|
09:55 |
21. des. 2021 |
Hvetja til jóla án matarsýkinga
Matvælastofnun hefur tekið saman upplýsingar um meðhöndlun matar um hátíðirnar enda verður mikið álag á eldhúsum landsmanna næstu daga. Hreinlæti, kæling og rétt hitun matvæla er afar mikilvæg svo koma megi í veg fyrir að gestir og heimilisfólk fái matarborna sjúkdóma með tilheyrandi óþægindum, segir á vef MAST. |
|
09:36 |
21. des. 2021 |
Samstarf Íslandsstofu og Markaðsstofa um markaðssetningu á áfangastaðnum Íslandi
Íslandsstofa og Markaðsstofur landshlutanna hafa skrifað undir samninga um samvinnu við erlenda markaðssetningu á Íslandi sem áfangastað. Íslandsstofa og Markaðsstofurnar hafa unnið náið saman um árabil en nú hefur samstarfið verið formgert í samræmi við skilgreint hlutverk nýrra áfangastaðastofa sem Markaðsstofurnar sinna í sínum landshlutum. Samningurinn er til þriggja ára frá 2021 til og með 2023 |
|
11:22 |
20. des. 2021 |
Jólapóstur á Skagastönd
Á vef Skagastrandar kemur fram að samningar hafi náðst við jólasveina um að bera út pakka og bréf. Þeir sem vilja nýta sér þjónustuna geta hitt umboðsmenn jólasveinanna við kennarainngang Höfðaskóla á morgun, þriðjudaginn 21. desember klukkan 18-20. Jólapósturinn verður svo borinn út á Þorláksmessu, 23. desember milli klukkan 16 og 18. |
|
10:18 |
19. des. 2021 |
Ný kortabók frá Reyni Finndal
Blönduósingurinn Reynir Finndal Grétarsson hefur sent frá sér bókina Kortlagning heimsins - frá Grikkjum til Google Maps. Hún er afrakstur brennandi áhuga höfundar á landakortum, einkum frá fyrri öldum þegar listfengið og fegurðin réðu för en ekki upplýsingagildið. Bókin er rökrétt framhald bókarinnar Kortlagning Íslands, sem kom út fyrir fjórum árum. |
|
09:46 |
19. des. 2021 |
78 umsóknir fá 77 milljónir í styrki úr Uppbyggingarsjóði Norðurlands vestra
Úthlutunarnefndir og fagráð Uppbyggingarsjóðs Norðurlands vestra hafa ákveðið úthlutun styrkja úr sjóðnum. Alls bárust 115 umsóknir þar sem sótt var um samtals 198 milljónir króna en til úthlutunar voru rúmar 77 milljónir. Samþykkt var að 12 umsóknir fái stofn- og rekstrarstyrki alls að fjárhæð 17 milljónir og að 42 umsóknir fái verkefnastyrki alls að fjárhæð 19,8 milljónir. Þá var samþykkt að 24 umsóknir fái styrki á sviði atvinnuþróunar og nýsköpunar alls að fjárhæð 40,3 milljónir. |
|
09:11 |
19. des. 2021 |
Keppni um best skreyttu hurðina í skólanum
Nýlega var sagt frá því í fréttum Ríkissjónvarpsins að hurðirnar á kennslustofunum í Grunnskólanum á Hvammstanga taki á sig alveg nýja mynd á aðventunni. Ástæðan er að einn dag á aðventunni leggja nemendur og kennarar í skólanum frá sér námsbækurnar og skreyta skólann hátt og lágt. Í fyrravetur hljóp keppnisandi í mannskapinn og þá var ákveðið að halda jólaskreytingakeppni milli bekkja. Keppnin fólst í því að skreyta hurðirnar á kennslustofunum. Áttundi bekkur sigraði í fyrra og líka núna. |
|
22:39 |
18. des. 2021 |
Ný aðalbókari hjá Húnavatnshreppi
Sigrún Hauksdóttir hefur verið ráðin í stöðu aðalbókara hjá Húnavatnshreppi en hún hefur starfað hjá Blönduósbæ síðustu ár. Starfið felur m.a. í sér fjármálastjórn, launa- og bókhaldsvinnslur, uppgjör og daglega umsýslu á skrifstofu sveitarfélagsins. Sigrún mun hefja störf í byrjun janúar næstkomandi. |
|
17:17 |
18. des. 2021 |
Krafa gerð um flugvöll sem hægt er að treysta á
