|
19:39 |
07. mars 2021 |
Umsóknir um orlofshús 2021
Frá Stéttarfélaginu Samstöðu
Nú, er komið að sumarúthlutun 2021 og geta félagsmenn okkar sótt um vikudvöl á eftirfarandi stöðum: Illugastöðum, Einarsstöðum, Ölfusborgum og Jötnagarðsás við Munaðarnes. Félagsmenn geta nálgast umsóknareyðiblaðið á heimasíðu félagsins www.samstada.is, prentað út, sent í tölvupósti eða nálgast það á skrifstofum félagsins á Blönduósi eða Hvammstanga.
|
|
19:36 |
07. mars 2021 |
Leikfimi eldri borgara
Frá Félagi eldri borgara í Húnaþingi
Við byrjum á ný með leikfimi borgara í salnum á Þverbraut 1, fyrstu hæð, klukkan 11:00 miðvikudaginn 10. mars næstkomandi.
Ingunn María sjúkraþjálfari aðstoðar okkur eins og áður.
Sjáumst hress. |
|
21:56 |
05. mars 2021 |
Skimun fyrir krabbameini í brjóstum og leghálsi
Frá HSN Blönduósi
Öllum konum á Íslandi verður boðin skimun fyrir krabbameini í brjóstum og leghálsi í samræmi við skimunarleiðbeiningar Embættis landlæknis. Miðað er við að konum sé boðin skimun fyrir brjóstakrabbameini að jafnaði á tveggja ára fresti og konum sé boðin skimun fyrir leghálskrabbameini að jafnaði á fimm ára fresti. |
|
10:06 |
05. mars 2021 |
Starf leikskólastjóra auglýst laust til umsóknar
Blönduósbær auglýsir á vef sínum stöðu leikskólastjóra lausa til umsóknar. Stefnt er að því að ráða í stöðuna frá og með 1. júní næstkomandi eða eftir nánara samkomulagi. Leitað er að faglegum leiðtoga með mikinn metnað sem leggur áherslu á velferð og framfarir barna í góðu samstarfi við starfsfólk og foreldra, er lausnamiðaður og hefur skýra framtíðarsýn um að viðhalda öflugu leikskólastarfi. |
|
12:40 |
04. mars 2021 |
Helsta áskorunin að byggja upp traust
Íbúar í Austur-Húnavatnssýslu telja að ein helsta áskorunin við mögulega sameiningu sveitarfélaganna sé að byggja upp traust og auka trú íbúa á að hag þeirra verði betur borgið í sameinuðu sveitarfélagi, að þjónusta nái til allra íbúa og að áhrif jaðarbyggða verði tryggð. Sameining sveitarfélaga geti ekki farið þannig fram að eitt sveitarfélag yfirtaki önnur. |
|
12:19 |
04. mars 2021 |
SSNV hlýtur styrk til að meta eiginleika og nýtingu glatvarma í gagnaverinu á Blönduósi
Verkefnasjóður umhverfis- og auðlindaráðuneytis hefur veitt Samtökum sveitarfélaga á Norðurlandi vestra styrk að fjárhæð 6 milljónir króna til verkefnisins Nýting glatvarma í hringrásarhagkerfinu. Verkefnið felst í að safna og greina gögn sem nauðsynleg eru til að meta eiginleika glatvarmans sem myndast í gagnaveri Etix Everywhere Borealis á Blönduósi með það að augnamiði að nýta varmann í hringrásarhagkerfinu sem aflvaka fyrir staðbundna matvælavinnslu. |
|
11:39 |
04. mars 2021 |
Auður HU 94 á Skagaströnd aflahæstur
Á vef Skagastrandar segir frá því að báturinn Auður HU 94 á Skagaströnd er aflahæsti báturinn á landinu undir 8 brúttótonnum, sem af er ári. Landaður afli í janúar og febrúar nam rúmum 20 tonnum og er Auður HU 94 eini báturinn í þessum stærðarflokki á landsvísu sem hefur landað yfir 100 tonnum það sem af er kvótaárinu. Öllum afla er landað í heimabyggð á Skagaströnd. |
|
10:53 |
04. mars 2021 |
Markviss tekur þátt í byssusýningu
Skotfélagið Markviss tekur þátt í árlegri byssusýningu Veiðisafnsins á Stokkseyri um helgina. Þar verður fjölbreytt úrval skotvopna til sýnis, s.s. skammbyssur, rifflar, haglabyssur og herrifflar, ásamt ýmsu tengdu skotveiðum, m.a. úr einkasöfnum. Markviss stóð fyrir byssusýningu í Félagsheimilinu á Blönduósi í október 2018 í tilefni af 30 ára afmæli félagsins. Félagar úr Markviss munu koma með valdar byssur frá þeirri sýningu.
