|
21:26 |
19. mars 2020 |
Mikil vonbrigði með synjun styrkumsóknar
Byggðaráð Blönduósbæjar lýsir yfir miklum vonbrigðum með að umsókn sveitarfélagsins um styrk úr Framkvæmdasjóði ferðamannastaða skuli hafa verið synjað, sérstaklega með tilliti til þess að mikil þörf er á uppbyggingu ferðamannastaða á svæðinu. Þá bendir byggðaráð á það hróplega ósamræmi sem er í úthlutun þessa árs, á milli landshluta, þar sem til Norðurlands vestra koma aðeins 34 milljónir af heildarfjárhæðinni sem er rúmlega 500 milljónir. |
|
18:11 |
19. mars 2020 |
N4 fjallar um afleiðingar Covid-19
Karl Eskil Pálsson, á norðlensku sjónvarpsstöðinni N4, var á ferðinni á Norðurlandi vestra í dag og ræddi m.a. við Ragnheiði Jónu Ingimarsdóttur, sveitarstjóra Húnaþings vestra og Stefán Vagn Stefánsson, yfirlögregluþjón á Norðurlandi vestra um það fordæmalausa ástand sem nú ríki á Hvammstanga og í heiminum öllum í tengslum við Covid-19 faraldurinn. |
|
16:21 |
19. mars 2020 |
Rafíþróttir í Húnaþingi
Búið er að stofna síðu á Facebook sem nefnist Rafíþróttir í Húnaþingi. Aðstandendur hennar eru Jóhannes Gunnar Þorsteinsson á Kollafossi og Aðalsteinn Grétar Guðmundsson. Í færslu á síðunni segir Jóhannes að þeir félagar að verið að prófa sig áfram með hugmyndir um rafíþróttafélag á svæðinu. Vegna atburða síðustu daga í Húnaþingi vestra hafi þeir ákveðið að spýta í lófana til að koma þessu félagsstarfi í gang. „Tölvuleikir geta nefnilega boðið upp á félagslega nánd og tengingu án líkamlegrar nánd, sem að er svo mikilvægt þessa dagana.“ |
|
15:45 |
19. mars 2020 |
Nemendur Höfðaskóla moka snjó
Nemendum í Höfðaskóla stendur til boða að mæta með skóflur í skólann til þess að moka frá útidyrahurðum, göngustígum og ruslatunnum hjá íbúum Skagastrandar. Mikið hefur snjóað á Skagaströnd og í ljósi óvenjulegra aðstæðna í samfélaginu, sem bitnar m.a. á skólahaldi, var ákvörðun tekin um þetta samfélagsverkefni. „Við vonum að þið takið vel í þetta verkefni hjá okkur, við kennum krökkunum samheldni og samfélagslega ábyrgð með þessu. Ljóst er að krakkarnir komast ekki yfir allan bæinn en munu reyna sitt besta til að hjálpa sem flestum,“ segir á vef Höfðaskóla. |
|
15:33 |
19. mars 2020 |
Framboð fóðurs og áburðar tryggt til næstu mánaða
Í tilkynningu frá Matvælastofnun segir að útlit sé fyrir að framboð fóðurs og áburðar sé tryggt næstu mánuði í heimsfaraldri vegna COVID-19. Samkvæmt viðbragðsáætlun vegna heimsfaraldurs er lögð áhersla á að ekki verði rof í vöruflutningnum til og frá landinu og á milli landshluta.
Hvað fóður varðar hafa Matvælastofnun og Bændasamtökin aflað upplýsinga um stöðu fóðurbirgða og framleiðslu hjá fóðurframleiðendum og endursöluaðilum fóðurs, sem selja fóður til bænda. |
|
11:02 |
19. mars 2020 |
Viltu starfa við liðveislu í sumar?
Frá Félags- og skólaþjónustu A-Hún.
Félags- og skólaþjónusta A-Hún. leitar eftir 5 einstaklingum til að sinna liðveislu í sumar, í ólíkum stöðugildum.
