|
16:17 |
17. jún. 2020 |
41. árgangur Húna kominn út
Fertugasti og fyrsti árgangur Húna, ársrits Ungmennasambands Vestur-Húnvetningar er kominn út. Í ritinu, sem er rúmar 200 blaðsíður, eru frásagnir, viðtöl, ljóð og annar fróðleikur er tengist Húnaþingi vestra. Einnig er minnst látinna í sveitarfélaginu á árinu 2019 auk ítarlegra frétta úr hinum ýmsu byggðum sveitarfélagsins sem alls sjö fréttaritarar hafa skrásett. Forsíðuviðtalið er að þessu sinni við Brynju Bjarnadóttur á Hvammstanga og einnig er m.a. fjallað um sjúkrahúsið á Hvammstanga sem átti 100 ára afmæli á árinu. |
|
18:18 |
16. jún. 2020 |
Kjörskrár vegna forsetakosninga lagðar fram
Kjörskrár sveitarfélaga í Húnavatnssýslum vegna forsetakosninga sem fram fara laugardaginn 27. júní næstkomandi liggja nú frammi til sýnis á skrifstofum þeirra. Sveitarfélagið Skagaströnd, Blönduósbær, Húnavatnshreppur og Húnaþing vestra hafa öll birt auglýsingu þess efnis á vefjum sínum og verða kjörskrárnar til sýnis til kjördags. |
|
11:17 |
16. jún. 2020 |
Holtastaðakirkja og Sveinsstaðaskóli fá styrki úr viðbótarúthlutun húsfriðunarsjóðs
Holtastaðakirkja fær 1,8 milljón króna styrk og Sveinsstaðaskóli 3 milljónir í styrk úr viðbótarúthlutun húsafriðunarsjóðs. Á vef Minjastofnunar segir að þáttur í aðgerðum ríkisstjórnarinnar til að vinna gegn samdrætti vegna kórónuveirufaraldursins hafi verið að veita 100 milljón króna viðbótarframlagi í húsafriðunarsjóð, sem nýta eigi til að veita styrki í atvinnuskapandi verkefni á svæðum sem verða fyrir hvað mestum efnahagslegum þrengingum vegna faraldursins. Fyrr á árinu úthlutaði sjóðurinn 304 milljónum til 228 verkefna. |
|
10:34 |
16. jún. 2020 |
Umsóknarfrestur um styrki úr Húnasjóði
Skriflegar umsóknir um styrk úr Húnasjóði vegna ársins 2020, ásamt lýsingum á námi, þurfa að berast skrifstofu Húnaþings vestra, Hvammstangabraut 5 á Hvammstanga, á þar til gerðum eyðublöðum í síðasta lagi 10. júlí næstkomandi. Þetta kemur fram í tilkynningu frá sveitarstjóra á vef Húnaþings vestra.
Húnasjóð stofnuðu hjónin Ásgeir Magnússon og Unnur Ásmundsdóttir til þess að minnast starfs Alþýðuskóla Húnvetninga, sem Ásgeir stofnaði og rak á Hvammstanga árin 1913-1920. |
|
09:53 |
16. jún. 2020 |
Viðhaldsþörf Húnavers og Dalsmynnis hleypur á tugum milljóna
Kostnaður Húnavatnshrepps vegna reksturs Húnavers og Dalsmynnis síðastliðin fimm ár nemur rúmlega 35 milljónum króna og eru viðhaldsframkvæmdir vegna húsanna næstu fimm árin áætlaðar um 77 milljónum króna. Þetta kemur fram í minnisblöðum sem lögð voru fram á síðasta sveitarstjórnarfundi Húnavatnshrepps. Í þeim er tekinn saman kostnaður við rekstur félagsheimilanna tveggja árin 2015 til 2020 og tilgreindar helstu viðhaldsframkvæmdir sem ráðast þarf í næstu fimm árin. |
|
09:06 |
16. jún. 2020 |
Eric Clapton gerist hluthafi í Vatnsdalsá
Tónlistarmaðurinn Eric Clapton er orðinn þriðjungshluthafi í hlutafélaginu sem er með Vatnsdalsá á leigu. Þrír eigendur eru nú í félaginu GogP ehf. sem er með leigusamning við veiðifélag Vatnsdalsár, að því er fram kemur í Sporðaköstum á vef mbl.is. Þar kemur fram að á sama tíma selur Pétur Pétursson sig út úr félaginu og segir þar með skilið við Vatnsdalinn sem hann hefur fóstrað frá árinu 1997. |
|
14:07 |
15. jún. 2020 |
Tiltekt í kirkjugarðinum á Blönduósi
Í gær var haldinn tiltektardagur í kirkjugarðinum á Blönduósi. Þangað mætti fjöldi fólks með blóm og snyrti í kringum leiði ástvina sinna. Sjálfboðaliðar kláruðu að leggja 60 metra langan göngustíg sem liggur í gegnum garðinn og múrviðgerðir á kirkjugarðsveggnum voru kláraðar. Valdimar Guðmannsson, formaður stjórnar kirkjugarðsins, hefur staðið í fararbroddi framkvæmda og viðhalds í garðinum síðustu misserin. |
|
13:37 |
15. jún. 2020 |
Viðsnúningur í rekstri Skagabyggðar
Sveitarfélagið Skagabyggð var rekið með 24,1 milljón króna afgangi í fyrra samkvæmt ársreikningi þess sem samþykktur var á fundi sveitarstjórnar nýverið. Afkoman var tæpum 14 milljónum hagstæðari en áætlun ársins gerði ráð fyrir og til samanburðar var 1,1 milljón króna neikvæða afkoma árið 2018. Rekstrartekjur í fyrra námu 120,4 milljónum króna en voru 87,4 milljónir ári 2018 og hafa því hækkað um 38% milli ára. |
|
13:23 |
15. jún. 2020 |
Lausar stöður hjá Barnabæ á Blönduósi
Leikskólinn Barnabær á Blönduósi auglýsir lausar stöður frá og með 8. ágúst næstkomandi. Á leikskólanum fer fram fjölbreytt og skemmtilegt uppeldisstarf með börnum á aldrinum átta mánaða til sex ára. Unnið er samkvæmt Aðalnámskrá leikskóla 2011 og er lögð áherslu á að námið fari fram í gegnum leik. Leikskólann vantar hressa og metnaðarfulla einstaklinga sem hafa áhuga á að vinna gefandi, krefjandi og skemmtilegt starf með börnum. |
|
12:22 |
15. jún. 2020 |
Árleg kvennareið í A-Hún.
