|
13:20 |
04. sep. 2020 |
AA fundur í safnaðarheimili Blönduóskirkju
Tilkynning frá AA samtökunum
Fundir hjá AA samtökunum á Blönduósi verða á laugardögum kl. 21:00 og verða þeir í safnaðarheimili Blönduóskirkju. Fyrsti fundur verður á morgun laugardaginn 5. september en fyrsti fundur hvers mánaðar verður opinn fundur. |
|
11:43 |
04. sep. 2020 |
Hvöt fær styrk til að mæta áhrifum COVID-19
Íþrótta- og Ólympíusamband Íslands hefur tilkynnt um úthlutun sértækra styrkja til íþróttahreyfingarinnar til að mæta áhrifum Covid-19. Úthlutunin nemur rúmlega 150 milljónum króna og kemur í kjölfar 300 milljóna króna framlags ríkisins til íþróttahreyfingarinnar sem úthlutað var í maí. Knattspyrnudeild Hvatar á Blönduósi fær úthlutað 516.000 krónum vegna sértækra aðgerða og 280.836 krónur vegna almennra aðgerða. |
|
14:15 |
03. sep. 2020 |
Haustbragur kominn á laxveiðina
Húnvetnsku laxveiðiárnar bera þess merki að haustið er komið og ekki líður á löngu þar til árnar skili inn lokatölum. Miðfjarðará er enn í efsta sæti á lista þeirra vatnakerfa sem byggja veiði ekki alfarið á seiðasleppingum. Alls hafa veiðst 1.407 laxar í ánni og síðasta veiðivika skilaði 124 löxum sem er góður árangur. Áin er í þriðja sæti yfir aflahæstu ár landsins samkvæmt vef Landssambands veiðifélaga. |
|
13:21 |
03. sep. 2020 |
Undanþága veitt frá fjöldatakmörkunum í Undirfellsrétt og Auðkúlurétt
Um helgina verður rétta í fjölmörgum fjárréttum í Húnavatnssýslum. Sökum sóttvarnaráðstafana vegna Covid-19 og fjöldatakmarkana, sem miðast við 100 manns, verður gestum ekki heimilt að koma í réttir eins og verið hefur. Undanþága hefur verið veitt fyrir Undirfellsrétt í Vatnsdal, sem hefst á morgun og stendur fram á laugardag, og mega 150 manns vera við réttarstöf hvorn dag. Auðkúlurétt hefur einnig fengið undanþágu og mega 175 manns vinna við réttarstörf á laugardaginn. Aðgöngumiðar hafa verið sendir til fjáreigenda og kemst enginn í réttirnar án þeirra. |
|
11:26 |
03. sep. 2020 |
Lýst yfir óvissustigi almannavarna vegna hríðar
Ríkislögreglustjóri hefur lýst yfir óvissustigi almannavarna vegna norðanhríðar sem gert er ráð fyrir að gangi yfir landið seinna í dag og á morgun. Yfirlýsingin er í samráði við lögreglustjóra á Norðurlandi vestra, Norðurlandi eystra og Austurlandi. Í tilkynningu frá almannavarnadeild ríkislögreglustjóra segir að óvissustig almannavarna þýði að aukið eftirlit sé haft með atburðarás sem á síðari stigum gæti leitt til þess að heilsu og öryggi fólks, umhverfis eða byggðar verði ógnað. |
|
11:16 |
03. sep. 2020 |
Sæluviku Skagfirðinga aflýst
Atvinnu-, menningar- og kynningarnefnd Sveitarfélagsins Skagafjarðar hefur ákveðið að aflýsa Sæluviku 2020 sem fara átti fram dagana 27. september til 3. október. „Vegur þyngst í þeirri ákvörðun hertar sóttvarnaraðgerðir almannavarna og ekki fyrirséð hvenær þeim verður aflétt,“ segir á vef sveitarfélagsins. |
|
14:37 |
02. sep. 2020 |
Bæta öryggi svæðis umhverfis vegi
Vegagerðin vinnur þessa dagana að því að bæta umferðaröryggi á nokkrum vegaköflum á Norðurlandi, þar á meðal við bæina Stóru-Giljá og Öxl þar sem nokkuð hefur verið um slys að undanförnu. Mbl.is greinir frá þessu. Haft er eftir Margréti Silju Þorkelsdóttur, deildarstjóra tæknideildar á norðursvæði Vegagerðarinnar að aðgerðir til að bæta öryggi á svæðinu hafi byrjaði í síðustu viku. |
|
13:59 |
02. sep. 2020 |
Bændur vilja ná fé sínu niður sem fyrst
Sauðfjárbændur í Húnavatnssýslum, sem eiga fé á hálendinu, leggja allt kapp á að ná fénu niður áður en óveðrið, sem spáð er, skellur á. Fram kom í hádegisfréttum Ríkisútvarpsins í dag að gangnamenn í Austur-Húnavatnssýslum eru í göngum á Haukagilsheiði og Grímstunguheiði en þeir smala alla leið upp undir Langjökul. Þeir voru í skála í morgun og þá var svartaþoka sem setur strik í reikninginn. |
|
06:36 |
02. sep. 2020 |
Rafmagnsleysi á Vatnsnesi í dag
Rafmagnslaust verður á Vatnsesi að vestan í dag frá klukkan 13 til 17 vegna vinnu við strengvæðingu. Í tilkynningu RARIK segir að mögulega komi rafmagn á í stuttan tíma undir lok straumleysisins vegna prófunar. |
|
13:22 |
01. sep. 2020 |
Gul viðvörun - varað við norðanhríð
Veðurstofa Íslands hefur gefið út gula veðurviðvörun fyrir Strandir og Norðurland vestra sem gildir frá klukkan 17 á fimmtudaginn og til klukkan 18 á föstudaginn. "Útlit er fyrir norðan hvassviðri eða storm, 15-20 m/s og talsverða úrkomu. Hiti verður nærri frostmarki og því líklegt að úrkoma falli sem slydda ofan 200 metra yfir sjávarmáls og sem snjókoma ofan 400 metra.
