|
16:07 |
30. jún. 2021 |
Myndlistarsýning í Hrútey
Á laugardaginn klukkan 14 verður opnuð myndlistarsýning í Hrútey og verður hún opin almenningi til 28. ágúst. Um er að ræða risastórt útilistaverk eftir listakonuna Hrafnhildi Arnardóttur eða Shoplifter eins og Hrafnhildur kallar sig. Í verkinu hyggst Shoplifter stilla náttúruperlunni Hrútey og gervináttúruverkum sínum upp sem hliðstæðum sem einnig má skoða sem andstæður, samstæður eða gagnstæðar spegilmyndir. |
|
07:49 |
30. jún. 2021 |
USVH hélt upp á 90 ára afmæli sitt með fjölmennu frjálsíþróttamóti
Fjölmenni var saman komin í Kirkjuhvammi í fyrradag þegar Ungmennasamband Vestur-Húnvetninga fagnaði 90 ára afmæli sínu. Haldið var fjölmennt frjálsíþróttamót fyrir unga sem aldna, spilaður fótbolti og boðið var upp á veitingar. |
|
00:34 |
30. jún. 2021 |
Sveitarstjóra falið að undirbúa uppsögn á samstarfssamningi sveitarfélaganna í Austur-Húnavatnssýslu
Sveitarstjórn Blönduósbæjar ákvað á fundi sínum í gær að fela sveitarstjóra að undirbúa uppsögn á þeim samstarfssamningi sem gerður var 6. júní árið 2008, á milli Blönduósbæjar, Húnavatnshrepps, Skagabyggðar og Sveitarfélagsins Skagastrandar. |
|
00:20 |
30. jún. 2021 |
Sveitarstjórn Blönduósbæjar óskar eftir formlegum viðræðum um sameiningu
Sveitarstjórn Blönduósbæjar samþykkti á fundi sínum í dag að óska formlega eftir viðræðum við sveitarstjórn Húnavatnshrepps um sameiningu sveitarfélaganna byggða á þeirri miklu undirbúningsvinnu sem þegar hefur farið fram. |
|
22:20 |
29. jún. 2021 |
Staða aðstoðarleikskólastjóra
Leikskólinn Barnabær á Blönduósi auglýsir eftir aðstoðarleikskólastjóra í 100% stöðu, frá og með 1.ágúst 2021. Í leikskólanum eru 65 börn og 5 deildir frá 8 mánaða aldri. Einkunnarorð skólans er: Leikur. Gleði. Virðing. Unnið er eftir kenningum John Dewey, að læra í gegnum leikinn, einnig er unnið eftir læsisstefnan Færni til framtíðar sem var Þróunarverkefni grunn og leikskóla í Húnavatnssýslum. |
|
08:03 |
29. jún. 2021 |
Hreinsunarátak í Kálfshamarsvík
Kvenfélagið Hekla í Skagabyggð stendur fyrir hreinsun í Kálfhamarsvík á morgun, miðvikudaginn 30. júní klukkan 13. Íbúar sveitarfélagsins eru hvattir til að mæta og að lokinni hreinsun verður boðið upp á grillveislu í Skagabúð. |
|
07:40 |
29. jún. 2021 |
Gul veðurviðvörun í dag
Veðurstofa Íslands hefur gefið út gula veðurviðvörun á Ströndum og Norðurlandi vestra í dag frá klukkan 14 til miðnættis. Spáð er sunnan hvassviðri, 10-18 m/s. Búast má við snörpum vindhviðum við fjöll, um 30 m/s og getur verið varasamt fyrir ökutæki sem taka á sig mikinn vind að vera á ferðinni. |
|
21:52 |
28. jún. 2021 |
Konur í golfi
Frá Golfklúbbnum ÓS
Atli Freyr Rafnsson verður með golfkennslu fyrir konur sem hafa áhuga á að prófa golfíþróttina. Námskeiðið er fjórar klukkustundir og kennt verður á fimmtudögum. Fyrsti tíminn verður 8. júlí klukkan 18:30. Einnig verður kennt 15., 22. og 29. júlí. Námskeiðið kostar kr. 10.000. |
|
21:11 |
28. jún. 2021 |
Opna Fiskmarkaðsmótið haldið í blíðskaparveðri
Opna Fiskmarkaðsmótið, sem jafnframt er minningarmót um Karl Berndsen, var haldið á Háagerðisvelli við Skagaströnd á sunnudaginn í blíðskaparveðri. Til leiks mætti 31 keppandi úr sjö golfklúbbum. Keppnisfyrirkomulag var punktakeppni með forgjöf, einn flokkur. Sigurvegari varð Adolf H. Berndsen úr Golfklúbbi Skagastrandar. |
|
19:30 |
28. jún. 2021 |
Samsýningin Þórdís - fyrsti Húnvetningurinn
Í sumar verður önnur samsýning listamanna á Norðurlandi vestra í Listakoti Dóru í Vatnsdalshólum. Í fyrra var tekið fyrir þjóðsagan Stúlkan og Hrafninn sem er byggð á atburðum sem urðu þegar Skíðastaðaskriða féll 1545. Í ár verður tekið fyrir fæðing fyrsta innfædda Húnvetningsins sem hlaut nafnið Þórdís. Þrettán listamenn úr Húnavatnshreppi, Skagafirði, Reykjavík og Bandaríkjunum taka þátt í sýningunni. Listamennirnir nota allskonar tækni og málningu við listsköpun sína. |
|
08:33 |
28. jún. 2021 |
Skagaströnd og Skagabyggð kanna sameiningu
Kanna á hvort grundvöllur sé fyrir sameiningu Sveitarfélagsins Skagastrandar og Skagabyggðar. Sveitarstjóri Skagastrandar og oddviti Skagabyggðar hafa fundað í kjölfar niðurstöðunnar í kosningum um sameiningu sveitarfélaga í Austur-Húnavatnssýslu sem fram fóru 5. júní. Íbúar beggja sveitarfélaganna höfnuðu sameiningu allra sveitarfélaganna í sýslunni. |
Til baka
Loka
Prenta