Liðveisla er veitt einstaklingum til að rjúfa félagslega einangrun og/eða til að styðja við sjálfstæði þeirra og fjölskyldna þeirra. Um er að ræða fjölbreytt og gefandi verkefni sem reyna á frumkvæði og aðlögunarhæfni liðveitenda. Starfið krefst útsjónarsemi, sjálfstæði og víðsýni. |
|
07:56 |
19. mars 2020 |
20% íbúa Húnaþings vestra í sóttkví
Fimmtungur íbúa Húnaþings vestra er í sóttkví en í gær var greint frá fyrsta smitinu vegna Covid-19 í sveitarfélaginu. Ragnheiður Jóna Ingimarsdóttir, sveitarstjóri í Húnaþingi vestra, ritar pistil á vef sveitarfélagsins þar sem hún segir að nú séu rúmlega 230 einstaklingar í sóttkví eða um 20% íbúa. „Eins og gefur að skilja hefur þetta margvísleg áhrif á samfélagið okkar og mikið álag er víða vegna þessa. Skert starfsemi er hjá stofnunum sveitarfélagsins og lokað hefur verið fyrir heimsóknir í flestar þeirra.“ |
|
22:36 |
18. mars 2020 |
Búrhvalstarfurinn tæplega 13 metra langur
Náttúrustofa Norðurlands vestra gerði í dag rannsóknir á búrhvalnum sem rak á fjörur við Blönduós. Dýrið reyndist vera 12,66 m búrhvalstarfur. Á vef Náttúrustofu NV segir að dánarorsök séu ókunn og að dýrið hafi verið tiltölulega ferskt og án áverka. Bjarni Jónsson, forstöðumaður Náttúrustofu NV, ásamt Ágústi Bragasyni, umsjónarmanni tæknideildar Blönduósbæjar, mældu dýrið og tóku vefjasýni til erfðafræðilegra rannsókna, sjúkdómagreininga og mögulega fleiri efnagreininga. |
|
16:02 |
18. mars 2020 |
Tilkynning frá aðgerðarstjórn almannavarna á Norðurlandi vestra
Aðgerðastjórn almannavarna á Norðurlandi vestra biðlar til einstaklinga á Norðurlandi vestra sem eru í sóttkví, hvort heldur að eigin frumkvæði, samkvæmt fyrirmælum sóttvarnarlæknis eða af öðrum ástæðum, að skrá sig með því að hringja í síma 855 9017 milli kl. 9:00-17:00, eða senda tölvupóst á póstfangið nvsottkvi@gmail.com með símanúmeri viðkomandi. |
|
14:50 |
18. mars 2020 |
Látið verði reyna á sameiningarvilja núverandi sveitarfélaga í sameiningarnefnd A-Hún.
Byggðarráð Húnaþings vestra telur eðlilegt að áður en víðtækar og á margan hátt flóknar sameiningar sveitarfélaga í öllum landshlutanum komi til umræðu verði reynt á sameiningarvilja þeirra sveitarfélaga í landshlutanum sem eigi að baki áratugalangt og náið samstarf innan afmarkaðra svæða hans. Þetta kemur fram í bókun byggðarráðs í tilefni af bréfi sem sameiningarnefnd Austur-Húnavatnssýslu hefur sent sveitarfélaginu. |
|
14:20 |
18. mars 2020 |
Nemendur og starfsfólk í sóttkví
Allir nemendur og starfsmenn Grunnskóla Húnaþings vestra fara í sóttkví í dag og til 30. mars næstkomandi. Ákvörðun um þetta var tekin í samráði við fulltrúa almannavarna og sóttvarnalæknis eftir að smit greindist hjá einum starfsmanni skólans. Í framhaldinu munu allir starfsmenn og foreldrar nemenda fá tölvupóst um þetta og leiðbeiningar um sóttkví. Á vef Húnaþings vestra segir að sóttkví taki aðeins til þessa hóps, aðrir á heimili sem ekki voru útsettir fyrir smiti þurfa ekki að fara í sóttkví. |
|
10:27 |
18. mars 2020 |
Fyrsta COVID-19 smitið á Norðurlandi vestra
Grunnskóla Húnaþings vestra lokað um óákveðinn tíma
Í gær var fyrsta Covid-19 smitið greint í Húnaþingi vestra þegar staðfest var smit hjá starfsmanni Grunnskóla Húnaþings vestra. Tölvupóstur hefur verið sendur á hlutaðeigandi sem eru kominn í sóttkví til 25. mars. Einnig var sendur póstur á átta starfsmenn skólans sem komir eru í sóttkví. Verið er að vinna í frekari smitrakningu og ekki er vitað hvenær skóli getur tekið til starfa aftur að hluta eða ekki. |
|
10:23 |
18. mars 2020 |
Hvalreki við ósa Blöndu
Hval hefur rekið upp í fjöruna við ósa Blöndu og er hér líklega um búrhval að ræða. Meðfylgjandi myndir tók Ágúst Þór Bragason af hvalshræinu sem liggur utan í sjóvarnargarðinum við Brekkubyggðina. Hvalurinn er líklega um 7-10 metra langur. Tekin verða sýni úr honum í dag og þá fæst staðfest lengd hans. |
|
12:36 |
17. mars 2020 |
Frá Héraðsbókasafni A-Hún.
Ráðstafanir vegna samkomubanns næstu 4 vikurnar vegna COVID-19 veirunnar
Vinsamlegast athugið: Opnunartímar haldast óbreyttir þangað til annað er auglýst.
Sótthreinsigel er til staðar á safninu. Við notum sótthreinsisprey og pappír til þess að strjúka af snertiflötum og bókum fyrir og eftir útlán. Tímarit eru til útláns eingöngu, ekki er leyfilegt að skoða þau á safninu. Öll leikföng á barnadeild hafa verið tekin úr umferð. |
|
10:17 |
17. mars 2020 |
Breytt skólahald í Húnavatnssýslum
Skólahald í grunnskólum í Húnavatnssýslum verður með breyttu sniði næstu vikurnar. Kennsludagarnir verða styttri, nesti inni í stofu, frímínútur takmarkaðar eða felldar niður og húsnæði og hópum skipt upp. Þeir sem eiga ekki erindi í skólana eru beðnir um að vera ekki á lóðum þeirra á meðan skóli er. Engin kennsla verður í Tónlistarskóla A-Hún. þessa vikuna. Hafa skal í huga að skipulagið getur breyst hratt og þá munu skólarnir upplýsa um það. |
Til baka
Loka
Prenta
