|
14:09 |
01. apr. 2020 |
Gul veðurviðvörun fram til morguns
Á hádegi í dag gekk í gildi gul veðurviðvörun á Ströndum og Norðurlandi vestra en hún tekur einnig til Vestfjarða, Norðurlands eystra og miðhálendisins. Viðvörunin gildir til morguns. Spáð er allhvössum vindi og síðar norðanátt með vindhraða upp á 13-20 metra á sekúndu. Búast má við éljagangi, snjókomu og skafrenningu. Skyggni getur verið lélegt og akstursskilyrði erfið. Éljagangur og hálka eða snjóþekja er á flestum vegum á Norðurlandi og vonskuveður á Öxnadalsheiði sem er lokuð. |
|
10:09 |
01. apr. 2020 |
Ræktum lesandann og setjum heimsmet í lestri
Mennta- og menningarmálaráðuneytið hleypir í dag af stokkunum lestrarverkefni fyrir þjóðina, þar sem börn og fullorðnir eru hvött til að nýta til lesturs þann tíma sem gefst við núverandi aðstæður. Lestrarverkefnið kallast Tími til að lesa. Heitið er dregið af aðstæðunum sem nú eru uppi, þar sem margir hafa meiri tíma en áður til að lesa og þörfin fyrir hugarleikfimi hefur sjaldan verið meiri. Árangurinn er mældur í tíma, þar sem Íslendingar eru hvattir til að skrá allan sinn lestur á vefsíðunni timitiladlesa.is. |
|
09:58 |
01. apr. 2020 |
Miklar fjárfestingar til að vinna gegn samdrætti
Þverárfjallsvegur um Refasveit og Skagastrandarvegur um Laxá eru á meðal verkefna sem falla undir fjárfestingarátak stjórnvalda vegna heimsfaraldurs kórónuveiru. Á þessu ári verða 6,5 milljarðar króna settir í samgöngumál, 550 milljónir í uppbyggingu fjarskiptakerfa og 300 milljónir til byggðamála til að sporna gegn samdrætti í hagkerfinu í kjölfar heimsfaraldursins. Alþingi samþykkti þingsályktunartillögu nýverið um tímabundið fjárfestingarátak stjórnvalda þar sem þetta var staðfest. Öll fjárfestingaframlögin bætast við önnur framlög í þessum málaflokkum á fjárlögum. |
|
22:13 |
31. mars 2020 |
Myndrænar leiðbeiningar um hvað má og hvað ekki í COVID-19 faraldrinum
Heilsugæsla höfuðborgarsvæðisins hefur útbúið skýrar og myndrænar leiðbeiningar um hvað má og hvað má ekki gera á meðan kórónufaraldurinn ríður yfir. Leiðbeiningarnar eru sniðnar að mismunandi aðstæðum fólks, til dæmis fyrir fólk sem er í sóttkví eða fólk í áhættuhópi. Upplýsingaspjöldin eru aðgengileg til útprentunar og eru til á bæði íslensku og ensku. |
|
12:48 |
31. mars 2020 |
Vefráðstefna um úrgangsmál á Norðurlandi
Á morgun fer fram vefráðstefna um úrgangsmál á Norðurlandi. Ráðstefnan, sem er öllum opin, er lokahnykkurinn á störfum starfshóps Samtaka sveitarfélaga á Norðurlandi vestra og Samtaka sveitarfélaga og atvinnuþróunar á Norðurlandi eystra sem hafði til skoðunar framtíðarskipan úrgangsmála á Norðurlandi. Í vinnu hópsins var fjallað um úrgangsmál svæðisins og m.a. greindir úrgangsstraumar og tækifæri til að ná auknum árangri og hagræðingu í málaflokknum. |
|
11:50 |
31. mars 2020 |
Engin smit staðfest í A-Hún.
Engin kórónuveirusmit hafa verið staðsett í Austur-Húnavatnssýslu hingað til. Á Norðurlandi vestra hafa 22 smit verið staðfest, 19 í Húnaþingi vestra, en þar bíða 15 sýni greiningar, og þrjú í Skagafirði. Samtals eru 396 í sóttkví á svæðinu samkvæmt vefnum covid.is en vonandi lækkar sú tala verulega í dag því í gærkvöldi lauk tveggja vikna sóttkví starfsfólks, kennara og nemenda Grunnskóla Húnaþings vestra. Hefðbundin kennsla hefst þó ekki fyrr en að afloknu páskafríi. |
|
11:28 |
31. mars 2020 |
Húsfriðunarsjóður úthlutar styrkjum
8,5 milljónir til Húnavatnssýslna
Úthlutað hefur verið úr húsfriðunarsjóði fyrir árið 2020. Veittir voru 228 styrkri að þessu sinni að fjárhæð 304 milljónir króna. Alls bárust 272 umsóknir þar sem sótt var um rétt rúmlega einn milljarð króna. Holtastaðakirkja fékk 4,3 milljónir í styrk og Þingeyraklausturskirkja 500 þúsund króna í flokknum „friðlýstar kirkjur“. |
|
09:12 |
31. mars 2020 |
Blönduósflugvöllur fær viðhald á árinu
Alþingi samþykkti í gærkvöldi að ráðast í sérstakt tímabundið fjárfestingarátak á árinu til að vinna gegn samdrætti í hagkerfinu í kjölfar heimsfaraldurs kórónuveiru. Einnig voru breytingar samþykktar á ýmsum lögum í sama tilgangi. Fjárheimild til átaksins nemur um 18 milljörðum króna sem skiptist sjö verkefnaflokka. Mest fer í samgöngumannvirki eða 6,5 milljarðar og þar á meðal eru 90 milljón króna framlag til viðhalds á innanlandsvöllum og lendingarstöðum. |
|
20:02 |
30. mars 2020 |
Heilbrigðisstofnunin á Blönduósi fékk góða gjöf frá hollvinasamtökunum
Hollvinasamtök Heilbrigðisstofnunarinnar á Blönduósi færðu íbúum og skjólstæðingum HSN á Blönduósi þrjár spjaldtölvur að gjöf fyrir helgi. Tölvurnar eru ætlaðar til notkunar inni á heilbrigðisstofnuninni þannig að fólk geti haft samskipti í mynd við ættingja og vini á meðan heimsóknarbannið er á stofnuninni. |
|
12:41 |
30. mars 2020 |
Afhenti Orgelsjóði Blönduóskirkju eina milljón
Frá sóknarnefnd Blönduóskirkju
Í dag, 30. mars, fagnar Sigurjón Guðmundsson frá Fossum í Svartárdal, 85 ára afmæli sínu. Við þau tímamót ákvað hann að afhenda Orgelsjóði Blönduóskirkju eina milljón króna.
