13:49 |
13. nóv. 2015 |
Stökuspjall - Stjarnlaus nóttin
Eftir Inga Heiðmar Jónsson
Náttúruöflin lifa sjálfstæðu lífi í ljóðum Lorca og birtast þar gjarnan sem persónur eða lifandi verur. Eitthvert skýrasta dæmi þess í Sígaunaljóðum er vindurinn í þulunni Presíósa og í þulunni um heilagan Mikjál umbreytast skýin í naut. Svo skrifar Kristján Eiríksson íslenskufræðingur í formála að þýðingum sínum á ljóðum Lorca, en Kristján kom á sínum tíma vísnavef Skagfirðinga á laggirnar. |
22:12 |
11. nóv. 2015 |
Öryggismál sjómanna í forgang
Eftir Lilju Rafneyju Magnúsdóttur
Öryggismál sjómanna hafa mikið verið í umræðunni undanfarið í ljósi hörmulegs sjóslyss sem varð í sumar þegar Jón Hákon BA–60 sökk út af Aðalvík og einn maður fórst en þrír komust lífs af þegar nálægur bátur kom þeim til bjargar á ögurstundu.
Myndir úr neðansjávarmyndavél sýna að sjálfvirkur sleppibúnaður virkaði ekki og björgunarbátar opnuðust ekki þegar á reyndi.
|
14:58 |
07. nóv. 2015 |
Vetrarþjónusta, fjármálaráðherra og veruleiki dagsins
Eftir Hörð Ríkharðsson
Á dögunum mælti fjármálaráðherra fyrir fjáraukalögum. Sá hann sérstaka ástæðu til að staldra við vetrarþjónustukostnað Vegagerðarinnar og klykkti út með: Þar vísa ég til þess að í vetrarþjónustu, eins og annars staðar í stofnanakerfinu, er ekki hægt að útiloka að menn þurfi að aðlaga þjónustustigið að þeim veruleika sem mönnum er búinn við fjárlagagerðina. Það er hinn kaldi veruleiki svo margra stofnana í ríkiskerfinu og hlýtur að eiga við í Vegagerðinni. |
21:55 |
03. nóv. 2015 |
Spurt um atvinnumál
Eftir Hörð Ríkharðsson
Þann 14. janúar 2014 samþykkti Alþingi eftirfarandi ályktun: Alþingi ályktar að fela ríkisstjórninni að koma á samstilltu átaki stjórnvalda og sveitarfélaga í Austur-Húnavatnssýslu um eflingu atvinnulífs og sköpun nýrra starfa á Norðurlandi vestra með nýtingu raforku sem framleidd er í Blönduvirkjun. Þessi ályktun var samþykkt mótatkvæðalaust í þinginu.
|
09:32 |
02. nóv. 2015 |
Stökuspjall - Rennur saman haf og himinn
Eftir Inga Heiðmar Jónsson
Meðan þeygi þrýtur minn, þyrnum sleginn vegur, vil ég feginn vera þinn
vinur eiginlegur. Stökuna orti Agnar Jónsson á Gnýstöðum dóttursonur Guðmundar Ketilsson og verður honum notadrjúgt fornt neitunarorð, þeygi sem geymir bæði stuðul og innrím. Afi hans á Illugastöðum á sér í dag aðdáendur sem vilja helst hampa vísunum í hverju stökuspjalli þó misblíð séu orðin sem hann safnar til vísnagerðar sinnar:
|
10:39 |
28. okt. 2015 |
Góður námsárangur í Dreifnámi A-Hún.
Eftir Ásdísi Ýr Arnardóttur
Nú á dögunum luku nemendur Dreifnáms í A-Hún. svokölluðu miðannarmati en þá ljúka nemendur hluta námsefnis á miðri önn. Miðannarmat hefur í raun tvíþættan tilgang, annars vegar að stuðla að jöfnu námi nemenda alla önnina og hins vegar að koma auga á ef inngripa er þörf. Það er sérstaklega gleðilegt að miðannarmat haustið 2015 kemur talsvert betur úr en miðannarmat haustið 2014, meðaleinkunn hækkar úr 5,11 í 6,90. |
15:40 |
19. okt. 2015 |
Pælingar um styrktarsjóð
Eftir Katrínu Hallgrímsdóttur
Fyrir þó nokkrum árum var tekin sú ákvörðun meðal einhverra að fyrirtæki/stofnanir í bænum skipuleggðu árshátíðir sínar í kringum styrktarsjóðsballið til að hjálpa og styrkja styrktarsjóðinn. Yfirleitt var matur í félagsheimilinu og fólk fór svo beint á ball, þannig miði á ball var innifalin í árshátíðarverðinu og því voru einstaklingar að styrkja gott málefni á sama tíma og þeir gerðu sér glaðan dag. |
16:10 |
15. okt. 2015 |
Tekist á um rammaáætlun
Eftir Lilju Rafneyju Magnúsdóttur
Gríðarleg átök urðu um rammaáætlun á síðasta þingi þegar meirihluti atvinnuveganefndar gerði það að tillögu sinni að farið yrði í fleiri virkjanakosti en verkefnastjórn þriðja áfanga hafði lagt til við ráðherra að yrðu nýttir. Sigurður Ingi Jóhannsson, þáverandi umhverfis- og auðlindaráðherra, hafði áður sett átta virkjunarkosti í flýtimeðferð og tók með því fram fyrir hendur verkefnisstjórnarinnar. |
07:42 |
08. okt. 2015 |
Stökuspjall - Stutt eða löng töf
Eftir Inga Heiðmar Jónsson
Loki er sagður langur og mjór, og lék þó flest með slægðum: Óðins son var Ásaþór efldur stórum frægðum. Ekki finnast margar vísur um hinn slægvitra Loka á vísnavefnum, þó sýslumenn Braga gumi af fjölskrúði vefsins, en því auðveldara er að finna Café Loka í hlaðvarpa Hallgrímskirkju á Skólavörðuholti.
