|
16:15 |
27. maí 2020 |
Þáttur um Blönduós á Hringbraut
Í gærkvöldi var frumsýndur nýr þáttur á sjónvarpsstöðinni Hringbraut sem nefnist Bærinn minn, sjarmi og sérstaða bæjarfélaganna hringinn í kringum Ísland. Fyrsti þátturinn fjallaði um Blönduós og áhugaverða staði í nágrenninu. Sigmundur Ernir Rúnarsson er umsjónarmaður þáttanna og í þættinum í gær kom hann keyrandi að sunnan og tók hús á nokkrum vel þekktum heimamönnum. |
|
15:20 |
27. maí 2020 |
Ný viðbygging kostar um 720 milljónir
Áform um viðbyggingu verknámshúss Fjölbrautarskóla Norðurlands vestra á Sauðárkróki hafa verið uppi um langt skeið, enda brýn þörf á stærra húsnæði. Fyrirhuguð stækkun hefur nú verið kynnt fyrir sveitarfélögunum á Norðurlandi vestra, sem greiða 40% kostnaðarins og ríkið greiðir 60%. Samkvæmt þeim teikningum sem lagðar hafa verið fram, er um að ræða 1.200 fermetra viðbyggingu og er kostnaðurinn áætlaður um 720 milljónir króna, að því er fram kemur á N4.is. |
|
15:08 |
27. maí 2020 |
Hreinsunarátak í Blönduósbæ
Blönduósbær efnir til hreinsunarátaks næstu daga. Íbúa og fyrirtæki er hvött til sameiginlegs átaks í hreinsun í sínu nærumhverfi. Eigendum bíla og stærri málmhluta sem standa á Blönduósi býðst næstu tvær vikur aðstoð við að færa þá til förgunar þeim að kostnaðarlausu. |
|
11:31 |
27. maí 2020 |
Álagning skatta birt á morgun
Álagningu opinberra gjalda á einstaklinga 2020 vegna tekna ársins 2019 er að ljúka hjá Skattinum og verður aðgengileg á þjónustusíðu hvers og eins einstaklings á vefnum www.rsk.is á morgun, fimmtudaginn 28. maí.
Álagningin sýnir stöðu inneigna og/eða skulda niður á hvern gjalddaga og hægt verður að skoða einstaka liði álagningarinnar til að sjá útreikninga og nánari upplýsingar. |
|
15:32 |
26. maí 2020 |
Bærinn minn Blönduós á Hringbraut í kvöld
Í kvöld klukkan 21:30 verður frumsýning á nýjum þætti á sjónvarpsstöðinni Hringbraut sem heitir Bærinn minn, sjarmi og sérstaða bæjarfélaganna, hringinn í kringum Ísland. Í þessum fyrsta þætti verður fjallað um Blönduós og áhugaverða staði í nágrenninu. Sigmundur Ernir Rúnarsson er umsjónarmaður þáttagerðarinnar. |
|
11:44 |
26. maí 2020 |
Jákvæð rekstrarniðurstaða hjá Skagaströnd
Sveitarfélagið Skagaströnd var rekið með 22,8 milljón króna afgangi í fyrra en afkoman var einnig jákvæð árið 2018, þá um 16,5 milljónir. Tekjur A-hluta voru 587 milljónir og rekstrargjöld án afskrifta námu rúmlega 572 milljónum. Rekstur A-hluta fyrir afskriftir, fjármunatekjur og fjármagnsgjöld var því jákvæður um 15 milljónir. Rekstrarniðurstaða A-hluta að teknu tilliti til fjármunatekna og afskrifta var neikvæð um tæpar 3 milljónir króna. |
|
09:39 |
26. maí 2020 |
Barnamenningarsjóður styrkir Handbendi brúðuleikhús
Barnamenningarsjóður Íslands ætlar að styrkja Handbendi brúðuleikhús í Húnaþingi vestra um tvær milljónir króna til að standa að alþjóðlegrar brúðulistahátíðar á Hvammstanga 9.-12. október næstkomandi. Handbendi brúðuleikhús hefur veg og vanda af hátíðinni og verður boðið upp á þrjú sýningarpláss við höfnina og í miðbæ Hvammstanga. |
|
20:34 |
25. maí 2020 |
Kartöflugarðurinn í Selvík er klár
