|
19:56 |
24. feb. 2021 |
Aðalfundur golfklúbbsins Óss
Frá stjórn
Aðalfundur golfklúbbsins Óss verður haldinn fimmtudaginn 25. febrúar klukkan 18:00 í Norðursal Íþróttahússins.
Venjuleg aðalfundarstörf.
Stjórn GÓS hvetur alla áhugasama að mæta. Aðalfundarstörfin taka stuttan tíma og undir liðnum önnur mál er létt spjall.
|
|
19:08 |
24. feb. 2021 |
Jarðskjálfti á Reykjanesi fannst í Húnaþingi
Öflugur jarðskjálfti reið yfir Reykjanesskaga og höfuðborgarsvæðið um tíu leytið í morgun. Hann var 3,3 kílómetra suðsuðvestur af Keili og var 5,7 að stærð. Hann fannst víða um land, meðal annars í Húnavatnssýslum. Annar skjálfti varð tæpum hálftíma síðar um 3,5 kílómetra norðnorðvestur af Krýsuvík sem var 5 að stærð. Þriðji stóri skjálftinn varð síðan um hálf eitt. Hann varð 4,6 kílómetra norðaustur af Reykjanestá og var 4,9 að stærð. Alls hefur 51 jarðskjálfti orðið í dag yfir 3 að stærð og fleiri en tíu sem voru yfir 4 að stærð. |
|
17:19 |
24. feb. 2021 |
Ný aðflugshallaljós og bíll til að mæla bremsuskilyrði á Blönduósflugvelli
Eftir alvarlegt rútuslys við bæinn Öxl 10. janúar 2020 kom upp mikil umræða um flugvöllinn á Blönduósi. Völlurinn hafði ekki fengið viðhald á aðflugshallaljósum og ekki hægt að taka á móti sjúkraflugi í myrkri eða lélegu skyggni. Þennan dag í janúar 2020 var kallað eftir sjúkraflugi en ekki hægt að lenda vegna þess að aðflugshallaljós höfðu ekki verið prófuð. Eftir að þetta var ljóst var þyrla Landhelgisgæslurnar send á staðinn til að sækja þá sem fóru verst út úr slysinu. |
|
16:30 |
24. feb. 2021 |
Ný vefsíða samstarfsnefndar um sameiningu
Samstarfsnefnd um sameiningu sveitarfélaga í Austur-Húnavatnssýslu opnar í fyrramálið nýja vefsíðu með upplýsingum um verkefnið, sem ber nafnið Húnvetningur. Vefslóð er www.hunvetningur.is og tekur hún við af eldri vefsíðu www.sameining.huni.is, en þar má áfram finna eldri gögn.
Markmið Húnvetnings er að kanna hvaða áhrif sameining sveitarfélaganna í Austur-Húnavatnssýslu mun hafa á rekstur og þjónustu sveitarfélaganna. |
|
12:20 |
24. feb. 2021 |
Kormákur/Hvöt fékk grasrótarverðlaun KSÍ
Kormákur/Hvöt og fótboltafélagið Múrbrjótar hafa hlotið grasrótarverðlaun Knattspyrnusambands Íslands 2020. Kormákur/Hvöt fær verðlaunin fyrir öflugt knattspyrnustarf fyrir börn og fullorðna og Múrbrjótar vegna verkefnisins Fótbolti án fordóma. Félögin Kormákur frá Hvammstanga og Hvöt frá Blönduósi hafa um nokkurra ára skeið átt í farsælu samstarfi í yngri flokkum drengja og stúlkna og meistaraflokki karla. |
|
12:13 |
24. feb. 2021 |
Auglýst eftir frambjóðendum
Frá kjörstjórn
Samfylkingin í Norðvesturkjördæmi auglýsir eftir frambjóðendum til alþingiskosninga sem fram fara í haust. Kosið verður um fjögur efstu sætin á framboðslistanum á auknu kjördæmisþingi skv. lið 3.3. b. lið í reglum flokksins um val á framboðslista. Stuðst verður við reglur um paralista skv. skilgreiningu úr reglum flokksins. |
|
13:46 |
23. feb. 2021 |
Fjöldatakmörk verða 50 manns frá 24. febrúar
Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi á morgun, 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Sama máli gegnir um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými. |
|
10:32 |
23. feb. 2021 |
Starfsmaður óskast á Heimilið við Skúlabraut
Heimilið við Skúlabraut á Blönduósi óskar eftir starfsmanni til starfa í mars-maí 2021 með möguleika á framhaldandi ráðningu. Óskað er eftir að viðkomandi geti hafið störf sem fyrst. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu. |
|
20:45 |
22. feb. 2021 |
Áframhaldandi samstarf um stuðning við smáframleiðendur
Samtök sveitarfélaga á Norðurlandi vestra og Vörusmiðja BioPol á Skagaströnd hafa gengið frá samstarfssamningi um áhersluverkefnið Matvælasvæðið Norðurland vestra. Verkefnið lýtur að áframhaldandi stuðningi við smáframleiðendur á starfssvæði samtakanna og er unnið í nánu samstarfi við Farskóla Norðurlands vestra, að því er segir á vef SSNV. |
|
21:42 |
21. feb. 2021 |
Aðalfundur Ungmennafélagsins Hvatar á Blönduósi 2. mars nk.
