|
12:19 |
28. des. 2020 |
Enginn í einangrun eða sóttkví á Norðurlandi
Bóluefni gegn veirunni komið til landsins
Samkvæmt upplýsingum á vefsíðunni covid.is er enginn í einangrun eða sóttkví á öllu Norðurlandi og á Austfjörðum. Alls eru 143 í einangrun á landinu öllu og 239 í sóttkví. Flestir eru í einangrun á höfuðborgarsvæðinu eða 87 og þar eru 119 í sóttkví. Innanlandssmit í gær voru þrjú. Tuttugu og fimm eru á sjúkrahúsi og einn á gjörgæslu. Landið allt er á rauðu stigi sem þýðir alvarlegt ástand. Fólk er beðið um að halda sig sem mest til hlés og bíða með samkomur að svo stöddu. |
|
12:03 |
28. des. 2020 |
Flugeldamarkaðir opna
Flugeldamarkaðir björgunarsveitanna opna í dag og verða opnir alla daga til áramóta. Til stóð að fækka leyfilegum söludögum flugelda milli jóla og nýárs þannig að salan hæfist ekki fyrr en 29. desember. Frá því var horfið vegna kórónuveirufaraldursins svo að sölustaðir yrðu ekki fullir af fólki með tilheyrandi smithættu. Björgunarsveitin Húnar í Húnaþingi vestra opna flugeldamarkað sinn í dag klukkan 17 en sveitin býður einnig upp á vefverslun sem opin er allan sólarhringinn. |
|
10:48 |
28. des. 2020 |
Tilkynning frá Héraðsskjalasafni A-Hún.
Héraðsskjalasafn Austur-Húnavatnssýslu. Safnið verður lokað á milli jóla og nýárs. Opnað aftur 4. janúar 2021. Gleðileg jól. |
|
10:46 |
28. des. 2020 |
Tilkynning frá sýslumanninum á Norðurlandi vestra
Skrifstofur sýslumannsins á Norðurlandi vestra, á Blönduósi og á Sauðárkróki, eru lokaðar á gamlársdag og á nýársdag. Opnum kl. 10:00 mánudaginn 4. janúar. |
|
10:05 |
28. des. 2020 |
Jólahús ársins á Blönduósi valið
Jólaleikur Húnahornsins
Sú hefð hefur skapast á Húnahorninu í desember að velja Jólahús ársins á Blönduósi. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahús. Samkeppnin um Jólahúsið 2020 verður með svipuðu sniði og síðust ár. Þetta er í 19. sinn sem Húnahornið stendur fyrir vali á Jólahúsi ársins á Blönduósi. |
|
10:02 |
26. des. 2020 |
Norðan og norðaustan hríð á morgun
Veðurstofa Íslands hefur gefið út gula veðurviðvörun fyrir Strandir og Norðurland vestra sem tekur gildi á miðnætti og varir í sólarhring. Spáð er norðan og norðaustan hvassviðri eða stormi með vindhraða upp á 15-23 metra á sekúndu. Búast má við talsverðri snjókomu með lélegu skyggni og versnandi akstursskilyrðum á fjallvegum, en rigningu um tíma á láglendi. Samgöngutruflanir líklegar og ekkert ferðaveður. |
|
09:54 |
26. des. 2020 |
Mælaborð Sóknaráætlunar á vef SSNV
Á vef Samtaka sveitarfélaga á Norðurlandi vestra má finna mælaborð Sóknaráætlunar Norðurlands vestra. Þar koma fram upplýsingar sem tengjast verkefnum sem undir sóknaráætlunina falla, svo sem fjárhæðir sem úthlutað hefur verið úr Uppbyggingarsjóði Norðurlands vestra, útgreiðslur styrkja, tengsl áhersluverkefna við málaflokka Sóknaráætlunar, markmið hennar og heimsmarkmið. |
|
09:35 |
26. des. 2020 |
Breytingar á staðgreiðslu um áramót
Um áramótin mun síðari áfangi breytinga á tekjuskatti einstaklinga taka gildi. Hann felur í sér lækkun á grunnþrepi tekjuskatts um 3,60 prósentustig og hækkun á miðþrepi tekjuskatts um 0,75 prósentustig. Nýju skattprósenturnar verða 17% í grunnþrepi og 23,5% í miðþrepi. Við prósenturnar bætist síðan útsvarsprósenta sveitarfélaga. Tryggingagjald í heild lækkar úr 6,35% í 6,10%. |
|
14:22 |
24. des. 2020 |
Gleðileg jól
Jólakveðja frá Húnahorninu
Húnahornið sendir Húnvetningum, nær og fjær, sem og landsmönnum öllum hugheilar jólakveðjur og bestu óskir um gleðirík og ánægjuleg jól. |
|
08:29 |
24. des. 2020 |
Jólakveðja frá Blönduósskirkju
Á aðfangadag klukkan 18 verður helgistund streymt frá Blönduósskirkju og tengil mál finna á facebooksíðu kirkjunnar. Kór Þingeyrarklaustursprestakalls syngur og organistinn, Eyþór Franzon Wechner stjórnar.
Guð gefið þér gleðileg jól, frið og farsæld á nýju ári. Þökkum samfylgdina á árinu sem er að líða.
Ursula Árnadóttir, settur sóknarprestur og sóknarnefnd Blönduósssóknar. |
|
21:27 |
23. des. 2020 |
Sunnan stormur í aðsigi
Veðurstofa Íslands hefur gefið út gula veðurviðvörun fyrir Strandir og Norðurland vestra frá klukkan 14 á aðfangadag og fram yfir miðnætti á jóladag. Spáð er sunnan 18-25 metrum á sekúndu og snörpum vindhviðum, allt að 40 metrum á sekúndu. Varasamt veður fyrir ökutæki sem taka á sig mikinn vind, og gott að festa lausamuni til að forðast foktjón. Einnig er útlit fyrir talsverða rigningu og snjóbráð og mikilvægt að huga að því að niðurföll séu opin til að forðast vatnstjón. |
|
11:42 |
23. des. 2020 |
Helgihald um jólin í Húnavatnssýslum
Um hátíðarnar verður ekki unnt að hittast í kirkjum en þess í stað verða guðsþjónustur teknar upp og sendar út á netinu. Ljósastund verður í Hvammstangakirkju í dag, Þorláksmessu klukkan 17. Aftansöngur verður í Melstaðarkirkju á morgun aðfangadag klukkan 16:15. Stundinni verður streymt á facebooksíðu Melstaðarprestakalls. |
|
11:23 |
23. des. 2020 |
Dagný spáir í spilin fyrir árinu 2021
Tvær spákonur spá fyrir árinu 2021 í áramótaþætti sjónvarpsstöðvarinnar N4 sem sýndur verður 27. desember næstkomandi. Þetta eru þær Dagný Marin Sigmarsdóttir í Spákonuhofinu á Skagaströnd sem spáir í tarotspil og Sigrún Lárusdóttir sem notast við rúnir sem ristar eru á kindakjúkur. |
Til baka
Loka
Prenta
