12:04 |
17. maí 2022 |
Jafnari kynjahlutföll í sveitarstjórnum
Á vef Samtaka sveitarfélaga á Norðurlandi vestra eru niðurstöður í nýafstöðnum sveitarstjórnarkosningum í landshlutanum skoðaðar nánar út frá kynjahlutföllum og nýliðun. Þar kemur fram að nú eru konur 49% sveitarstjórnarfulltrúa og karla 51%, samanborið við 44% konur og 56% á nýliðnu kjörtímabili. Hæst hlutfall kvenna er á Skagaströnd þar sem 80% sveitarstjórnarfulltrúa eru konur eða fjórar og af fimm. Lægst er það í Húnaþingi vestra eða 29% konur. |
11:57 |
17. maí 2022 |
Vinnuskóli Skagastrandar sumarið 2022
Vinnuskóli Skagastrandar hefst þriðjudaginn 7. júní og lýkur föstudaginn 29. júlí. Hann er fyrir nemendur, búsetta á Skagaströnd, sem hafa nýlokið 8., 9. og 10. bekk Höfðaskóla. Markmið vinnuskóla er að gefa unglingum kost á samspili vinnu, þjálfunar og fræðslu í sumarleyfi sínu. Skráning í vinnuskólann er á skrifstofu sveitarfélagsins eða í gegnum rafræna umsókn. |
10:48 |
17. maí 2022 |
Leikskólinn Barnabær á Blönduósi auglýsir lausar stöður kennara og deilarstjóra
Leikskólinn Barnabær á Blönduósi auglýsir lausar stöður kennara og deilarstjóra fyrir skólaárið 2022-2023. Starfshlutfall 100%. Ráðningartími: Sem fyrst eða eftir samkomulagi, um framtíðarstörf er að ræða. Leikskólinn Barnabær er fimm deilda skóli með börn á aldrinum eins til fimm ára |
07:15 |
16. maí 2022 |
Fréttabréf Textílmiðstöðvarinnar
Frá Textílsmiðstöð Íslands
Bráðum er ár liðið frá því að við náðum þeim mikilvæga áfanga að opna TextílLab á Blönduósi, fyrstu stafrænu textílsmiðjuna á Íslandi. Gaman er að segja frá TextílLabinu og því helsta sem er á döfinni hjá okkur! TextílLab (Þverbraut 1) er opið á miðvikudögum (13:00 - 20:00) og eftir samkomulagi. Á heimasíðu okkar eru góðar upplýsingar um TextílLab. |
22:16 |
15. maí 2022 |
Handbendi með ör-leikhúsupplifun í húsbíl
Handbendi brúðuleikhús á Hvammstanga stendur fyrir ör-leikhúsupplifun í húsbíl víðsvegar um land í júní. Sýningin, sem heitir Heimferð, er eftir Handbendi og er í samstarfi við ProFit Arts frá Tékklandi og Arctic Culture Lab frá Grænlandi og Noregi. Sýningin er fyrir alla aldurshópa og er notast m.a. við hreyfimyndir, tónlist, leiklist, brúðulist, hljóð og mynd. |
18:12 |
15. maí 2022 |
Frá Krabbameinsfélagi A-Hún.
