|
11:45 |
27. maí 2021 |
Fyrsta framhaldsprófið í söng frá Tónlistarskóla Húnaþings vestra
Í gær var stór áfangi hjá Tónlistarskóla Húnaþings vestra þegar nemandi við skólann þreytti í fyrsta skipti framhaldspróf í söng. Burtfararprófleikstónleikarnir fóru fram í Blönduóskirkju og þar þreytti Elvar Logi Friðriksson framhaldspróf í klassískum söng undir leiðsögn Ólafs Einars Rúnarssonar söngkennara og Elinborgar Sigurgeirsdóttur fyrrverandi skólastjóra og tónfræðikennara, voru tónleikarnir hluti af því. |
|
11:36 |
27. maí 2021 |
Blönduósbær gefur út frístundabækling
Blönduósbær hefur gefið út frístundabækling með helstu upplýsingum um íþrótta- og tómstundastarf á Blönduósi sumarið 2021. Á Blönduósi er fjölbreytt úrval af afþreyingu og útivistarmöguleikum fyrir unga sem aldna. Félagasamtök í sveitarfélaginu vinna gott starf og ættu flestir að finna eitthvað við sitt hæfi. Bæklingurinn er aðgengilegur á vefnum. |
|
11:24 |
27. maí 2021 |
Sterkari stjórnsýsla með sameiningu
Morgunvakt Rásar-1 tók Jón Gíslason, formann samstarfsnefndar um sameiningu sveitarfélaga í Austur-Húnavatnssýslu, tali í gær og forvitnaðist um tilgang og markmið sameiningar. Jón sagði m.a. að sameining væri eðlilegt framhald af miklu samstarfi sveitarfélaganna í gegnum byggðasamlög í mörgum stórum málaflokkum og tilgangurinn væri að búa til sterkari stjórnsýslueiningu. Nefndi hann einnig að það hefði verið þrýstingur frá stjórnvöldum að sameina og verið væri að bregðast við því kalli. |
|
10:58 |
27. maí 2021 |
Nám við umhverfisakademíu á Húnavöllum gæti hafist haustið 2022
Í skýrslu starfshóps um umhverfisakademíu í Húnavallaskóla kemur fram að litið var til Lýðskólans á Flateyri sem fyrirmynd að rekstrarmódeli. Miðað er við að undirbúningur að stofnun akademíunnar hefjist síðar á þessu ári og ljúki næsta vor. Skráning nemenda geti þá hafist og stefnt er á að nemendur hefji nám haustið 2022. Gert er ráð fyrir ráðningu skólastjóra eða verkefnastjóra sem allra fyrst til að vinna að undirbúningi stofnunar akademíunnar. |
|
12:08 |
26. maí 2021 |
Vilja frisbígolfvöll á Skagaströnd
Folfklúbburinn Fljúpnir hefur sent hafnar- og skipulagsnefnd Skagastrandar erindi þar sem óskað er eftir leyfi til þess að staðsetja níu holu frisbígolfvöll sunnan og austan við tjaldsvæðið að Höfðahólum. Framkvæmdin felur í sér að handmoka níu holur og steypa frisbígolfkörfur niður. Þá verða gerðir kastteigar með trjákurli og skilti sett upp við hvern teig. |
|
11:52 |
26. maí 2021 |
Styttist í Prjónagleðina
Prjónagleði er prjónahátíð sem haldin er á Blönduósi í júní ár hvert. Markmið hennar er að sameina prjónafólk og skapa því vettvang til þess að hittast og miðla prjónasögum, nýjum hugmyndum og aðferðum, gömlum hefðum og síðast en ekki síst prjónagleðinni í öllum sínum fjölbreytileika. Prjónagleðinni 2021 verður haldin frá 11.-13. júní næstkomandi. |
|
11:43 |
26. maí 2021 |
Matarboð Nýsköpunarvikunnar: Sjávarborg og R-Rabarbari
Veitingastaðurinn Sjávarborg á Hvammstanga, í samstarfi við R-Rabarbari frá Svalbarðseyri tekur þátt í Matarboði Nýsköpunarvikunnar. Sjávarborg býður upp á drykki og mat með vörum frá R-Rabarbara í aðahlutverki. Á boðstólum er meðal annars rababara kokteilar, fiskréttur og rabarbarapæ. Matarboðið er samansafn viðburða sem eiga sér stað samhliða Nýsköpunarvikunni dagana 26. maí - 2. júní. |
|
09:19 |
26. maí 2021 |
Nýsköpunarvika á Norðurlandi vestra hefst í dag
