|
11:31 |
13. jan. 2021 |
Hraðallinn Hugsum hærra farinn af stað
Viðskiptahraðallinn Hugsum hærra hófst mánudaginn undir stjórn Einars Sigvaldasonar, ráðgjafa hjá Senza. Hraðallinn fer fram á netinu í gegnum forritið Zoom þar sem frumkvöðlar af Norðurlandi vestra og Vestfjörðum koma saman. Alls taka tíu fjölbreytt fyrirtæki þátt, þar af fimm af Norðurlandi vestra sem eru: Smith & Jónsson, Skíðasvæði Tindastóls, Brúnastaðir, Extis hugbúnaðarstofa og Veraldarvinir. |
|
11:10 |
13. jan. 2021 |
Útsvar í staðgreiðslu hækkar milli ára
Útsvar sem innheimt var í staðgreiðslu hjá sveitarfélögum á tímabilinu frá febrúar til desember 2020 var 4% hærra en á sömu mánuðum í fyrra. Þetta kemur fram í nýrri samantekt Sambands íslenskra sveitarfélaga. Staðgreiðslan var sérstaklega meiri á seinustu mánuðum ársins. Talsverður munur er á þróun staðgreiðslu útsvars milli sveitarfélaga í Húnavatnssýslum. Hækkunin er mest á Skagaströnd, 6,53% en í Skagabyggð lækkar útsvarið um 6% milli ára. Heildarhækkun á Norðurlandi vestra er 4,5%. |
|
09:48 |
13. jan. 2021 |
Nýjar sóttvarnarreglur tekið gildi
Nýjar sóttvarnareglur tóku gildi á miðnætti og gilda til 17. febrúar næstkomandi. Nú mega tuttugu koma saman í stað tíu áður. Tveggja metra reglan er ennþá í gildi og grímuskylda þar sem ekki er hægt að tryggja slíka fjarlægð. Veitingastaðir mega taka á móti tuttugu gestum í stað fimmtán og líkamsræktarstöðvar mega nú hafa opið fyrir hóptíma með helmingi leyfilegs hámarkfjölda gesta. |
|
10:18 |
12. jan. 2021 |
Hæfnihringir fyrir konur í fyrirtækjarekstri á landsbyggðinni
Samtök sveitarfélaga á Norðurlandi vestra, í samstarfi við landshlutasamtök og atvinnuþróunarfélög á landinu, bjóða konum í atvinnurekstri á landsbyggðinni upp á svokallaða Hæfnihringi. Þeir eru byggðir á aðferðafræði, sem kallast aðgerðanám, en það grundvallast á því að nota raunverulegar áskoranir, verkefni og tækifæri sem grunn fyrir lærdóm. |
|
15:14 |
11. jan. 2021 |
Félagsmannasjóður
Frá Stéttarfélaginu Samstöðu
Í síðustu kjarasamningum var samið um Félagsmannasjóð. Þetta ákvæði nær til félagsmanna Stéttarfélagsins Samstöðu sem starfa hjá sveitarfélögum í Húnavatnssýslum. Sveitarfélögin greiða mánaðarlegt framlag í sjóðinn sem nemur 1,5% af heildarlaunum félagsmanna Samstöðu. |
|
09:55 |
11. jan. 2021 |
FISK ætlar að afhenda Skagstrendingum nokkrar eignir án endurgjalds
Sjávarútvegsfyrirtækið FISK Seafood á Sauðárkróki áformar að afhenda Sveitarfélaginu Skagaströnd nokkrar eignir á staðnum, án endurgjalds. Um er að ræða svokallað stjórnsýsluhús og hús sem áður hýstu rækjuverksmiðju og síldarverksmiðju. Málið hefur ekki verið rætt í sveitarstjórn en Halldóri G. Ólafssyni oddviti segir í samtali við Morgunblaðið að rétt sé að taka við eignunum þótt þær séu ekki í sem bestu ásigkomulagi og gera úr þeim tækifæri. |
|
12:59 |
08. jan. 2021 |
Samkomutakmarkanir rýmkaðar frá 13. janúar
Samkvæmt nýrri reglugerð heilbrigðisráðherra sem tekur gildi 13. janúar næstkomandi er gert ráð fyrir að slakað verði á samkomutakmörkunum, úr 10 manns í 20 manns. Heilsu- og líkamsræktarstöðvum verður gert kleift að hefja starfsemi á ný en með ströngum skilyrðum og skíðasvæðunum sömuleiðis. Íþróttastarf barna og fullorðinna verður heimilað að uppfylltum skilyrðum og sömuleiðis íþróttakeppnir án áhorfenda. |
|
12:36 |
08. jan. 2021 |
Vill íbúafund vegna vindmyllugarðs
Skipulags- og umhverfisráð Húnaþings vestra vill að haldinn verði íbúafundur í sveitarfélaginu vegna áforma um vindmyllugarð á Laxárdalsheiði. Ráðið telur sig ekki hafa forsendur til að afgreiða umsögn um skipulagsbreytingar á Aðalskipulagi Dalabyggðar, sem óskað hefur verið eftir, innan tímamarka umsagnarfrests. Tíminn sem ráðið hafi fengið til að kynna sér málið sé einfaldlega of stuttur. Þá hefur ráðið ekki fengið gögn sem óskað var eftir frá Dalabyggð. |
|
12:27 |
08. jan. 2021 |
Norðan hvassviðri eða stormur og hríð
Veðurstofa Íslands hefur gefið út gula veðurviðvörun fyrir Strandir og Norðurland vestra sem gildir frá klukkan frá miðnætti og fram á morgun 9. janúar. Spáð er norðvestan vindi, 15-23 metrum á sekúndu og snjókomu eða skafrenningi með lélegu skyggni og erfiðum akstursskilyrðum.
