09:47 |
13. okt. 2016 |
Plástur á svöðusár?
Eftir Ingu Björk Bjarnadóttur
Hugmyndir Samfylkingarinnar um þriggja milljóna forskot á fasteignamarkaði hafa vakið mikla athygli. Hugmyndin snýst í stuttu máli um að fyrirframgreiða vaxtabætur til 5 ára, allt að 3 milljónir kr., til að nýta í útborgun. Einhver lýsti þessari lausn sem plástur á svöðusár. Það á ég erfitt með að skilja þar sem lausnin er hugsuð til dæmis fyrir ungt fólk sem er fast á klikkuðum leigumarkaði eða þær fjölskyldur sem misstu heimili sín í hruninu. |
09:41 |
13. okt. 2016 |
Komdu og vertu með í skátunum
Frá Alexöndru, Maríu Jónu, Matthildi, Páli Rúnari og Snjólaugu
"Skátar fara í útilegur og ferðalög, þeir syngja og sprella, spila tónlist og klífa fjöll, leika leikrit og sigla kajökum, smíða, mála klippa, tálga, dansa og byggja snjóhús - viðfangsefnin eru jafn fjölbreytt og hugurinn girnist. Það eru nefnilega þátttakendurnir sjálfir, í sínum litlu hópum, sem ákveða hvað þeir vilja fást við. Hvernig væri nú að þú myndir koma og vera með?" |
19:23 |
12. okt. 2016 |
Baráttusætið í augsýn
Eftir Bjarna Jónsson
Hvers vegna fara allir á Alþingi að tala um landsbyggðarmál svona rétt fyrir kosningar og telja svo núna upp allt sem þarf að gera, spurði glöggur 16 ára bróðursonur minn. Þessi frændi minn fær ekki að kjósa í þessum kosningum en fylgist þó vel með stjórnmálaumræðunni. Hann bætti síðan við: Hvers vegna er þá ekki búið að gera neitt af þessu á kjörtímabilinu? Eru byggðamál eitthvað sem gleymdist að tala um á Alþingi nema rétt fyrir kosningar og svo búið.? |
13:52 |
07. okt. 2016 |
Ert þú foreldri eða forráðamaður framhaldsskólanema?
Í störfum þingsins þann 7. október ræddi ég ný lög um húsnæðisbætur sem taka gildi þann 1. janúar 2017. Ég vakti athygli á mikilvægum þætti þeirra laga. Hann er sá að við gildistöku laganna, þá verður sveitarfélögum skylt að greiða húsnæðisbætur til þeirra foreldra og forráðamanna sem eiga börn á aldrinum 15 – 17 ára. Börn sem þurfa að sækja framhaldsnám út fyrir sína heimabyggð og búa á námsgörðum og heimavist.
|
12:02 |
07. okt. 2016 |
Húsnæði fyrir venjulegt fólk
Eftir Guðjón S. Brjánsson
Samfylkingin hefur sett fram snjalla hugmynd til að koma til móts við ungt fólk og aðrar fjölskyldur sem vilja eignast húsnæði. Við ætlum að bjóða fólki að taka út vaxtabætur til fimm ára fyrirfram og nýta í útborgun. Vandinn núna er að ungt fólk sem er að kaupa sína fyrstu íbúð nær ekki kljúfa útborgunina, en myndi frekar ráða við afborganir af húsnæðislánum heldur en himinháa leigu. |
13:51 |
05. okt. 2016 |
Húrra fyrir starfsfólki HSN á Blönduósi
Eftir Sigurlaugu Þóru Hermannsdóttur, formann Hollvinasamtaka HSB
Húrra fyrir starfsfólki Heilbrigðisstofnunarinnar á Blönduósi, fyrir frábært framtak í tilefni 60 ára afmælis sjúkrahússins. Fjölmennt var á fjáröflunarbingói sl. sunnudag. Glæsilegir vinningar og ljúffengt vöfflukaffi á eftir. Markmiðið var að safna fyrir nýju sjúkrarúmi og það tókst. |
21:38 |
04. okt. 2016 |
Af loðnum öpum og hrossa sperglum
Eftir Uhmar Ragnar Ajaal Magnusson Argunov
Halal slátrun er hafin við sláturhúsið á Blönduósi fyrir Rússlands markað. Félag Múslima á Íslandi slátrar nú í annað sinn a Norðurlandi vestra. En í fyrra skiptið var slátrað um 114.000 fjár fyrir Kaupfélag Skagfirðinga árið 2014 eða 1435 að ártali muslima. Deilur stóðu þá um laun og kjör slátrarana. En laun þóttu léleg og allur aðbúnaður slæmur. Vinnslan á Sauðárkróki sneri öfugt þ.e.a.s skurðurinn sneri að slátrurunum þannig að þeir blinduðust af blóði slagæðanna. |
08:48 |
30. sep. 2016 |
Eldhúsdagsumræður og megrunarkúrar
Eftir Pálínu Jóhannsdóttur