Aðalfundur Umf. Hvatar á Blönduósi verður haldinn 2. mars 2021 á skrifstofu Hvatar að Húnabraut 4, gengið inn að norðanverðu. Fundurinn hefst kl. 18:00. Venjuleg aðalfundarstörf. |
|
08:05 |
21. feb. 2021 |
Mælaborð Byggðastofnunar
Opnað hefur verið vefsvæði á heimasíðu Byggðastofnunar sem er mælaborð með ýmsum byggðatengdum upplýsingum. Í lok sumars kom út gagnatorg um íbúa sveitarfélaga og landshluta og fyrir jól bættist við kortamælaborð um húsnæði fyrir störf án staðsetningar. Nú hafa þrjú gagnvirk mælaborð til viðbótar verið birt, sem eru: sveitarfélagaskipan aftur til ársins 1875, íbúafjölda sveitarfélaga og byggðakjarna og breytingar á íbúafjölda sveitarfélaga og landshluta. |
|
14:38 |
20. feb. 2021 |
Sunnudagaskóli og guðsþjónusta í Blönduóskirkju sunnudaginn 21. febrúar kl. 11.
Loksins getum við hist í kirkjunni okkar. Syngjum saman, þökkum og biðjum. Eyþór og kirkjukórinn leiða sönginn. Allir hjartanlega velkomnir, ungir og aldnir. |
|
09:20 |
20. feb. 2021 |
Bólusetningardagatal vegna COVID-19
Heilbrigðisráðuneytið í samvinnu við sóttvarnalækni hefur útbúið bólusetningardagatal vegna COVID-19, miðað við fyrirliggjandi upplýsingar um afhendingu bóluefna og áætlanir þar að lútandi. Dagatalinu er ætlað að gefa fólki vísbendingu um hvenær líklegt er að bólusetning hefjist í einstökum forgangshópum. |
|
09:13 |
20. feb. 2021 |
Björgunarsveitir fá nýjar færanlegar rafstöðvar til að efla fjarskiptaöryggi
Sigurður Ingi Jóhannsson, samgöngu- og sveitarstjórnarráðherra, færði í gær fulltrúum þrettán björgunarsveita Slysavarnafélagsins Landsbjargar nýjar færanlegar rafstöðvar við athöfn í húsakynnum Neyðarlínunnar á Hólmsheiði. Björgunarsveitir Landsbjargar fá allt í allt rúmlega 30 nýjar færanlegar rafstöðvar á þessu ári. Björgunarfélagið Blanda var á meðal þeirra björgunarsveita sem fékk neyðarrafstöð í gær. |
|
15:41 |
19. feb. 2021 |
Aðalfundur Húnavatnssýsludeildar Rauða krossins
Frá stjórn
Aðalfundur Húnavatnssýsludeildar Rauða krossins verður haldinn þriðjudaginn 23. febrúar kl. 17.00 í Félagsheimilinu á Hvammstanga ef reglur um sóttvarnir leyfa.
Að öðrum kosti verður fundurinn haldinn í fjarfundi sama dag og á sama tíma, vinsamlega fylgist með á heimasíðu Rauða krossins undir viðburðir. |
Til baka
Loka
Prenta
