|
10:17 |
19. feb. 2021 |
Leikhúsgagnrýnandi Observer valdi leikverk Handbendi eitt besta menningarefnið fyrir börn
Breska stórblaðið Observer fékk helstu menningarvita sína til að velja besta menningarefnið fyrir börn til að njóta á tímum útgöngubanns og samkomutakmarkana. Leikhúsgagnrýnandi blaðsins, Susannah Clapp, valdi meðal annars Stúlkuna og hrafninn eftir Handbendi brúðuleikhús á Hvammstanga. Sýningarétturinn á verkinu var í síðasta mánuði seldur til eins virtasta brúðuleikhúss Lundúna sem heitir Little Angel Theatre og er hægt að horfa á verkið á YouTube. |
|
10:16 |
19. feb. 2021 |
Kormákur Hvöt ætlar sér upp um deild
Frá Kormáki/Hvöt
Undanfarin 10 ár hafa Kormákur frá Hvammstanga og Hvöt frá Blönduósi sent sameiginleg lið til leiks í mótum KSÍ í meistaraflokki karla. Í tilefni af þessum áfanga blés nýtt meistaraflokksráð í herlúðra og horft er til sumarsins mjög björtum og metnaðarfullum augum.
Undanfarin tvö ár hefur liðið verið hársbreidd frá því að komast upp í 3. deild, en í bæði þessi skipti hefur Kormákur Hvöt unnið sinn riðil og farið í fjögurra liða úrslit 4. deildarinnar. |
|
09:24 |
19. feb. 2021 |
Vilja breyta ákvæði um lágmarksíbúafjölda
Starfshópur smærri sveitarfélaga á Íslandi hefur sent umhverfis- og samgöngunefnd umsögn vegna frumvarps samgöngu- og sveitarstjórnarráðherra um breytingu á sveitarstjórnarlögum sem m.a. kveður á um að lágmarksíbúafjöldi sveitarfélags verði 1.000 íbúar. Í henni er lögð fram tillaga um að frekar verði horft til styrkleika sveitarfélaga fremur en lágmarksfjölda íbúa þegar kemur að umræðu um hugsanlega sameiningu. Sveitarfélagið Skagaströnd tekur heilshugar undir tillögu starfshópsins. |
|
16:28 |
18. feb. 2021 |
Samkeppni um nafn á ferðamannaveginn um Vatnsnes og yfir í Kolugljúfur
Selasetrið á Hvammstanga hefur sett af stað hugmyndasamkeppni um nýtt nafn á ferðamannahringinn um Vatnsnes og yfir í Kolugljúfur. Leitað er að nafni sem er lýsandi fyrir sex áfangastaði, sem eru Hamarsrétt, Illugastaðir, Hvítserkur, Kolugljúfur, Borgarvirki og Hvammstangi. |
|
09:26 |
18. feb. 2021 |
Hólabaksbúið sér um Gljúfurá næstu fimm árin
Veiðifélag Gljúfurár hefur samið við Hólabaksbúið ehf. um nýtingu veiðiréttar og aðstöðu við ána til næstu fimm ára. Að Hólabaksbúinu standa hjónin Ingvar Björnsson og Elín Aradóttir, en þau eru búsett á jörðinni Hólabaki sem liggur að Gljúfurá og stendur veiðihúsið Gljúfurholt í Hólabakslandi. Hólabaksbúið er jafnframt, sem landeigandi, aðili að Veiðifélagi Gljúfurá. |
|
09:02 |
18. feb. 2021 |
Tilkynning um forval VG í Norðvesturkjördæmi
Frá stjórn kjördæmisráðs
Vinstrihreyfingin grænt framboð í Norðvesturkjördæmi auglýsir eftir frambjóðendum á lista hreyfingarinnar í kjördæminu fyrir komandi alþingiskosningar. Forvalið fer fram með rafrænum hætti dagana 23., 24. og 25. apríl. Kosning hefst á miðnætti 23. apríl og stendur til klukkan 17 þann 25. apríl. Kosið verður um fimm efstu sæti á listanum, þar af bindandi í efstu þrjú en í samræmi við forvalsreglur VG. |
|
07:11 |
18. feb. 2021 |
Auglýst eftir skólastjóra Tónlistarskóla Húnaþings vestra