Selvíkurgarðurinn er klár. Nú er hægt að pota útsæðinu niður. Það er enn pláss fyrir fleiri. |
|
10:11 |
25. maí 2020 |
SSNV skorar á ráðherra og ríkistjórn
Stjórn Samtaka sveitarfélaga á Norðurlandi vestra hefur sent Sigurði Inga Jóhannssyni, samgöngu- og sveitarstjórnarráðherra bókun þar sem fram koma áhyggjur af fjárhagsstöðu sveitarfélaga vegna áhrifa COVID-19. Skorað er á ráðherra að tryggja að ekki komi til skerðinga framlaga úr Jöfnunarsjóði sveitarfélaga vegna versnandi afkomu ríkissjóðs. Sú aðgerð væri besta almenna aðgerðin til hjálpar sveitarfélögum í landinu. |
|
10:09 |
25. maí 2020 |
Aðalfundur Stéttarfélagsins Samstöðu
Aðalfundur Stéttarfélagins Samstöðu, 2020 verður haldinn fimmtudaginn 28. maí klukkan 18:00 á Þverbraut 1 (jarðhæð) á Blönduósi. Á dagskrá er m.a. skýrsla stjórnar, ársreikningur 2019, kosningar og breytingar á reglugerð sjúkrasjóðs. |
|
09:19 |
25. maí 2020 |
Rekstrartekjur Vilko hækka um 23% milli ára
Aðalfundur Vilko var haldinn föstudaginn 15. maí síðastliðinn. Í tilkynningu frá félaginu kemur fram að rekstratekjur námu 266 milljónir króna árið 2019 og hækkuðu um 23% milli ára. Rekstargjöld fyrir fjármagnsliði námu 259 milljónir og jukust um 14% milli ára. Minniháttar tap var á rekstri félagsins eða rúmar tvær milljónir króna. Alls greiddi Vilko 90 milljónir í laun og launatengd gjöld í fyrra. Hjá félaginu starfa að jafnaði 12-15 starfsmenn. |
|
09:18 |
25. maí 2020 |
Aðalfundur Félags eldri borgara í Húnaþingi
Frá stjórn
Aðalfundur Félags eldri borgara í Húnaþingi verður haldinn miðvikudaginn 27. maí 2020, klukkan 14.00 í Félagsheimilinu á Blönduósi. Dagskrá verður samkvæmt lögum félagsins. Kaffiveitingar í boði félagsins. Mætum öll og eigum saman góða stund. Nýir félagar boðnir velkomnir. |
|
09:00 |
25. maí 2020 |
Fjöldamörk úr 50 í 200 manns og fleiri tilslakanir
Ný auglýsing heilbrigðisráðherra um takmörkun á samkomum vegna farsóttar tekur gildi í dag, mánudaginn 25. maí. Þar með verður allt að 200 manns heimilt að koma saman í stað 50 nú, heimilt verður að opna líkamsræktarstöðvar með sömu takmörkunum og gilda um sund- og baðstaði og öllum veitingastöðum, þar með töldum krám og skemmtistöðum, og einnig spilasölum, verður heimilt að hafa opið til klukkan 23.00. |
|
15:16 |
22. maí 2020 |
Smábæjarleikunum aflýst í sumar
Smábæjarleikunum á Blönduósi hefur verið aflýst í sumar. Þessi ákvörðun er tekin með þungum hug en að vel ígrunduðu máli, segir í tilkynningu frá stjórn knattspyrnudeildar Hvatar. Smábæjarleikarnir hafa verið haldnir 16 sinnum á Blönduósi en þeir eru fyrir knattspyrnulið yngri aldursflokka, bæði pilta og stúlkur. Í fyrra mættu um 400 keppendur og um 300 aðstandendur þeirra á leikana. |
|
15:03 |
22. maí 2020 |
Fólkið og náttúran á Norðurlandi vestra
Nýverið var efnt til leiks á Facebook síðu Samtaka sveitarfélaga á Norðurlandi vestra. Þar var fólk beðið um að skrá í athugasemd það sem því líkaði best við að búa á Norðurlandi vestra. Á vef SSNV kemur fram að fjölmargir hafi tekið þátt og að ástæðurnar séu fjölbreyttar þó að rauði þráðurinn sé fólkið og náttúran. |
Til baka
Loka
Prenta
