|
09:12 |
15. feb. 2021 |
Háspennulína þverar hringveginn í V-Hún.
Háspennulína frá RARIK slitnaði í Fitjárdal og þverar þjóðveg 1 milli Miðfjarðar og Víðidals. Vegurinn var lokaður um tíma en búið er að opna hann núna. Hjáleið var um Síðuveg og Vatnsnesveg. Veginum verður svo aftur lokað í stutta stund þegar líða tekur á morguninn meðan rafmagnslína, sem nú er ótengd, verður tengd á ný. Ekki er vitað hvað olli því að línan gaf sig. |
|
11:30 |
12. feb. 2021 |
Spurn eftir þjónustu hafi minnkað
Í Morgunblaðinu í dag er fjallað um fækkun útibúa bankanna og er Blönduós nefnt sem nærtækasta dæmið en Arion banki hefur ákveðið að loka útibúi sínu á staðnum 5. maí næstkomandi. Í skriflegu svari Arion banka til Morgunblaðsins segir að á Blönduósi hafi mest spurn verið eftir því að millifæra, taka út og leggja inn seðla og greiða reikninga. Þetta sé allt þjónusta sem hægt sé að sinna með öðrum og skilvirkari leiðum. |
|
10:49 |
12. feb. 2021 |
112 dagurinn á Skagaströnd
Viðbragðsaðilar á Skagaströnd komu saman í gær í tilefni af 112 deginum og vöktu athyli á mikilvægi þess að þekkja hvað stendur á bak við númerið 112. Heimsóttu þeir Höfðaskóla og leikskólann Barnaból og fengu nemendur að skoða bíla og tækjakost og vakti það mikla lukku hjá krökkunum, að því er segir í frétt á vef Skagastrandar. |
|
10:32 |
12. feb. 2021 |
Nýir nýsköpunarstyrki fyrir landsbyggðina
Ferðamála-, iðnaðar- og nýsköpunarráðherra auglýsir eftir umsóknum um Lóu - nýsköpunarstyrki fyrir landsbyggðina. Tilgangur styrkjanna, sem nú verða veittir í fyrsta sinn, er að styðja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni, á forsendum svæðanna sjálfra. Lóa styður við nýsköpunarstefnu og er liður í breytingum á opinberu stuðningsumhverfi nýsköpunar vegna fyrirhugaðar niðurlagningar Nýsköpunarmiðstöðvar Íslands, að því er segir á vef Stjórnarráðsins. |
|
10:04 |
12. feb. 2021 |
Órion fékk veglegar gjafir frá Gærunum
Í síðasta mánuði komu Gærurnar, sem halda úti nytjamarkaðinum á Hvammstanga, færandi hendi með tvær gjafir handa félagsmiðstöðinni Órion. Þær gáfu annars vegar uppþvottavél, sem margir unglingar hafa beði lengi eftir, og hins vegar flott fótboltaspil. Þetta eru veglegar gjafir sem unglingarnir í félagsmiðstöðinni og aðrir njóta vonandi góðs af, segir í frétt á vef Húnaþings vestra. |
|
14:52 |
11. feb. 2021 |
Skólablað Blönduskóla er komið út
Skólablað Blönduskóla, VIT, hefur verið dreift á öll heimili á Blönduósi. Ef blaðið hefur ekki borist inn á einhver heimili þá er hægt að hafa samband við skólann í síma 455-4750 eða senda póst á blonduskoli@blonduskoli.is. |
|
10:48 |
11. feb. 2021 |
Dagskrá vegna 112 dagsins fellur niður á Blönduósi
Tilkynning frá viðbragðsaðilum
Ár hvert þann 11. febrúar heldur Neyðarlínan og tengdir viðbragðsaðilar upp á 112-daginn til að kynna neyðarnúmerið 112 og starfsemi aðilanna sem tengjast því. Því miður verður ekki um hefðbundna dagskrá að ræða á Blönduósi líkt og undanfarin ár en viðbragðsaðilar munu koma tvíefldir tilbaka á næsta ári. |
|
09:49 |
11. feb. 2021 |
112 dagurinn
