|
11:38 |
07. apr. 2020 |
Skemmdir á trjágróðri í Vatnahverfi
Skemmdir hafa orðið á trjágróðri á skógræktarsvæði Skógræktarfélags Austur-Húnvetninga í Vatnahverfi vegna vélsleðaferða. Vatnahverfissvæðið nýtur vinsælda snjósleðafólks á veturna og sérstaklega núna þegar nægur snjór er. Skógræktarfélagið hefur lagt mikla vinni við að koma trjágróði á leggi og eru margar plönturnar smáar og ná lítið upp úr fönninni. |
|
18:03 |
06. apr. 2020 |
Höldum óþarfa ferðalögum í lágmarki
Aðgerðastjórn almannavarna á Norðurlandi vestra beinir tilmælum til íbúa svæðisins að virða tilmæli sóttvarnarlæknis og almannavarna um að halda óþarfa ferðalögum í lágmarki. Á það sérstaklega við páskahelgina sem alla jafna er mikil ferðahelgi. „Það er ekki að ástæðulausu að almenningur hefur verið hvattur til ferðalaga innanhús nú um páskana. Fylgjum tilmælum sem gefin hafa verið út varðandi ferðalög og almennar sóttvarnir og hlýðum Víði því við erum jú öll almannavarnir,“ segir í tilkynningu. |
|
10:30 |
06. apr. 2020 |
Vinsælar vinnustofur á netinu
Samtök sveitarfélaga á Norðurlandi vestra stóðu í síðustu viku fyrir vinnustofum á netinu í samstarfi við Nýsköpunarmiðstöð Íslands. Voru þær hluti af verkefninu Digi2Market og fjölluðu um hvernig auka megi sölu í gegnum netið. Notast var við fjarfundarforrit og þeim streymt á Youtube síðu samtakanna. Yfir 50 fyrirtæki skráðu sig til leiks, rúmlega 35 tóku gagnvirkan þátt og um 68 hafa horft á streymið, segir á vef SSNV. |
|
17:57 |
05. apr. 2020 |
Peningagjöf til Hollvinasamtaka HSB
Hollvinasamtökum Heilbrigðisstofnunarinnar á Blönduósi hefur borist peningagjöf frá Refsborg menningarfélagi. Stjórn samtakanna þakkar þessum heiðurskonum hjartanlega fyrir ómetanlegan stuðning og verða fjármunirnir notaðir upp í tækjakaup til sjúkrahússins, að því er segir í tilkynningu. |
|
13:33 |
04. apr. 2020 |
Snjóþungur vetur á Skagströnd
Fara þarf 25 ár aftur í tímann eða til ársins 1995 til að finna jafn snjóþungan vetur og verið hefur á Skagaströnd síðustu tæpa fjóra mánuði. Snjóþyngslin hafa valdið miklu álagi á snjómokstursmenn, sem oft hafa þurf að sinna mokstri í snarvitlausum veðrum til að hægt sé að halda hjólum atvinnulífsins gangangi. Þetta kemur fram í pistli Ólafs Bernódussonar í Morgunblaðinu í dag þar sem hann skrifar um bæjarlífið á Skagaströnd. |
|
12:52 |
04. apr. 2020 |
Gul og síðan appelsínugul veðurviðvörun
Veðurstofa Íslands hefur gefið út gula veðurviðvörun á öllu landinu í dag sem breytist síðan yfir í appelsínagula viðvörun þegar líður á helgina. Á Norðurlandi vestra er gul viðvörun í gangi frá klukkan 16:00 í dag til klukkan 08:00 í fyrramálið en þá tekur við appelsínugul viðvörun sem stendur til klukkan 22:00. Ekkert ferðaveður er á meðan appelsínugul viðvörun er í gildi. |
|
15:49 |
03. apr. 2020 |
29 í einangrun á Norðurlandi vestra
Samkvæmt nýjum tölum frá aðgerðastjórn almannavarna á Norðurlandi vestra eru 29 einstaklingar í einangrun í landshlutanum vegna Covid-19, flestir í Húnaþingi vestra eða 26 og þrír í Skagafirði. Tveir einstaklingar hafa náð bata. Alls hafa 468 verið í sóttkví á svæðinu frá upphafi en í dag er 91 í sóttkví.