Staða skólastjóra Tónlistarskóla Húnaþings vestra laus til umsóknar. Um fullt starf er að ræða með kennsluskyldu. Kennsla í hljóðfæraleik fer fram á grunn-, mið- og framhaldsstigi. Næsta haust flytur tónlistarskólinn í nýtt sérhannað húsnæði og skapar flutningurinn ný og spennandi tækifæri í starfi skólans, að því er segir í auglýsingu á vef Húnaþings vestra. |
|
22:01 |
17. feb. 2021 |
Aðalfundur kirkjugarðs Blönduóss
Frá stjórn
Aðalfundur kirkjugarðs Blönduóss, verður haldinn í Samstöðusalnum að Þverbraut 1, Blönduósi miðvikudaginn 24. febrúar 2021 klukkan 18:00. Hvetjum sóknarbörn Blönduósskirkju til að mæta á fundinn og taka þátt í að móta framtíðarsýn fyrir kirkjugarðinn á Blönduósi. |
|
09:37 |
17. feb. 2021 |
Frítt í sund í dag
Mörg sveitarfélög á landinu taka þátt í verkefninu G-vítamín sem er á vegum Geðhjálpar. Í dag bjóða þau frítt í sund sem aukaskammt af G-vítamíni dagsins. Frítt er í sundlaugina á Skagaströnd, Blönduósi og á Hvammstanga. Verkefnið er byggt á Geðorðunum 10 og 14 Lífsorðum Héðins Unnsteinssonar og þennan dag er áherslan á að hreyfa sig daglega. |
|
09:29 |
17. feb. 2021 |
Rúmlega 1000 skammtar af bóluefni til Norðurlands
Í gær komu 1.000 skammtar af Pfizer bóluefninu og tæplega 80 skammtar af Moderna bóluefninu til Norðurlands. Pfizer bóluefnið er ætlað fyrir seinni bólusetningu hjá þeim sem voru bólusettir 19.-25. janúar. Moderna bóluefnið verður meðal annars nýtt til að bólusetja starfsfólk heimahjúkrunar og starfsfólk í dagdvölum á Akureyri og í nærliggjandi byggðum, að því er segir í frétt á vef Heilbrigðisstofnun Norðurlands. |
|
09:24 |
16. feb. 2021 |
Starf skipulags- og byggingarfulltrúa Húnaþings vestra laust til umsóknar
Húnaþing vestra auglýsir á vef sínum starf skipulags- og byggingarfulltrúa laust til umsóknar. Um er að ræða 100% starf með starfsstöð á Hvammstanga. Hlutverk byggingarfulltrúa er að veita embættinu faglega forystu og móta framtíðarstefnu innan ramma laga og reglugerða. Jafnframt að hafa eftirlit og eftirfylgni með að lögum og reglugerðum sé framfylgt. |
|
08:12 |
16. feb. 2021 |
Til foreldra barna í Blönduskóla
Tilkynning frá Blönduskóla
Næsta miðvikudag, 17. febrúar, er öskudagur. Vegna samkomutakmarkana verður grímuballið ekki haldið í ár. |
|
14:42 |
15. feb. 2021 |
Frá RARIK vegna öskudagsins
Vegna sóttvarnaraðgerða COVID-19 getum við því miður ekki tekið á móti krökkum á öskudaginn.
Sjáumst á næsta ári.
Starfsfólk RARIK |
|
12:07 |
15. feb. 2021 |
Félag eldri borgara í Húnaþingi mótmælir lokun Arion banka á Blönduósi
Félag eldri borgara í Húnaþingi mótmælir harðlega fyrirhuguðum áformum um að loka alveg útibúi Arion banka á Blönduósi. „Margir innan okkar félags hafa ekki tileinkað sér tölvunotkun og verða því fyrir miklum óþægindum og þjónustubresti ef af áformum bankans verður,“ segir í ályktun sem félagið hefur sent frá sér. |
|
09:39 |
15. feb. 2021 |
Bolludagur, sprengidagur og öskudagur
Bolludagurinn er í dag og á morgun er sprengidagur og svo öskudagur á miðvikudaginn. Hér á landi hefur það tíðkast í yfir hundrað á að borða bollur á þessum degi. Í bók Árna Björnssonar, Saga daganna, segir að bolluát og flengingar með bolluvöndum hafi líklega borist til Íslands fyrir dönsk eða norsk áhrif á síðari hluta 19. aldar. Líklega að frumkvæði þarlendra bakara sem settust hér að. |
Til baka
Loka
Prenta