Dagana 26. maí til 2. júní er haldin Nýsköpunarvika um land allt. Hér er um að ræða hátíð þar sem fyrirtækjum og frumkvöðlum gefst kostur á að standa fyrir nýsköpunartengdum viðburðum þar sem spennandi sóknarfæri og frjóar hugmyndir geta sprottið upp. Hátíðin vekur athygli á nýsköpun sem á sér stað innan stofnana,fyrirtækja og sprotafyrirtækja þar sem framúrstefnulegar lausnir, ólík sköpunarferli og kraftmiklir frumkvöðlar fá notið sín. |
|
21:19 |
25. maí 2021 |
Spurt og svarað um grímunotkun
Ný reglugerð heilbrigðisráðherra um takmarkanir á samkomum sem felur í sér verulegar tilslakanir á sóttvarnaráðstöfunum tók gildi í dag. Með reglugerðinni hefur m.a. verið slakað til muna á kröfum um grímuskyldu sem hefur m.a. verið felld niður í verslunum og á vinnustöðum. Þó er skylt að bera grímu við tilteknar aðstæður. Til leiðbeiningar hefur heilbrigðisráðuneytið tekið saman spurningar og svör um grímunotkun, hvenær þurfi að bera grímu og hvenær ekki, sem fólk er hvatt til að kynna sér. |
|
14:31 |
25. maí 2021 |
Neikvæð rekstrarniðurstaða hjá Skagaströnd
Ársreikningur sveitarsjóðs Skagastrandar og stofnana fyrir árið 2020 var tekinn til síðari umræðu á sveitarstjórnarfundi í síðustu viku. Rekstrarniðurstaðan var neikvæð um 22,7 milljónir króna en árið 2019 var hún jákvæð um sömu tölu. Rekstrartekjur sveitarfélagsins námu 667,5 milljónum króna og lækka um 1,8% milli ára. Rekstrargjöld námu 684,8 milljónum og hækka um 5,2% milli ára. |
|
13:46 |
25. maí 2021 |
Aðalfundur Ferðamálafélags A-Hún.
Frá stjórn
Aðalfundur Ferðamálafélags A-Hún. verður haldinn þriðjudaginn 1. júní 2021 klukkan 17:00 á Teni, Húnabraut 2 á Blönduósi. Á dagskrá eru hefðbundin aðalfundarstörf.
Boðið verður upp á léttar veitingar.
Sjáumst sem flest. |
|
19:53 |
24. maí 2021 |
Bylting fyrir starfsemi Blöndu
Björgunarfélagið Blanda hefur undirritað kaupsamning um kaup á nýrri aðstöðu fyrir starfsemi félagsins. Aðstaðan verður í nýju atvinnuhúsnæði sem rís á Miðholti á Blönduósi. Blanda hefur fest kaup á tveimur bilum eða samtals 434 fermetrum. Nýbyggingin verður 1.739 fermetrar að stærð, skiptist í ellefu misstórar einingar og mun hýsa margskonar atvinnustarfsemi. |
|
08:56 |
24. maí 2021 |
Frá Hollvinum HSB
Gleðilegt sumar kæru Húnvetningar, félagsmenn og velunnarar. Hollvinasamtökin áttu 15 ára afmæli þann 19. apríl 2020. Ekki var hægt að halda upp á daginn í fyrra, en nú langar okkur til að færa Heilbrigðisstofnunni á Blönduósi afmælisgjöf af þessu tilefni og leitum við því aðstoðar ykkar. Nýverið var gert upp baðherbergi á sjúkradeild A og þar vantar baðstól. |
|
12:32 |
23. maí 2021 |
TextílLab opnað á Blönduósi
Á föstudaginn var nýtt TextílLab opnað á Blönduósi á vegum Textílmiðstöðvar Íslands og er það fyrsta sinnar tegundar á Íslandi. Lilja Alfreðsdóttir, mennta- og menningarmálaráðherra, og Þórdís Kolbrún R. Gylfadóttir, ferðamála-, iðnaðar- og nýsköpunarráðherra, og Guðmundur Haukur Jakobsson, formaður byggðaráðs Blönduósbæjar, ávörpuðu gesti. Lilja og Þórdís Kolbrún klipptu svo í sameiningu á opnunarþráðinn sem var úr ekta húnvetnskri ull. |
|
18:23 |
22. maí 2021 |
Fyrsti sigur sumarsins
Kormákur/Hvöt tók á móti Vængjum Júpíters á Sauðárkróksvelli í dag þegar leikið var í annarri umferð Íslandsmótsins í knattspyrnu karla, 4. deild D-riðli. Kormákur/Hvöt réði lögum og lofum á vellinum, skoraði fjögur mörk og vann leikinn. Markaskorarar voru Hilmar Þór Kárason, sem skoraði fyrst tvö mörk leiksins á 2. mínútu og 43. mínútu, Akil Rondel Dexter De Freitas sem skoraði í uppbótartíma fyrri hálfleiks og George Razvan Chariton sem skoraði á 58. mínútu. |
Til baka
Loka
Prenta
