16:32 |
18. nóv. 2021 |
Nýtt Hvammshlíðardagatal komið út
Karólína Elísabetardóttir í Hvammshlíð í Skagabyggð hefur gefið út dagatal fyrir 2022. Þetta er fjórða dagatalaútgáfa Karólínu og að þessu sinni leggur hún áherslu á gamlar myndir, sauðfjárliti og ull. Hún vakti athygli árið 2018 þegar hún hóf sölu á dagatölum til að fjármagna kaup á dráttarvél fyrir búskapinn. Dagatalið fæst m.a. í Líflandi á Blönduósi og í Skagfirðingabúð á Sauðárkróki og kostar 3.900 krónur. |
14:38 |
18. nóv. 2021 |
Geta ekki tekið þátt í verkefni um málefni fatlaðra að óbreyttu
Húnavatnshreppur er í sömu stöðu og Húnaþing vestra þegar kemur að áframhaldandi þátttöku í samstarfsverkefni um málefni fatlaðs fólks á Norðurlandi vestra, þar sem Sveitarfélagið Skagafjörður er svokallað leiðandi sveitarfélag í verkefninu. Að óbreyttu geta sveitarfélögin tvö ekki haldið áfram í samstarfsverkefninu og benda bæði á að málaflokkurinn er á ábyrgð ríkisins. |
10:38 |
18. nóv. 2021 |
Gæfa að eiga góðan tónlistarskóla
Á þriðjudaginn og miðvikudaginn var blásið til veislu á starfsstöðvum Tónlistarskóla Austur-Húnvetninga, á Blönduósi og Skagaströnd, í tilefni af 50 ára afmæli skólans. Gestir gæddu sér á afmæliskökum og hlýddu á flutning nemenda skólans á hinum ýmsu tónverkum. Sveitarfélagið Skagaströnd færði skólanum blómvönd í tilefni dagsins og 100 þúsund króna gjöf til búnaðarkaupa. |
16:37 |
17. nóv. 2021 |
Minnisblað um breytingar á lögum um póstþjónustu
Samtök sveitarfélaga á Norðurlandi vestra hefur tekið saman minnisblað um aðdraganda, áhrif og vinnulag við breytingu á lögum um póstþjónustu sem leiddi til breytinga á gjaldskrá Íslandspósta. Meðal breytinga er mismunandi gjald milli fjögurra svæða í stað eins gjalds um land allt og varð það til þess að pakkasendingar eru nú umtalsvert dýrari á landsbyggðinni. Hækkunin kemur mjög illa við íbúa og fyrirtæki í hinum dreifðari byggðum. |
11:48 |
16. nóv. 2021 |
Hallarekstur á verkefni um málefni fatlaðs fólks verulegt áhyggjuefni
Fréttin hefur verið uppfærð
Húnaþing vestra ræður ekki við þáttöku í verkefni um málefni fatlaðs fólks á Norðurlandi vestra undir óbreyttum formerkjum. Kostnaður sveitarfélagsins vegna málaflokksins hefur hækkað um 509% frá árinu 2016. Hækkun milli áranna 2021 og 2021 nemur 181%. Þetta kemur fram í bókun sveitarstjórnarfundar Húnaþings vestra í síðustu viku. Þar segir að hinn gríðarlegi hallarekstur vegna málaflokksins sé verulegt áhyggjuefni. |
11:31 |
16. nóv. 2021 |
SSNV safnar jólagjafahugmyndum
Samtök sveitarfélaga á Norðurlandi vestra ætla að safna saman jólagjafahugmyndum frá sölu- eða þjónustuaðilum í landshlutanum, sem gætu hentað fyrirtækjum í jólapakka til starfsfólks. Verslun jólagjafa í heimabyggð er mikilvægur liður í eflingu atvinnulífs í landshlutanum og á það ekki síður við um fyrirtæki en einstaklinga, segir á vef SSNV. |
11:10 |
16. nóv. 2021 |
Metfjöldi kórónuveirusmita
Metfjöldi kórónuveirusmita greindist í gær eða 215, þar af 206 innanlands, að því er fram kemur á vefnum covid.is. Aldrei hafa fleiri greinst með smit á einum degi frá upphafi faraldursins. Tekin voru 4.422 sýni, þar af 2.124 einkennasýni. Nú eru 1.773 í einangrun vegna COVID-19 og 2.636 í sóttkví. Á Norðurlandi vestra eru 20 í einangrun og 8 í sóttkví. |
18:44 |
15. nóv. 2021 |
Gaf Barnabæ 220 Magna Tiles segulkubba
