|
12:53 |
06. maí 2022 |
Sjálfboðaliðar
Kæru Húnvetningar. Við á HSN hjúkrunar-og dvalardeild á Blönduósi langar til að koma gönguhóp af stað yfir sumar tímann. Okkur vantar því nokkra sjálfboðaliða til að aðstoða okkur. Fyrirhugað er að fara í göngu 1 sinni í viku kl. 14 og allir fá sér síðan kaffi og gott spjall. Það er hægt að skrá sig 1 sinni í mánuði, 1 sinni í viku eða bara eins og hentar hverjum og einum. Það verða alltaf 2-3 starfsmenn með. |
|
22:04 |
05. maí 2022 |
Innviðaráðherra tók við nýrri samgöngu- og innviðaáætlun Norðurlands vestra
Á vef Samtaka sveitarfélaga á Norðurlandi vestra er sagt frá því að Sigurður Ingi Jóhannsson innviðaráðherra hafi veitt nýrri samgöngu- og innviðaáætlun Norðurlands vestra viðtöku. Í áætluninni eru teknar saman helstu áherslur landshlutans hvað samgöngu- og innviðamál varðar og er áætlunin uppfærð útgáfa fyrri áætlunar sem samþykkt var árið 2019. |
|
21:37 |
05. maí 2022 |
Kjörfundir auglýstir
Yfirkjörstjórn sameiginlegs sveitarfélags Húnavatnshrepps og Blönduósbæjar hefur sent frá sér auglýsingu um kjörfund vegna sveitarstjórnarkosninganna sem fram fara 14. maí næstkomandi. Kjörfundur hefst klukkan 10 og lýkur klukkan 20. Kjörstaður í Húnavatnshreppi verður í Húnavallaskóla að Húnavöllum og kjörstaður á Blönduósi verður í Norðursal íþróttamiðstöðvarinnar, gengið er inn frá Melabraut. |
|
21:15 |
05. maí 2022 |
Ríkið vill kaupa stjórnsýsluhúsnæði Blönduósbæjar
Dómsmálaráðherra hefur, með vilyrði fjármálaráðherra, ákveðið að ganga til viðræðna við Blönduósbæ um kaup á stjórnsýsluhúsnæði bæjarins að Hnjúkabyggð 33 á Blönduósi. Í tilkynningu á vef Stjórnarráðsins segir að með kaupum á fasteigninni verði hægt að bæta nýtingu og auka hagræði í rekstri en ríkið á fyrir 1. og 3. hæð hússins sem sé nýtt undir starfsemi sýslumannsins á Norðurlandi vestra og lögreglunnar. |
|
16:18 |
05. maí 2022 |
Fjórði skammtur af Covid-19 bóluefni í boði fyrir 80 ára og eldri
Einstaklingar 80 ára og eldri geta fengið fjórða skammtinn af bóluefni vegna Covid-19 á heilsugæslustöðvum Heilbrigðisstofnunar Norðurlands. Á vef HSN segir að til að geta fengið fjórða skammt bóluefnisins þurfi að lágmarki fjórir mánuðir að hafa liðið frá þriðja skammti bóluefnisins en ekki skipti máli hvort viðkomandi hefur smitast af Covid-19 eða hvenær. |
|
16:08 |
05. maí 2022 |
Pétur Pan í uppsetningu Leikflokks Húnaþings vestra áhugaverðasta áhugaleiksýning ársins
Leiksýning Leikflokks Húnaþings vestra á Pétri Pan hefur verið valin áhugaverðasta áhugaleiksýning ársins. Valið fór fram nýverið og að þessu sinni voru tvær sýningar valdar sem áhugaverðastar en auk sýningarinnar á Pétri Pan var sýning Leikfélags Keflavíkur á Fyrsta kossinum valin áhugaverðasta áhugaleiksýning ársins. |
|
13:21 |
05. maí 2022 |
Ekki séð eins mikið af rjúpu og nú
Talning á rjúpu fer nú fram víða um land eins og venja er á þessum árstíma. Á veiðivef mbl.is er haft eftir Blönduósingnum Höskuldi B. Erlingssyni, sem er einn þeirra sem tók þátt í talningunni, að aukning talinna fugla sé um 110% milli ára. Höskuldur og þeir sem töldu með honum í kringum Blönduós hafa ekki áður séð svo mikið af fugli á talningarsvæðinu. |
|
09:50 |
05. maí 2022 |
Opið hús í nýju list- og verkgreinastofum Blönduskóla
Í dag klukkan 15:30-17:00 verður hægt að skoða nýju aðstöðuna sem gerð hefur verið í Blönduskóla og er gengið inn um aðalinngang Gamla skóla. Eins og flestir vita hafa framkvæmdir við byggingu list- og verkgreinaálmu við Blönduskóla staðið yfir. Framkvæmdum er að mestu lokið og aðeins lítilsháttar frágangur eftir. Kennsla hófst á fullum krafti í myndmennt og heimilisfræði 24. janúar síðastliðinn og smíða- og textílkennslan fylgdi í febrúar. |
|
21:28 |
04. maí 2022 |
Þakkarkveðja frá heldriborgurum á Blönduósi
Við viljum senda þakkarkveðju til Söndru og Björns Þórs fyrir frábært kvöldverðarboð. Einnig sendum við starfsfólki B&S bestu kveðjur og þakkir fyrir notalega þjónustu.
