|
14:54 |
22. jan. 2021 |
Góð aðsókn í Hæfnihringi
Rúmlega 40 konur hafa skráð sig í Hæfnihringi, sem er stuðningur fyrir konur í fyrirtækjarekstri á landsbyggðinni. Verkefnið var sett upp sem samstarfsverkefni milli atvinnuþróunarfélaga og landshlutasamtaka síðastliðið haust. Á vef Samtaka sveitarfélaga á Norðurlandi vestra segir að aðsóknin hafi farið fram úr björtustu vonum og að konurnar muni hefja leik innan skamms í sex hópum. |
|
09:35 |
22. jan. 2021 |
Gul veðurviðvörun vegna norðanhríðar
Veðurstofa Íslands hefur gefið út gula veðurviðvörun vegna norðanhríðar á Ströndum og Norðurlandi vestra og gildir hún til miðnættis á morgun. Viðvörun er einnig í gildir fyrir Norðausturland og Austurland að Glettingi. Spáð er norðan 10-18 metrum á sekúndu og skafrenningi eða éljagangi. Skyggni getur orðið mjög lítið á köflum og akstursskilyrði erfið, einkum á fjallvegum. |
|
16:40 |
21. jan. 2021 |
Nýir lampar settir í ljóslausa ljósastaura
Vegagerðin vinnur nú að því að setja nýja lampa í ljóslausa ljósastaura við þjóðveginn í gegnum þéttbýlið á Skagaströnd. Eins og fram kom í pistli Ólafs Bernódussonar fyrr í þessum mánuði eru 52 ljósastaurar á þessari leið og hafa 14 þeirra verið ljóslausir síðan í haust. Hann sagði íbúa á Skagaströnd mjög óánægða með þetta því ljósleysið gæti verið beinlínis hættulegt á þessari fjölförnustu leið þorpsins, sérstaklega í vondu veðri og skafrenningi. |
|
12:11 |
21. jan. 2021 |
Björgunarfélagið Blanda þakkar stuðning við flugeldasýningu félagsins um áramót
Tilkynning frá stjórn Blöndu
Það er ómetanlegt fyrir okkar starf að hafa og eiga gott bakland. Fyrirtæki og einstaklingar studdu okkur vel á síðasta ári eins og áður og fyrir það erum við einstaklega þakklátir. |
|
20:50 |
20. jan. 2021 |
Áframhaldandi matvælaaðstoð KS
Kaupfélag Skagfirðinga ætlar að framlengja fram yfir páska matvælaaðstoð sína við þá sem eiga í erfiðleikum vegna atvinnumissis af völdum kórónuveirufaraldursins eða fjárhagsvanda af öðrum ástæðum. Matargjafir félagsins fyrir jólin, alls um 90 þúsund máltíðir sem dreift var með milligöngu hjálparstofnana, komu sér víða vel en vandinn er enn til staðar, segir í tilkynningu frá Kaupfélagi Skagfirðinga. |
|
20:08 |
20. jan. 2021 |
Gul veðurviðvörun vegna snjókomu
Veðurstofa Íslands hefur gefið út gula veðurviðvörun fyrir Strandir og Norðurland vestra og eystra og gildir hún til hádegis á morgun. Spáð er norðan 8-15 metrum á sekúndu en sums staðar hvassara í vindstrengjum við fjöll. Frost víða 1 til 6 stig. Búast má við talsverðri snjókomu, mest á Tröllaskaga, með líkum á samgöngutruflunum, einkum á fjallvegum. |
|
18:07 |
20. jan. 2021 |
Starfsfólk óskast til afleysinga á Heimilið við Skúlabraut
Heimilið við Skúlabraut á Blönduósi óskar eftir starfsfólki til afleysinga frá janúar-maí 2021 með möguleika á framhaldandi ráðningu. Óskað er eftir að viðkomandi geti hafið störf sem fyrst. Um tvær stöður er að ræða í 83% starfshlutfalli. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu. |
|
16:12 |
20. jan. 2021 |
Ámundakinn kaupir Arion banka húsið á Blönduósi
Um miðjan desember undirrituðu fulltrúar Ámundakinnar ehf. og Arion banka hf. samning um kaup þess fyrrnefnda á húseigninni að Húnabraut 5 á Blönduósi. Í tilkynningu segir að kaupin hafi átt sér nokkurn aðdraganda, en viðræður um viðskiptin hafi staðið með hléum á annað ár. Með í kaupunum fylgja húsgögn og búnaður og öll listaverk sem prýtt hafa veggi bankans undanfarin ár. |
