|
17:57 |
15. apr. 2021 |
Framkvæmdir hafnar við nýtt hús á Miðholtinu
Hafnar eru framkvæmdir á Miðholtinu en þar mun á næstu mánuðum rísa rúmlega 1.700fm húsnæði sem mun hýsa ýmiskonar starfsemi s.s. Björgunarfélagið Blöndu, Ósverk ehf., Áfanga ehf. og fleiri. Húsið verður límtréshús klætt samlokueiningum á steyptum sökkli. Stefnt er að því að steypa plötuna í júní, reisa húsið í október og að formleg afhending gæti verið um næstu áramót. |
|
09:17 |
15. apr. 2021 |
Tími dekkjaskipta runninn upp
Nú er tími sumardekkja runninn upp en óheimilt er að aka um á nagladekkjum eftir 15. apríl. Yfirleitt eru ekki gerðar athugasemdir við það þó nagladekk séu undir bílum út aprílmánuð, enda allra veðra von. Eftir þann tíma geta ökumenn búist við því að verða stöðvaðir af lögreglu og sektaðir fyrir notkun negldra hjólbarða, allt að 20 þúsund krónur á hvert dekk. |
|
08:58 |
15. apr. 2021 |
Afmælisblað Feykis
Héraðsfréttablaðið Feykir átti 40 ára afmæli 10. apríl síðastliðinn. Fyrsta tölublaðið kom út 10. apríl árið 1981 og í kjölfarið var haldinn stofnfundur hlutafélags um útgáfu á frjálsu, óháðu fréttablaði á Norðurlandi vestra. Í tilefni afmælisins hefur Feykir gefið út afmælisblað þar sem 40 ára sögu blaðsins er minnst með ýmsum hætti. Í blaðinu eru viðtöl, upprifjanir og skemmtilegar minningar svo eitthvað sé nefnt. |
|
13:43 |
14. apr. 2021 |
Fjölsóttur samráðsfundur um fjarskiptamál
Samgöngu- og sveitarstjórnarráðuneytið stóð í gær fyrir samráðsfundi um fjarskiptamál í samvinnu við Samtök sveitarfélaga á Norðurlandi vestra. Fundurinn var liður í vinnu ráðuneytisins við gerð hvítbókar um fjarskiptamál í tengslum við nýja fjarskiptaáætlun sem nú er í vinnslu. Á vef SSNV kemur fram að fundurinn var fjölsóttur og sköpuðust á honum góðar umræður um stöðu fjarskiptamála í héraðinu og þau brýnu verkefni sem þar standa fyrir dyrum. |
|
13:38 |
14. apr. 2021 |
Fleiri ruslatunnur til að halda bænum snyrtilegum
Menningar-, tómstunda- og íþróttanefnd Blönduósbæjar hefur sent sveitarstjórn og sveitarstjóra Blönduósbæjar nokkrar ábendingar um það sem betur megi fara í umhverfi sveitarfélagins. Ruslatunnur eru nefndar og segir nefndin að fjöldi þeirra sé verulega ábótavant innan bæjarfélagsins og bendir á að mikilvægt sé að hafa ruslatunnur með reglulegu millibili til að halda bænum snyrtilegum. |
|
13:23 |
14. apr. 2021 |
Hnjúkabyggð 29 úthlutað til Bæjartúns
Blönduósbær hefur úthlutað Bæjartúni íbúðafélagi hses. lóðina Hnjúkabyggð 29 til byggingar 15-20 íbúða fjölbýlishúss á tveimur hæðum, í tveimur áföngum, með stofnframlagi sveitarfélagsins, ásamt stofnframlagi ríkisins og leiguíbúðaláni Húsnæðis- og mannvirkjastofnunar. |
|
14:10 |
13. apr. 2021 |
Tilslakanir á samkomutakmörkunum og í skólastarfi frá 15. apríl
Heilbrigðisráðherra hefur kynnt tilslakanir á samkomutakmörkunum og í skólastarfi frá 15. maí næstkomandi og eru þær í samræmi við tillögur sóttvarnarlæknis. Almennar fjöldatakmarkanir fara úr 10 í 20 manns, hægt verður að hefja íþróttastarf, sund og heilsurækt með takmörkunum, sviðslistir einnig og skíðasvæðin geta opnað á ný. |
|
12:53 |
13. apr. 2021 |
Hyggst fjarlægja númerslausa bíla
Heilbrigðiseftirlitið á Norðurlandi vestra hyggst nú á vordögum fjarlægja númerslausa bíla og annað á lóðum sem þykir lýti á umhverfinu. Verkefnið er unnið í samráði við viðkomandi sveitarfélög og í samræmi við reglugerð um hollustuhætti. Í tilkynningu frá eftirlitinu segir að leyfilegt sé að geyma númerslausan bíl á innkeyrslu, ef viðkomandi bíll veldur ekki mengun eða er augljóslega ekki lýti á umhverfi. |
|
09:27 |
13. apr. 2021 |
Kosning um Fugl ársins 2021 er komin á flug
Fuglavernd ætlar að fagna vorkomunni með kosningu á Fugli ársins 2021 og verður sigurvegarinn kynntur með fjaðrafoki og látum á sumardaginn fyrsta. Atkvæði eru tekin að streyma inn eins og farfuglar að vori og er strax ljóst að um spennandi kosningu verður að ræða.
