09:40 |
07. jan. 2021 |
Þrjú stór mál sem þarf að ræða
Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, segir í viðtali á vef N4 að þrjú stór mál þurfi að fá umræðu fyrir alþingiskosningarnar í haust. Það séu samgöngumál, umhverfismál og atvinnumál, með áherslu á nýsköpun. Hún segir þörf á stórauknum stuðningi af hálfu ríkisvaldsins til að styrkja átak sveitarfélaganna á starfssvæði samtakanna, svo sem á formi uppbyggingar innviða og ívilnana. |
19:21 |
06. jan. 2021 |
Vilko og Náttúrusmiðjan kaupa Prótís af Kaupfélagi Skagfirðinga
Vilko ehf. á Blönduósi og Náttúrusmiðjan ehf. hafa keypt allt hlutafé í íslenska líftæknifyrirtækinu Prótís sem hefur verið í eigu Kaupfélags Skagfirðinga frá upphafi. Í tengslum við viðskiptin verður Kaupfélag Skagfirðinga fimmtungshluthafi í Vilko ehf. Eitt af markmiðum þessara viðskipta er að auka samstarf milli aðila. |
14:37 |
06. jan. 2021 |
Tólf gjaldfrjáls fjarnámskeið í boði
Stéttarfélögin Aldan, Samstaða, Kjölur, Sameyki og Verslunarmannafélag Skagafjarðar, í samstarfi við Farskólann, bjóða félagsmönnum sínum á tólf vefnámskeið nú á vorönn. Námskeiðin eru opin öllum en öðrum en félagsmönnum þessara stéttarfélaga er bent á að skoða rétt sinn hjá sínu stéttarfélagi. |
14:09 |
06. jan. 2021 |
Kvartað til umboðsmanns Alþingis yfir ráðningu í starf sviðsstjóra hjá Húnaþingi vestra
Björn Líndal Traustason hefur kvartað til umboðsmanns Alþingis yfir ráðningu í starf sviðsstjóra fjármála- og stjórnsýslusviðs Húnaþings vestra, en ráðið var í starfið í lok júní í fyrra. Alls sóttu 13 um starfið og var Björn á meðal umsækjenda. Kvörtunin lýtur einkum að mati á umsækjendum, valdbærni byggðarráðs og málsmeðferð að öðru leyti við undirbúning ákvörðunar um ráðningu í starfið. |
11:21 |
06. jan. 2021 |
Auglýst eftir slökkviliðsstjóra í Húnaþingi vesta
Sveitarfélagið Húnaþing vestra auglýsir á vef sínum starf slökkviliðsstjóra Brunavarna Húnaþings vestra laust til umsóknar. Meðal verkefna slökkviliðsstjóra eru daglegur rekstur slökkviliðs, fræðsla og þjálfun slökkviliðsmanna, dagleg umhirða og minniháttar viðhald búnaðar, ásamt eldvarnareftirliti á starfsvæði Brunavarna Húnaþings vestra og öðru því sem til fellur innan starfssviðs samkvæmt lögum og reglugerðum sem við eiga. |
11:17 |
06. jan. 2021 |
Nýr launafulltrúi hjá Blönduósbæ
Hjálmar Sigurðsson hefur verið ráðinn í starf launafulltrúa hjá Blönduósbæ og mun hann sjá um launavinnslu sveitarfélagsins ásamt öðrum almennum skrifstofustörfum. Hann tekur við starfinu af Kristínu Ingibjörgu Lárusdóttur sem var ráðin menningar-, íþrótta og tómstundafulltrúi Blönduósbæjar í lok síðasta árs. |
14:10 |
05. jan. 2021 |
RHA leitar að viðmælendum um almenningssamgöngur
Rannsóknarstofnun Háskólans á Akureyri leitar að viðmælendum sem stunda daglega vinnusókn innan Norðurlands vestra og gætu ef til vill nýtt sér almenningssamgöngur innan svæðisins væru þær fyrir hendi. Tekin verða viðtöl við lykilmanneskjur í Austur-Húnavatnssýslu, Skagafirði og Vestur-Húnavatnssýslu. Einnig er stefnt að því að framkvæma þrjú rýnihópaviðtöl með um það bil sex viðmælendum á hverju svæði. |
13:57 |
05. jan. 2021 |
Húsaleigubætur - námsmenn
Blönduóssbær vekur athygli á því á vef sínum að námsmenn þurfa að sækja um húsaleigubætur fyrir hverja önn. Umsóknir vegna húsaleigubóta skulu hafa borist eigi síðar en 15 dögum fyrir lok þess mánaðar sem sótt er um húsaleigubætur fyrir. |