Þá hafa verið gefnar út appelsínugular veðurviðvaranir á Norðurlandi eystra, Austurlandi að Glettingi, Austfjörðum, Suðausturlandi og á Miðhálendinu á morgun. |
|
11:34 |
07. jan. 2021 |
Norðurland vestra með sérstöðu
Norðurland vestra er eini landshlutinn þar sem enginn er skráður í einangrun eða sóttkví vegna kórónuveirusmits. Síðustu daga hefur Norðurland allt og Austurland verið með núll í báðum dálkum (einangrun og sóttkví) á vefnum covid.is en samkvæmt nýjum tölum hefur það nú breyst. Tveir eru skráðir í einangrun á Norðurlandi eystra og þrír í sóttkví. Þá eru þrír skráðir í sóttkví á Austurlandi. |
|
11:20 |
07. jan. 2021 |
Söfnun jólatrjáa á Hvammstanga og Laugarbakka
Starfsmenn þjónustumiðstöðvar Húnaþings vestra verða á ferðinni á Hvammstanga og Laugarbakka í dag, á morgun og mánudaginn 9. janúar til að hirða upp jólatré sem lokið hafa hlutverki sínu þessi jól. Koma þarf jólatrjánum fyrir, út við lóðamörk.
Á vef Húnaþings vestra segir að þeir íbúar sem vilji nýta sér þjónustuna þurfi að hafa samband við skrifstofu sveitarfélagsins í síma 455-2400 eða senda tölvupóst á skrifstofa@hunathing.is. |
|
11:10 |
07. jan. 2021 |
Trump-hani mynd vikunnar
Hann er glæsilegur haninn sem er á mynd vikunnar á vef Skagastrandar. Þar segir að valið á myndinni hafi verið tekið með hliðsjón af atburðum gærdagsins í Washington. Litur fjaðranna og kamburinn á hananum minnir óneitanlega á hárlit forseta Bandaríkjanna, sem virðist eiga sér fylgismenn sem finnst gott að láta hann hugsa fyrir sig. |
|
10:42 |
07. jan. 2021 |
Lesendur Feykis völdu Bryndísi Rut mann ársins 2020 á Norðurlandi vestra
Líkt og undanfarin ár stóð Feykir fyrir kjöri á manni ársins á Norðurlandi vestra. Blaðinu bárust sjö tilnefningar og gafst lesendum kostur á að velja milli þeirra. Á vef Feykis segir að þátttakan hafi verið góð og varð niðurstaðan sú að Bryndís Rut Haraldsdóttir í Varmahlíð hlaut flest atkvæðin í kosningunni.
Bryndís er fyrirliði kvennaliðs Tindastóls sem sigraði Lengjudeild kvenna með miklum glæsibrag í sumar. |
|
09:40 |
07. jan. 2021 |
Þrjú stór mál sem þarf að ræða
Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, segir í viðtali á vef N4 að þrjú stór mál þurfi að fá umræðu fyrir alþingiskosningarnar í haust. Það séu samgöngumál, umhverfismál og atvinnumál, með áherslu á nýsköpun. Hún segir þörf á stórauknum stuðningi af hálfu ríkisvaldsins til að styrkja átak sveitarfélaganna á starfssvæði samtakanna, svo sem á formi uppbyggingar innviða og ívilnana. |
|
19:21 |
06. jan. 2021 |
Vilko og Náttúrusmiðjan kaupa Prótís af Kaupfélagi Skagfirðinga
Vilko ehf. á Blönduósi og Náttúrusmiðjan ehf. hafa keypt allt hlutafé í íslenska líftæknifyrirtækinu Prótís sem hefur verið í eigu Kaupfélags Skagfirðinga frá upphafi. Í tengslum við viðskiptin verður Kaupfélag Skagfirðinga fimmtungshluthafi í Vilko ehf. Eitt af markmiðum þessara viðskipta er að auka samstarf milli aðila. |
Til baka
Loka
Prenta