Foreldrafélag Barnabæjar gaf leikskólanum Barnabæ nýverið segulkubba, 220 stykki. Magna Tiles segulkubbarnir eru mjög vinsælir kubbar hjá þriggja ára og eldri. Segulkubbarnir eru tilvaldir til að efla sköpunargáfu barnanna, vísindi, tilraunir, stærðfræði og fleira, segir Sigríður Helga Sigurðardóttir leikskólastjóri í þakkarskeyti sem birt er á vef Blönduósbæjar. |
18:29 |
15. nóv. 2021 |
Viðburðir á bókasafni Skagastrandar til jóla
Mikið verður um að vera á bókasafni Skagastrandar næstu vikurnar. Boðið verður upp á upplestur og bókakynningar fyrir alla aldurshópa. Föstudaginn 19. nóvember klukkan 14 les Friðvin Berndsen úr ljóðabók sinni Ætli Adólf hafi grátið Evu sína. Mánudaginn 6. desember klukkan 16:15 les Dagný Marín jólasögur að eigin vali fyrir alla aldurshópa. |
18:23 |
15. nóv. 2021 |
Haustdagur ferðaþjónustunnar á Norðurlandi vestra velheppnaður
Haustdagur ferðaþjónustunnar á Norðurlandi vestra var haldinn á Zoom í síðustu viku og þótti heppnast vel. Þetta var í sjötta sinn sem dagurinn er haldinn og voru netgestir um fjörutíu talsins. Á fundinum voru flutt fimm áhugaverð erindi sem öll tæptu á efni tengdu greininni í ljósi núverandi stöðu og framtíðarhorfa að því leyti sem hægt er að ráða í þær, eins og segir á vef SSNV. |
09:32 |
15. nóv. 2021 |
HSN Blönduósi auglýsir
Næsti bólusetningardagur á HSN Blönduósi gegn Covid 19 verður 17. nóvember. Send verða út boð með sms skilaboðum til þeirra sem er boðið upp á örvunarskammt. Munið að 14 dagar þurfa að líða á milli inflúensubólusetningar og bólusetningar gegn Covid 19. Áætlað er að hafa 2 bólusetningardaga til viðbótar fyrir jól, nánar auglýst síðar. |
14:21 |
13. nóv. 2021 |
Hertar sóttvarnaraðgerðir
Um miðnætti tóku í gildi hertar sóttvarnaraðgerðir vegna COVID-19. Almennar fjöldatakmarkanir eru nú 50 manns en með notkun hraðprófa verður heimilt að efna til viðburða með að hámarki 500 manns í sóttvarnahólfi. Opnunartími veitingastaða er styttur um klukkustund. Hámarksfjöldi gesta á sund- og baðstöðum, líkamsræktarstöðvum og skíðasvæðum miðast við 75% af heimiluðum hámarksfjölda samkvæmt starfsleyfi. |
14:01 |
13. nóv. 2021 |
Norðurstrandarleið hlýtur nýsköpunarviðurkenningu ferðaþjónustunnar
Markaðsstofa Norðurlands var tilnefnd til Nýsköpunarverðlauna ferðaþjónustunnar í ár, en verðlaunin voru veitt við hátíðlega athöfn á Bessastöðum í fyrradag. Tilnefninguna hlaut MN vegna Norðurstrandarleiðar - Arctic Coast Way, sem opnaði við hátíðlega athöfn árið 2019 og hefur orðið að stórum segli í ferðaþjónustu á Norðurlandi. |
08:25 |
12. nóv. 2021 |
Tónlistarskóli Austur-Húnvetninga 50 ára
Nemendur og starfsfólk Tónlistarskóla Austur-Húnvetninga blæs til veislu á starfsstöðvum skólans í næstu viku. Tilefnið er að um þessar mundir eru 50 ár liðin frá því að skólinn tók til starfa. Fyrri veislan verður á Blönduósi þriðjudaginn 16. nóvember klukkan 15-18 og seinni veislan á Skagaströnd daginn eftir, á sama tíma. Boðið verður upp á afmælisköku og létt tónlistaratriði báða dagana klukkan 15, 16 og 17. |
08:14 |
12. nóv. 2021 |
16 í einangrun vegna COVID-19
Samkvæmt tilkynningu frá aðgerðastjórn almannavarna á Norðurlandi vestra, sem sett var á Facebook í gær, eru 16 í einangrun í landshlutanum vegna COVID-19 og 22 eru í sóttkví. Samkvæmt meðfylgjandi mynd eru einstaklingar í einangrun í flestum póstnúmerum landshlutans.
Í gær greindust 200 með kórónuveiruna á landinu og daginn þar áður 178 en um metfjölda smita er að ræða. |