Í tilkynningu frá aðgerðastjórn kemur fram að hún hafi verið í sambandi við fyrirtæki og stofnanir á svæðinu undanfarna daga í þeim tilgangi að brýna fyrir aðilum um gerð áætlana um órofinn rekstur starfseininga. |
|
13:41 |
03. apr. 2020 |
Kirkjuklukkum hringt til stuðnings heilbrigðisstarfsfólki
Biskup Íslands, sr. Agnes M. Sigurðardóttir, hefur beðið þá presta sem geta komið því við að sjá til þess að kirkjuklukkum í sóknum þeirra verði hringt klukkan 14 á mánudögum í tvær mínútur til að lýsa yfir stuðningi við heilbrigðisstarfsfólk og önnur þau er koma að málum er lúta að kórónuveirufaraldrinum. |
|
13:15 |
03. apr. 2020 |
Samkomubann framlengt vegna COVID-19
Svandís Svavarsdóttir heilbrigðisráðherra hefur ákveðið að framlengja til 4. maí þær takmarkanir á samkomum og skólahaldi sem áttu að falla úr gildi 13. apríl næstkomandi. Ákvörðunin er í samræmi við tillögu sóttvarnalæknis. Þetta kemur fram í tilkynningu á vef Stjórnarráðsins. Þar segir að þótt vel hafi gengið að halda útbreiðslu smita í skefjum valdi áhyggjum hve alvarlega veikum einstaklingum hafi fjölgað hratt sem hafi þurft á gjörgæslu að halda. |
|
12:53 |
03. apr. 2020 |
Vonbrigði með synjun styrkumsóknar
Sveitarstjórn Húnavatnshrepps lýsir yfir vonbrigðum með að umsókn sveitarfélagsins um styrk úr Framkvæmdasjóði ferðamannastaða skuli hafa verið synjað, sérstaklega með tilliti til þess að mikil þörf sé á uppbyggingu ferðamannastaða á svæðinu. Sveitarstjórn hafði sótt um 90 milljón króna styrk fyrir næsta áfanga Þrístapa verkefnisins. |
|
10:27 |
03. apr. 2020 |
Breyting á ferð fulltrúa sýslumanns til Hvammstanga
Tilkynning frá Sýslumanninum á Norðurlandi vestra
Vegna Covid-19 faraldurs sem nú herjar á landið fellur niður fyrirhuguð ferð fulltrúa sýslumanns til Hvammstanga þriðjudaginn 7. apríl nk. Þjónustuþegum er bent á að beina erindum sínum rafrænt á netfang embættisins, nordurlandvestra@syslumenn.is eða hafa samband við aðalskrifstofu embættisins í síma 458-2500. |
|
09:38 |
02. apr. 2020 |
Prjónagleðinni frestað
Tilkynning frá Textílmiðstöð Íslands
Ákveðið hefur verið að fresta Prjónagleðinni 2020 þar til 11.-13. júní 2021, vegna Covid-19 faraldursins.
Til að viðhalda prjóna- og sköpunargleðinni höldum við ótrauð áfram með prjónasamkeppnina, en í ár verður keppnin á netinu og almenningur fær tækifæri til að kjósa sína uppáhaldshönnun. Til að viðhalda sköpunar- og prjónagleðinni á meðan á faraldrinum stendur, munum við halda samkeppnina þrátt fyrir að ekki verði af sjálfri Prjónagleðinni. |
|
08:52 |
02. apr. 2020 |
Samkomulag um fjárstuðning vegna afleysingaþjónustu fyrir bændur
Vinnumálastofnun og stjórn Tryggingasjóðs sjálfstætt starfandi einstaklinga hafa gert samkomulag við Bændasamtök Íslands um fjárstuðning vegna afleysingaþjónustu fyrir bændur sem veikjast af kórónuveirunni og geta af þeim sökum ekki sinnt bústörfum. Samkomulagið er afturvirkt frá 15. mars og gildir til og með 31. maí næstkomandi. Samkvæmt samkomulaginu geta bændur sem veikjast af veirunni ráðið til sín starfsfólk sem verktaka til að sinna afleysingum, að hámarki í 14 daga. |
|
18:23 |
01. apr. 2020 |
Gjöf til Hnitbjarga
Frá félagsmálastjóra A-Hún.
Hollvinasamtök Heilbrigðisstofnunarinnar á Blönduósi brugðust við ákalli félagsmálastjóra A-Hún. um afnot af spjaldtölvum með því að færa Hnitbjörgum að gjöf spjaldtölvu og heyrnatól fyrir íbúa. Er það von Hollvinasamtakanna að búnaðurinn komi að góðum notum fyrir heimilisfólkið, svo það geti haft samband við ættingja og vini með myndsamtölum, sér á lagi á meðan heimsfaraldur Covid-19 gengur yfir. |
|
15:53 |
01. apr. 2020 |
28 í einangrun á Norðurlandi vestra
vegna Covid-19
Aðgerðastjórn almannavarna á Norðurlandi vestra hefur birt fjölda þeirra sem eru í einangrun, sóttkví og hafa lokið sóttkví í umdæminu í dag, skipt eftir póstnúmerum. Þar kemur fram að 28 einstaklingar eru í einangrun, 25 í Húnaþingi vestra og þrír á Sauðárkróki. Í sóttkví eru 160 einstaklingar og 300 hafa lokið sóttkví. Flestir eru í sóttkví í Húnaþingi vestra eða 75 og þar hafa einnig flestir lokið sóttkví eða 232. |
Til baka
Loka
Prenta