|
16:12 |
25. sep. 2015 |
Samþjöppun í mjólkurframleiðslu
Eftir Lilju Rafneyju Magnúsdóttur
Mikil þróun og framfarir hafa verið í kúabúskap og mjólkurframleiðslu undanfarin ár. Búin hafa stækkað og tækniframfarir orðið miklar og mörg bú hafa tekið róbóta í sína þjónustu og er það ánægjulegt og mikilvægt að greinin geti þróast og vaxið svo hún geti orðið sem best samkeppnisfær við aukinn innflutning og aukið vöruúrval og þjónað neytendum sem best. |
13:24 |
21. sep. 2015 |
Landsbyggðargleraugun og þjóðarkakan
Eftir Lilju Rafneyju Magnúsdóttur
Fjárlögin liggja nú fyrir, fyrsta umræða hefur farið fram og frumvarpið komið til fjárlaganefndar. Nú þegar afrakstur erfiðra aðgerða sem gerðar voru vegna efnahagshrunsins er að skila ríkissjóði góðum tekjuafgangi mætti ætla að fjárlögin bæru þess vitni og veruleg innspýting væri í málaflokka sem höfðu tekið á sig skerðingar og nú væri komið að því að setja verulega fjármuni í innviðauppbyggingu samfélagsins. |
08:34 |
21. sep. 2015 |
Stökuspjall - Að mála mosa og grjót
Eftir Inga Heiðmar Jónsson
Frímerki, kjólar, þverslaufur, spil, víntegundir og húseignir eru meðal þess sem mannfólkið safnar sér til ununar og eftirlætis. Skáldin safna orðum og myndum til að gefa aðdáendum sínum verulegar, góðar og nýjar vísur og aðrir taka sér fyrir hendur að grafa upp aldargamlar vísur – eða eldri, stundum yngri, til að setja inn á vef, fara þá jafnvel að kalla sig vefsýslumenn, kannski ekki alveg jafnokar hreppsstjóranna gömlu, en líkar þó allvel að bæta við sig titli auk þess sem verkefnið er heillandi. |
10:02 |
14. sep. 2015 |
Stökuspjall: Einmitt slík var – móðir þín
Eftir Inga Heiðmar Jónsson
Gott var að koma til Blönduóss um nónbil á laugardag, ekki síst þeim sem eiga vísa vist í Hnitbjörgum, fjölbýlishúsi með bókasafni á miðjum efri gangi og stórum vesturgluggum. Húsið stendur innarlega í þorpinu, í húsaþyrpingunni við Héraðshælið. Nokkrar bækur um sögu Húnvetninga eru í safninu en merkust og fágætust er 60 ára saga Kvennaskólans. |
16:29 |
11. sep. 2015 |
Kvennamótið Skyttan
Eftir Snjólaugu M Jónsdóttur formann Skotfélagsins Markviss
Sumarið er búið að vera annasamt hjá keppnisfólki í skotfimi þetta árið en nú er komið að loka mótinu sem að haldið verður á Skotsvæði Skotfélagsins Markviss á Blönduósi núna á laugardaginn 12. september og hefst klukkan 12. Átta galvaskar konur eru skráðar til leiks og eru fimm af þeim í nýliðaflokknum. Mótið ber nafnið Skyttan en þetta er kvennamót sem að hefur verið að festa sig í sessi síðustu ár hér á landi. |
08:34 |
07. sep. 2015 |
Stökuspjall - Heiðin magnar seið
Eftir Inga Heiðmar Jónsson
Laxárdalur, heimur skálda og kvæðamanna, er að málast haustlitum þessa daga eins og aðrir dalir við Húnaflóann. Þar voru stórar jarðir og lítil kot sem nú standa auð en vísurnar sem þaðan komu lifa á bókum eða á vefnum. Ein af dætrum dalsins, Guðríður B. Helgadóttir, býr norður á Sauðárkróki og sendi frá sér bók með eigin ályktunum, vísum og dýrðlegum myndum af saumuðum verkum hennar. |