Guðmundur Haukur Jakobsson, forseti bæjarstjórnar Blönduósbæjar, sagði í samtali við Ríkisútvarpið á fimmtudaginn að eftir að alvarlegt rútuslys varð við Blönduós fyrir tæpum tveimur árum hafi verið sterk krafa í samfélaginu að hafa þar flugvöll sem hægt væri að treysta á. Tilefni viðtalsins voru orð Bjarna Jónssonar, þingmanns Vinstri grænna í Norðvesturkjördæmi, úr ræðustól á Alþingi á þriðjudaginn. |
|
09:33 |
18. des. 2021 |
Styrktarsjóðurinn með blómasölu í Kjörbúðinni á Þorláksmessu
Styrktarsjóður Húnvetninga verður með blómasölu á Þorláksmessu, 23. desember, í Kjörbúðinni á Blönduósi frá klukkan 10 til 21. Styrktarsjóðurinn var stofnaður 16. mars 1974 og er markmið hans að veita héraðsbúum hjálp þegar óvænta erfiðleika ber að höndum. |
|
08:48 |
18. des. 2021 |
Skagaströnd auglýsir eftir slökkviliðsstjóra
Sveitarfélagið Skagaströnd auglýsir eftir slökkviliðsstjóra fyrir Slökkvilið Skagastrandar. Meðal verkefna slökkviliðsstjóra eru daglegur rekstur slökkviliðs, gerð brunavarnaráætlunar, fræðsla og þjálfun slökkviliðsmanna, dagleg umhirða og minniháttar viðhald búnaðar, ásamt eldvarnareftirliti á starfsvæði Slökkviliðs Skagastrandar sem tekur til Sveitarfélagsins Skagastrandar og Skagabyggðar, auk öðru því sem til fellur innan starfssviðs samkvæmt lögum og reglugerðum sem við eiga. |
|
15:12 |
17. des. 2021 |
Frá Heimilisiðnaðarsafninu
Annað árið í röð er ekki hægt að bjóða upp á viðburðinn „Upplestur á aðventu“ vegna Covids faraldursins. Þessi viðburður hefur ævinlega verið vinsæll og margt heimafólk sótt safnið heim og að afloknum upplestri notið samvista, sötrað súkkulaði og maulað smákökur. |
|
09:54 |
17. des. 2021 |
Fréttir og jólakveðjur frá Textílmiðstöðinni
Frá starfsfólk Textílmiðstöðvarinnar
Þetta ár hefur verið viðburðaríkt hjá Textílmiðstöð Íslands og nú þegar jól og áramót nálgast er gott að líta til baka. Ullin var í sviðsljósinu síðastliðið vor þegar haldið var „Ullarþon" í samstarfi við Nýsköpunarmiðstöð Íslands. Yfir 100 aðilar tók þátt í hugmyndasamkeppni um íslenska ull og viljum við þakka öllum sem að keppninni komu kærlega fyrir þátttökuna og samstarfið. |
|
09:35 |
17. des. 2021 |
Meistaraflokkur Kormáks Hvatar auglýsir eftir aðalþjálfara
Tilkynning
Knattspyrnulið Kormáks Hvatar spilar sumarið 2022 í 3. deild í meistaraflokki karla. Afar metnaðarfullt starf er unnið á Blönduósi og Hvammstanga, þar sem sterkur kjarni heimamanna sem hafa spilað lengi saman mynda hryggjarstykki liðsins. Undanfarin sumur hafa lykilleikmenn verið sóttir erlendis frá, svo hér er um að ræða afar spennandi verkefni fyrir metnaðarfullan þjálfara. |
|
17:03 |
16. des. 2021 |
Skagfirski kammerkórinn heldur jólatónleika
Skagfirski kammerkórinn heldur sína árlegu jólatónleika föstudaginn 17. desember klukkan 20 í Blönduóskirkju og sunnudaginn 19. desember klukkan 16 og 18 í Hóladómkirkju. Stjórnandi er Helga Rós Indriðadóttir og organisti Rögnvaldur S. Valbergsson. Enginn aðgangseyrir, en í Blönduóskirkju frjáls framlög til styrktar orgelsjóði. |
|
07:51 |
16. des. 2021 |
Rúta lenti utan vegar á Holtavörðuheiði
Björgunarsveitarmenn úr Húnum voru kallaðir út rétt fyrir miðnætti í gærkvöldi til að sækja farþega rútu sem lenti utan vegar á Holtavörðuheiði. Fólkið var flutti í Staðarskála sem var haldið opnum lengur en venjulega, að því er fram kemur í tilkynningu frá Landsbjörgu. Hálka var á heiðinni en engin slys urðu á fólki. |
Til baka
Loka
Prenta