12:54 |
05. jan. 2021 |
Framtíðin björt ef íbúar standa saman
Alexandra Jóhannesdóttir, sveitarstjóri Skagastrandar, ritar áramótapistil á vef sveitarfélagsins. Hún segir að á síðasta ári hafi sveitarfélagið staðið frammi fyrir miklum tekjusamdrætti út af ýmsum ástæðum en að strax hafi verið tekin sú stefna að vernda lífsgæðin á staðnum. Áhersla hafi verið á að viðhalda allri þjónustu og að halda í störf. Við erum stolt af því hversu vel hefur tekist til við það, segir Alexandra. |
16:46 |
04. jan. 2021 |
Eldur kom upp í Félagsheimilinu á Hvammstanga
Umtalsverðar skemmdir urðu á húsnæði því er hýsir dreifnám Fjölbrautaskóla Norðurlands vestra á Hvammstanga er eldur kom upp í félagsheimilinu rétt fyrir miðnætti þann 2. janúar síðastliðinn. Tilkynning um eldinn barst slökkviliðinu klukkan 23:55. Tilkynnt var um eld utandyra í ruslatunnu undir svölum félagsheimilisins en þegar komið var á staðinn hafði eldurinn læst sig í húsnæði dreifnámsins. |
15:44 |
04. jan. 2021 |
Val á manni ársins 2020 í Austur-Húnavatnssýslu
Allir lesendur Húnahornsins eru hvattir til að taka þátt í valinu
Líkt og undanfarin 15 ár ætlar Húnahornið að bjóða lesendum sínum að velja mann ársins í Austur-Húnavatnssýslu. Við biðlum til lesenda að senda inn tilnefningu í gegnum þar til gerðan rafrænan atkvæðaseðil. Hver og einn getur sent inn eina tilnefningu og er jafnframt óskað eftir ástæðu tilnefningarinnar. Maður ársins í Austur-Húnavatnssýslu getur verið einn einstaklingur eða hópur manna. |
14:14 |
04. jan. 2021 |
Tilkynning frá Sýslumanninum á Norðurlandi vestra
Af óviðráðanlegum orsökum hefur fyrirhugaðri ferð fulltrúa sýslumanns til Hvammstanga þriðjudaginn 5. janúar verið frestað til þriðjudagsins 12. janúar nk. |
14:04 |
04. jan. 2021 |
Rúmum 75 milljónum úthlutað úr Uppbyggingarsjóði Norðurlands vestra
Uppbyggingarsjóður Norðurlands vestra hefur tilkynnt um úthlutanir úr sjóðnum fyrir árið 2021. Í október var auglýst eftir umsóknum á sviði menningar og atvinnuþróunar og nýsköpunar með umsóknarfresti til 16. nóvember. Alls bárust 123 umsóknir þar sem óskað var eftir 228 milljónum króna. Við tók yfirferð úthlutunarnefndar og fagráða sjóðsins og lauk því 22. desember síðastliðinn er niðurstöður voru sendar til umsækjenda. |
13:35 |
04. jan. 2021 |
Jóhann Magnússon er Íþróttamaður USVH 2020
Jóhann Magnússon, knapi í Hestamannafélaginu Þyt, hefur verið kjörinn Íþróttamaður Ungmennasambands Vestur-Húnvetninga árið 2020. Jóhann náði góðum árangri í keppnum árið 2020. Hann er í liði í Meistaradeildinni og þess má geta að í sumar keppti hann í mótaröðinni Skeiðleikar, þar sem fljótustu skeiðhestar landsins etja kappi. Jóhann var tilnefndur sem skeiðknapi ársins af Landssambandi hestamannafélaga. |
06:48 |
04. jan. 2021 |
Urðarbraut 15 er Jólahús ársins 2020 á Blönduósi
Valið af lesendum Húnahornsins
Lesendur Húnahornsins hafa valið Urðarbraut 15 sem Jólahús ársins 2020 á Blönduósi. Húsið er ríkulega skreytt jólaljósum sem fangar hinn sanna jólaanda og sannarlega vel að viðurkenningunni komið. Eigendur hússins eru Heiðar Þórsson og Guðrún Björk Elísdóttir. Þetta er í fyrsta sinn sem hús við Urðarbraut fær þessa viðurkenningu. |