Veðrið gæti skapað vandræði fyrir búfénað, einkum kindur til fjalla." |
|
13:04 |
01. sep. 2020 |
Ný neyðarvarnarkerra afhent
Námskeið haldið til að kenna fólki á búnaðinn
Húnavatnssýsludeild Rauða krossins fékk síðastliðinn föstudag afhenta kerru búna neyðarvarnabúnaði sem stjórn deildarinnar ákvað að festa kaup á síðasta vetur. Anna Aspar, ritari Húnavatnssýsludeildar RKÍ, veitt búnaðinum viðtöku fyrir hönd deildarinnar og kom Tryggvi Hjörtur Oddsson, starfsmaður Rauðakrossins, með kerruna til Blönduóss. |
|
13:03 |
01. sep. 2020 |
Alvarlegt bílslys við Stóru-Giljá í morgun
Alvarlegt bílslys varð skammt frá bænum Stóru-Giljá upp úr klukkan átta í morgun. Mbl.is greinir frá því að kona hafi verið flutt með sjúkrabifreið á Sauðárkrók og þaðan með sjúkraflugi á Landspítalann og að ekki sé vitað um líðan hennar. Fram kemur að vegfarendur hafi komið konunni strax til aðstoðar og að vitni hafi verið að slysinu. Ekki er vitað hvers vegna konan missti stjórn á bifreiðinni en þetta er ekki í fyrsta skipti sem slys verða á þessum vegarkafla. Bifreiðin mun vera gjörónýt. |
|
09:22 |
01. sep. 2020 |
Breytingar í Breiðabólsstaðarprestakalli
Breytingar verða í Breiðabólsstaðarprestakalli frá og með deginum í dag en sr. Magnús Magnússon sóknarprestur er farinn í níu mánaða námsleyfi sem stendur til 1. júní á næsta ári. Á meðan gegnir sr. María Gunnarsdóttir prestþjónustu í prestakallinu. Þetta kemur fram í facebookfærslu Hvammstangakirkju. Sr. María hefur starfað undanfarin misseri á fræðsludeild biskupsstofu en var vígð til afleysinga haustið 2019 og var þjónandi prestur í fyrravetur annars vegar í Laufásprestakalli í Eyjafjarðar- og Þingeyjarprófastsdæmi og hins vegar á Sjúkrahúsinu á Akureyri. |
|
10:09 |
31. ág. 2020 |
Sveitarfélög mjög misjafnlega í stakk búin til að takast á við efnahagsleg áhrif Covid-19
Sigurður Ingi Jóhannsson, samgöngu- og sveitarstjórnarráðherra, kynnti á föstudaginn skýrslu starfshóps um áhrif Covid-19 á fjármál sveitarfélaga. Starfshópurinn áætlar að verulegur samdráttur verði í tekjum flestra sveitarfélaga miðað við áætlanir og að neikvæð áhrif á fjárhagsstöðu þeirra nemi alls rúmlega 33 milljörðum króna. |
|
08:21 |
31. ág. 2020 |
Fjallskilastjórn útdeilir aðgangsmiðum í Miðfjarðarrétt
Fjallaskilastjórn Miðfirðinga mun útdeila miðum niður á bæi sem gefa rétt til þátttöku í komandi réttarstörfum sem fram fara í Miðfjarðarrétt á laugardaginn. Til að lágmarka fjölda sem kemur saman í réttina hverju sinni er stefnt að því að Núpsheiðarsafn komi fyrst til réttar klukkan 11, Húksheiði klukkan 13 og Aðalbólsheiði klukkan 15. Hrossarétt hefst klukkan 6:30. |
Til baka
Loka
Prenta