Í gær fór fram látlaus athöfn í Blönduóskirkju þar sem Sigurjón afhenti fjármunina með formlegum hætti. Viðstaddir athöfnina voru séra Úrsúla Árnadóttir, sóknarnefnd Blönduóskirkju og spilaði Eyþór Franzson Wechner, organisti tvö verk á orgelið. |
|
09:06 |
30. mars 2020 |
Sameiningarvinnu seinkar
Kórónuveirufaraldurinn hefur sett strik í reikninginn við undirbúningsvinnu fyrir sameiningu sveitarfélaga víða um land og þar á meðal í Austur-Húnavatnssýslu. Í Morgunblaðinu í dag er haft eftir Róberti Ragnarssyni, framkvæmdastjóra RR ráðgjafar að vinnan haldi áfram en það hægi á henni og afgreiðslur frestist. Öllum verkþáttum hefur verið frestað þar sem fólk þarf að hittast á vinnustofum. RR ráðgjöf heldur utan um vinnu í tengslum við sameiningu sveitarfélaga á fjórum stöðum á landinu. |
|
15:38 |
28. mars 2020 |
Mikilvægt að virða reglur og viðmið þó úrvinnslusóttkví sé lokið
Úrvinnslusóttkvíin sem íbúar í Húnaþingi vestra þurftu að búa við stóð yfir í viku en henni er nú lokið. Öll starfsemi í sveitarfélaginu hefur verið meira og minna lömuð, fyrirtæki lokuð og fólk að vinna heima hjá sér. Þá voru takmarkanir á því hversu margir máttu fara og sækja nauðsynjar. Öll almenn þjónusta hjá sveitarfélaginu hefur legið niður þessa vikuna. |
|
09:40 |
28. mars 2020 |
Fjöldi afbókana hjá ferðaþjónustunni
Í upplýsingaþætti N4 um áhrifin af Covid-19 er rætt við Arnheiði Jóhannsdóttir, framkvæmdastjóra Markaðsstofu Norðurlands, sem sinnir markaðsstarfi ferðaþjónustunnar á Norðurlandi vestra og eystra. Hún segir áhrifin af faraldrinum vera mjög mikil á ferðaþjónustufyrirtæki svæðisins. Afbókanir sé miklar og búið sé að loka töluvert mörgum stöðum, hótelum veitingastöðum, gistiheimilum og afþreyingarfyrirtækjum. Afbókanir hafi farið hægt af stað en eftir að Bandaríkin settu á ferðabann hafi skriðan farið af stað. |
|
09:02 |
28. mars 2020 |
Takmörkun á umgengni
Frá Félags- og skólaþjónustu A-Hún.
Kæru íbúar og gestir á Hnitbjörgum. Vegna yfirstandandi heimsfaraldurs COVID-19 og samkomubanns Sóttvarnalæknis er mikilvægt að íbúar takmarki verulega komur gesta og umgengni í sameiginlegu rými Hnitbjarga. Þá eru gestir beðnir um að gera boð á undan sér og vera einir á ferð.
Starfsmenn Félags- og skólaþjónustunnar geta leiðbeint og aðstoðað íbúa við að koma upp myndsímtölum við aðstandendur hafi íbúar aðgang að snjallsíma, spjaldtölvu eða tölvu með myndavél. |
|
21:33 |
27. mars 2020 |
Úrvinnslusóttkvíin felld úr gildi á miðnætti
Aðgerðarstjórn almannavarna á Norðurlandi vestra hefur tilkynnt að úrvinnslusóttkví sú sem sett var á í Húnaþingi vestra þann 21. mars síðastliðinn verði felld úr gildi frá og með miðnætti, föstudaginn 27. mars 2020. Jafnframt gilda frá nefndu tímamarki almennar reglur um samkomubann sem settar voru af sóttvarnalækni og gilda fyrir landið allt. Eftir sem áður vill aðgerðastjórnin beina því til almennings að gæta almennra sóttvarna og virða þær reglur og viðmið sem gefin hafa verið út af sóttvarnalækni til hins ýtrasta. |
Til baka
Loka
Prenta