Heldriborgara á Blönduósi. |
|
11:53 |
04. maí 2022 |
Opinn fundur um stöðu fatlaðs fólks
„Staða fatlaðs fólks í sveitarfélögum“ er heiti opins fundar sem haldinn verður í dag með frambjóðendum allra flokka í sameinuðu sveitarfélagi Blönduósbæjar og Húnavatnshrepps. Fundurinn fer fram í Félagsheimilinu á Blönduósi klukkan 17-19. Á fundinum munu frambjóðendur kynna sig og áherslur sínar í málaflokknum. Boðið verður upp á pallborðsumræður og spurningar úr sal. |
|
10:57 |
04. maí 2022 |
SÁÁ Álfurinn á ferð um Húnaþing
Dugnaðarforkar úr 10. bekkjum grunnskólanna á Hvammstanga og Skagaströnd og strákar í 6. flokki Hvatar í knattspyrnu á Blönduósi hafa tekið að sér að selja Töfra-Álf SÁÁ næstu daga í Húnavatnssýslum. Sölufólk verður á ferð á fjölförnum stöðum á svæðinu fram á næstu helgi, ekki síst verslunum og bensínstöðvum. Þetta er í 34. skipti sem SÁÁ stendur að Álfasölunni, sem er ein mikilvægasta fjáröflunarleið samtakanna. |
|
23:27 |
03. maí 2022 |
Framsókn og aðrir framfarasinnar opna kosningaskrifstofu
Tilkynning frá B-lista Framsóknar og annarra framfarasinna
Framsókn og aðrir framfarasinnar opnuðu kosningaskrifstofu sína á sunnudaginn með húsfylli. Gestir snæddu dýrindis Vilkovöfflur og mikil og góð stemming var á opnuninni. Auðunn Sigurðsson, oddviti framboðsins, bauð alla velkomna og sagði frá því að undanfarnar vikur hefðu verið notaðar til að setja saman málefnaskrá framboðsins. |
|
17:34 |
03. maí 2022 |
Valið milli þriggja nafna á nýtt sveitarfélag
Örnefnanefnd hefur skilað umsögn sinni um þær fimm tillögur að nafni á sameinað sveitarfélag Blönduósbæjar og Húnavatnshrepps sem sendar voru nefndinni. Tillögurnar voru Blöndubyggð, Húnabyggð, Húnaþing eystra, Húnavatnsbyggð og Húnavatnsþing. Nefndin mælir með nafninu Blöndubyggð og telur það falla best að nafngiftahefð í landinu. Ekki er þó lagst gegn hinum tillögunum fjórum. |
|
10:41 |
03. maí 2022 |
Barnamenningarhátíðin í fullum gangi
Barnamenningarhátíðin Skúnaskrall er í fullum gangi á Norðurlandi vestra en þetta í fyrsta sinn sem hátíðin er haldin. Á dagskrá hennar eru ýmis námskeið, vinnustofur og listviðburðir. Áhersla er lögð á fjölbreytni í dagskrá og gott aðgengi. Meginreglan er að aðgangur er ókeypis, sem gefur öllum börnum og ungmennum á Norðurlandi vestra tækifæri til að upplifa og vinna að fjölbreytileika listsköpunar. Hátíðin stendur til 14. maí næstkomandi. |
|
21:19 |
02. maí 2022 |
Framboðskaffi
Tilkynning frá H-listanum
H listinn verður með framboðskynningarkaffi í nýrri verslunarmiðstöð sveitarfélagsins við Húnabraut 4 (fyrir framan Vínbúðina). Laugardaginn 7. maí frá kl. 14:00 - 17:00. Þar gefst kjósendum kostur á að spjalla við frambjóðendur H listans.
Allir velkomnir. |
Til baka
Loka
Prenta