|
|
07:43 |
04. mars 2021 |
Fyrri rafræni íbúafundurinn fór fram í gær á netinu
Rafrænn íbúafundur fór fram í gær um sameiningarviðræður í Austur-Húnavatnssýslu. Liðlega 90 manns skráðu sig inn á fundinn á rafrænan hátt með fjarfundarbúnaði en auk þess fylgdust um 100 manns með fundinum á streymi fundarins á netinu. |
|
16:33 |
03. mars 2021 |
Rafrænn íbúafundur í kvöld
Í kvöld klukkan 20-23 verður fyrri rafræni íbúafundurinn um sameiningarviðræður í Austur-Húnavatnssýslu. Sá seinni verður á laugardaginn klukkan 10-13. Markmið fundanna er að kynna hugmyndir um uppbyggingu sameiginlegs sveitarfélags og fyrirkomulag þjónustu og verkefna, og fá fram sjónarmið og ábendingar íbúa áður en endanleg sameiningartillaga verður útfærð. Kynningarefni er aðgengilegt á Húnvetningi, sem er vefur sameiningarviðræðanna. |
|
11:10 |
03. mars 2021 |
Aðalfundur Félags sauðfjárbænda í Austur-Húnavatnssýslu
Frá stjórn FSAH
Aðalfundur Félags sauðfjárbænda í Austur-Húnavatnssýslu verður haldinn í Félagsheimilinu á Blönduósi, þriðjudaginn 9. mars kl. 20:00. Á dagskrá eru hefðbundin aðalfundarstörf einnig koma fulltrúar frá Landssamtökum sauðfjárbænda á fundinn og fara yfir það sem er efst á baugi hjá samtökunum, meðal annars mögulegar breytingar á félagskerfi landbúnaðarins. |
|
10:10 |
03. mars 2021 |
Íbúar 80 ára og eldir bólusettir
Í þessari viku fékk Heilbrigðisstofnun Norðurlands 720 skammta af Pfizer bóluefninu og er það nýtt til að bólusetja íbúa 80 ára og eldri við COVID-19. Búist er við því að HSN fari langleiðina með að klára þann hóp með þessum skömmtum. Íbúar á Norðurlandi, 80 ára og eldri, hafa fengið boð í bólusetningu annað hvort með sms skilaboðum eða með símtali þar sem tími og staðsetning kemur fram. |
|
11:23 |
02. mars 2021 |
Nýtt riðutilfelli í Vatnsneshólfi
Riðuveiki hefur verið staðfest á búi í Húnaþingi vestra, í Vatnsneshólfi. Síðast greindist riða í hólfinu árið 2015. Matvælastofnun vinnur nú að öflun upplýsinga og undirbúningi aðgerða, að því er segir í tilkynningu. Riðan greindist í sýni úr kind frá bænum Vatnshóli en á bænum eru nú um 925 fjár.
Í tilkynningu MAST segir að bóndinn hafði haft samband við Matvælastofnun sem tók sýni úr kindinni og sendi á Tilraunastöð Háskóla Íslands að Keldum þar sem riðuveiki var staðfest. |
|
10:22 |
02. mars 2021 |
Smáframleiðendur á ferðinni
Smáframleiðendur á Norðurlandi vestra, í samstarfi við Vörusmiðjuna BioPol, eru á ferðinni í Húnavatnssýslum þessa vikuna. Í dag er sölubíllinn á Skagaströnd og Blönduósi og á fimmtudaginn verður hann á Borðeyri og Hvammstanga. |
|
20:47 |
01. mars 2021 |
Píanóstillingar
Frá Eyþóri organista
Helgina 12.-14. mars verður flygill Blönduósskirkju stilltur. Þeir sem vilja nýta sér krafta Björgvins Ívars, sem gerir sér ferð hingað norður, vinsamlega skrái sig hjá mér í tölvupósti á eythorfw@gmail.com. Þetta er tilvalið fyrir þá sem misstu af honum í haust eða ef píanóið hefur misst stillingu síðan þá! |
Til baka
Loka
Prenta