Hvað eiga stjórnmál í dag sameiginlegt með megrunarkúrum eða aðhaldi? Þessi samlíking kom upp í huga minn þegar ég horfði á eldhúsdagsumræður. Umræðurnar lituðust nánast að öllu leyti af komandi kosningabaráttu. Loforðin endurvörpuðust úr einum munni í annan eins og loforðabjúgverpill væri á fleygiferð um sal Alþingis. Það var áberandi að tveir stærstu flokkarnir samkvæmt skoðanakönnunum, Sjálfstæðisflokkur og Píratar, skáru sig örlítið úr. |
21:57 |
28. sep. 2016 |
Fæðingarorlof
Eftir Elsu Láru Arnardóttur og Lilju Sigurðardóttur
Framtíðarstefna stjórnvalda í fæðingarorlofsmálum hefur verið lögð fram. Helstu markmið þeirra breytinga sem kveðið er á um, er að tryggja börnum samvistir við báða foreldra sína, jafnframt því að gera foreldrum betur kleift að samræma fjölskyldu- og atvinnulíf. Í þessu skyni er áhersla lögð á að raska sem minnst tekjum heimila þegar foreldrar leggja niður störf í fæðingaroflofi til að annast börn sín. |
11:47 |
23. sep. 2016 |
Stökuspjall: Yndi af sumarblíðu
Eftir Inga Heiðmar Jónsson
Ein öndvegisbóka í húnvetnskum fræðum eru skrif Erlendar Guðmundssonar frá Mörk á Laxárdal og lifandi eru myndirnar sem hann dregur upp: Af messuferð að Blöndudalshólum, annarri að Bólstaðarhlíð þar sem drengurinn fór að kjökra í hnakknum sínum, þegar foreldrarnir létu klárana kasta toppi á Blöndueyrunum utan við Æsustaði. |
21:44 |
22. sep. 2016 |
Gerum enn betur í heilbrigðismálum
Eftir Elsu Láru Arnardóttur
Öll viljum við hafa aðgang að góðri heilbrigðisþjónustu. Allir eiga jafnframt að eiga jafnan aðgang að heilbrigðisþjónustu, óháð efnahag, stöðu eða búsetu. Við eigum góðar heilbrigðisstofnanir víða um landið. Stofnanir sem hafa gengið í gegnum sameiningar á undanförnum árum. Sameiningar sem höfðu það markmið að styrkja rekstragrunn þeirra og gera þær öflugri til að taka að sér aukin verkefni.
|
14:52 |
22. sep. 2016 |
Ágætu Húnvetningar
Eftir Rúnar Aðalbjörn Pétursson, formann USAH
Húnavökuritið hefur verið gefið út af USAH frá árinu 1961 og hefur ritið að geyma miklar heimildir fyrir Húnvetninga. Ritnefnd Húnavöku hefur í gegnum árin unnið mjög óeigingjarnt starf við söfnun á efni í ritið og uppsetningu þess og verður sú vinna seint fullþökkuð. Ekki má heldur gleyma öllu því fólki sem samið hefur efni til birtingar í Húnavökunni en án þess framlags væri Húnavakan ekki til. Að mínu mati á Húnavökuritið að vera safngripur á öllum Húnvetnskum heimilum. |
13:54 |
20. sep. 2016 |
Svar við ágúst nöldri
Eftir Jónas á Ljóninu
Ágæti Nöldri. Það er gott til þess að vita að þú ætlar að gera meira en morgunverkin, en þú nærð því ekki að Ljón Norðursins sé aflagt. Það gerðist þannig að auglýsingaskiltum á áberandi stað við þjóðveg 1 var stolið og hafa ekki sést síðan og það þýðir að viðkomandi er hættur, nema að þú leggir annan skilning í það. |
16:07 |
16. sep. 2016 |
Forval VG
Eftir Bjarna Jónsson
Kæru félagar nú fer fram kosning í forvali Vinstri grænna í Norðvesturkjördæmi fyrir komandi Alþingiskosningar. Ég býð mig fram til að leiða listann í 1. sæti. Mikilvægt er að svæðið, kjördæmið og landsbyggðin öll hafi öfluga talsmenn á Alþingi. Ég tel mig hafa góða reynslu af því að vinna að málum landsbyggðarinnar bæði á héraðs- og landsvísu.
|
13:43 |
15. sep. 2016 |
Blönduós plastpokalaust samfélag?
Eftir Önnu Margreti Valgeirsdóttur
Ekki alls fyrir löngu komu fram upplýsingar um það að tvær plasteyjur sem fljóta um, annars vegar í Kyrrahafi og hins vegar í Atlantshafi, séu á stærð við Rússland. Um er að ræða hafið sem fiskurinn okkar syndir í. Hve mikið af plasti ætli lendi í fiskmaga áður en fiskurinn endar á disknum okkar?
Ég á mér draum um plastpokalaust samfélag.
Á morgun föstudag ætla ég að vera í Félagsheimilinu hér á Blönduósi og selja margnota poka, alla framleidda úr aflögðum efnivið. |