|
19:55 |
02. maí 2022 |
Maí nýr skoðunarmánuður fyrir húsbíla, hjólhýsi, tjaldvagna og bifhjól
Samgöngustofa vekur athygli á að með reglugerð um skoðun ökutækja hafa ökutæki í ákveðnum ökutækja- og notkunarflokkum fengið nýjan skoðunarmánuð. Skal nú og framvegis færa þau til skoðunar eins og þau hefðu 5 í endastaf skráningarmerkis, sem þýðir að skoðunarmánuðurinn er maí. Þetta á við um húsbíla, hjólhýsi, fellihýsi, tjaldvagna, bifhjól, létt bifhjól í flokki II og fornökutæki. Vanrækslugjald leggst á óskoðuð ökutæki í þessum flokkum þann 1. ágúst. |
|
21:58 |
01. maí 2022 |
Opnun kosningaskrifstofu Sjálfstæðismanna og óháðra
Tilkynning frá D-listi, Sjálfstæðismanna og óháðra
Fimmtudaginn 28. apríl sl. opnuðu Sjálfstæðismenn og óháðir á Blönduósi og í Húnavatnshreppi kosningaskrifstofu sína í Félagsheimilinu á Blönduósi. Guðmundur Haukur Jakobsson, oddviti framboðsins, flutti stutta tölu þar sem hann fór yfir þau mál sem unnist hafa á síðasta kjörtímabili. |
|
09:25 |
01. maí 2022 |
Opinn fundur með þingflokki Sjálfstæðisflokks
Tilkynning frá D-listi, Sjálfstæðismanna og óháðra
Þingflokkur Sjálfstæðisflokkins er á hringferð um landið og þriðjudaginn 3. maí kl. 20 gefst íbúum kostur á að hitta ráðherra og þingmenn flokksins á kosningaskrifstofu Sjálfstæðismanna og óháðra, í Félagsheimilinu á Blönduósi.
Frambjóðendur Sjálfstæðismanna og óháðra hafa undirbúið heimsóknina vel og kynnt m.a. fyrir þingmönnum og ráðherrum helstu málefni sem brenna á samfélaginu. |
|
04:35 |
01. maí 2022 |
VIÐ VINNUM
1. maí - alþjóðalegur baráttudagur verkafólks.
Stéttarfélagið Samstaða, óskar öllum sínum félagsmönnum til hamingju í tilefni dagsins.
BYGGJUM RÉTTLÁTT ÞJÓÐFÉLAG, STÖNDUM SAMAN |
|
22:20 |
30. apr. 2022 |
Framsókn og framfarasinnar til framkvæmda
Frá B-lista Framsóknar og framfarasinna
Síðustu vikur hafa frambjóðendur Framsóknar og annarra framfarasinna ásamt Stefáni Vagni Stefánssyni, þingmanni Framsóknarflokksins, unnið hörðum höndum að því að tryggja öryggishlutverk flugvallarins á Blönduósi á þann hátt að hann verði lagður bundnu slitlagi sem allra fyrst. |
|
15:36 |
29. apr. 2022 |
Dreifingardögum bréfapósts fækkar
Frá og með 1. maí mun Pósturinn dreifa bréfum tvisvar í viku um allt land. Áður var bréfum dreift annan hvern dag en breytingin er viðbragð við verulegri fækkun bréfasendinga, að því er segir á vef fyrirtækisins. Hörður Jónsson, framkvæmdastjóri rekstrarsviðs hjá Póstinum segir að bréfum hafi fækkað gríðarlega á síðustu árum og hafi fjöldi bréfasendinga dregist saman um tæp 80% frá árinu 2010. |
|
11:37 |
29. apr. 2022 |
Nýbygging vígð á Hvammstanga
Vígsla nýbyggingar fyrir grunnskóla og tónlistarskóla Húnaþings vestra fór á fram á Hvammstanga í vikunni. Flutt voru tónlistaratriði og stutt ávörp. Guðni Th. Jóhannesson, forseti Íslands, mætti á staðinn og talaði til nemenda. Hann gaf sér svo tíma til að spjalla við þá og fengu nemendur að taka myndir af sér með honum. „Fallegur, góður og hátíðlegur dagur enda tilefnið stórt,“ segir á vefsíðu skólanna. |
|
16:16 |
28. apr. 2022 |