|
10:00 |
20. jan. 2021 |
VG í Norðvesturkjördæmi efnir til forvals
Rafrænt kjördæmisþing Vinstrihreyfingarinnar græns framboðs í Norðvesturkjördæmi var haldið í gærkvöldi. Á fundinum var ákveðið samhljóma að efna til forvals um fimm sæti á framboðslista flokksins fyrir komandi alþingiskosningar og að kosning í þrjú efstu sætin verði bindandi. Lilja Rafney Magnúsdóttir þingmaður flokksins í kjördæminu sækist eftir endurkjöri, en hún skipaði fyrsta sæti framboðslista flokksins við síðustu alþingiskosningar. |
|
09:46 |
20. jan. 2021 |
Akstursstyrkir og frístundakort í Húnaþingi vestra
Á vef Húnaþings vestra er vakin athygli á akstursstyrkjum vegna leikskólabarna og frístunda- og tónlistarnáms. Sveitarfélagið greiðir einnig út styrki til íþrótta- og tómstundaiðkunar barna frá tekjulágum heimilum í Húnaþingi vestra. Þá hafa verið gefin út frístundakort vegna ársins 2021 fyrir börn á aldrinum 6-18 ára sem lögheimili eiga í sveitarfélaginu. |
|
12:36 |
19. jan. 2021 |
Staða skjalastjóra er laus við embætti Sýslumannsins á Norðurlandi vestra
Tilkynning frá Sýslumanninum á Norðurlandi vestra
Sýslumaðurinn á Norðurlandi vestra óskar eftir að ráða skjalastjóra í 100% stöðu á aðalskrifstofu embættisins á Blönduósi. Þar sem um er að ræða nýtt starf við embættið verður tímabundið ráðið til eins árs en með möguleika á framlengingu að teknu tilliti til mótunar og árangurs af starfinu. |
|
07:23 |
19. jan. 2021 |
Húnar fengu sjúkrabörur að gjöf
Björgunarsveitin Húnar fékk nýverið þrjár samanbrjótanlegar sjúkrabörur að gjöf frá Gærunum, sem er hópur kvenna sem heldur úti nytjamarkaði á Hvammstanga. Börurnar verða settar í breytta jeppabifreiðar sem sveitin á, Húna 1, 2 og 3. Sagt er frá þessu á Facebook síðu Húna og þar færir björgunarsveitin Gærunum bestu þakkir fyrir höfðinglega gjöf, hlýhug og velvilja sem þær hafi sýnt sveitinni, nú sem áður. |
|
15:08 |
18. jan. 2021 |
Tilkynning frá Þorrablótsnefnd Hreppablótsins
Kæru sveitungar. Hreppablótið sem átti að fara fram nú í febrúar frestast til 2022 vegna aðstæðna í þjóðfélaginu. Nefndin hvetur fólk til þess að fá sér þorramat og eitthvað til þess að skola honum niður og hlakka til Hreppablótsins 2022 en nú þegar hefur nefndin hafið undirbúning. |
|
11:48 |
18. jan. 2021 |
Almenn ánægja með fyrirkomulag rjúpnaveiða í Húnaþingi vestra
Veiðieftirlitsmaður Húnaþings vestra fór sjö ferðir til að hafa eftirlit með rjúpnaveiði í sveitarfélaginu síðasta haust og gekk eftirlitið almennt vel. Í fleiri tilvikum fór veiðieftirlitsmaðurinn á Víðidalstunguheiði og fylgdist með veiðimönnum í þjóðlendunni. Allir fylgdu fyrirmælum og almennt virðist vera ánægja með fyrirkomulag veiðanna, stjórn og vöktun sveitarfélagsins á svæðinu, að því er fram kemur í fundargerð landbúnaðarráðs Húnaþings vestra frá 13. janúar síðastliðnum. |
|
10:13 |
18. jan. 2021 |
Alþjóðleg brúðulistahátíð og Sölubíll smáframleiðandi valin framúrskarandi verkefni á Norðurlandi vestra árið 2020
Samtök sveitarfélaga á Norðurlandi vestra velja árlega framúrskarandi verkefni á sviði menningarmála annars vegar og atvinnuþróunar og nýsköpunar hins vegar. Í ár hljóta verkefnin Hvammstangi International Puppetry festival og Sölubíll smáframleiðenda á Norðurlandi vestra viðurkenningarnar. Viðurkenningarnar voru afhentar fulltrúum þessara verkefna á dögunum. |
Til baka
Loka
Prenta