Frá nefndinni
Hin árlega kvennareið í Austur-Húnavatnssýslu verður farin sunnudaginn 21. júní klukkan 15:00. Farið verður frá Sauðanesi og endað í reiðhöllinni á Blönduósi þar sem verður grillað og haft gaman. Eftir matinn verður happdrætti og eru fjölmargir góðir vinningar í boði. Þemað í ár verður: Sumar.
Skráningargjald er 3.000 kr. en skráning þarf að berast fyrir fimmtudaginn 18. júní. |
|
10:22 |
15. jún. 2020 |
Neikvæð rekstrarniðurstaða hjá Húnavatnshreppi
Ársreikningur Húnavatnshrepps 2019 var samþykktur á fundi sveitarstjórnar í síðustu viku. Rekstrartekjur námu 469,8 milljónum króna og rekstrargjöld 450,5 milljónum. Rekstrarniðurstaða fyrir afskriftir og fjármagnsliði var jákvæð um 19,3 milljónir en fjárhagsáætlun gerði ráð fyrir 46,5 milljón króna rekstrarafgang. Rekstraniðurstaða eftir afskriftir og fjármagnsliði var neikvæð um 17,6 milljónir króna. |
|
09:42 |
15. jún. 2020 |
Þjóðhátíðardeginum fagnað á Hvammstanga
Hátíðarhöld fara fram á Hvammstanga í tilefni af þjóðhátíðardeginum 17. júní. Dagskráin hefst klukkan 13 með Þjóðhátíðarmessu í Hvammstangakirkju. Klukkan 14 leggur skrúðganga af stað frá Hvammstangakirkju og hálftíma síðar verður ávarp fjallkonu og hátíðarræða flutt af svölum félagsheimilisins. Skemmtidagskrá hefst svo sunnan við félagsheimilið klukkan 15. |
|
21:23 |
14. jún. 2020 |
Íþróttamiðstöðin á Blönduósi verður opin 17. júní
Íþróttamiðstöðin á Blönduósi verður opin 17. júní, lýðveldisdaginn frá kl. 08:00 til 21:00. Frítt verður í sund og þreksal af tilefni 10 ára afmæli sundlaugarinnar. Við stefnum á að opna sundlaugarkerið eftir viðgerð. |
|
13:19 |
14. jún. 2020 |
Reiðnámskeið fyrir börn (10-15 ára)
Frá Ásdísi og Marie
Boðið verður upp á reiðnámskeið dagana 26.-28. júní í Reiðhöllinni á Blönduósi fyrir krakka á aldrinum 10-15 ára. Á námskeiðinu verða reiðtíma, leikir og verkefni tengd gangtegundum og reiðmennsku, kökuveisla og fleira skemmtilegt. Kennarar verða Ásdís Brynja Jónsdóttir og Marie Holzemer. Þær hafa báðar lokið fyrsta árinu á Hólum. |
|
12:38 |
14. jún. 2020 |
Laxveiðin að komast á fullt skrið
Í vikunni opna helstu laxveiðiár Húnavatnssýslna hver af annarri. Miðfjarðará opnar á morgun mánudag og Laxá á Ásum opnar á þriðjudag. Víðidalsá og Vatnadalsá opna laugardaginn 20. júní. Hrútafjarðará opnar 1. júlí og eins og fram hefur komið í fréttum opnaði Blanda 5. júní síðastliðinn. Laxveiðin í fyrra var sú sjöunda minnsta sem skráð hefur verið frá árinu 1974 og sú minnsta frá árinu 2000. Laxveiðimenn eru bjartsýnir með að meira veiðist í sumar. |
Til baka
Loka
Prenta