Viltu gerast félagsmaður í Krabbameinsfélagi Austur-Húnavatnssýslu? Af hverju ætti ég að gera það? Hvað getur Krabbameinsfélag A-Hún. gert fyrir mig? Flest þekkjum við einhvern sem hefur þurft að glíma við krabbamein og þar af leiðandi þurft að dvelja fjarri heimili sínu til lengri eða skemmri tíma, með tilheyrandi kostnaði. |
13:37 |
15. maí 2022 |
Fyrsti sigurinn í höfn
Kormákur Hvöt kom sá og sigraði í annarri umferð Íslandsmótsins í kattspyrnu karla 3. deild í gær. Þá heimsótti liðið HÍ til Hafnarfjarðar og úr varð bráðskemmtilegur knattspyrnuleikur. Viktor Ingi Jónsson kom gestunum yfir strax á 13. mínútu en heimamenn jöfnuðu leikin rétt áður en flautað var til hálfleiks. Í upphafi seinni hálfleiks kom Ante Marcic Kormáki Hvöt aftur yfir í leiknum með góðu marki. |
08:20 |
15. maí 2022 |
D-listi stærstur í sameinuðu sveitarfélagi
Langflestir vilja að nýtt sveitarfélag fái nafnið Húnabyggð
Úrslit sveitarstjórnarkosninga í sameinuðu sveitarfélagi Blönduósbæjar og Húnavatnshrepps liggja fyrir. Alls kusu 801 eða 83,7% en á kjörskrá voru 957. D-listi Sjálfstæðismanna og óháðra fékk flest atkvæði eða 296, B-listi Framsóknar og annarra framfarasinna fékk næst flest atkvæði eða 249, H-listi fékk 140 atkvæði og G-listi Gerum þetta saman fékk 100 atkvæði. Auðir seðlar voru 13 og aðrir ógildir seðlar 3. |
08:01 |
15. maí 2022 |
Framsókn með flest atkvæði í Húnaþingi vestra
Samkvæmt niðurstöðu talningar í Húnaþingi vestra fékk Framsókn 36,4% atkvæða og þrjá fulltrúa kjörna í sveitarstjórnarkosningunum í gær. N-listi Nýs afls fékk 34,2% og tvo fulltrúa. D-listi Sjálfstæðisflokks fékk 31,2% og tvo fulltrúa. |
22:34 |
14. maí 2022 |
Magnús Jóhann fékk flest atkvæði í Skagabyggð
Talning atkvæða í Skagabyggð er lokið en þar fór fram óbundin kosning og því engir framboðslistar heldur voru allir íbúar í framboði. Magnús Jóhann Björnsson fékk flest atkvæði eða 32, Kristján S. Kristjánsson fékk 20, Vignir Ásmundur Sveinsson fékk 19, Bjarney Ragnhildur Jónsdóttir 19 og Erla Jónsdóttir 15. |
09:46 |
14. maí 2022 |
Gengið til sveitarstjórnarkosninga
Gengið verður til sveitarstjórnarkosninga í 69 sveitarfélögum landsins í dag. Gefst þá gullið tækifæri fyrir íbúa að hafa áhrif á hverjir taki ákvarðanir fyrir þeirra hönd næstu fjögur árin. Í sameinuðu sveitarfélagi Blönduósbæjar og Húnavatnshrepps er hægt að kjósa um fjóra lista; B-lista Framsóknar og annarra framfarasinna, D-lista Sjálfstæðismanna og óháðra, G-lista Gerum þetta saman og H-lista. |
21:11 |
13. maí 2022 |
Kjörfundir vegna sveitarstjórnarkosninga
Sveitarstjórnarkosningar fara fram á morgun, 14. maí. Í sameinuðu sveitarfélagi Blönduósbæjar og Húnavatnshrepps hefst kjörfundur klukkan 10 og lýkur klukkan 20. Í Húnaþingi vestra hefst kjörfundur klukkan 9 og lýkur klukkan 22. Engin kosning fer fram á Skagaströnd þar sem einn listi bauð fram og er sjálfkjörinn og óbundin kosning, persónukjör fer fram í Skagabyggð þar sem enginn framboðslisti kom fram. |
19:12 |
13. maí 2022 |
Stuðningur við samstarfsverkefni Norðanáttar
Guðlaugur Þór Þórðarson, umhverfis-, orku-, og loftslagsráðherra, undirritaði í dag samstarfsyfirlýsingu um verkefni sem styður við nýsköpun með áherslu á loftslagsmál og hringrásarhagkerfið í tengslum við sóknaráætlanir sveitarfélaga. Með undirritun sinni lýsa umhverfis-, orku-, og loftslagsráðuneytið, Samtök sveitarfélaga á Norðurlandi vestra (SSNV), Samtök sveitarfélaga og atvinnuþróunar á Norðurlandi eystra (SSNE) og Eimur þeim vilja sínum að stuðla, í gegnum Norðanátt, sameiginlega að nýsköpun á Norðurlandi með áherslu á loftslagsmál og hringrásarhagkerfið. |
10:32 |
13. maí 2022 |
Taprekstur hjá Skagabyggð
Skagabyggð var rekin með rúmlega 16 milljón króna tapi á síðasta ári. Rekstrartekjur námu 99 milljónum og lækkuðu um tæpar 15 milljónir milli ára. Skatttekjur hækkuðu um 9,7% en framlög úr Jöfnunarsjóði sveitarfélaga lækkuðu um 27,3% eða um 18 milljónir og hefur slíkur samdráttur mikil áhrif á fjárhag sveitarfélagsins. |