Opið hús í nýju list- og verkgreinastofum Blönduskóla
Tilkynning frá Blönduskóla
Eins og flestir vita hafa framkvæmdir við byggingu list og verkgreina álmu við Blönduskóla staðið yfir. Framkvæmdum er að mestu lokið og aðeins smá frágangur eftir. Kennsla hófst á fullum krafti í myndmennt og heimilisfræði 24. janúar síðastliðin og smíða og textílkennslan fylgdi á eftir strax í febrúar. |
|
15:17 |
28. apr. 2022 |
Kattaeigendur hugi að köttum sínum
Húnaþing vestra biðlar til kattaeigenda í sveitarfélaginu að fylgjast vel með köttum sínum og sjá til þess að þeir séu merktir og með bjöllur um hálsins. Nú sé sá árstími að fuglar reyni að koma upp ungum sínum og að kvartað hafi verið yfir því að margir ungar lendi í kattarkjafti. |
|
14:43 |
28. apr. 2022 |
Opinn fundur og opnun kosningaskrifstofu
Tilkynning frá B-lista Framsóknar og annarra framfarasinna
Opinn fundur með Sigurði Inga Jóhannssyni, formanni Framsóknarflokksins og Stefáni Vagni Stefánssyni þingmanni. Fundurinn verður haldinn í Glaðheimum laugardaginn 30. apríl og hefst kl. 19:00. Létt spjall og heitt á könnunni. B-listinn listi Framsóknar og annarra framfarasinna opnar kosningaskrifstofu sína sunnudaginn 1. maí kl. 15:00 að Þverbraut 1 í Samstöðusalnum á annarri hæð. |
|
10:39 |
28. apr. 2022 |
Tiltektardagur á Skagaströnd á laugardaginn
Sveitarfélagið Skagaströnd stendur fyrir tiltektardegi á laugardaginn. Bæjarbúar og fyrirtæki á staðnum eru hvött til að fara yfir sitt nánasta umhverfi og hreinsa til fyrir sumarið. Gámar verða aðgengilegir frá og með morgundeginum við áhaldahúsið og á Kröfluplani í útbænum. Boðið verður upp á grillaðar pylsur og gos í hádeginu á laugardaginn við Bjarmanes. Vonast er til þess að sem flestir mæti. |
|
10:18 |
27. apr. 2022 |
Götur og gangstéttar sópaðar í Blönduósbæ
Vorboðinn ljúfi, götusópurinn, mætir á Blönduós á næstu dögum og verða götur og gangstéttar sópaðar í þéttbýlinu. Á vef Blönduósbæjar eru íbúar hvattir til að leggja ekki ökutækjum á götur á meðan sópað er þannig að hægt sé að sópa meðfram öllum kantsteinum. Margir íbúar hafa tekið sig til og sópað lausu efni af innkeyrslum og gangstéttum við húsin sín og þannig hjálpað til við hreinsum bæjarins. |
|
09:09 |
27. apr. 2022 |
Lífslíkur á Íslandi með þeim mestu í Evrópu
Kórónuveirufaraldurinn hefur áhrif á dánartíðnina
Meðalævilengd karla á Íslandi var 80,9 ár árið 2021 og meðalævilengd kvenna 84,1 ár en meðalævilengd sýnir hve mörg ár einstaklingur á að meðaltali ólifuð við fæðingu ef miðað er við aldursbundna dánartíðni mannfjöldans. Aldursbundin dánartíðni hefur lækkað á undanförnum áratugum og má því vænta þess að fólk lifi að jafnaði lengur en reiknuð meðalævilengd segir til um. |
|
09:01 |
27. apr. 2022 |
Hundahótel opnar í Húnaþingi vestra
Hólakot er nýtt hundahótel sem opnað var nýverið á Böðvarshólum í Vesturhópi en ábúendur á bænum eru Ingveldur Ása Konráðsdóttir og Jón Benedikts Sigurðsson. Átta pláss eru á hótelinu fyrir stóra sem smáa hunda. Ingveldur Ása er með hundaþjálfararéttindi í gegnum IACP sem eru alþjóðasamtök hundaþjálfara. |
Til baka
Loka
Prenta