Áhersla á öryggi og velferð barna og ungmenna
Hinn árlegi 112 dagur er haldinn í dag 11. febrúar. Markmið hans er að kynna neyðarnúmerið 112 og starfsemi aðilanna sem tengjast því, efla vitund fólks um mikilvægi þessarar starfsemi og hvernig hún nýtist almenningi. Markmið dagsins er enn fremur að efla samstöðu og samkennd þeirra sem starfa að forvörnum, björgun og almannavörnum og undirstrika mikilvægi samstarfs þeirra og samhæfingar. |
|
09:11 |
11. feb. 2021 |
Héraðsmót USAH 2021
Frá mótanefnd
Héraðsmót USAH innanhús í frjálsum íþróttum verður haldið laugardaginn 20. febrúar nk. í íþróttamiðstöðinni á Blönduósi. Skráning byrjar kl. 12:00 og hefst keppni stundvíslega kl. 12:10. Mótið er fyrir krakka fædd 2011 - 2004. Keppt verður í langstökki án atrennu, kúluvarpi, hástökki, 30m spretthlaupi og boðhlaupi. Skráning er á staðnum. |
|
21:35 |
10. feb. 2021 |
Dósasöfnun knattspyrnudeildar Hvatar
Tilkynning frá stjórn
Á morgun, fimmtudaginn 11. febrúar milli kl. 17:00 - 18:30, munu iðkendur yngri flokka knattspyrnudeildar Hvatar ganga í hús og safna dósum til styrktar starfsemi deildarinnar. |
|
16:45 |
10. feb. 2021 |
Lokun útibús Arion banka harðlega mótmælt
Sveitarstjórn Blönduósbæjar mótmælir harðlega áformum Arion banka um að loka alveg útibúi bankans á Blönduósi en málið var rætt á sveitarstjórnarfundi í gær. Í bókun segir að þjónusta bankans hafi verið skert verulega á undanförnum árum og að sú þróun hafist áður en kórónuveirufaraldurinn hófst. |
|
14:46 |
10. feb. 2021 |
Arion banki lokar á Blönduósi í vor
Arion banki hefur ákveðið að sameina útibú bankans á Blönduósi við útbúið á Sauðárkróki. Breytingin tekur gildi 5. maí næstkomandi sem verður þá jafnframt síðasti opnunardagur útibúsins á Blönduósi. Í tilkynningu sem bankinn hefur sent viðskiptavinum sínum á Blönduósi segir að undanfarin ár hafi verið gerðar breytingar á útibúaneti bankans til að aðlaga það að nýrri nálgun í bankaþjónustu þar sem lögð sé áhersla á gott aðgengi að stafrænum þjónustuleiðum. |
|
11:37 |
10. feb. 2021 |
Öðruvísi öskudagur
Aðgerðastjórn almannavarna á Norðurlandi vestra vekur athygli á eftirfarandi skilaboðum frá almannavarnadeild ríkislögreglustjóra, landlæknis og heimila og skóla:
Hugmyndir á farsóttartímum á öðruvísi öskudegi.
Gerum okkur dagamun í nærumhverfinu
Höldum upp á daginn á heimavelli, í skólanum, frístundaheimilinu eða félagsmiðstöðinni. |
|
11:32 |
10. feb. 2021 |
Aðalfundur frjálsíþróttadeildar Hvatar
Frá stjórn
Aðalfundur frjálsíþróttadeildar Hvatar verður haldinn miðvikudaginn 24.febrúar kl 20:00 í Norðursal Íþróttamiðstöðvarinnar.
Á dagskrá eru venjuleg aðalfundarstörf. |
|
11:27 |
10. feb. 2021 |
Aðalfundur Félags kúabænda í A.-Hún.
Frá stjórn
Aðalfundur Félags kúabænda í A.-Hún. verður haldinn í fundarsal BHS á Blönduósi þriðjudaginn 23. febrúar nk. kl. 13:00. Venjuleg aðalfundarstörf. Margrét Gísladóttir framkvæmdastjóri LK mætir á fundinn. Erindi frá RML. Verðlaunaafhending fyrir 2019. Veglegar kaffiveitingar í boði. Munum persónubundnar sóttvarnir. |
Til baka
Loka
Prenta
