri en 60 ára og hafa undirliggjandi sjúkdóma. |
|
14:01 |
23. apr. 2021 |
Nýr ungmennavefur Alþingis
Nýr ungmennavefur Alþingis hefur verið opnaður. Vefurinn er ætlaður nemendum í efri bekkjum grunnskóla og framhaldsskólum, og auðvitað er öllum öðrum einnig velkomið að nýta sér hann til að afla upplýsinga um starfsemi Alþingis, segir í tilkynningu frá Alþingi. Í hugtakasafni er hægt er fletta upp helstu hugtökum sem gagnlegt er að þekkja til að skilja betur störf Alþingis. |
|
12:22 |
22. apr. 2021 |
Aðalfundur Félags eldri borgara í Húnaþingi
Frá stjórn FEBH
Aðalfundur Félags eldri borgara í Húnaþingi var haldinn á Blönduósi í gær 21.4.2021. Fundarstörf voru með hefðbundnum hætti með tilheyrandi Covid sóttvarnir að leiðarljósi. Ásgerður Pálsdóttir var endurkjörinn formaður til næstu tveggja ára og Gréta Björnsdóttir og Ragnheiður Þorsteinsdóttir voru endurkjörnar í aðalstjórn til tveggja ára. |
|
12:15 |
22. apr. 2021 |
Heiðlóan er Fugl ársins 2021
Heiðlóan er sigurvegari kosninga um titilinn Fugl ársins 2021. Hún flaug beint á toppinn í atkvæðagreiðslunni og sigraði með glæsibrag þar sem hún fékk bæði flest atkvæði sem fyrsta val kjósenda og var einnig með flest atkvæði samanlagt sem 1.-5. val. Himbriminn veitti henni harða keppni. Alls bárust 2054 atkvæði og stóð valið um 20 fugla. Velja mátti fimm fugla og raða þeim í sæti 1.-5. |
|
06:48 |
22. apr. 2021 |
Gleðilegt sumar
Sumardagurinn fyrsti er í dag og þá fagna landsmenn komu sumarsins. Íslensk þjóðtrú segir að ef sumar og vetur frjósi saman boði það gott sumar, en með því er átt við að hiti fari niður fyrir frostmark aðfararnótt sumardagsins fyrsta. Ólíklegt er að það hafi gerst í Húnavatnsýslum að þessu sinni en við treystum auðvitað á að sumarið verði okkur farsælt og gott. Í dag er einnig Dagur jarðar sem haldinn hefur verið 22. apríl ár hvert síðan 1970. |
|
20:44 |
21. apr. 2021 |
Byggðagleraugu SSNV til Vinnumálastofnunar
Á ársþingi Samtaka veitarfélaga á Norðurlandi vestra, sem haldið var í fjarfundi 16. apríl síðastliðinn, voru Byggðagleraugu SSNV veitt í fyrsta sinn. Viðurkenningin er veitt þeirri stofnun eða ráðuneyti sem þykir hafa skarað fram úr í fjölgun starfa og verkefna á Norðurlandi vestra. Vinnumálastofnun hlaut viðurkenninguna fyrir árangursríka uppbyggingu starfsstöðva stofnunarinnar á Hvammstanga og Skagaströnd. |
|
20:32 |
21. apr. 2021 |
Átta sóttu um lögreglustjóraembættið
Átta umsóknir bárust um embætti lögreglustjóra á Norðurlandi vestra sem auglýst var laust til umsóknar 27. mars síðastliðinn. Hæfnisnefnd sem hefur ráðgefandi hlutverk í ráðningarferlinu mun nú fara yfir umsóknirnar. Gunnar Örn Jónsson sem áður gegndi stöðu lögreglustjóra á Norðurlandi vestra var í lok mars skipaður lögreglustjóri á Vesturlandi. |
Til baka
Loka
Prenta