Þeir 20 fuglar sem keppa um titilinn í ár hafa nú flestir orðið sér úti um kosningastjóra en rjúpa, stari og svartþröstur flögra þó enn í lausu lofti án sérstakra talsmanna. |
|
16:56 |
12. apr. 2021 |
Frábær þátttaka í Ullarþoninu
Alls bárust 63 gildar lausnir frá 100 þátttakendum í stafrænu nýsköpunarkeppninni Ullarþoni. Keppninni lauk 29. mars síðastliðinn og hafa tólf dómarar tekið við keflinu og munu velja hvaða fimm teymi kynna hugmyndir sínar fyrir þeim í byrjun maí. Úrslit verða svo kunngjörð á HönnunarMars í maí. Heildarverðmæti vinninga er um 1,6 milljónir króna. |
|
16:14 |
12. apr. 2021 |
Hacking Norðurland að fara af stað
Nýsköpunarviðburðurinn og lausnarmótið Hacking Norðurland fer fram dagana 15. - 18. apríl og er ætlað að virkja skapandi og lausnamiðaða hugsun og styðja við nýsköpun og fjölgun atvinnutækifæra á svæðinu. Viðburðurinn er samstarfsverkefni Hacking Hekla, Eims, Samtaka sveitarfélaga á Norðurlandi vestra, Samtaka sveitarfélaga á Norðurlandi eystra, Nýsköpunar í Norðri og Nordic Food in Tourism. |
|
14:21 |
12. apr. 2021 |
Aðalfundir deilda Stéttarfélagsins Samstöðu
Frá Stéttarfélaginu Samstöðu
Aðalfundir deilda Stéttarfélagsins Samstöðu verða haldnir 19. og 20. apríl, í sal Samstöðu að Þverbraut 1 á Blönduósi. Almenn aðalfundarstörf fara fram hjá öllum deildum sem eru iðnaðarmannadeild, almenn deild, verslunarmannadeild og deild ríkis og sveitarfélaga.
Aðalfundirnir verða haldnir sem hér segir: |
|
18:20 |
10. apr. 2021 |
Samráðsfundur um stöðu fjarskipta
Samgöngu- og sveitarstjórnarráðuneytið og Samtök sveitarfélaga á Norðurlandi vestra bjóða til rafræns samráðsfundar um stöðu fjarskipta, þriðjudaginn 13. apríl klukkan 10:00-11:30. Á fundinum verður fjallað um fjarskipti á svæðinu, helstu áskoranir og tækifæri til framfara. Boðið verður upp á fjölbreytta dagskrá með erindum og umræðum í minni hópum. |
|
15:47 |
08. apr. 2021 |
Aðalfundur Hollvinasamtaka HSB
Frá stjórn
Aðalfundur Hollvinasamtaka HSB var haldinn í gær. Á fundinum var hlaupið yfir starfsemi síðastliðins árs. Í janúar var keyptur nuddbekkur og æfingatæki í aðstöðu sjúkraþjálfara. Þá voru gefnar spjaldtölvur og heyrnatól á deildir HSB og Hnitbjarga. Súrefnistæki fór til Sæborgar á Skagaströnd og þá söfnuðu þær Angela Berthold sjúkraþjálfari og Eva Hrund Pétursdóttir iðjuþjálfi fyrir þjálfunarhjóli fyrir sjúkradeild 1 og 2. Glæsilegt framtak hjá þeim stöllum. |
|
07:01 |
08. apr. 2021 |
Vilja endurnýja veginn yfir Kjöl með einkaframkvæmd
Fimm þingmenn Sjálfstæðisflokks hafa lagt fram á Alþingi tillögu til þingsályktunar um endurnýjun vegarins yfir Kjöl með einkaframkvæmd. Sambærilegt mál hefur í þrígang verið flutt á Alþingi en ekki náð fram að ganga. Flutningsmenn tillögunnar vilja að Alþingi álykti að fela samgöngu- og sveitarstjórnarráðherra að hefja undirbúning að endurnýjun vegarins og geri hann að vegi sem hægt sé að halda opnum stóran hluta ársins. |
Til baka
Loka
Prenta
